مرحبا متابعيني البارت العنوني الهديه مو بخل لا بس خلص قلمي حبرههه وهذا بارت هديه لعيونكم اتأخرت بسبب احساب الواتباد مينفتح بجهازي الجديد...
#الكاتبه ام فرح
#يتيمه وجبروت البشر
انسحبيت من ايدي بقوووة التفت شفت وساااام نترت نفسي بسرعه بس مافلتت ايدي بعده بايده لازمه بقوة وشدد لزمته حسيت بالم بس قاومت وايدي الثانيه سحبت بيه سيف انسحبت الداخل الغرفه ظلمه.....
گتله اشگد حقير شنووو هل تصرف وسحبيت ايدي بقوة.....
رفعت اصبيعي بتهديد اذا اتقربت اشهرك شهيرة بس صوتي ناصي وعصبيتي طغت ودكات كلبي ع سرعته احس روحي جاي ارگض.....
اتقرب مني وعيونه بگصته گال عيدي شنوووو گلتي حقييير اني حقير.....
اتقرب اگثر ضربت سيف راشدي حيييل هم اربي لان گذب عليه وهم حتى يبجي ويطلع صوته والحقير اطفرة......
وفعلاً سيف عااااط وهي عيطه وهي بجيه ووساااام اريد يندل دربه ماگووو ارتبك وراد يحجي ملحك وطلع بسرعه.....
وهو يمشي سريع التفت عليه اشر بحركه بأيدة يعني بسيطه اني اعلمج......
انداريت ع سيف جبته براشدي ثاني.....
دخل وسام شعل الضوة وسحبه وطااار بي......
حتى محد يسأل سيف اشبيك وغطي ع عملته طلعت وراهم شفته وصل الباب المطبخ وسيف مستمر يبجي ويصيح......
طلع للكراج واني رجعت بس شنووو شكلي بركان واريد ينفجر قمبله موقوته وع ساعه انفجر اريد الرجفه تختفي زادت وجهي صااار احمر هاي طبيعتي بس انغث انطعن حمرة رحت للحمامات غسلت هفيت ع وجهي اريدة يبرد
ماكووو....
حجيت ويا نفسي الحقير استغله فرصه النسوان نص راحن احنن البنيه ونص فوك بالسطح اباوعن ع الحفله.....
انتظرت اشويه خف طلعت صارن بوجهي نسوان يردن يتوضن وحده منهن وگفتني كالت يحلوووة انتي بتمن ظليت صافنه بوجه گالت خالة مو احجي وياج گتله آسفه اني بت حماته الحمديه كالت خاله ماينطوج اهلج كتله هاااا.....
اخطبج لوليدي!!!!
باوعت اجتي حوراء الحمدلله نقذتني اني صايرة نااار وهاي اتريد تخطب.....
وصلت يمي حوراء كالت وين صرتي خير خالو اشبي التفتت المريه كالت ماشالله يمه وهاي منين جاوبت رواء أخته اشرت الحوراء بعيني افتهمت.....
كالت امي اتريدج كتله خاله من رخصتج......
رجعنا يم امي....
ام حسام/شو اتاخرتي خالج بي شي كتله لا اصلا مشفته واحتاجيت اروح للحمام بس مريه لزمتني اسوالف وانتي بتمن واني اريد اخطبج لابني!!!!
منتبهت اخت وسااام الصغيرة واكفه بس سمعت النشغه....
التفت شفته واكفه باوعتله بنظرة يعني اشبيج اكو شي......
اشويه ودخلن النسوان يردن اصلن
سلمن ع امي ومن شافنا كاعدات يمه اجتي گعدت يمه سلمت وسألتها عليه واخت وسااام لطشت تسمع وكالتله اريده لابني حجزته وماريد اتكولين لاوهو خريج علوم سياسيه وانشالله راح يتعين معيد بجامعه.....
شو هاي اتقربت وكالت مبروووك وطلعت.....
ام حسام/انتي تعرفين احنا حزنانين وهي بعده تدرس وماريد أملج ع فاضي انشالله تلكين الاحسن منه وبست راسه وكتله خاله لزعلين.....
حوراء/كل اشويه اكشن اصير هاي اخت حمديه مثل السوسه مال الاسنان تنخر بدون منحس الا والسن منتهي ركضت مثل المنتوله اكيد راح اتبلغ العندليب ههههه....
بالخبر تازة من ارض الحدث اشويه ودخل وسام
ندست رواء....
گتله شوفي منووو العندليب الاشقر هههه.....
