Хэми өглөөний цай бэлдэн зогсоход Жонгүүг нойрмоглосоор өрөөнөөсөө гарч ирэв. Бүсгүй нөхрөө харан инээмсэглэсэнд залуу түүн дээр дөхөн очиж духыг нь үнэрлээд
"Сайхан амарсан уу? Хайрт минь" хэмээхдээ уруулруу нь ширтвэл Хэми түүнийг цааш харуулав.
"Өөр юм саналтгүй шүү! Тиймээс ажилдаа явахдаа бэлд!"
Жонгүүг хамраа үрчийлгэн муухай хараад буцан өрөөрүүгээ ороход Хэми хоолоо таваглан ширээн дээр тавина. Бүсгүй хормогчоо тайлан
"Жонгүүг, хоол бэлэн болчихлоо. Энэ сарын хувьд чиний анхны өглөөний цай болохоор хурдан хүрээд ир"
"ОЙЛГОЛОО"
Жонгүүг цэнхэр өнгийн хослол өмссөн байх бөгөөд хүрмээ суудлынхаа ард тохон хоолны ширээнд суув. Тэд Хэмигийн хичээл, амралт болон хүүхдийнхээ тухай ярин суухад Жонгүүгийн утас дуугарах нь тэр. Залуу ширээн дээр байх утасныхаа дууг хаагаад эхнэрлүүгээ инээмсэглэхэд бүсгүй санаа алдан
"Яаралтай ажил бол яах болж байна. Хариулах хэрэгтэй байх" хэмээв.
Жонгүүг эхнэрийнхээ гарнаас атгасаар дуудлагыг авбал өнөөх шинэ ажилтан нь залгасан байлаа.
'Яасан У Хэрим. Ажлын цаг хараахан болоогүй байхад ингэж залгах чинь бүдүүлэг биш үү?'
'Уучлаарай, харин захирал намайг тантай хамт үйлдвэр дээр оччихоод ир гэсэн болохоор таньд дамжуулж хэлэх гээд л...'
'Ойлгосон болохоор үйлдвэрлүү түрүүлээд явж бай. Би эхнэрээ хүргэж өгчихөөд очих болохоор удах байх. Бас хараахан ажлын цаг эхлээгүй байгааг сануулахдаа таатай байна'
Жонгүүгийн ширүүхэн ярианы өнгө болон эхнэртэй гэдгээ сануулж хэлсэнд Хэми инээхгүй байж чадсангүй. Нөхрөө утсаа халааслан хоолоо үргэлжлүүлэн идэж эхлэхэд бүсгүй шанаагаа тулан
"Миний нөхөр ажил дээрээ үнэхээр догь харагддаг бололтой. Ажлын газрын эмэгтэй нь залгаад л..., бас ийм ширүүн байхаар чинь бүх бүсгүйчүүд унаж тусах нь ойлгомжтой биш үү?" гэж ёжлонгуй хэлэхэд нь Жонгүүг эхнэрийгээ тоглож буйг тэр дор нь мэдэн
"Хэр ширүүн гэдгийг маань мэдмээр байна уу? Жон Хэми. Бас хардах хэрэггүйдээ хонгор минь, надад эмэгтэйчүүд ойртож чаддаггүй юм. Ойртсонг нь айлгачихдаг болохоор" залуу ийн хэлэхдээ Хэмид аль хэдийн ойртоод ирчихсэн байх бөгөөд уруул дээр нь үнсэхэд бүсгүй залуугийн мөрлүү цохино.
*****
Их сургуулийн гадна ирэхэд Хэми нөхрийнхөө машинаас буун Жонгүүгийн талын цонхон дээр очив. Бүсгүй нөхрийнхөө хацар дээр үнстэл залуу уруулруугаа заан инээмсэглэх нь тэр. Хэми Жонгүүгийн уруулруу алгадаад шуудхан сургуульруугаа гүйчихсэнд залуу нүдээ онийлгон араас нь харна. Гэтэл Хэми хаалгаар орохоор явж байтал нь нэг залуу араас нь гүйн очоод бүсгүйн бугуйнаас атгаад авав. Жонгүүг ажилруугаа явах ёстой байсан тул өнөөх залууруу ширүүн харсаар машинаа хөдөлгөлөө.
