على ان التفاعل بالبارت السابق م عاجبني بس ماحبيت
اسحب وهذا بارت للمتفاعلين❤️
ملاحظه: عشان ينزل بارت جديد كملوا شرط البارت
15 و 16 عشان ينزل بارت جديد!
الكومنت ؛ 120 بارت جديد🤍!
~
~
~
فِي ماضي يحكي قِصة أحد أبطالي....
'
مسح على وجهه وهو مالل من كثرت المشاكل
:يايمه يايمه واللي يرضالي عليك فهميني
قالت امه بعدم استجابه
:لا افهمك ولا تفهمني اللي قلته بيصير
قال بتعب
:وبعدين غصب يعني تبين تخربين بيتي؟
قالت امه بنرفزه
:اي بيت تتكلم عنه هاا غير زوجتك اللي في رقبتك
حتى عيال ماعندكم
قال بصبر
:الله الكريم يمه
قالت امه
:ونعم بالله بس الى متى بصبر هذول اخوانك تزوجوا
وعيولوا وانت للحين منتظر الفرج؟
قال بهدوء
:الله يخليهم لهم ويرزقهم بس يايمه هذا رزق من الله مالنا
اعتراض
قالت امه
:اربع سنين يامسفر اربع سنين؟ واللي اصغر منها
معيلين وعيالهم بدوا يدروسون ايش تفسير هذا غير
ان زوجتك فيها عله
قال مسفر
:استغفرالله يايمه وش هالكلام هذا وانتِ المصليه وتعرفين
ربك تقولين كذا؟
قالت امه بحزن
:م انا اللي يقول الناس بدت تتكلم يامسفر
قال مسفر بغضب
:بحريقه الناس ماخرب بيوتنا الا الناس اللي ماعندهم
غير القيل والقال
قالت امه بنهاية النقاش
:مسفر لا تصيح علي اللي عندي قلته وماراح اغير رايي
ولا روح لا اعرفك ولا تعرفني
انصدم مسفر من كلام امه وماتركت له مجال وقفت ومشت
من عنده تاركته بهمه وضيقته
حط يدينه على راسه ويحس ان الهم جثى على كتوفه
وهمس:يارب صبرني يارب
حس بيد تمسح على كتفه وصوتها
:حبيبي مسفر
رفع راسه وشافها جلست جنبها وقبل يتكلم
قالت:سمعت كل الكلام يامسفر
بلع ريقه وناظرها
وقال:ماعليك انتي انا...
قاطعته الجازي وهي تهز راسها
وقالت:امك معها حق يامسفر
وسع عيونه غير مستوعب كلامها
ونطق:الجازي؟ مستوعبه كلامك
قالت الجازي رغم المها من كلام خالتها
وقالت:ايه مستوعبه مسفر وامك ماغلطت من حقها تشوف
عيال ولدها
قال مسفر
:بتشوفهم بس من غيرك ابداً
ردت عليه الجازي
:لا تقول كذا يامسفر ترضى امك تزعل عليك
قال مسفر
:مردها بترضى يالجازي
ابتسمت الجازي وناظرته
وقالت:واذا قلت اني موافقه تتزوج علي
وقف مسفر بقهر من كلامها
:انتي انهبلتي اكيد؟ في مره ترضى زوجها يجيب عليها
ضره اعقلي
بلعت ريقها الجازي وهي تحسه مثل الجمر بس مضطره
توافق وتشوف زوجها وحبيبها مع غيرها ولا يتعذب
هالعذاب بسببها
مشى من عندها مسفر قبل يقول لها كلام جارح ويندم كلامها فار دمه شلون مسترخصه عمرها ولا همها
الا راحته وهي بالطقاق!
