لاتتركني

١٦

اني جنت بحاله صدمه عزه هذه شون عرف الفيس وشعجب دزلي مسج بس رجحت عرفه لان اني وجد اصدقاء فيجوز طلع عنده اني حماس الصار عندي مو طبيعي ايدي تريد تكتب ماكدر ترجف

افتح المسج وارد اسده بعدين كلت اجاوبه الفرحه الصارت مو طبيه عندي ... دزيتله ... مرحبا ......

ظليت انتظره يجاوب هو جان فاتح فيس من شفته شاف المسج بسرعه طلعت من المحادثه توتر وحماس دز مسج اني شويه وفتحته حتى ليكول اني مكابله المحادثه وكاعده

دز ... شونج اخبارج شونه الوالد
دزيتله ... الحمدلله زينين انت شونك
دز ... الحمدلله بخير
دزيتله ...ان شاءالله دوم
دز ... والله حبيت اسئل عالوالد بس لان ماعندي رقم وجد كالت حاجيها عالفيس لان رقم دايما يم اخوها وكلت خاف اخوج ميعرفني
دزيتله.. لا عادي بس كله اخو وجد هو يعرفك لان مناسين وكفتك ويايه من ندعمت
دز ... لا مسويت شي هذا واجبي .. شونه الوالد صحته
دزيتله... والله تعب من جلسات ومل يريد يرجع حتى الدكتور يكلنا نفسيته كلش تعبانه
كريم... الله يساعده والشفاء العاجل ان شاءالله
رزان ... تسلم
كريم... اذا احتاجيتي شي اني موجود حسبت اخوج لتستحين مني
رزان... تسلم متقصر
كريم... سلميلي عالوالد واسف عالازعاج بس حبيت اسئل عليه
رزان ... الله يسلمك لا بالعكس فرحت بسؤالك شكرا الك

رزان... خلصت المحادثه واني كأبه صعدت عندي شنو يكلي حسبت اخوج استغفر الله
دزيت مسج لوجد بس مجاوبت

ثاني يوم بابا جان كاعد اسولف وياه حجيتله اخو وجد راسلني بالفيس يسئل عليك وسلم عليك هواي كلش فرح من حجيتله وكال والله بي الخير

......
كريم... مع العلم ماخذ موقف منها بس وجد من حجتلي على والدها وشون هي شايله الهم وياه وحتى مسافره وياه نقهرت عليها واكثر من مره اريد ادخل اسئلها على والدها لان الرجال صاحب خلق عالي وكلش رجال زين وكل مره أجل سؤالي عليهم .

........
وجد... جنت احضر ملابسي لان اني هم مسافره باجر لبيت اهلي بين ماقادر يرجع من سفر وقادر جان بالحمام يسبح جان يدك تليفونه باوعت عليه مكتوب (م جيلان ) مرتين دكت وبعدها دزت مسج وجان مبين عالشاشه التليفون كاتبه (مرحبا استاذ قادر بس حبيت استفسر منك على باجر )

صراحه اني مضجت كلت اوكي عادي ويجوز عالشغل تريده طلع قادر من الحمام وجان بغرفته رحت اخذت التليفون ورحتله فتحت الباب لكيته يصلي كعدت انتظره كمل صلاه وكعد يسبح
كتله... تقبل الله
قادر ... يتقبل اعمالج

وجد... تليفونك دك مرتين .... هز راسه بمعنى منو

وجد... م جيلان... رجع يسبح وبعدها كمل اجه كعد يمي اخذ تليفون طبعا اني جنت اباع عليه اريد اعرف رمزجان ٢٢٥٥٨٨

اني جنت لازكه بيه اباوع شحيسوي هو فتح المسج وبعدها رجع دكلها سلم عليها وبعدها كلامهم كله على باجر وعالسفر ومجنت افتهم شنو الموضوع سده منها كتله... منيه هاي