قراري مثل ضوء الاخضر واطلقته الهم
بيبي الفرحه ماواسعته جدي عمامي
حتى مرت العمي
الكل نخبص على فرحهم الفرحه
غمرتي رجعت الهفه بيه
البيت انترس رانيا ورد منتضرات اشاره
وثنين تكومن يمنه يحضرن ويرتبن
نضفن ويوميه طالعات للسوك ويه مرت
عمي جايبات شغله واني بس اباوع
مربطه ليقبلن اساعدهن وليقبل اشتغل
دوامي عادي اداوم وارجع امين بعد
مااشفته ولا اتصل اكول معقوله لهسه
ماسمع اخذتني ورد ورنو لصالون
حفيت وجهي وسوت شعري صبغته
عسلي غامق وهوه لون عسلي فاتح
عمي بسام كل نفانيف مناسباتنه عليه
من محله مجرد نطلب على الصور بيج
يودي بيد الصانع
مااردت بدله طلبت فستان بسيط
بردن ومقسم جسمي كصة السمجه
ومن جوه كلوشته لونه من تدرجات
البنفسي
كان مكسم على الجسم دخل عقلي
حبيته
صار موعد العقد وعمامي طابين طالعين
جدي خبصهم حتى ماهر كل شويه يتصل
متخيلت يكون حفلت خطوبتي بهاي
الفرحه جدي عوزه يزوجنه نفس اليوم
عمي ماجد جاب الطلي ومرت عمي
كامت دكمز ستوهن منضفات الكراج
وهوه يكلها ميضل باجر نذبحه
واستغربت نذر عمي وديوفي
طالبني وصار مراده دمعت عيوني
تمنيت (اخويه ابويه امي)شاهدين
على هاي الاجواء كانت اكتملت
فرحتي
اجت ام الصالون للبيت بلشت بيه
ب10 كتلها شي بسيط لتكثرين
مثل مردت بلشت بيه ل1 اني جاهزه
الاجواء خياليه بيبي وجدي ممخلين احد
معازمي الجوارين الاقارب انترس البيت
انترست فرح ولهفه عشت التمنيت
اعيشه شي مراسمته وانرسم
كلبي يدك بسرعته الجنونيه
ايسر ويه البنات كل ميمير الباب
مفتوح يذبله هوسه ويدبج وذني
يدبجن ويااا
الضحكه على وجوه الكل بيبي
تمشي وتبخر بينه وتسمي
جدي حجي رشيد قوتي عزتي
انتمائي سندي ذخري رغم
كبر السنين رغم منغصات
الحياة كتبلنه السعاده
كل سجداته شكر لله كوني
احد امنياته تحققة بجيت
لهذا المنضر متخيلته بهذا
العمق
بدت الشيوخ تجي الناس تتهامس
عليمن غير هي بت عمه ورانيا ترد
يابه ماجد كال بنت اخويا كفيل
اسدلها الشارع وتضحك
وبيبي نوب نبت بته مو بت اخو
وذيج ذبيحت نذره هوه الطلب
من ابنه يجيبلها مشيه ترفع الراس
شويه وكالو يله ركضت رنو جابت
البركع الابيض مطرز بذهبي مكتوب
سورة الفتح وفتحنا لك فتحا مبينا
بلجانب الاخر بيت شعري بخط صغير
مثل شوك النوارس للبحر مشتاك
ومثل شوك السفن من تعشك المرسه
إذا ينسه الفجر خيط الشمس انساك
وابطل كل حزن وأتعمد الونسه
بس اعرفها روحي شما تمر أيام
تضل تبجي عله طيفك وأبد ما تنسه
مكتوب تحته ذكره سنة 2016
مفتهمت سالت رنيم يمي تعدل بشعري
همست مدري هوه من كتله اخذني
اتفق ويه الخياطه واستفسر
كلي خل تكتب هذا البيت
كملت مشتني دخلت كعدت بمكاني
اقل النص ساعه كالو يله خلوه يم الباب
كعدتني بيبي وبلشت مراسيم عقد القران
واني مااعرف مااعندي اي رهبه ولا عندي
ذاك الخوف المتملكني اعلنت قبولي
هنا فرحت بيبي وهلهولتها الي امتزجت
ويه دمعت عيونها
