لاتتركني

٣

تألمت...
فتعلمت .....
فتغيرت....
"""""""""""""
تحملت هواي مجان لازم اوصل نفسي لهذه المرحله اني مو اول وحده ميصير عدها اطفال شنو الذنب الي سويته حتى اتعاقب عليه هيج صرت مثل الحمل الثكيل على علي ..
تعبت من الوكفه رحت كعت عالسرير شويه واسمع عياط جوه قوي

عرفت كريم اجه مسحت دموعي واخذت جنطتي ونزلت شفت كريم واكف يم الدرج يريد يصعدلي لان علي مديقبل يصيحني

من شافوني دانزل صار هدوء الكل يباع عليه
بسرعه نطق كريم

كريم: شبيج منو وياج
وجد : نزلت وصلت يمه كتله :اخذني منا
كريم: شكو كوليلي شمسويلج

وجد : جان اعصاب صوته هرج البيت
كلتله : ماريد ابقى اخذني الله يخليك. هنا كريم ندار على علي ولزمه من قميصه كل شمسويله ماد ايدك عليها ويصرخ بي

علي : كريم مامسويلها شي وخر ايدك
وجد : لزمت ايد كريم وكلتله عوفه كريم مامسويلي شي خلي نروح
عفته وطلعت بره وكفت بالكراج اسمع كريم يصرخ ويحجي شويه وطلع كريم وراه علي
كريم اجه لزم ايدي وطلعني للشارع

طبعا علي يحجي ويايه ويكلي متروحين لتكبرين الموضوع بس كان كريم فاتح السياره واني صاعده
كريم بسرعه شغل سيارته وحرك
اني جنت ساكته كريم ندار عليه

كريم : كليلي صاير شمسويلج
وجد : كريم تعبت بعد ماكدر على اقل شي يطلع نفسه هو المضحي والي صابر ومتحمل تعبت واني بكل مكان نروحه لازم امه تحجي العيب مني

تعبت احلامي الي جنت اريد احققه من اكمل دراسات يصير عندي بيت اشتغل بشي احبه
من يوم الي زوجنا وبس هو يحقق احلامه اني هيج
عده شي مو من ضمن اولوياته

كريم : هسه شنو العركه عالاطفال
وجد: لا لان عرف تغدينا اني وياك وجان قادر ويانه
ظل يحجي حجي فارغ

كريم : شحجه بله ؟
وجد : حجي فارغ لتهتم .
كريم : احجي شنو كال ؟
وجد :ظليت ساكته بعدين كتلها. عوفه للموضوع

.. كريم ظل ساكت باقي الطريق واني صافنه عالطريق
وصلنا للبيت من دانزل من سياره دك تليفون كريم
وسمعته حجه وكال اي رحت جبتها
معرفت ويه منو يحجي عفته ودخلت للبيت
امي شافت حالتي ودخل ورايه كريم عرفت اكو شي
كعدت حجيتلهم كلشي لان جنت ناويه هاهيه انهي هالزواج كلش تاذيت منه

وجد : من يوم الي زوجنا واني اكول باجر احسن باجر يصير شي جديد علي يوم بعد يوم متغير مو نفسه الي زوجته
صار شخص اناني يحب بس نفسه كلشي الي يشوف بي مصلحته يروح وراه
مشكلتنا مو بس اطفال مشكلتنا بكلشي يخص حياتنا
ليش بس اني اتحمل واسامح ليش دايما محسسني اني المذنبه

حتى بيوم الي كلتله خل نطلع بيت وحد جان جوابه اخذي ورثج من اهلج حتى نشتري بيت .

كريم : اي يابه هو هذا الي يريده ورثج الحافي ابن الحافي
ال٥ ملايين اخذتيهن ذيج المره اله مو ؟