وجد.... وين رايحين ؟
قادر... اشوفج البيت
وجد... يابيت ماريد هسه بعدين كلتلك اشوفه
قادر... ليش بعدين وصلنا بعد
وجد... وكف يم بيت اني كتله قادر مانزل كتلك ماريد
قادر... اي ليش شنو سبب
وجد... حتى اجيب امي شوفه .. طبعا اني اخاف انزل وياه
قادر... اي ميخالف عود نجيبها مره الثانيه ويانه
وجد... نزل من سياره واجه عليه فتح الباب واني لازكه بسياره ماقبل انزل كال... ياعيني نزلي والله ماسويلج شي لتخافين
وجد... باوعت عليه يضحك من يحجي كتله مخايفه نزلت من سياره بكل ثقه فتح الباب الخارجي ودخلت جان كراج طويل بي حديقه جبيره من جانبين
ظليت امشي وباوع عالحديقه جانت مرتبه ومبين احد معتني بيها
توصلين للباب الداخلي بي درجتين صعديهن يله دخلين
فتح الباب وكال يله دخلي . دخلت خطواتي بطيئه واتلفت يمين يسار جانت صاله حلوه وبنصها الدرج تصميمه
هو دخل راح فتح الاضاءه باوع عليه كال.. تعالي شبيج واكفه
رحت كعدت جان التخم حلو بس ضخم مراهم للصاله
ظليت متوتره يعني خوف مستحه
كال .. يله تعالي اشوفج البيت كمت امشي وراه رحنا للمطبخ كال هذا المطبخ بعد بي نقوصات بس ذني على ذوقج انتي جيبيهن. شفته حلو ومرهم اللوان راح للثلاجه طلع عصير نطاني كال ... حتى لدكولين مضيفني
وجد... اني ابتسمت اله كتله. شكرا
وكف يشرحلي عالمكان وشنو يحتاج بعدها كال تعالي للاستقبال دخل وشغل الاضاءه تفرجت عليها وطلعت كال يله تعالي نصعد فوك
صعدنا جان بي ٣ غرف كال هاي بعدني ممكمله فتح الغرفه الثانيه بيها غرفه نوم كامله اني واكفه يم الباب كتله .. اي حلوه
قادر... دخلي شوفيها
وجد... اي شفتها
قادر... من الباب بكيفج
وجد... شفته ضاج لان مقبلت ادخل نزلنا جوه اني افكر اكول شو هذا ماثث غرفه وحده واني كلتله كل واحد بغرفه خاف عباله اشاقه ظل الموضوع يدك بكلبي كعدنا بصاله هو جان يحجي بتليفون سده اجه كعد كال ... عجبج البيت
وجد... اي كلش حلو
قادر ... يعني اذا معاجبج شي نكدر نغيره
وجد.... لا حلو البيت . قادر اريد اسئلك شي دايما افكر بي
قادر... اي سئلي
وجد... ليش قبلت بشروطي.. هو جان يباع عليه من سئلته ابتسم كال
قادر... شفت بعيونج تحدي الي
وجد... شون يعني
قادر... من طلبتي شوفيني وتحجين ويايه جنتي تحجين وانتي واثقه اني ماقبل على شروطج
وجد... ابتسمت اله كتله ... يعني قبلت بشروطي بس لهذا سبب
قادر... انتي شايفه غير شي
وجد... يعني تزوج وحده بشروطها وشروط تعجيزيه بس لهذا سبب
قادر... اني اعرف هذا القناع الي انتي خالته مو نفسه الي بداخلج حتى شروطج من حجيتيها حتى ارفض وينتهي الموضوع بس اني طلعت اذكى منج ووافقت
وجد... قادر اني زواجي الاول تدمرت بي واخذت قرار بعد ماعيد التجربه محبيت اعيدها وماريد اجرب مره ثانيه واعرف نهايتها الفشل
قادر... ليش نهايتها الفشل ياعيني انتي حتى متعرفيني زين
وجد... جنت اعرف علي زين وشوف صار ... باوع عليه وجان مبين عليه ضايج ورث جكاره كلي
قادر... حخليج تحبيني
وجد.... الجمله خلتني اضحك لان جان كلش جدي من حجاها كتله .. واثق من نفسك
قادر... كلش
وجد... ظليت ساكته كتله شوكت نرجع
قادر ... مارجعج اليوم تبقين يمي
وجد... باوعت عليه كتله اني اروح انت ابقى ورديت التافيت وظليت ساكته اجه كعد بصفي اني من شفته كعد بصفي اني ظلت عيوني تباوع غير اتجاه
قادر.. وجد
وجد... بدون ماباوع عليه بس كتله نعم . صار قريب عليه كلش كال..