وخرت تمسح دموعها رجعني لمكاني
شويه ورانيا وكفتني حضرت الخواتم
محطوطات بعلبه وخاتمي مربوط
بشريط احمر ويه خاتمه
ضحكت هااي شنو
كالت سوالف امين
ومنو يلبسنه
ماادري
وخنا طب جدي بدشداشته
البيضه وعباته البيجيه
وعكاله الابيض هذا الطول الحلو
نصيت غرغن دموعي محسيت
بحنيته غير هاي السنين وين
كان عقلي وين كانت فطنتي
ليش نكرت فضلهم نكرت دلالهم
الحب عماني ونسيت سهرهم ركضهم
بينا لو واحد من عدنه طاااح
باسني براسي لزمت ايده دنكت بستها
طاحت دمعتي جرني حضني هناا اماني
هناا ملاذي بجيت بحركه
دموع الاسف
شهكت الجفاء
مااجازيهم ولا راح اوفي حقهم
بوسني مسح دموعي عليش بويا
هااي اليوم خطوبتج المفروض
اسعد البنيات انتي
سكتت اشهك غبت عن العالم بس
جدي وبيبي كدامي مااوعيت
امين واكف صفي
داركت الموقف بهزت رانيا الي
اخذ جدي الخواتم لبس امين
مثل مطلب ولبسني وكص الشريط
عرفت بعدين طلب امين جدي
يلبسنه يتبارك بي
كعدوني ثنينه خجلانين وثنينه
ممستوعبين اليصير مكدر يلبسني
الذهب مجرد اشر لمه يطلع وبلفعل
كص الكيك وكلني باوع على اتجاه
حلكي لو هذا فهه نزل الشوكه
وكام مترخص وطلع
لليل احنه ندك ونركص جانت الفرحه
مواسعتني ورد حايره ببنها وعسل
من ايد الايد
عمامي طبو ركصو ويانه عمو بسام
لاول مره يهز جتف ويه ايسر
الي جذب لحم ليكول هوه العريس
طبيت استراح مددت بملابسي
بس غمضت من التعب نمت
محسيت غير ايسر يطفر عااط
شكو نايمه تنبل كوومي
ورا رنيم صدك نمتي باع العيون
حمر
اجه صوت من وراهم مكتف ايديه
ويباوعلي بذوبان كال عوفها وطلعو
شنوو صااح ايسر طببناك نركصكم
كووومي لج وجرني همزين ثوبي مستور
طلعوني وامين يصيح عليهم وكفت وامين
بصفي وايسر طك اصبع شغلللل
شغلو اغنية حسام حبيبتي منين منين
ضحكت وهذا يهز وجر عمامي كلهم
صاح جدي يووول ماتعبت
كله هي يوميه عرس نركص براسهم
ورجع شعل الجو لزمني امين من ايدي
ركصني
اجواء متنسي رنو تصور واكفه على
الدرج مرت عمي دخلت ويانه بيبي
تفر بطرف شيلتها
عمي ماجد صاح كاافي بويا شنو مشايفين
طفه الديجي والبنات صاحتن مرت عمي
يسون عشه مجرد اكلت طفيت كلش
لل11 تعبنه امين صعد بملابسه نام
واني بس ذبيت نفنوفي
ثاني يوم كعدت على نقاش صدمني
سبوع العرس يسوو خلوني انجن
وبيبي سكت بيه ومرت عمي تقنع
ماعدنه شي غرفة الاخشاب بس
ترحون تختارون ويجون ينصبوها
ومعليج بلباقي
ملابس يومين تجهزين روحج
شغلاتج البقيه بيوم تخلصيهن
رانيا ورنيم كالن وياج هنا
منعوفج واذا كلش تعبتي
نوصي علنت
وصدك صار كلشي ركض ركض
اسبوع مر بتعب اغلب الاغراض
ملحكت اكملهن كالو وره العرس
جيبيهن امين مخلو يستفرد بيه
ولا كدرت اكعد وياا البنات يمي
متاركاتلي مجال يخابر تجره
رنو تودي الجهاز البيبي
خلته ينزللها رزلها وهي ولا جنها
دكله اوامر الحكومه وتأشر على
بيبي الي منطته مجال يحجي
باوعلي معصب ضحكت كال
شعليج واني المحترك
