الفصل الخامس
قالت نرمين وقد احتبست الدموع في عينيها:
لا مافيش أنا تمام الحمدلله مالي مافيش يا صافي سلامتك يا حببتي انا كويسة جدااا
نظرت لها صفاء بعدم اقتناع وأكملت :
صحيح يا نيرو عندك حاجة يوم السبت ؟ أصلي انا عاملة حفلة شوي أنا وزياد و محدش جاي غير أصدقائنا وبس المقربون بس حفله كده صغيرة تعالي علي سبعة كده أوكية حستناكي ثم شاورت بيدها في استعجال.
سلام بقي علشان أتاخرت علي زياد اشوفك يوم السبت
ولكن فجاءة ندهت نرمين علي صفاء التفتت إليها صفاء وقالت متعجبة !!!
خير يا نرمو في حاجة ناسيتي تقوليها ولا اية اخلصي انا متأخرة قوي
تجاهلت نرمين كلام صفاء وقالت بحدة:
أنتي لية ماقلتليش حاجة عن أخوكي قبل كده ولا عرفتيني علية مع أن أحنا أصحاب من زمان ليه خبتي عني أن اخوكي اللي أشتري الشركة
رفعت صفاء حاجبها بأستيا:ء
اقولك عنه إيه قصدك يعني أنه اشتري شركتنا ؟هو طلب مني مقلش لحد عن موضوع ده من موظفين شركه آسفة يا نيرو بس انا حذرتك يوم الفرح منه ومن أنك تبعدي عنه و أصريت علي تحذيري ليكي صح يا نيرو انا اكتر حد حافظ أخويا كويس
أخذت نرمين نفس عميق اللي الداخل و أخرجته وقالت :
خلاص يا صافي حصل خير متاخديش في بالك كله حيعدي وانا يومين و حرجع زي الاول
بدأ القلق علي وجه صفاء و اقتربت منها و بدأت تربط علي أكتافها وتقول :
اسمعي يا نيرو أنا معرفش أنتي تورطي مع مراد لحد فين لكن خدي بالك مراد محترف جداا في سرقة عقول الناس بيخليهم يعملون اللي هو عاوزةحتي ولو ده ضد إرادتهم أخويا و أنا حفظاه صم و مراد طلما حطك في دماغة مش هيسيبك في حالك خدي بالك
اخفضضت نرمين رأسها هي أكثر أحد علي دراية بكده ألم يسرق عقلها حين نداها حبي و حين صاح انتي زوجتي وحين قال رحيلك سيقتلني فقد سرق عقلها و نعود نبض قلبها
فاقت نرمين لنفسها وقالت بمرح مصتنع:
صحيح يا صافي مش أنا قابلت مامتك بعد الفرح و كانت بتقول حاجة عن واحده أسمها ماجي ،
اللي هي تطلع مين ماجي؟ دي يا صافي حد يقرب ليكم ولا ايه
تأففت صفاء وقالت وهي تنظر لساعة يدها في عجاله:
اه ماجي لا مش قربيتنا دي بنت صاحب بابا وبصراحة العيلة كلها متوقعة أن مراد حيخطبها قريب الكل في أنتظار الخبر ده هما بقالهم مده كبيرة مرتبطين وأصدقاء بس مراد عمال يماطل معاها مش مريحها
نظرت صفاء لساعتها مرة أخري و قالت وهي تستعد للرحيل :
لا أنا اتاخرت قوي حستناكي يوم السبت أوعي تتاخري سلام يا قطة باااي
وقفت نرمين في الغرفة فارغة تحس فراغا في قلبها وتنظر ما حولها و تحتضن نفسها بذراعيها
سمعت صوتا يأتي من خلفها و يقول بمرح معتاد :
هاي رحتي لحد فين كل ده سرحان
استدار رجل من الممر وتوجه إليها وعيناه مركزتنان عليها
ابتسمت نرمين لصاحب الصوت وقالت وعلي وجهها نفس الابتسامه:
انت فين يا عم كل ده غياب و الله ليك وحشه
.رفع سيف أكتافه وقال :
معلش بجد مقدرتش أجي الفرح ها كان حلو ولا اية احكيلي عملتوا أيه بالتفصيل و صفاء كانت حلوة احكي بقا بسرعة اللي حصل