رواء /رفعت راسي شفته اسلم ويضحك ويا نفس المرة هي اصير خالة امي اسمه ام سجاد كلتله يوم زواجك ونفرح بيك اي والله حجيه شوفيلي مرة أريد ازوج گلتله لو عندي بنيه ازوجه الك بس هنا اثنين ومزوجات جاوبه اني اريد هاي الحلووة واشر عليه....
ولا استحه من امي ولا من الموجودين وبعده باس راس امي وگله عمه اشلونج ماشفتج التهيت بالهوسه وهسه ياله فرغت.....
اشويه وگله دخلت لان الحفله وعشا الرياجيل خلص وصبوو لنسوان وصارت هوسه والاخ اضطر يطلع.......
التفت باوعلي بنظرة انتصار عود شوفي خربت خطبتج....
هزيت ايدي وكلت الحمداللهوالشكر...
اني وحوراء متعشينا بس كعدنا يم امي....
حوراء /يوم بعد العشا نرجع للبيت لان تعبت حييل....
ام حسام/اي انشألله نرجع لان صلاه وقراءة القران وليله خميس ماريده تفوتني اتأخرت بهدايتهم لابوج واخوج....
رواء/گمت من الاكل اريد اگعد ع تخم اشرتلي اخت وسام الوسطانيه انطيت خبر الماما ورحت كتله اتفضلي كالت بس تعالي ويايه انزل الفراش من الكنتور وانتي اخذي من ايدي لان راح اصعد ع درج كتله ليش راح اتفرشون للعالم هسه!!!
كالت لا بس احضرة.....
گتله وين الفراش كالت بغرفه امي كتله ياله.....
رحنا الغرفة امه ظلمه والباب مفتوح بس ضوة الهول يضرب عليه واخته الصغيرة وبته كاعدات جوا كالت ادخلي هسه اجي بس اجيب الدرج ظليت واكفه بالباب......
اسيل اسم اخته الصغيرة وانهار اسم اخته الوسطانيه......
اسيل /عفيه ادخلي وشغلي الضوا كتله وانتي ليش كاعدة ظلمه كالت مو من انيم بنتي بالبدايه اطفي لضوا وبعده اشغله......
جاوبته ليش متكومين انتي اشغلي.....
رجلي خدرانه كتله منا راح امد ايدي واشغله
هو قريب موو كالت لا ادخلي وشغلي كتله ليش اتلحييين منا واشغله......
مديت ايدي وجسمي كله برا ع وكفتي ظليت بالهول بس مديت ايدي من الباب للحايط حطيته ع النقطه ما احس الا ايد انحطت فوك ايدي ولزمته بقوووووة...
جمدت امكاني لا اكدر اعيط ولا اكدر اسحب نفسي صارت الجرجوبه مال الباب وجزء من الحايط ع وجهي وصدري اتأذيت حيل وهو مستمر يسحب ايدي حتى ادخلني للغرفه.....
عرفته وساام من لزمت ايدة ومحد غيره
اسويه لزمت الحايط بيدي الثانيه بقوة اريد اسحب نفسي.. لان قوي ولزمته احسه راح تكسر العظم التفتت شفت النسوان كامن اغسلن
اضطريت افوت للغرفه....
اول مافتت غلطت على اسيل وبعده ايدي بيد وسام اسحبه وهو يسحبه علي اريد افرني حتى ظهري اصير ع صدرة حتى اسيطر ع لزمتي .....
گال بس اثبتي الخاطر الگعبه اريد احجي ويااااج....
مابينا حجييي عوف ايدي الله ياخذك...
ظليت اتلاوة ويا وادفع بي بس اصواتنه ناصيه اني افور وهو معصب احس عصبيته غضب گتله
ياحقيرررر تافه احنا عرضك المفروض اتحافظ علينا تفوووو عليك....
وانتي نذله اشلون تتفقين ويااامو عندج بنات والله أطلعه بيهن كما تدين تدان هسه اروح اكول الزوجج شنو موقفج......
السقوط عدكم نبر وان شو هذا جن وسحبني علي ولوة ايدي وكال اني حقير وتافه موووو اني ساااقط....
منكدر نحجي بصوت عالي لان الكل بالبيت.....
اسيل ركضت سدت الباب لان كله خلصت عشا كالت والله مالي دخل هو راد يحجي وياج.....
كتله اي حقير وتافه وساقط وماعندك تربيه عوف ايدي لا هسه افضحكم مو بيت مكو...
ودفرته ابطنه وجريت ايدي وسحبت اسيل من ايده بعصبيه وانطيته دفعه النص الغرفه والتفت تفلت عليهم وطلعت بسرعه وادور ع انهااار......