قادر... بعد لتخلين هذا العطر
وجد ... اني ضجت من حجه هيج كتله . ليش ريحته مطيبه
قادر... هذا العطر يخليني اريد اسوي شغلات مو زينه عليج
وجد... اني ظليت ساكته وكلش توترت من الموقف
قادر... لو تردين اسوي هالشغلات
وجد... اني كمت بسرعه وكفت كتله ... حروح للحمام
بسرعه رحت للحمام ظليت واكفه افكر هذا شبي اول مره هيج يصرف وكلبي صار يدك سريع من الخوف على مستحيه
بقيت شويه وطلعت رحت شفته يلعب بتليفون كتله .. يله شوكت روح تاخرت
قادر ... شبيج مستعجله حتى ملحكنا نحجي شي
وجد... لا اريد اروح امي وحدها . ظل يباع عليه معاجبه كال يله امشي اوصلج
طلعنا من البيت وبطريق كال ... الحجي ذاك اليوم سئلني شوكت نزوج اني فكرت الزواج اجلتها بعد سنويه الوالده بس الحجي ماقبل وكال نزوج
فاانتي كملي كل احتياجاتج واني بس اكمل نواقص البيت نحدد زواج اني ماسوي عرس ولا هوسه
انتي اذا حابه سويلج حفله الج وجمعي صديقاتج كرايبج واني بعدهاا اجي اخذج يعني جان بودي اسوي حفله الناس كلها تحجي بيها بس ظروف اقوى مني
وجد... لا ماريد حفله
قادر...انتي مراضيه عالزواج لدرجه حتى حفله متردين
وجد... لا موهيج والله بس يعني والدتك مصارلها هوايه من توفت يعني حتى ميصير وعيب من خواتك وعمو
قادر...براحتج .بس اعوضج عنها
وجد.... ابتسمت اله كتله شون تعوضني
قادر... خليها مفاجئه
وجد ... ابتسمت اله كتله ... ماشي انتظر مفاجئتك
وجد... وصلني للبيت ونزل امي سلمت عليه وباركتله وراح مقبل يبقى
بالليل دز مسج كاتب 📱اشتاقيت
من قريت المسج اكو شعور صار عندي حلوه فرحت وحسيت احاسيس صار هوايه محاستها
دزيتله 📱 المن
دز 📱 للحلوه مالتي
ظليت مبتسمه واني اقره المسج وافكر معقوله اصير احبه مثل مكلي
دزيتله 📱تصبح على خير
دز 📱وانتي من اهل الخير
بعدها الايام جنت اجهز النواقص الي عندي جنا نتراسل اني وقادر برسايل ومرات نتخابر هو جان كلامه نوعا ما جريئ بس اني جنت استحي واتهرب من المواضيع الي يحجيها بديت احس وياه شغلات حلوه صرت اخابره اسئل عليه اذا اطلع اكله وين حروح هو صار كل شويه يخابر يسئل يتحجج بشغلات حتى يجي لبيتنا يشوفني علاقتنا صارت تاخذ مرحله حلوه وصارت علاقه طبيعيه بين اي اثنين مخطوبين مر على وفاه والدته ٤ اشهر واتفقنا نسوي عشه عائلي بسيط بينا وروح لبيتا جان كلشي ماشي تمام وبديت اتعلم عليه
صرت اهتم اذا هذا الشي حيحبه قادر لو لا صارت وجد القديمه ترجع بداخلي وجد الي تحب الحياه صرت احب اهتمامه بيه
جان يوم الخميس موعد زواجنا حضرت بدله لونها ابيض عدله وبسيطه وكلش حبيتها وزينت شعري بورد ابيض جانبي وجنت كاعده بالغرفه اني ورزان ساعدني حتى اكمل وانزل جان قادر واهله بعدهم مجايين رزان كاعده وصافنه عليه كتلها.... شبيج
رزان ... مابيه بس طالعه كلش حلوه
وجد.. حبيبتي يوم الج وافرح بيج ياعمري
رزان ... حبيبتي
وجد... احس بيج شي
رزان ... صراحه عندي شي بس خايفه احجي
وجد... احجي ليش خايفه
رزان ... شوفي اني حايره احجي لو اترك الموضوع لان مو وكته بس