أجابت نرمين وهي تضحك علي طرقتة المعتادة و عدم إعطاء فرصة للطرف الآخر الحديث فقد اعتادو علية :
اه يا عم سيف الفرح كان فوق الروعة و صفاء كانت جميلة قوي يا سيف بصراحة الفرح كله روعة تحفة ربنا يهنيها
ابتسم سيف ولكن الحزن كان بادي علي عينيه
التفتت له نرمين و هي تدقق النظر في عينبة وقالت :
خير يا سيف شكلك حزين قوي بردو متخانق مع هناء صح مش تهدي اللعب معاها شوية فوت خالي المركب تمشي فوت يا سيف ما تقفش علي كل كلمة تتقال
تنهد سيف بصوت عالي وقال بيأس :
عادي بقا يا نيرو إحنا بنتخاتق أكتر ما بنعيش و نتفس أنا كرهت الجواز واللي عاوز يتجوز حاجة بقت تزهق كل يوم عكننه وخناق علي حاجات هايفة بجد الواحد زهق من حياته خلاص ما بقتش مستحمل طريقتها و غيرتها الاوڤر
قامت نرمين واقفة وقالت بحيرة كي تغير الموضوع: صحيح عرفت أن اللي أشتري الشركة و بقا المدير الجديد بتاعنا يبقي اخو صفاء
هز سيف رأسة يأكد كلامها و هو صامت
رفعت نرمين حاجبيها وقالت :
اوووو شكلك عارف يا سيفوا و مقلتش حقك ما انت من مؤسسي الشركة وطبعا فؤاد كمان أكيد عارف صح واحنا أخر من يعلم و كأنه سر
رفع سيف أكتافه بدون اهتمام و كان الأمر لا يعنيه وقال:
بصي يا نيرو انا مش شاغلني مين يمسك الشركة اي كان اللي حيمسكها مش حتفرق كتير سيلك انتي أيه رأيك نتغدي مع بعض ف مطعم شركة بقالي كتير ما قاعدتش معاكي عاوز احكيلك علي حاجات كتير.
ابتسمت نرمين له بحب و قالت:
اوكية يا سيف أشوفك ساعة الغدا أن شاء الله
أجاب سيف وهو يتجه نحو الباب ويقول و هو يعطيها ظهره :
خلاص احجزيلي مكان جمبك سلام يا قمر اشوفك في البريك
تنهدت نرمين بعد خروج سيف من عندها و قالت في نفسها :
ربنا يروق بالك يا سيف كل واحد فينا عنده همه الله المستعان
وصل سيف الي المطعم قبلها ببحث عنها فوجدها تدخل من الباب لوح لها بيده ردت عليه و تناولت صنية طعام و سحبت كرسي و قاعدت بجانبه
بدأت نرمين في تناول الطعام ولكنها رفعت نظرها علي سيف الذي كان الحزن بادي علية جداا سألته نرمين بحيرة و بصوت فيه شفقه :
في اية بس يا سيف لكل الحزن ده الدنيا ابسط من كده وكل حاجة وليها حل بس انت فكها بقا علشان خاطري
هز سيف رأسة بأسي وقال :
هناء سابت البيت يا نيرو بقلها أسبوع و أخذت أحمد أبني معاها وأنا حياتي مدمرة أنا مشتاق لابني يا نيرو وهي مبتزهقش من الخناق أنا مش عاوز أخطو خطوة أندم عليها بعدين علشان خاطر الولد اللي بنا لكن هي علطول غضبانه و مافيش أي حاجة فارقة معاها لا عشره ولا ولد ولا أي حاجة بجد زهقت أنا حاسس ان أنا مش متجوز دي يا نيرو قاعدت في بيت أهلها أكتر من ما قاعدت في بيتي من ساعة ما تجوزنا يا أما غضبانه يا أما أمها وحشها وعلي طول سيباني لوحدي
ظفرت نرمين أنفاسها و قالت وهي تربط علي يده بحنان :
