#بقلم ام فرح
#يتيمه وجبروت البشر
رواء/اشويه وطلعت بيده جنطه ملابس جبيرة وتدفع بجهاله واصيح وتعيط كلهم طفروا عليه خالتي جرت الجنطه من ايده وبيبيتي گلتله وين اموليه بهل ليل ارجعي گلتلهم ماابقى بعد وياكم ميشرفني....
وجهالي اخذهم ماريدهم اطلعون على ابوهم سگير.....
جدو عاط بيه سددددي حلگج وفوتي صوتج نصي يوم رجلج ويوم انتي مطلعين حسي اني ميشرفني وحده اللسانه طويل ابيتي اگصه الج واربيج من جديد خاف اهلج ما ربوج زين.
اني وشبباتي والناس تحلف براسي وبيتي يوميه هوسه.....
جوااا يالله صوت مااسمع بهل اثناء دخل خالو ضايج وجه كئيب ع محتار وعصبي تعابير مختلفه ومشارب بس سلم ومو من عوايده الهدوء دخل كبل الغرفته حتى مهتم الوجود زوجته كله ظلت صافنه......
وحمديه دخلت ماطلعت هي وفريقه......
وخالتي وخالو حسان سلمووو وطلعو.....
جدو كال اريد انام واحنا هم رحنا الغرفتنه نامو واني ظليت اراجع مادة الامتحان مرت بساعه والبيت هدوء شباك الغرفه قريب على الكراج والحديقه سمعت طبه قويه وصوت حجي هذا اكول منا وذاك اكول مناك جمدت امكاني اتعوذت من الشيطان اتوقعت داسمع او يتهيئلي بس من اندفر باب الاستقبال والكراج اتاكدت اني ميتهيئلي وهاي اصوات زلم فزيت احس كلبي صار بلعومي......
جدو وبيبي بلاستقبال جدو كمز قبل مايكسرون الباب صاح منوووو وفتح الباب سمعنه اكله حجي شرطه احنا جايين على تحسين عليه القاء قبض....
ركضت قفلت البيبان مال غرفتنا وگعدن فازات حوراء وامي لان ضربت الباب قويه رگضنا على الحجابات وبيبي رگضت على خالو الغرفته
فلشت الباب ادك واصيح تحسين على كيفه حتى الشرطه متسمع فتحت الباب حمديه دفعته بيبي وفاتت....
الشىرطي /كله حجي تفتيش كل البيت ودخلوا للاستقبال وفتح باب الاستقبال الداخلي اريد افوت طفرت سحبته وكتله وين اتفوت
هااا ماعندك غيرة وناموس كلنا بنات كال اني عبد مامور ولازم انفتش البيت اشرت ماما انصير ورا الباب فتحت الباب امي وكالتله خاله وعلى شنو اتفتش جدو سحبه من ايدة وكعده على التخم كاله انته عندك امر تفتيش لو القاء قبض على تحسين......
عمي الاثتين جدو وكف على حيله وعيونه طلعت ليبرة وشكله وضعه كله اتخربط اكيد صعد السكر عنده.....
بيبي من دفعت حمديه دخلت ترگض اتكعد بخالو تحسين طفر مفزوع وشعرة مخربط گله شكووو يوم كالتله الشرطه ولك شمسوي گووم اطلع من باب المطبخ البيت اخووك.....
هو انصدم وانخبص وصفن وبعده گله لا لا اني گلشي ممسوي والله خلي اشوفهم وحمديه فضحتنه كامت تلطم ع وجه خالو سد حلكه وكله بيت الكل///////اسكتي صاح عليه انطيني ملابسي لبس وطلع اثنين منهم طلعو اصدقاءة اعتذرو من عنده وكالوله احنا عبد مامور ولتزعل من عدنه لا انت ولا الحجي كلهم شنوالموضوع كلولة سرقه ابن حجي جاسم معترف عليك......
جاوبهم شنوو هسه مطلوب مني گلوله تجي ويانا التفتو على جدو كلوله حجي تعذرنا مابيدنا شي جدو ماحجه شي......
دخل خالو حسان طاير خطيه كلهم خير اتصلت ام حسااام عليه وهاي الدوريات بالفرع شنو صايررر.....
جدو جاوبه گله الشفيه متورط ويا ابن حجي جاسم ومعترف عليه.....