وجد... احجي شبيج صاير
رزان... شفت علي بجامعه وكلي شي بس اني اعتقد جذاب
وجد.... شنو
رزان... هو سئلني عليج واني منطيته جواب وكلتله البنيه حتزوج وكافي خليها شوف حياتها هو كال اكيد جانت علاقه وياه وهي على ذمتي لان ماكو واحد يدفع حتى تتطلك
وجد... منو دافع مدافتهم
رزان... يكول عساس قادر هو الي دفع موخر الج لان علي ماعنده وجان ميقبل يطلك وحتى داز فلوس لعلي بس علي مقابل ياخذها
وجد... رزان مدافتهم قادر شنو دافع موخر الي شنو دافع لعلي
رزان.... يكول قادر داز جماعه عليه ومتفقين وياه يطلك هو كايللهم ماعندي ادفعلها موخر كايليله قادر يدفع وعساس منك ويدفعلك فلوس هم الك بس طلك
وجد... ظليت صافنه على رزان احاول استوعب الي تحجيه
رزان ... وجد شبيج لتخوفيني عليج باعي هو اكيد جذاب يعني قادر شيوديه عليه وشون يعرفه
وجد... دكيلي على علي
رزان ... وجد عوفي يولي هو واحد نذل يريد يخرب فرحتج اني هم صوجي حجيت
وجد... دكي على علي
رزان ... ماشي بس اهدئي هسه ادك ... اخذت التليفون ودكيت على علي دك انطيته لوجد
وجد... دك شويه وجاوب
علي...الو
وجد...علي شنو الكلام الي كايله لرزان
علي...ياهلا بالعروسه والله ممصور حتتصلين
وجد...احجي الكلام الي كايلهةصدك
علي... اي صدك اذا ممصدكتني روحي اسئليه
وجد... انت جذاب قادر ميسوي هيج
علي... مو كتلج روحي سئلي او اكلج سئلي كليله تعرف واحد اسمه احمد الراوي الي دزيته لعلي
وجد... بس كرايبك جاب الفلوس لكريم
علي... من معارف خطيبج لا عرفه ولا يعرفني
وجد... سديت التليفون وظليت صافنه وماعرف شسوي كتلها رزان معقوله قادر يسوي هيج يرخص كرامتي لهدرجه
رزان ... لا علي يريد يخرب لصدكيه
وجد... واثق من كلامه .. كعدت عالكرسي واحس نفسي بعد ماكدر اوكف
كتلها رزان روحي صيحي كريم
رزان ... وجد لتكبرين السالفه احجي اول شي ويه قادر وافتهمي منه يجوز جذاب وسالفه كلها من تأليف علي
وجد... واذا صدك شسوي رزان اني بديت ويه قادر صفحه جديده وجنت ناويه اتنازل عن كل شروطي الي حجيتها اله وحتى البيت الي كلتله عليه جنت ناويه اليوم انطيه التنازل ليش هيج رخصني
رزان... وجد بس اهدئي لسوين هيج حيصير بيج شي شوفي دترجفين اهدئي شوفي لنفرض قادر سوه هيج لنفرض يعني يجوز فكر يخلصج من علي وشاف هاي طريقه المناسبه لان لاهو جان ناوي يطلك ولا كريم يقبل تتنازلين عن حقوقج
يعني يجوز من حبه بيج
وجد ... ياحب هذا ياحب لا هو يعرفني زين ولا اني اعرفه واذا يحبني يروح يرخصني
ندكت الباب رزان كالت ادخل .. دخلت نوال اخت قادر كالت ... اجيت اشوف عروسه اخويه
وجد.. اني وكفت وابتسمت الها وحاولت اكون طبيعي
نوال .... ماشاءالله شون جمال
وجد.. شكرا تعالي دخلي اعرفج صديقتي رزان
نوال اخت قادر
نوال ... اهلا وسهلا
رزان ... اهلا بيج
نوال ... اذا كملتي ننزل لان الكل ينتظرج جوه
وجد... اني اباع على رزان ورزان بعيونها القلق عليه كتلها اي جاهزه يله ننزل