معلش يا سيف أستحملها علشان خاطر أبنك، ابنك ملهاش ذنب في المشاكل دي انتم كده حطلعوا و لد غير سوي براحة بقا علشانه حافظوا عليها قلب مواضيع وسط عنادكم انتم الاتنين هيكون هو الضحية ارحموا الولد بقت
أنضم إليهم ياسر أهلا يا جماعة اخبركم اية
ردو التحية و هم يتناولون الطعام
جلس ياسر بجوارهم وقال و هو ينظر لسيف بتمعن:
عرفتم أخر الأخبار مش اللي أشتري الشركه أخو صفاء
رفع سيف عينية من علي الطعام وقال:
لو بتلمح اني كنت عارف ومقلتش في ده طلب الرئيس الجديد يا ياسر وأنا مقدرش أقول حاجة معنديش أوامر بيها
قالت نرمين و هي تعبث في طبقها بملل:
اظن أنه عمل كده علشان مايحرجش صفاء بسبب سمعتة اللي في الإدارة وطريقته الوحشية مع الموظفين علشان كده حاول قدر المستطاع أن يخلي الخبر سر عن الكل
رد سيف إحنا لحد دلوقتي منعرفش عنه حاجة أو عن طريقة الإدارة بتاعته بلاش نحكم علي الأمور من برا
رد ياسر و هو يتأفف :
بقولك إيه يا سيف أسأل فارس أخو نرمين عن الرجل إللي طرده و السكرتيرة وغيرهم اللي كانو ضحايا لقرراته القاسية اللي غير محسوبة
قال سيف و هو ينظر لياسر بتعجب:.
أنها قررات إدارية يا ياسر لا يمكن لرئيس مجلس إدارة شركة إنه يتخذها هو ملهوش دعوة بالقررات دي بمعني أصح مش من أختصاصه هو دي قرارات من الإدارات الاقسام
أجاب ياسر و هو ينهر سيف :
لكن إحنا سمعنا أنها قرارات رئيس مجلس إدارة
ثم نظر ياسر الي نرمين وقال وهو يدقق النظر :
كنتي تعرفي صح و مع كده خرجتي معاه يوم الفرح صح
أنا بنفسي شوفتكم وأنتم خارجين برا الفندق
ردت نرمين بحده ممزوجة بالغضب :
مكنتش أعرف هو مين يا ياسر علشان كده خرجت ولو كنت اعرف مكنتش خرجت معاه مش معقول يعني حكون عارفة شخصبتة الحقيقية وأتعامل عادي
قام سيف من مكانه وقال و يستعد للرحيل :
يلا سلام انا عندي شغل اشوفكم بعدين وتركهم وذهب
تابعة ياسر بعنية والتفت الي نرمين و قال بمكر :
اللي أعرفه ان يوسف متجوز وعنده ولد ولا أية
كشرت نرمين و أحتدت في الكلام معه وقالت :
وانا متهيقلي أن الشركة كلها عارفة أن سيف متجوز و لو حتسألني عن كل واحد ابتسملة و أكلمه يبقي مش حتخلص أظن ان معندكش الحق في كده وقامت وتركته
وقبل يومين من حفله الشواء وقف ياسر أما مكتب نرمين وقال بخبث:
في إشاعة بتقول أن الأخ الأكبر حيزورنا زيارة رسمية علشان يعاين علي الطبيعة
رفعت نرمين رأسها له وقالت بحده:
أمتي ده أن شاء الله أوعي تقول انهارده
ثم أكملت بسخرية : ههه ليه تلاقي جاي يعد رؤس و يتخلص من الإهمال ماهو مشهور بكده عادي بقا اهو وقوع البلا و لا أنتظارة
ثم توجه ياسر لمكتبه وجلس يستمع لكلامها
وفجاءة فتح الباب دون إستأذان
قم ألقت عينان ينيتا مسيطرتان نظرة عامة سريعة علي الموظفة الشاحبة التي ارتجفت ثم انتقلت الى ياسر تتفحصة جيدا
كان مراد دخل المكتب برفقت سيف و فؤاد اللذين بنيا شركة علي أكتافهم حتي أصبحت من أعظم شركات
خرج مراد دون أن ينظر إليها و كأنها غير موجودة.