همست بين شفايفي تحمل حبيبي
ضل صافن لانت ملامحه ابتسمت
بعذوبه تبدل حاله بعد مكان معصب
بيبي صاااحت ولا تستحون بعد روح
احضنها مكال لا اجه جرني لحضنه
منحس غير النعوله علينه وخرر مني
يضحك كلها مرتي عطيه مبايكها
لو اخذها لغرفتي متمنعوني
كالتله اي بعد بيبيتك مااخذتها
غمزلها غير منطي حجايه لرجلج
وهيج مشه الاسبوع محسيت بي
اجه يوم العرس مقرر بس زفه
بدون حنه واني قتنعت تعبت
من فرت ذيج الايام
لبست البس الابيض كلي قناعه
تامه البدله من ارقه المصممين
حجزتها من البصره
امين عرف كال اشتريها مقبلت
كوني يوم واحد وبعد مااستفاد
منها كسرتها من جيسها
عمي ماجد كان بمان ابويا
هوه وجدي سلموني الامين
من بيت جدي لبيت جدي
كلشي تم بأحسن مايكون
اخذنه صور ملكيه مثل مطلبت
اخذني للمصور الردته
كان تحت طوعي كولي ويجيج
كل تصرفاته تعبر عن اسفه
كنت اقابل ذالك بمنونيه طويت
ايامي الفاتت اعيش اليوم لجل
نفسي اتقبلت نصيبي
دخلنه للفندق بيبي ويانه متركتني
كبلنه طبت موتتني بسالفت الرش
مالتها تمسح وبخرت السويت
امين يتهامس وياها بيبي فندق
هذا رحمه للكعبه بحال هلسوالف
هسه وكتها
وهي دكله خلي كلبي يبرد حبوبه
مااطمأن عليكم ولا انام ليلي
سكت عنها ميكدر على زعلها واني
هم عفتها التريده يبقه كلبها يمنه
كملت وصتني وصت امين وهذا
يهز براسه يريدها تخلص اكلت
راسه عينك عليها علاكيف وياها
هااي مو ذيج هااي عزيزتنه
كلها بيبي شنو اول زواج الي غبي
مااعرف مشايف مره كبل
مااعرف ليش صار بخاطري
طلعت وجدي وعمامي كاعدين
بقاعه للانتضار اخذوها ونزلو
ماانكر خوفي وبيبي جانت اماني
التفتلي كال نصلي
هزيت راسي ركضت للحمام بدلت
طببت وياي سيت الروب طويل
غسلت وتوضيت
طلعت لكيته مبدل لابس تراك
طب ورايه
طلع متوضي مسح ايدي بلمنشفه
لكاني ماده سجادته ولابسه شال لبناني
عندي عريض جايبته البس ثاني يوم
وكفت ورا توجهنه صلينه ركعتين
لوجه الله
رجع وكف كال كومي جهزي الاكل بين
مااكمل
ماكلت لا جنت ميته جوع لكيت مرت
عمي وبيبي حاطاتنه شي بجداري شي
مسلفن رتبت كلشي
كملت رجعت للغرفه شنو سالفته بعده
يصلي كمل سجد سجده يمكن 20
دقيقه ويحجي بسجوده مركزت
كان دعاء او كان تسبيح
كمل وكعد يسبح خلص التفتلي
وكف لم السجاده هاا كملتي
اي متانيتك
يله
طلعنه للهول شاف الميز مرتبه عليه
الاكل بتسم كعدنه ناكل نسيت كل
الخجل ورجعت وياا لذيج الايام
من اكابله ونتسابق من يكمل راس
البصل رجعت الايام نتعارك على
ماعون التمن
اكلت لحد الشبع هوه نسه نفسه
واني مثله كمل باوع لماعوني
صااح فد لا اكلتي بصل
هههه اييي
خرررب وداد
شبيك عمري
_هسه شلون كومي غسلي وفرشي اسنانج
شنو واذا اكلت قابل اول مره
_ صار عصبي والقرأن اليوم صير
مااتاني الباجر
طكيت من الضحك متت اجيت اغص
كام مغثوث يعني نفسج الدنيا متصبر
الباجر
اهز براسي لا واني فاطسه على
عصبيته
طب للغرفه يدردم
