اووف يامجرمين كملتوا البارت بدون حتى لا يمشي عليه يوم جد انكم تدهشوني كل يوم بس م كل يوم🌚
ماعليه اتركم مع البارت اعزائي❤️
الكومنت ؛ 130 بارت جديد 🤍!
~
~
~
في ماضي يحكي قِصة احد أبطالي...
'
غمضت عيونها بألم واسلوب مسفر معها يوجعها
ويحرقها وهي تشوف معاملته معها ومع الجازي
مسحت دموعها بحزن
وهمست:مايهمني شي دام انت معي مايهمني شي
مسحت على بطنها بحنان ولطف وهي تتمنى لو جا
ع الدنيا تختلف معاملة مسفر معها
وقفت من شافته دخل وهو قالب خلقته تنهدت وهي
تجهز نفسها للمشاكل
قالت بهدوء
:محتاج شي
قال مسفر
:ليش محتاج منك شي؟
سكتت ونزلت راسها
"ليش جايني دامك ماتبي شي عسى الله ياخذك"
قال مسفر
:متى مراجعتك في المشفى
قالت بهمس
:بكرا الساعه 5 العصر
قال مسفر
:زين تجهزي عشان اخذك اجي القاك جاهزه
سكتت وناظرته بستغراب
وقالت:العاده اروح انا لموعدي مع السايق
قال مسفر
:م لسواد عيونك امي اصرت اروح معك
تأفأفت من نفسيته اللي تقلب حالها
همست:الله يهديك ياخاله بس
ناظرها بطرف عينه
وقال:كأن كلامي ماعجبك؟
هز راسها بلا وتوجهت للحمام وهي م قادره تتحمل
نفسيته الخايسه
قفلت الباب واستندت عليه
:الى متى بصبر على هالحاله مافي شي يعجبه
ياخي اذا ماتبي تتزوج ليش بشلتني معك
اخذت نفس من سمعت ندائه لها وطلعت متوجهه
له مهما سوت مستحيل يقولها كلام حلو وهي خلاص
تعودت
بعد وقت..
في العياده منتظرين دورهم وهو كل شوي يناظر
ساعته ويتأفأف
ناظرته بضيق
وقالت:تقدر تروح خلاص انا اذا خلصت بكلم السايق
مارد عليها وهو يناظر جواله ويراسل وعلى وجهه
ابتسامه ولا كأنه اللي قبل شوي
هزت راسها بأسف منه
"حسبي الله ونعم الوكيل فيك يالمريض"
نادوا بأسمها وهي وقفت ودخلت للدكتوره بدون لا
تنتظره لانها تدري اذا الجازي حاظره ينسى كل شي
فكت عبايتها وانسدحت فالسرير ورفعت قميصها
وقالت الدكتوره:جاهزه غيداء
هزت راسها وقبل تبدا الدكتوره دخل مسفر شايش
:ليش م انتظرتي ندخل سوا؟
ماردت عليه واكتفت تقول بينها وبين نفسها
"ليش انت تدري عن شي لما تكلمك الجازي"
قالت الدكتوره بهدوء
:اهدا استاذ تونا مابدينا تفضل
غمضت عيونها غيداء وهي تحس بالسائل اللزج على
بطنها والجهاز يتحرك عليه
لحظات وقالت الدكتوره
:هذا هو هالنقطه الصغيره
فتحت عيونها وصارت تتأمل الشاشه ببتسامه
"انت سندني واللي مقويني بالدنيا"
سمعت مسفر يقول بعدم تصديق
:دكتوره وينه انا م اشوفه
ابتسمت الدكتوره واشرت على الشاشه
وقالت:هذا هو للحين م بين عشانه بأشهره الاولى
ضغطت زر بالجهاز
وقالت:بس نقدر نسمع صوت دقات قلبه
ابتسم مسفر بفرحه من سمع صوتها وهو يحس نفسه
بحلم م مصدق ان اليوم جا ليسمع ويشوف ولده