رحت للمطبخ ماكو سألت گالو بالكراج اتمشيت وادور شفته بنهاية الكراج واكفه وبيده الدرج
كتله انهااار وين صرتي ضحكت وكالت اجيت عيني....
وصلت يمه كالت ياله امشي مشيت مسافه وگتله الله ينتقم منج ياحقيره وكفت وظلت صافنه عليه كالت ليش تغلطين مو عيب واني اگبر منج......
جاوبته وانتي تعرفين العيب ام العيب تتفقين انتي واخوج واختج عليه.....
مطفيات الغرفه واسيل اسوي نفسه اتنيم بته اتكلي تعاي شغلي الضوا ووسااام خاتل بالغرفه هذا كله مو عيب هااا....
هذا حلال وتصرفي عيب وحرااام مووو قليلات ادب اذا هسه اروح الزواجن وكلهم نسوانكم يشتغلن بالكو..
شدو اگرون أستيل احسن...
عفته وطبيت احس ضغطي صعد وكوة ضامه دموعي اريد اصرخ وافرغ البداخلي....
خازنه غضب وقهر يمكن اذا صرخت اهدم جبل بحاله......
دخلت شفت امي وبيبي متحضرات وسلمن يعني راح نرجع للبيت اشويه هدئت......
طلعنا من البيت كله سلمت الا اني بس اباوع عليهم ومعاجبني وجودي احس روحي تلوثت من هذا البيت بافكارهم الشيطانيه...
طلعنا وبالكراح وكفنا ننتظر جدو وخوالي اطلعون من الاستقبال وطلعو وياهم مجموعة ولد ورياجيل اكبار بالعمر سلمووو ع بيبي وامي ونسوان خوالي وعلينا وابو حمديه جلب بينا باتووو....
وحمديه نطت اي والله متباتون..
اتقربت من امي كرصت ايده ع خفيف هي التفت عليهم وافتهمت شريد كالت ماكدر باجر دوام....
خالو حسان/ كال ياله انسويكم قسمين اودي قسم وارجع عليكم....
كتله ماما راح اروح اني وحوراء ويا خالوشتكولين....
ابو حمديه كال كل هاي السيارات موجودة المن وساااام وسااام تعال يابه وصل بيت عمك...
اخو وساام الجبير كال لايابه هذا السويج بيدي اني اوصلهم.....
وسام انطعن وجه بس مبين وظل ساكت.....
طلعنا واخيرا خلصت...
صعدت ويا خالو حسان....
وصلنا للبيت وهو اخذ عائلته وراح الشي الصارويايه ضميته بكلبي وحجيت بشكل مختصر الحوراء اتفقت وياه اسوي كمين الوسااام بلايام الجايه حتى من احجي عندي دليل ماريد اسرع لان اني الي انفضح واصير عليه حجايه فاريد اصرف بهدوء وصبر عكس امواج الغضب الي بداخلي ماريد ردة فعلي بحالة عصبيه اضيع حقي.....
ثاتي يوم مرحنا للزفه امي هي رفضت لان من مات حسام لليوم هي متوصل اعراس بس بعد العرس اتروح اتأدي الواجب وهي مقصرت راحت للحنه لان عمامه يعتبرون...
كيفنا اني وحوراء وخلصت العطله ماطلعنابس رحنا للمقبرة بدة الدوام ومرت الايام ماكوشي جديد وحاليا احنا بنص الربيع صارت حالةوفاة عدنا اتوفت اخت خاله الامي ولازم يرحون....
بس خالو متفق ويا ابوالبواري يجي يشتغل الگراج المطبخ وميكدر يلغي الاتفاق لان خبر الوفاة اجاهم باليل....
فاتصل خالو تحسين ع اخو حمديه الجبير وطلب منه يجي يوكف يم الرجال وهو يشتغل لان ميصير انظل بس احنا ويا.....
وفعلا صار الصبح همه طلعو للفاتحه وساعه ودخل اخو حمديه سلم علينا وگعد بلاستقبال التهينا نشتغل والرجال اجه وبده يشتغل بالكراج والمطبخ احتاج شغله وراح للانشائيه يشتريه واخذ بالساعتين يشتغل وهم طلع كال محتاج غراض......
اني وحوراء بالغرفه ندرس لان كملنا شغلنا وحمديه يم اخوه بلاستقبال لو اتروح الغرفته اشوف جهاله العبون.....
اني اراقب الوضع واسجل نقاط الغرفه بيه شباك جبير ع الكراج يشرف.....
باوعت من الشباك الرجال عايف الباب مفتوحه ع كبره طفرت لبست حجابي وطلعت من جهة باب الاستقبال ادردم واحجي.....