واني وكفت الملم وكل شويه تجيني
الضحكه قشمرت عليه مماكل بصل
بيبي مدري شلون خلت ويه الزلاطه
اثناء مناكل لميته ورجعته بلجدر الفارغ
مشافه بس حس بطعم الزلاطه بيه بصل
كملت غسل ايديه وطببت كاعد
يكلب بلجهاز رحت يمه
جريت ايده نمت عليها ذب التلفون
جرني حضني خله راسه بركبتي
يشتم بيه مديت ايد جريت التيب طفه
همس شكلتي لربج ليلة عرسنه وماكله
بصل هسه شلون ابوسج
رجعت ضحكت من كلبي وخر دفعني
واني ميته ضحك اريد اسكت
مااكدر وامين عيونه صارن بكصته
بس متحملني لحد ماهدئت ضليت
اخذ نفس بدون مااتردد تقربت
يمه بسته بلبدايه هدء رجع
استلمني معافني لحد مختنكت
وخر يجر الهوه همس حقيره ضحكين
عليه ابتسمت
هناا بدت طبول دك خله كصته
على كصتي يسحب نفس
همس وداد عوفيني براحتي
تحمليني اليوم اريد اشبع
لحد هل لحضه ممصدك انتي
بحضني وبين ايديه
خليني استوعب الله يخليج
حجاها بتوسل
نصيت هزيت راسي اي
ماانكر شغفي وماانسه لهفته
مااتخيلت هدوء ورجفت نفسه
كانو من الشدائد كنت مرتخيه
اكثر منه كان خوفه ليأذيني
دامه يمي يهمس بذني هاا
كلبي اسويها واني اكله مخايفه
لتخاف مطمأنه يبوس بيه
وخر يباوعلي تأذيتي اهز
براسي لا
بيج شي وداد يكلب بيه واني
لافه نفسي مبيه والله
سكت اخذني ليمه نمنه بهدوء
طول اليل احس بفزته يباعلي
ويشدد حضنه الي ويرجع اينام
ايامنه متخلو من النزاع على اصرف
لبس موقف عيشته الدلال وشوفني
الحب الغرفه من تنسد يبدي يتفنن
واني طايره بي وهوه يتمعن بكل
تفصيله ميفوت فرصه يبوكني
كدام بيت جدي ويصعدني
نسمع بس ضحكهم
متغيرت نضرته عيونه تنطق كم
الحب واهسه بيه مزروع
تعلمه درب يروح للمول اثناء
ميفتر الثوب اليعجبه يجيبه
تعالي لبسي دااشوفه
من اكلبه امووت خجل واعاند
ويكعد يهمس ويبوس ويقشرني
عيشته الحب
عسل مفاركتنه بس بليل تنام يم
رنو
وهااي مر على زواجنه سنه ونص
الاطفال ممفكرين نريد نسافر
وكان قرار محسوم الامر
عمو ماجد وزوجته وره زواجنه
ذبو للعمر وطلع اسمهم وراحو
رانيا__ بارق بعد اخر زعله اتخذت
قرار معامله بلمثل
بارق يرادله وحده قويه متعيش
ويا بلفقر التصرف وحسن النيه
اول قرار نفذته دعاء اذا اجت
وبارق موجود ميتواجد كدامها
بلبدايه تعارك ومشه مخالف مسويت
باطل لبست برموده ضيكه وبدي
ربع وهي كدامي بنطرونها المضياك
تفتر بي كدامه
شافني تعلكن عيونه مهتميت لليل
كام يحوس صعد نمت ونطيته
ضهري يوم يومين ثلاثه متحمل
تعارك راد بعد نزلت الجينكو
التحق واحنه ممتحاجين
حرمته شهر كامل وحجيتها بكل
حديه بت خالتك اذا وصلت البيت
وهي بهذا تفرفرها ولبسها
اروح لهلي يسولكم حد سمعني
اهدده جن جنونه وره ماهدء
كتله حتى حرام والله ميبارك
بيك لان اني عرضك وبتك عرضك
وذيج الكحبه عرضك لتطلع بينه
كال ولج اني مباوع عليها شسويلها
اذا هيه شايله المستحه
عوفني اني اصرف
_بله شسوين
احاجي امها واذا ضطر الامر
اروح لبوها