طلعت من غرفتي واني افكر باامي وكريم يجوز تخرب علاقته ويه صديق عمره وكل شغله وياه وامي الي شايفته ملاك على هيئه بشر شسوي
نزلت للصاله اجه كريم شافني جان بودي ارتمي بحضنه وابجي واحجيله الي كاله علي بس ماكدرت شي منعني فرحته وهو يشوفني من نزلت باسني من رأسي وكال اني اليوم اقدمج لرجلج
لزم ايدي واخذني للاستقبال جان قادر كاعد يحجي ويه والده من دخلت رفع راسه وابتسم وبسرعه وكف وصار يتقدم باتجاهنا وصلني كريم اله وكاله هاي امانتك ماكو داعي اكلك معزتها عندي شون لان انت تعرف وجد شنو بالنسبه الي
قادر... بعيوني اخليها لتخاف عليها بعد
وجد... اباوع بعيون قادر واكول معقوله هيج يسوي ماريد يطلع هذا الشي صدك لان بوكتها كلشي يتغير .. لزم ايدي وباسها واخذني كعدنا والده باركلنا واخته نور هم وجان جايب عماته اثنين هم باركولنا
همس باذني كال.. شنو هالجمال
ظليت ساكته وهو التهه يحجي ويه كريم وابوه واني جانو يحجون ويايه
بعدها جان متفق ويه مصور اجه اخذنا كم لقطه
كعدنا شويه وبعدها تعشينا كلنا اني جنت كلش هادئه وساكته كان الكلام يدور بعقلي كلسع مره اكول علي جذاب مره اكول لا صدك
جان الكل ملتهي يحجي وياكل بس اني جنت صافنه حسيت بقادر لزم ايدي من جوه الميز وهمس باذني ... ليش متاكلين
وجد... مااشتهي من رجعت من صالون اكلت
قادر... طالعه تخبلين
وجد... شكرا
قادر ... اليوم الشروط موجوده لا
وجد... ابتسمت اله وسكتت هو جان كلش فرحان
كملنا عشه وكعدنا شويه نسولف بعدها ابو قادر كال يله توكلوا لبيتكم بعد
سلمنا على اهلي وهله وطلعنا بطريق كال .. شبيج ضايجه
وجد... مابيه بس راسي يوجعني
قادر... هسه من نوصل اخذيله حبايه
وجد... اي
طريق كله يسولف ويضحك ويايه واني مكدرت اظاهر انه ماكو شي حاولت ماحجي وياه واكول علي جذاب بس مكدرت وصلنا للبيت هو دخل السياره للكراج يله نزلت
اجه لزم ايدي وخلنا للبيت جانت الصاله مزينه بالورد والبالون وجان شي كلش حلو
هو جان واكف ورايه واني اتفرج عالتزيين اجه حضني من وره كال ... نورتي بيتج
وجد... ابتعدت عنه ورحت كعدت اجه كعد يمي كال .. بعده راسج يوجعج
وجد... صدك انت الي دفعت فلوس المؤخر بدل علي
هو جان يباع عليه من حجيت عكد حواجبه وعدل كعدته كال... منين جبتي هالكلام
وجد... مو مهم منين بس اريد اعرف هالكلام صحيح
ظليت انتظر جواب منه ظل ساكت ومنزل راسه
كتله ... قادر هالكلام صحيح
قادر... وجد اني مكدرت اشوفج تتعذبين وانتي واكعه بين الحيوان ذاك الي ميقبل يطلك وبين كريم الي ميقبل تتنازلين
وجد.... ليش هيج اني ماعندي كرامه هيج رخيصه انت دمرت كلشي .. نهاريت وصرت ابجي واحجي اجه كعد يمي حاول يلزم ايدي نفرت منه وكمت وكفت كتله وخر من يمي ابتعد
قادر... ياعيني بس اسمعيني
وجد... ماريد اسمع ماريد كريم لو عرف بعملتك هاي يكلب الدنيا
انت منو حتى تدفع بداله واني معايزه على الفلوس بس كريم جان يريد يكسر ظهره ظليت احجي واصيح هو ساكت ومره يحجي يهديني
بالاخير كلتله جنت ناويه اليوم ابدي وياك صفحه جديده وانسى الشروط واصير مرتك من صدك