كان يتركها ومايروح معها عشان لا يجرح الجازي
ويحسسها بالنقص بس من ضغط امه عليه راح
وحس انه ندم على كل لحظه ولده يكبر بدونه وبدون
لا يشوفه
ابتسمت غيداء من شافت فرحته الطاغيه
"ليتك كذا دايماً معي بس بتتغير من نرجع للبيت"
غمضت عيونها متناسيه كل شي وتركت كل تفكيرها
بصوت دقات قلب ولدها اللي تحييها في كل مره تسمعها
'
فتحت عيوني وانا اناظر السقف بنظرات فارغه من الحياه
واسمع اصوات حواليني بس م مركز فيها
كل اللي اتذكره بعد كلام هذاك المزعوم انه اخو امي ماحسيت
بشي غير اني طحت ويدين تلقفتني قبل اضرب بالارض
حسيت بيدين تلمس خدودي ومويه تبلل رقبتي
وصوت:ريان حبيبي اهدا شوفه الحمدلله فتح عيونه
بديت استوعب اللي صار وحطيت يديني على ريان
وقلت:ريان
رفع راسه بسرعه كأنه ماصدق انه سمعني وابتسم وبدا
يرفع صوته عساس يقول شي بس فهمت منه شي بسيط
ابتسمت ومسحت على وجهه
:انا بخير حبيبي تطمن
تقدم هادي مني وسحب ريان بهدوء
وقال:ريان لا تتعبه اكثر
كشرت بوجهه من حركته
وقلت:اتركه راحتي قربه
تنهد هادي
وقال:هاللي اسمه غسان للحين منتظر برا
فزيت بسرعه اناظره بعدم تصديق للحينه موجود واللي شفته
ماكان حلم!
بعدت الغطا عني وتحركة عشان اطلع ، هو الوحيد اللي يقدر
يعطيني الاجوبه المدفونه عني طول هالسنين
فتحت الباب وشفته كان جالس ع الكنبه ويناظر الارض كأنه
يحاول يجمع كلام ويقوله لي!
تقدمت منه وهو رفع راسه ووقف
وقلت:ابيك تقول لي كل اللي تعرفه فاهم كللله
قال بهدوء
:طيب انت اهدا واجل....
قلت بصرخه فيها قهر
:اهدددا اهدا وانت جاي تكمل الناقص وتفجعني بكلامك!!!!
كنت مشحون ع الاخر ومعصب وماكان عندي اي تردد اني
اخذ الكاس اللي بالطاوله واهشم راسه فيها
مسكت ياقته وشديتها
وقلت:لا تلعب معي ساامع
حط يده على يديني وحاول ينزلها بس انا كنت شاد اكثر
وقال:اترك يدك يالليث احسن
قاطعه صوت هادي من ورانا
:اترك تهديدك جاي لشقته وتقول له كلام وبالاخير تهدد؟
رفع راسه له وناظره
وقال:بيني وبين ولد اختي
ضحكت من اصراره وبعدت يديني عنه
وقلت:بتقول اللي عندك بدل التلصق حقك هذا ولا بيكون كلام ثاني؟
عدل لبسه وهو يناظرني
وقال:بعطيك كل العلم بس بروحنا
اخذت نفس من قفل باب الغرفه وعرفت ان هادي دخل عند ريان
وقلت:تفضل اشرح
جلست وانا اراقبه بحرص وهو بدا يتكلم
:اول شي لازم تعرفه ان امك ماكان لها ذنب بأي شي
وابوك المحترم ماقصر فيها
عقد حواجبي بستغراب من كلامه
وقلت:طيب فهمني السبب
تنهد ووغمض عيونه وبدا يسرد لي
:ابوك كانوا اهله ضاغطين عليه بسالفة الزواج وهو بالاصل
متزوج وماكانت تخلف وطولت وهالشي جنن امه واصرا على
زواجه من وحده تجيب لها الحفيد