_نتر اكعدي لج
والله مااسكت بعد لو سويلي
جاره لو تعوفني اصرف
ضل حاير بامره وبلفعل اخذت رقم
ابوها واجيته بأسلوب ونبهتا خلي
بنته تنتبه على لبسها
من يومها مااجت دعاء والسمعته
كابه العيطه بيتهم وامها تهد وترد
تجي تعاركني لو تروح لبيت جدي
مهتميت خالتي زعلت مرديت
على احد هااي وحده بله خجل
ليش اخليه تفرض نفسها عليه
من سمع بارق وهوه ملتحق حار
شحجه عليه ويهدد بس انزل
كتله حجايه خليته من يومها
يسكت عني اني حليمه ومرضعي
طاهر ومااقبل بلباطل
تعاركني لان احافظ على طهارت
بيتنه شمدريني مايوزك الشيطان
وتدنه نفسك عليه وتزني
كلي بكل هدوء مواثقه مني
_بكد شعره مواثقه الي متحمل عزاي
وراح طلبها ومقدرني ليش انطي
كامل الثقه
الي متحمل لبس بت خالته وتشلحها
وهوه من باب ماريد خالتي تزعل ويشبع
نضره مااثق بي
اليحب يرضي محبوبه لتكلي مقصر
وياكم مو كلشي فلوس واكل
تره اكو اشياء معنويه تغنيك اكو مواقف
تثبت واني كلشي مشفت منك بس حجي
خليك مكاني لو ابن خالتك يجي واني
اطلعله بكامل انوثتي تقبلها اكيد
اشيلك الغيره وانت تريدني اتحملها
واتغاضه عنها كونها تخصكم
سكت ومن يومها تغير كلشي بيناتنه
صار حاجز وكدرت اكسره
مااريد هذا الحاجز يكبر واخسر
هلأنسان رغم كل عيوبه اعرف
شنو داخله الي
لكن الشيطان شاطر والنفس
اماره بلسوء كنت اخذ حذري
شما يضل بخاطره اني قادره احتوي
وبلفعل احتويته ورجعت علاقتنه
الايام كفيله والصبر حلو
ماكو شي اجه مثل منريد الحياة
عيشتنه وعلمتنه
نصير عايش باعماقي مانسيتا
كل صلا اهديله جزء من القران
بكل دعاء ادعيله بلرحمه
بارق صار اب الاوالادي يكفي
يصرف تعبه عليهم يكفي محتضنهم
من كلبه مفرط بيهم اله فضل
على حياتي واستقراري
ماكو انسان كامل تحملت سلبياته
يبقه كلبه النه حبيته وحبيت حنيته
السنين تغير وغيرت لو الجزء القليل
من تلك السلبيات
قدمتله احله هديه بولادتي وكانت
فرحته متوصف من شايل ابنه دمعته
لالة بطرف عينه همس بأذنه كرار
وصار ابو كرار على سن ورمح
ورد __ ايامي المرت كانت شاهد
على عذاب هاجر وخالتي المتقبل
وصلت بيها هددتها اذا متبطل منه
سلم الامر بيد اخوانها هنا هاجر
زادت بلبجي حالته انتكست
كنت متفرجه مااكدر اتقرب وتصدني
ولا اتحمل اشوفها هيج تتعذب
لاول مره اطلب احجي وياا خالتي
ولمن عرفت شريد احجي صاحت
لوجهي لتدخلين انتي خليج بعيده
صدك استهضمت سحبت روحي
واشوف هاجر باب الغرفه سمعت
جت حضنتني وماتت بلبجي عيونها
راح حاولت اسكتها تتوسل ورد
اعرف اذيتج وهواي سويت
شغلات ضدج بس والقرأن هنه جانن
يحرضني واني بدون عقل وراهن
امشي
تبوس بيه وتعتذر كسرت خاطري
سحبتها وطمنتها اني مااشيل
بكلبي ونسيت كلشي
كامت تضحك مكيفه ممصدكه
من يومها صادقتني تغيرت
موهاجر الاعرفه ايدها وياي
رامي دائماً اشيله مرات تاخذه
عني من شوفني ملتهيه
افسر تصرفه كوني وكفت
وياها لو كون اكدر احاجي