قضيه سرقه تالي عمري اكب مراكز
باوع على الشرطه وكلهم يالله اتوكلو تحسين وصار بيدكم يالله طلعوا من البيت برااااا.....
خالو تحسين طلع وياهم وهمه يتناقشون وشرحون شنو صار ومنو مشتكي باوعنا من الشباك الباب الخارجي مفتوح گله وصعدو بالسيارة وراحوووو...
حوراء/حمديه ملخت نفسه اتكول اخذو للاعدام حبيبي وابو بيتي وابو جهالي واتعدد وهي قبل ساعتين رادت اتعوفه ومنشرفه وهسه اتولول وتعوي عليه ههه غير ممثله....
شو هاي رگضت الغرفته وسحبت مبايله واتصلت ع اخوه ولحكولي يبووووو......
اتكول ميتله واحد غير عيارة شو تبجي بدون ادموع شاورت رواء كتله شوفي ادموع التماسييييح ولادمعه نزلت......
ساعه واندكت الباب ودخلو اهله وامه واخته لاهلا ولامرحبا بيه...
وخالتي وزوجه اجوي وانكلب البيت اتكول عدنه مناسبه...
رواء /اجونا اهل حمديه وبيت خالتي رحت اسوي جاي واضيفهم وجدو سكرة صعد بيبي بس تبجي.....
دخلت المطبخ حضرت صينية المي ما احس الا واحد سد الباب انداريت شفته اخو حمديه گال اشلونج رواء گتله الحمدلله.....
وسام/ماحنيتي؟؟
كتله نعم بخصوص شنو....
وسام/رواء ليش متوافقين مرتين خطبتج اريد السبب؟.....
رواء/انطيته صينية المي وكتله اتفضل وديه مجاوبته ظل صافن عليه وكتله من تدخل المكان بس اني وياك لسد الباب....
حضرت الجاي وصبيته شلت الصينيه جاي اطلع صار بوجهي كتله اتفضل ليبرد وديه گال اول جاوبي ليش متوافقين.....
كتله رافضه الزواج مو رافضتك الشخصك دراستي وحلمي اهم..
وسام /بنظرة حب وتقرب مني وكال افهم انتي مرافضتني هذا مؤشر جيد عصفورتي.....
كتله الجاي ثلج ممكن تودي اخذ الصينيه من الميز وغمزلي وطلع امي التهت وياهم واسكت بيبي لان بيبي اتخبلت حيل اتحبه ومتعلقه بي شربو جاي وطلعو زوج خالتي وجدو وابوه واخوانه.....
اني وحوراء گعدنا بالمطبخ دخل وسام شايل الصواني خلاهن ع الميز وحجه ويا حوراء وكله ديري بالج على نفسج من اداومين....
ظلينا صافنين وحوراء كالت هذا اشبي شارب نفط هههه لو مكبسيل ههه.....
رواء/بيبي تبجي وتنعي ويا وليدي ويا بجري ونازعه فوطته وتناجي رب العالمين وللفجر احنا كاعدين بالخمسه الصبح دخلو وياهم خالو تحسين......
خالتي ام علي /حجت ويا بيبي كلتله يمه مو بس اتخلصيه تبجين هسه هو رجع بخير وسلامه باجرانشالله احجي ويا وزعلي عليه خلي احس ع نفسه وانتي عنده خط احمر كلشي ولازعلج بلكت ينصلح لان صارت بلا ملح
اسوالفه كثرن حييل.....
سلمت وطلعت هي وزوجه.....
نص ساعه وطلعو اهل حمديه وبيبي مصدكت اتبوس وتحظن بخالووو..
كله كافي يوم هاي اني كدامج كلشي مابيه....
وباس راسه وحمديه تبجي وتدعي وتشكر رب العالمين...
خالو حسان كال هسه انت طلعت بكفاله روح ارتاح وباجر انشالله انسولف....
وجدو كال باجر الظهر اجمع اخواني وانروح ع حجي جاسم..
وبعده خالوراح البيته لان زوجته وحده واحنا نمنا لان تعبنا....
وثاني يوم صبحنا ع هوسه الخطار والطبخ...
انتظروني بالقسم الثاني
من البارت الحادي عشر لان النت ضعيف وماسنجر ميشتغل...
وطلعلن بطل جديد توقعاتكم
يزوج رواء
ولتنسون ⭐⭐
احبكم اختكم ام فرح