انبت نفسها للمرة الألف علي تصرفها الأرعن !لماذا لم اتذكر ما قد تكون عواقب اندفعها؟لماذا،اعمتها مشاعرها؟
ذلك المساء اتصل فارس يسألها إذا كان ممكن يحضر هو و مايا لزيارتها فوافقت مع أن دهشتها كانت كبيرة لأن أخاها نادرا ما يزورها ولكن علي ما يبدو أن فارس و مايا حاملا معهما حفنه من مشاكلهم الخاصه .
قال فارس وهو مدد علي الكرسي :
في إشاعة بتقول أننا كلنا كده علي لائحة التطهير
قالت نرمين بزعر:
قسم الابحاث كله؟...لا يافارس .مستحيل ! علشان كده هو جيه الصبح؟
رفع فارس أكتافه دليل علي عدم معرفته وقال:
مش عارف والله يا نيرو بس الوضع شكله كده غير مطمئن بالمرة اشاعات كتير و محدش عارف فين الصح وفين الغلط الكل تايه حتي الرؤساء وأصحاب الاقسام
رفعت نرمين حاجبيها وقامت واقفة متجه اللي المطبخ
وفي المطبخ كانت مايا تساعد نرمين في إعداد قهوة وسألت مايا نرمين بخوف :
نرمو انتي كويسه فيكي حاجة لونك بجد مخطوف و مش علي بعضك كده خير يا نونو فيكي إيه احكيلي مش انتي بردو بتعتبريني زي اختك ولا هو كلام و بس
التفت لها نرمين و ابتسمت وقالت :
لا خالص يا مايا سلامتك يا حببتي انا فعلا معنديش اخوات وانا اعتبرتك اكتر من اختي وانتي عارفة كده كويس بس ليه بتسألي انا الحمدلله زي الفل مالي
رفعت مايا حاجبيها و قالت بتصميم :
لأن شكلك بيقول غير كده مش شايفة نفسك كأنك حتعيطي انتي فعلا بتعيطي بصي يا نرمو اسمعي أنا مرات اخوكي و علشان كده لازم افتحي قلبك وقوليلي مالك و تحكيلي حتحكي لمين مش أنتي بتعتبريني زي اختك فيكي اية بس افتحي قلبك مش يمكن لما تحكي ترتاحي أو ممكن نلاقي حل للمشكله سوا
نظرت نرمين الي الخارج من نافذة المطبخ ثم راحت تخبرها باختصار كل ما حدث فور التقائهم الاول اللي أن انتهت
شهقت مايا فور سماعها القصةوقالت:
بتقولي اية يا نرمو ؟ بجد حبتي راجل زي ده
هزت راسها يائسة وبدأت في البكاء
وبعد لحظات قالت مايا :
في عندك مشكلة لو قلت ل فارس بصراحة لازم يعرف اللي حصل لأن موضوع ده ماينفعش يستخبي
ولكن لم يكن هناك حاجة إلي إخباره لأنه كان قد سمع كلامهم فعلا
دخل فارس عليهم المطبخ و توجه نحو أخته وقال وهو يغمض عيونه:
شوفتك معاه يوم الفرح بس مفكرتش في أنك ممكن تحبيه وكمان أنا مكنتش أعرف هو مين ولا أي حد فينا كان يعرفه . .بس انتي غلطتي ازاي تخرجي معاه و تقعدي معاه انتي مش عارفة حجم غلطتك أنتي كنتي عاملة زي ما تكوني كنتي مغيبة