خالتي وتطلب هذا الشي
ردت اسويها ل الله بيوم
اجتني مرفرحه حبيبها حيتركها
تتوسل ودموعها عشره عشره
كتلها ماكدامج غير يطلبج من
اخوج ويصير حجي زلم
خالتي بعد متكدر ترفض اذا
نهاد عرف خوش ناس
سكتت منصيه خايفه طمنتها
وبلفعل طلبها من نهاد وجايب
وياا عمه وابوو
نهاد كلهم نسال ونشوف رايي
البنيه ونردلكم خبر
خالتي عرفت لو رادت تموتها
لومااني ادفعها نوب صارت
ضدي ومتحاجيني
من سمعتها دكل لختها ام احمد
هاي فكرت ورد هاجر اعرفها ثوله
موعاقله واني اكول شبيها هويجر
منين اجتها الحنيه ويه مرت اخوها
من يومها شلت ايدي فوك مااريد
زينيتهم نهاد مطقس وسبوعين هوه
يسأل وكلها تحمد بيهم
خالتي تلوب متريد تنطيها للولد
سمعت حجي نهاد لو نار بيها
تتكرضم بدون ميحس
رادت حاولت تخرب مكدرت ولاتكدر
تحجيله كلشي بلعتها بمرارتها
وصارت خطوبت هاجر مااسولف
فرحتها واخذتني وياها وتستشيرني
بكلشي اختها الاكبر اجت وحماي
محمد اجه على عقدها
خالتي ضلت مقاطعتني دكلي
كله تدبيرج نهاد حس كلها
يمه اذا سامعه شي عليهم
كليلي واني مستعد ارفض
وهي دكله لا يمه بس لان
غرب وردتها لبن عمك اقرب
وهم أمن وكلبي يرتاح
وضلت خالتي هيج كون الولد
مااعتبرلهم اعتبرار ودخل لبيتها
وحقها ولو اني بمكانها اسوي الاكثر
خلال شهر زوجت هاجر تغيرت
هواي امور كانت ارزن من قبل
الاخذته رغم طيشه بس كان اله
تأثير على سلوكها علاقتها بنات
عمها شبه مقطوعه
صار قربها الي والاختها
نهاد مثل ماهوه شغله ويه عمامه
بعده لهذا يومنه عاقد على بت
عمه بس هاجرها
رغم صارت هواي خلافات
عمامه حاولو بشته الطرق
يحسبها زوجه وينطيها
حقوقها رفضه كان نابع
منه
لزمهم كون اغلب الشغل مستلمه
يكدر يتلاعب ويحوش كلشي
بلعوها بسلايتها
حياتي وياا متخلو من بعض المنغصات
لكن اني الاتجاوزها
لليوم عقده من بت عمه غصه بكلبي
حاولت تخرب بس اني اتلافه الامور
هوه بعقليته يوضحلي اسكت مااريدها
تنال مرادها وتزرع الشك واعرف نهاد
اذا كان صادق اوكذاب شعور بديهي
تملكه كل مره اتجاه زوجها تحس
سلمت حياتي بيد كاتبتنه
المبدعه حبيت تسردها بكل محبوبيه
ماانكر اضوج بيوم التتعطل الانقطاعات
الصارت وترتلي اعصابي
لكن من تواصلت وياها عذرته يمكن احنه
الاربعه كنه مشوقين اكثر منكم نقره قصتنه
ونشوف تفاعلكم
رنيم __ تعايشت ويه وضعي كنت
مغلقه على نفسي ركام اثارهم لسه
بيه مناسيه بنتي مناسيه ضحكتها
حرموني من شوفتها صار عمره 4
سنين حالين واني مشايفتها كلبي
يتكطع واني ادري بيها يجي يوم
اسمع خبرها
رفضي لبن عمي كان قراري بمحله
مااكدر اتغرب ولا اكدر اتقبله بحياتي
بعد الصار
رغم الحاحه واني استخطي
الحب عشته وياا ودفنته ويااا
اريد اعيش لجل نفسي اريد
انسان يحتوني
وكل الوصلته للكاتبه كدرت
توصللكم طلبت منها كلام
عن لساني
السلام عليكم اول شي احب
اوجهه شكر كلش كبير للكاتب
سجى كولش ماقصرت وسرد
