الافوكاتو القواده
الحلقه 6
محمود:شوفتي ابوكي وعمايله فيا
دا كان ناقص يمسكني بورقه وسخه من قفايا ويرميني بره
سماح:معلش ياحوده امال لو تعرف اللي بيعمله فيا ومستحمله
حوده:وليه الذل ده هو احنا عبيد عنده
سماح :الله مش ابويا ياحوده هعمل ايه
حوده:خلاص خليكي اما يجوزك غصب عنك واحد يديكي بالجزمه
سماح:اخس عليك ياحوده بتتخلي عني
حوده:يعني اولعلك ف نفسي ولا ايه دلوقت مابقولك يابنت الحلال نجوز ونحطهم قدام الامر الواقع
سماح :بس
حوده:مابسش يبقي مابتحبنيش
سماح:والله ابدا دا انا بموت فيك
حوده:طب ما تيلا بقي ونقرب البعيد
سماح:طب بعد الشغل
وفعلا انتظرها واعطي الو لسعيد
يظبط الامور
واخدها الي شقه سعيد
سماح:ايه ده ياحوده
حوده:دا بنسيون هناخد اوضه عشان نجوز ونقعد فيها
سماح :طب مانجوز الاول
حوده:يابت هو الماذون فاتح دلوقت لما بيصلو العشا يفتحو
سماح:ياسلام واللي بيجوزو قبل العشا دول ايه
حوده:يابت اش فهمك انتي
سماح :لا انت اللي اجوزت قبل كده اصلك
ودخل اخد اوضه
سماح :انت هتقعد معايا هنا ولا ايه
حوده:الله مااحنا نجوز كمان شويه ولو مش واثقه فيا هكتبلك ورقه انك مراتي
سماح:يالهوي عرفي
حوده:يابت علي مانقلبها رسمي
وادي الورقه امضي
عشان تتاكدي بس
سماح:ايه عاوز ايه
حوده:الله مش بقيتي مراتي
سماح:يعني مش قادر تصبر لما تبقي رسمي
حوده:هتفرق ايه كده مراتي وكده مراتي والناس دي شاهده ومضو
سماح:طب مانستني ياحوده
حوده:انتي يابت مابتحسيش ولا ايه مش حاسه بالنار اللي فيا
واستسلمت سماح لزوجها كما تظن
وبعدها
سماح:هنروح للماذون بقي
حوده:هااا ان شاء الله عندي مشوار بس وجاي
سماح:وهتسيبني لوحدي
حوده:يعني هيكلوكي
ومشي حوده وخلع وترك سماح
ولما تاخر حبت تمشي فاستوقفها سعيد علي فين ياقمر
سماح:وانت مالك انت
سعيد:ليه هي وكاله من غير بواب
ولا دخول الحمام زي خروجه
سماح:يعني ايه
سعيد:انتي مش انبسطي ياقمر
سماح :اخرس ياسافل دا جوزي
سعيد :اه ان شاء الله خشي يابت جوه
وتعالت اصواتهم
وجاءت ماجده:في ايه ياحيوان هتفضحونا
مين دي
سعيد:دي المزه الجديده مش قلتي عاوزه بنات اديني بتصرفلك اهو
ماجده:ودي جبتها ازاي
فقص عليها ماحدث وسماح تسمع وتلطم ولكن لا يفيد الندم
ماجده: يخرب بيتك انا قلتلك تجيب بنات سكند هاند مستعملين يعني بلغه السوق مش تجيب بنات جداد للكار احنا ناقصين مصايب
سعيد:شوفي بقي انتي قلتي اتصرف وانا اتنيلت اتصرفت اللي انتي عوزاه بعملهولك مالكيش دعوه بقي باختصاصاتي لا مؤاخده امال همشي ادلل بت سكند هاند ياولاد الحلال
ولا اروح اشقطهم من الكباريهات وشارع الهرم دول لهم البيوت اللي شغالين فيها اصلا ماحدش يقدر يجور علي حاجه تخص حد تاني دي تضيع فيها رقاب
ماجده:لا والله يظهر انك فاهم ف الشغلانه طب ماتشقطلنا من البيوت دي بنات مش هشغلها ولا حاجه انت تجبها علي ان عندك مكان وعاوزها وتسيبهالي
سعيد:تصدقي انا مش مرتاحلك اتاريكي بنرفضي الجواز من الرجاله
لا مؤاخذه انا ماليش ف كده بقي
ماجده:يامتخلف ليا ايه وزفت ايه انا هتكلم معاها بس
سعيد:كلام بس يعني انتي عاديه زي باقي الستات اللي بيجوزو الرجاله
ماجده:لا حول ولا قوه الا بالله ولا انا مش ناقصه تخلفك هتقدر تعمل كده ولا لاء
سعيد:حاضر وربنا يستر ومايتهدش المعبد علي اصحابه
واخذت ماجده سماح
يعني انتي ابوكي كان عاوز يعززك وبيتمنالك عيشه كريمه كويسه وف الاخر توطي راسه ف الوحل كده حقيقي مش متعاطفه معاكي هو اه واد معفن اللي عمل كده وخلع لكن مايعفكيش من المسؤليه انتي مشتركه معاه ف نفس الجريمه
وانا مافيش ف ايدي حاجه
سماح:ابوس ايدك ياست
ماجده:ياحبيبتي دا في واحد بره لو حاولت اخرجك هياكلني وياكلك
وتركتها وتبكي وتلطم علي حالها
ودخلت سهير معلش حبيبتي ربنا ينتقم منهم كلهم
سماح:وانتي حكايتك ايه
فقصت لها ماحدث
سماح :ياااه ياسهير معلش انتي تسناهلي اللي عملته فيكي انتي اطلقتي وحش كان جواها مابيعرفش يرحم ولا يسامح ربنا يستر من اللي جاي
أنت تقرأ
الافوكاتو القواده
Mystery / Thrillerلم تستطع اخذ حقها لذلك فكرت ان تاخذه بطريقتها الخاصه بمعاونه ظابط وبعض الاصدقاء ولكن باجبارهم علي التعاون معها بطرقها الخاصه