دخلت عليهم گتله ع شنوو اتصلوعليك هااا حتى اظل گاعد بالبيت لو توكف ويا الرجال....
كال شكو كتله شوف الباب مفتوحه ع كبره والرجال اطب ويطلع انت متطلع ورا للباب واظل واكف حتى الناس اشوف اكو رجال بالبيت مو بس هل غريب طاب طالع....
نطت حمديه وهسه قابل شنو صار
اظل مصلوب بالباب حتى اسد احلوك العالم.....
كتله لعد ليش اتصلوا علي بس يحون اكلهم بكلامج وانشوف يرضون وانت كلفت روحك طلعت مرة ورا الصبح.....
وظليت واكف داخل الكراج انت شنو ابنيه وتستحي تطلع جان وكفت بالباب شوفت طولك للناس ع شنو خلصته كاعدجواا......
كال يمعودة وهو منو يعرف محد بالبيت من خوالج لوجدج كتله ام غايب تعرف لان اتصلت ع بيبي البارحه رادته اتروح وياه للزيارة واعتذرت بيبي منه لان عده فاتحه.....
بعدنا نحجي اتفلش باب الخارجي حمديه طفرت وهو هم طلع وصاحت منوو....
كالت اني ام غايب فتحت حمديه الباب واخوه بالباب ما ل الاستقبال من حهة الكراج بس اني ظليت اباوع من شباك الاستقبال حجت شو ابو مريم ابو البواري يمجن طاب طالع مو ع اساس ماكو زلمه بالبيت وعدكم فاتحه.....
حمديه جاوبته هاا لا لا اخويه ابو تبارك يمنا اتصل علي تحسين....
باوعت منا ومنا شافته كالتله هاا خاله اشلونك مو اكول وحدجن عيب يمجن زلمه.....
سلمت ام غايب وراحت ودخل للاستقبال اني بعدني واكفه واشويه وطبت حمديه كتلهم اشكال البهلول اله يجي جدو وخالو واكلهم عليكم و ع ام غايب جاوب وهو مستحي هاا لا هههه.....
مو من اجيتكم ماشافوني..
وحمديه/ياله ماصار شي هسه هي شافت اكو رجال بالبيت مو وحدنا.....
ههه جاوبته بعد خراب سامرا..
ومشيت وبعده التفتت كتلهم ترا الناس اله الظاهر.....
ورجع ابو البواري واشتغل واتغده هو وابو تبارك وصارت ساعه 3خلص ولم غراضه وراح ساعه ورجعو من الفاتحه.....
سبحو وسوينالهم اكل خفيف وخالو تحسين سأل ع ابو مريم وشنو صار.....
حمديه كلتله ضيفنا وابو تبارك ويا ويا عافلك ورقه بيه شغلات واسعار.....
كتلهم بس ام غايب اجت سألت عليكم ورادت تتأكد اكو فاتحة لا...
خالو وجدو وبيبي وامي بنظرات تسألو كالو شنووو...
وحجيتلهم كلشي جدو مارضى وكاله لو عايف تحسين ورايح بس اني أفضل من اتصلنا عليك الهل سبب لان منطقتنا ونعرفه عدل...
حمديه وابوتبارك خنسواا وخالو تحسين كاله وسفه عليك بعد مااعتمد عليك بشي....
ظل يتعذر ومن هل كلام والترقيع..
وصار الليل وتعشينا وبعده اجوي بيت خالو حسان وخالتي وابوتبارك بات يمنااا.....
اني وامي وحوراء التهينا بتلاوة القران والصلاه لان الليله جمعه نهديه الباباوحسام.....
ثاني يوم الصبح بالعشرة اجتي غدير ومهيمن وحماته سماح وبعده بنص ساعه دخل وسام....
بشرتنا حامل باركناله لان اتاخر حمله واتغدينا سوا وضحكنا وسولفنا......
واني ضجت من وجود وسام احس الاوكسجين خلص...
وهم الخطه مالتي اتاخرت وهشكل راح يتأخر العقاب......
ومن امن العقاب ساء الادب...
اتفقت ويا حوراء اكون طبيعيه وفعلا بس نظراته الي احس اكوو شي.....
العصر راحو بيت غدير وسام هم راح البيتهم وبعد العشا التمينا بلاستقبال.....
وخالو تحسين نفس وضعه هم سهر وشرب ولا عبالك المصرف انكطع من عندة.....
ملتمين انسولف ومنسمع بس واحد اصيييح بالشارع لك اطلع تحسيييييين اني تغبنيييييي؟؟؟؟
احبكم ام فرح
واعدتكم ابارت طويل 💣💣
طوله الف وتسعمييييت كلمه
يتبع