مالتها جدا رائع صح صارت
انقطاعات بس ماكو بشر معصوم
كل شخص وضروفه المهم
اني رنيم ام لطفله مريضه
اني رنيم الي الكل كال عنها
فاهيه بارده متعرف تتصرف
يجوز حقكم دكولون هيج
ومااعتب ع احد
بس اريد أوضح الكم شغله
اني ربيت بوسط عائله القول
والرأي لأول والأخير لوالدي
اضافه اني ربيت ع هذا عيب
مايصير تردين مايصير ترفعين
صوتج بوجه احد عيب تحجين
هيج ويا لأكبر منج ميخالف اتحملي
اما عن طليقي اني اسمي غريغر
عوفكم من الاسم الي كاتبه لو كاتبته
غريغر احلى لان احسه يشبه غريغر بكرشه
المهم اني ازوجت محافضات
ثانيه ومحد يمي يعني مضطره
اكون مثل ما يريد لان متوقعه
كل شي يصير ليش أعرض نفسي
لموقف أن يمد ايده عليه ولو هوه ما قصر
أو يطردني وين اروح ورغم سواها غير
اني عندي بنت وكنت أتصور مابيها شي
شلون تقبلون اخليها تجي الها زوجه اب
وتأذيها هيج تفكيري اضافه
اني تفكيري جان بسيط مراهقه بعمر ١٩ تزوجت شي اكيد يكون تفكيري ع كدها لهل سبب تحملت
اجي للناس الي لاموني لان عفت بنتي
راح اكول الكم اني صح ندمانه
والمفروض ابقه وبنفس الوقت
لا ما ندمانه لان اذا بقيت اني
اعرف مصير بنتي شنو بنتي
كل ماتكبر كل ما عمرها يقل اسم الله عليها
وانتو تخيلو حالتي بعد زين بعد ما ابقه
واتمسك بيها والله اخذ أمانتها أهل ابوها راح
يعوفوني يبقوني ع ذمته
لا والرب راح يطلكوني
ويطلعون بتهمه أكبر من
التهم إلى صارت عليه مال
الطبيب ومال الفلوس وغيرهن هواا
اجي ع الي كالو ليش مااخذتيها
اني لو بيدي أخذها ومااخلي بشر
يحرمني منها بس بنتي أقل شي كل
شهرين تحتاج مليون وكسر زين باي
لحضه تتخربط عندي لان حالتها يرثى
لهذا تتوقعون راح اهلي يتحملون مسؤوليه
همه من البدايه ساوموني تردين الطلاق بنتچ
تنسيها يعني بنتج لو حريتج واختاري واني ما الومهم لان سيروان حقير اي شي يصير ماعنده اي
اشكال يسجن وخصوصا هوه رجل أمن وعنده معارف واني لحد لأن ما شايفه بنتي محد يقبل
اروح لا عمامي ولا أبويه بس دا اتحايل ع عمو
بسام ياخذني ادعولي يقبل
ولهنا تنتهي قصتي واحتمال اكو مفاجئه حتى الكاتبه ماتدري بيها مخليتها تصير يلا احجيها😂😂😂يعني سجاوي حالها حالكم مو كل مره تتلاعب باعصابكم هلمره اني اخذ حقكم منها
الى هنا تنتهي قصتنه وينتهي
مشواري مع اربع ورود
رانيا
رنيم
وداد
ورد
مشيت وياهم بمشوار صعب
حياتهم رغم الصعاب كدرن
يجتازنه بأراده بقوه
بسند
حجي رشيد
بيبي عطيه
العمام
بسام
باقر
ماجد الاب الحنون
تبقه الاسره اكبر سند للبنت
وهذا يدل على حسن التربيه
حجي رشيد كان قدوه للاب
الناصح الحنون
محطتنه وصلت للنهايه اتمنه
استمتعتو بيها
انقطاعي رغم عني
اعذروني مااريدكم
تاخذون فكرت
كثرت الاعذار نابع مني
ضروفي كانت ذيج الايام
جبرتني انقطع
والا حبي الكم وللقصه جبير
اتمنه تلتمسولي العذر
واشوفكم باقرب وقت
مع تكملة تواتر القدر
تحياتي الكم
سجى الطائي