بس الله كشفك على حقيقتك قبل لا اتورط وياك بشي
من حجيت هيج كب بوجهي كال .. شنو شايفتني قاتل كوا.....بلا شرف حتى تتورطين ويايه صارلج ساعه تغلطين بيه واني ساكت بس لهنا وكافي حجيتلج اسبابي وهو لو ما خايس مجان قبلها على نفسه يطلك مقابل فلوس
وجد... هو ماقبل ياخذ منك فلوس
قادر .. منو الماقبل ياخذ فلوس ها منو الحيوان انطيته ٥ ملايين بس اله حتى يقبل يطلك
وجد... انت وياه تشابهون ماكو فرق اثنينكم تفكرون بس بنفسكم
قادر ... ماشي اني غلطت بس اني ماشبه الحيوان ذاك
انت لو تردين روحي والله انطيها الج بس حتى تكونين مرتاحه
وجد... ماريد شي منك علي من كلي اني ماصدكته كتله قادر ميسويها حجيتها بدون ماانتبه
قادر... وين شفتي هالحيوان
وجد... ميخصك وين شفته هنا اجه لزم ايدي من عكسي كال.. احجي وين شفتيه . بصوت عالي
وجد... ميخصك زين وماكلك وين شفته
دفعته وتوجهت للباب
كال .. وين رايحه
وجد... اني كملت طريقي مجاوبته ماشوفه اله جرني من ايدي ورجعني للصاله كال.. وين رايحه بهالليل
وجد ... معليك بيه اخابر كريم يجي ياخذني
قادر ... وين ياخذج تخبلتي انتي امشي صعدي فوك
وجد... ماصعد اريد اروح لبيتنا . جنت احجي وابجي صاح بيه صوت كال ... صعدي فوك وجد لتخليني اتخبل عليج بهالليل
. اني صعدت ركض فوك دخلت للغرفه وقفلت الباب
باوعت السرير كله ورد ومزين الغرفه
رحت شمرت الورد بالكاع كعدت ابجي تليفوني جوه بالجنطه شون انزل اجيبه اريد اخابر كريم يجيني
وكفت اباوع نفسي بالمرايه مكياجي كله متخربط
كعدت شويه افكر واذكر من عيط عليه ارد ابجي
باوعت الورد بالكاع كمت لميته وفتحت الباب وشمرته بالكاع بره رجعت دخلت وقفلت الباب مر تقريبا ساعه واني على نفس الكعده رحت للكنتور طلعت بجامه ونزعت البدله ولفيت شعري ومسحت مكياجي
وسديت الضوه حتى اشوف خياله من جوه الباب حتى اعرفه اجه لو لا
ظليت انتظر انتظر ومليت واني كاعده وعيوني صارت تحركني من البجي شفت خيال وكف يم الباب شويه وراح اني ظليت كاعده ماعرف ياساعه غفيت
كعدت الصبح فتحت عيوني شويه يله ستوعبت الي صار البارحه
كمت وكفت لزكت اذني عالباب اريد اسمع صوت شي ماكو
فتحت الباب بهدوء شفت جنطه بصف الباب يعني البارحه من اجه بالليل جان جايبلي جنطه اخذته بسرعه ورجعت دخلت للغرفه طلعت تليفون شفت رزان داكه عليه ٣ مرات بارحه دكيت عليها
وحجيتلها الصار وكتله كلام علي صحيح وظلينا نحجي ونصحتني ماحجي لكريم خاف يصير شي اتندم عليه بعدين كالت انتظر وشوف شون تصفى السالفه
سديت التليفون وفكرت بكلامها كلت ماكول لكريم هسه خليها بعدين
بس الا اندمه على الي سواه .
فتحت الباب بهدوء اريد اسمع صوته هو بالبيت طالع اريد اروح للحمام ماعرف البيت هدوء جان طلعت شفت الورد بعده مشمور بالكاع من البارحه مشيت بهدوء دخلت للحمام غسلت وكملت وطلعت وكفت يم الدرج مديت راسي اسمع اكو صوت جان هدوء لتافيت ارجع للغرفه ماشوف الا قادر واكف ورايه ..... يتبع ❤