Харин Хэмигийн дээд ангид сурдаг залуу түүнийг ангируу нь оруулахгүй байсанд бүсгүй багахан бухимдаад байв. Гэтэл кофе барьж явсан охин тэдэнд ойртон залууг түлхээд Хэмигийн гарнаас чирэн ангируугаа орчих нь тэр. Хэми урд нь явах охиныг ирсэнд баярлан
"Аримаа чи ирээгүй байсан бол би өнөөдөр хичээлдээ сууж чадахааргүй байлаа. Баярлалаа" гэхэд нь охин ширээндээ суун дэвтрээ гаргасаар
"Чи энэ ядаргаатай залууг нөхөртөө хэлэх хэрэгтэй байхаа. Сургуульд энэ залуу охидуудын дунд их алдартай юм байна лээ. Тиймээс чи түүний хэрэглээ болчихгүйн тулд болгоомжлох хэрэгтэй" хэмээлээ.
Хэми ч мөрөө хавчин Арим гэгчийн хажууд суугаад тэд хичээлдээ төвлөрч эхлэв. Хэсэг хугацаа өнгөрөхөд хоёр бүсгүйн дараагийн хичээл орох болтол цаг гаруй хугацаа үлдсэн байсанд тэд өдрийн хоолоо идэхээр сургуулиасаа гарцгаалаа. Хэмиг хоолоо идэж байхад утсанд нь зурвас ирэн тэрээр халааснаасаа утсаа гаргаж ирэв.
'Хайрт эхнэр минь, өнөөдөр эрт тардаг байх аа. Ажил бага байгаа болохоор тарахаар чинь болзоонд явцгаая.
-Халуухан нөхрөөс нь халуухан эхнэртээ'
Жонгүүгаас ирсэн зурвасыг уншаад бүсгүй амаа урагдтал инээмсэглэн хариу бичээд буцан өдрийн хоолондоо анхаарлаа хандуулав.
*****
Хэми Арим хоёрын хичээл дуусан тэд сургуулийн гадаах хашаанд сууж байх бөгөөд Арим утсаар хэн нэгэнтэй маргалдангуй ярьсаар дуудлагаа таслан амандаа хараал урсгана.
"Манай ядаргаатай эгч, чамд хэлж байсандаа яриад байсан ажилдаа тэнцчихээд хоолонд даасан гээд"
"Аан тийм, ууг нь гайгүй харилцаатай байсан биздээ. Яагаад маргалдаад байгаа юм"
Хэмиг ийн асуухтай зэрэгцэн дахин Аримийн утас дуугарсанд охин шуудхан дуудлагыг таслаад
"Очих гэж байна даа У Хэрим." хэмээн утасруугаа бувтнах нь тэр. Аримд эгчтэйгээ ярилцах зүйл байсан тул Хэмиг үлдээн автобусны буудалруу зүглэлээ. Хэми Жонгүүгийг хүлээн байхад нь хэн нэгэн хажууд нь ирээд суучихав. Бүсгүй гайхан хартал өнөөх салж өгдөггүй залуу сууж байлаа. Залуу Хэмигийн гарнаас гэнэтхэн атгаж аваад
"Хэми, чи яагаад надаас зугтаад байгаа юм бэ? Ядаж надад юунаас болоод ингэж хандаад байгаагаа хэлчих" хэмээхэд нь Жонгүүг тэдэн дээр ирэн Хэмиг татан босгоод бэлхүүсээр нь тэвэрлээ.
"Тэр шалтгаан нь магадгүй би байх. Тийм үү хайрт минь" Жонгүүг бөгжтэй гараараа Хэмигийн эрүүнээс атган уруул дээр нь үнсэхэд өнөөх залуу тэдний зүг хөмсгөө зангидан харсаар байлаа. Жонгүүг бүсгүйгээс уруулаа салган
"Бид эхнэр нөхрийн болзоотой болохоор одоо явахгүй бол болохгүй нь. Бас дахиж эхнэрт маань ойртоод хэрэггүй л байх шүү! Залуу минь" хэмээгээд Хэмиг тэвэрсэн чигтээ машиныхаа зүг явав.
____________________________________
-Кяаххх манай Жонгүүг ч бас л янзын байнаа><