'
فتحت عيوني واحس تعب العالم كله فوق كتوفي ناظرت الجهه
الثانيه وكان ريان نايم بعيد عني في نفس السرير
من بداية مكوثنا بالشقه وهو رافض ينام لوحده في الغرفه الثانيه
"من الحين قدرت تنام بعيد عني يالقزم"
تنهدت واكيد مستغربين كلامي العاده ريان ينام وراسه على
كتفي او حاضني اذا كان زعلان علي او زعلان عليه
هو مفكر لو نمنا واحنا زعلانين من بعض يصحى مايلقاني
لانها صارت مره بالميتم وهنا هو انجن فكرني طلعت من الميتم
وتركته
رفعت نفسي ومسحت عيوني وانا مقرر اقوله عن اللي صار
بالمشفى البارحه بعد ماطلعت نتجية التحاليل
للأسف ايجابيه
"للأسف؟ مدري كيف طلعت مني ايش فيني صرت اناني ومابي
ريان يبعد عني هو من حقه مثل م انا من حقي يكون لي عايله
واسم"
بلعت ريقي وانا مقهور من تفكيري ووقفت طالع للحمام تكرمون
وراسي مشوش م ادري كيف اقوله الخبر
قررت اسحب على الشغل اليوم عشان ريان طبعاً هو أهم منه
ومن اهلي طبعاً لا تتفاجئون
م انا ولدهم فمن حقي اختار اداوم ولا اسحب عجبهم ولا لا
بعد مده وانا اجهز الفطور صحى ريان يفرك عيونه وناظرني
بنعاس وهو مكشر مايبي يداوم
ابتسمت له وجلس ع الارض وطبطبت على المكان اللي جنبي
:مكانك ياشاطر
بد بوزه وتقدم مني وجلس منتظرني اوكله م قلت لكم دلوع
"هههههههههههههههههههه"
اخذت نفس من من مسح على فمه وهز يده بمعنى شبع
فقلت:ريون ماراح تداوم اليوم
ابتسم لي بفرحه بس شي يوجعني اني بقتلها
وكملت:في موضوع اهم لازم تفهمه
سكت من لاحظ جدية لاول مره
وقلت:لما رحنا البارحه للمشفى وقلت لك بنسوي تحاليل عشان
صحتنا
هز راسه وعدل قعدته وحرك يده
"صاير بالتحاليل شي"
هزيت راسي بلا وزاد استغرابه
فقلت:التحليل اللي سويتها انت بس م لي
مسكني ريان بخوف واشر على نفسه بمعنى
"فيني شي"
مسكت كتوفه اطمنه
وقلت:لا لا مافيك شي حبيبي تطمن بس لزوم التحاليل عشان
نثبت شكوكنا
بللت شفايفي من انتظاره اجابتي
:اهلك طلعوا عايشين ريان وابوك يطالب فيك
صمت دام لحظات دقايق طويله وريان صامت يناظرني بدون
تعابير على وجهه وهالشي خلاني احس برعب
هزيته بخوف
:ريان ريان لا تخوفني
ماجاوبني حسيت اني ببكي حسيت ان الادوار بتنقلب فينا
وقلت:ريوني
طاحت دموعي وشهقت من عدم اجابته
وهمست:لا تكرهني ريان لا تتركني
ضيق حواجبه ريان وصفعني كف ادهشني وصنمت مكاني
حرك اصبعه بلا واشر علي وعليه وسوا حركتنا الدايمه اللي نسويها
"انا وانت للابد مع بعض وماراح ننفصل"
مسح دموعي رغم الحزن البادي على ملامحه وباس عيوني وخدودي
وضمني لصدره غمرني بحنانه ودفئه ولطافته
غمضت عيوني ونزلت دموعي بألم شهقاتي اعتلت بخوف بينما
ريان ظل جامد مكانه وبس يمسح على راسي ويهديني
فجأه انقلبت الادوار وصار هو انا وانا هو!
•
•
دخل بكرا وهو يشوف مطلق مشغول بوراق تخص الشركه
وقال:مطلق ابيك موضوع
قال مطلق بدون لا يرفع عينه
:م تشوفني مشغول بأمور الشركه
قال بكر
:مهو الموضوع اللي بكلمك فيه يخص الشركه
رفع راسه وناظره
وقال:بخصوص؟
قال بكر بجديه
:صحيح انك استغنيت عن محامي الشركه؟
قال مطلق ببرود
:مسرع ماوصلك الخبر
قال بكره بستغراب
:واقدر اعرف ليش
قال مطلق
:تهاون في بعض الامور واستغنيت عن خدماته
ضحك بكر ورفع حاجب
وقال:تهاون؟ انت من جدك تراك تتكلم عن طالب اللي يتهاون
في كل شي الا الشركه
قال مطلق
:بكر انت مالك بهالامور رجاء اطلع منها
قال بكر
:الشركه مثل م انت لك حق انا بعد لي حق
تقدم منهم الجد وهو منزعج من صوتهم
:ياولد ايش عندك انت وياه اصواتكم عاليه
قال بكر
:اسأل ولدك حضرته فصل طالب من الشركه
اندهش الجد وتقدم وجلس ع كرسيه
وقال:نعم؟ وممكن اعرف عذرك
قال مطلق
:يبه انت معلمنا اللي يتهاون بالشركه وماياخذ الوضع بجديه
نستغنى عن خدماته ونفصله
قال الجد
:وفي ايش تهاون طالب يامطلق وضح لي
قال مسفر بصوت عالي وهو داخل من الباب
:انا اقولك يبه حضرت ولدك فصله عشانه بس لقا ولدي وعرف
من هو
سكت الجد وهو يناظر مسفر بصدمه وبعدها التفت لمطلق
وقال:هذا سببك؟
بلل شفايفه مطلق
ورد:انه يشتغل من وراي وبدون علمي هذا م اسامح فيه
ضرب بكر الطاوله بيده
وقال:ليش تحس نفسك انك محور كل شي وبيدك تقرر هاا
رفع يده الجد في وجهه بكر
:بكر اهدا
دخل بشنطته للبيت وهو يرحب بصوت عالي
:ي اهل البيت وينكم جاكم المشتاق
التفت مسفر وهو م مصدق وجوده
:لطيف؟
~
~
~
اتمنى تكون توضحت لكم بعض الامور في هالبارت من
ماضي ابطالي😇
وترا ماراح يكون اخر ماضي لسى فيه احداث من جُعبة
الماضي عشان تتوضح الاحداث اكثر
بس انتوا ابهجوني بالتفاعل عشان ازيد حماسكم اكثر😄
رايكم بالبارت 💫