بلعت ريقي وانا احس بتوتر وشعور غريب يراودني من اللي
بسمعه عن ابوي وامي
ضحك ومسح راسه وكأنه تذكر الماضي
:امي صاحبة امه واحنا فتحنا على الدنيا جنب بعض واعتبرته
اخوي وهو حتى بس للاسف ابوك ماقدر الاخوه اللي بينا
امك اصرت على زواجه من اختي وامي الله يرحمها مارفضت
والزمت اختي تتزوج ابوك مع انها كانت رافضه تماماً
شديت على يدي وتنفسي زاد وانا اسمع كلامه
:تم كل شي بسرعه وتزوجوا حتى مالحقت تفرح حالها حال اي
عروس وحضرت جنابه ابوك مستعجل يبي كل شي بسرعه
هز راسه بأسف
:اختي راحت ضحيه بسبب امي وابوي اللي ماصدق يناسب
عايلة الخالدي وماهتموا بمشاعرها وبالاخصص ابوووك
صنمت من رفع راسه وناظرني بنظره مختلفه عن قبل تختلف
عن الهادي لواحد حاقد ومتوعد بالاعظم!
كمل كلامه وعينه بنقطه معينه
:عاملها معاملة الخادمه عنده ماراعا مشاعرها ولا احساسها
ضحك بغبنه
وقال:حتى شهر عسل حلم اي عروس م اخذها كل شوي يعتذر
بأعذار واهيه
قلت بحده متجاهل حزنه
:وانت وينك ي اخوها هاا وينك عنها وين رحت ولا بس فالح
تلوم غيرك
لحظه شوي؟؟؟
انا دافعت عن اللي تسبب فيني بكل هذا اول عدوا لي من اهلي
دافعت عنه!!!
ابتسم غسان ابتسامه جانبيه
:لو كنت موجود كان حرقت ابوك بس...
قلت بدون لا يكمل لاني عرفته
:قررت تحرق روحه وقلبه بولده لان هالعذاب بيعيش معه طول حياته
كمل غسان بدون لا يرد علي
:وقت ولادتك كان مسافر هو زوجته الاولى ماعبر اختي ولا تعبها
عض على شفته بقوه لين شفت لون الدم ينزل منها
:م انسى شلون دقت علي تستنجد مني بسبب ولادتها اللي قربت
وقتها كنت راجع من سفر وتعبان بس من سمعت صوتها نسيت كل
شي وركضت لها حتى اهلك الموجودين م كلفوا نفسهم يودونها
غمض عيونه غسان ونزلت دمعه من تذكر لحظتها
وكمل:لما جيت للبيت شفتها نازله لوحدها معها العامله تساندها
وليش لان اهل البيت طلعوا شاليه وتركوها
ارتجفت يديني وانا اسمعه يتكلم عن اللي عانته امي ويزيد قهري
وحقدي الاعمى لهم اكثر!
بلع ريقه
:مانسيت منظرها والدم ينزل منها وصراخها اللي كانت طعنات
توقف قلبي
ضحك بسخريه وهز راسه
:حتى العامله قلبها رق عليها اكثر منهم ، خذيتها معي ووصلتها
المشفى بس للاسف بسبب النزيف اللي جاها ماتت
بهت لون وجهي ويبست شفايفي وانا اناظره
وهو كمل:قررت انك تعيش واختارت موتها مقابل حياتها اختارتك
انت..
!!!!!
~
~
~
بيني وبينكم م انتوا بس تنصدمون حتى انا انصدم
من كتاباتي كل م رجعت اراجع البارت اذا بنزله😅
حبه حبه لين نختم روايتنا على خير ونبدا بالثانيه
عندي كومة افكار مدري متى اخلص منى واستريح😂😂
وقاعد افكر بالون شوت واحس اني راح ابدع فيها وانتوا
وش رايكم🤔
رايكم بالبارت عامةً 💫