Simplicity of love √Completed √

ep 6

သူ့ကိုရှူတည်တည်ကြည့်ကာခပ်ချေချေပြောနေသောကောင်လေးကိုအသည်းယားလာတာဘယ်လိုမှထိန်းမရတော့ပေ။

"ကြိုက်သလောက်တောင်းကွာ အခုနမ်းမှရတော့မယ်ထင်တယ်"

ဂျောင်ဂုပြောလိုက်ရောကုတင်ပေါ်ကနေအမြန်ထကာအခန်းထဲသွားဖို့ပြင်နေသောထယ်ယောင်းကိုအတင်းလက်ကဆွဲချလိုက်တော့သည်။ဂျောင်ဂုရင်ဘက်ပေါ်ကို ကို့ယို့ကားယားနဲ့ကျလာသောခန္ဓာလေးကိုအောက်သို့ပို့လိုက်ပြီးစိုက်ကြည့်ပေးလိုက်သည်။

"ဈေးကြီးပေးပြီးနမ်းမယ်ကွာ တစ်ခါနမ်းရင်ဘယ်လောက်ပေးရမှာလဲ"

"တစ်ခါနမ်းတာကိုဘယ်လောက်လို့မသတ်မှတ်ဘူး ကြာချိန်တိုင်းမိနစ်နဲ့တောင်းမှာ"

"ဟာကွာ ကိုယ်အရမ်းအသဲယားနေပြီ"

ဂျောင်ဂုမှာပါးလေးတွေကိုလက်နဲ့အသာထိန်းကိုင်ထားပြီးနှုတ်ခမ်းလေးကိုထိကပ်ကာခပ်ဖွဖွပဲနမ်းရသေးတယ်ခါးနားမှာထယ်ယောင်း လက်လေးတွေကတင်းကြပ်စွာဖက်တွယ်လာတော့သည်။ဒါဟာဂျောင်ဂုနမ်းတာနဲ့ထယ်ယောင်းဖြစ်သွားတဲ့အကျင့်လေးကဂျောင်ဂုကိုပြုံးစေသည်။နှုတ်ခမ်းလေးဖွင့်ပေးသောအခါဂျောင်ဂုနူးညံ့စွာနမ်းနေရင်းမွတ်သိပ်စွာပိုတိုးနမ်းမိပြန်သည်။ပြီးတော့နှုတ်ခမ်းလေးကနေလည်ပင်းကိုငုံ့နမ်းမိပြန်သည်။ထယ်ယောင်းအသက်ရှူတွေမြန်လာတာကိုသတိထားမိနေသောဂျောင်ဂု။

ထယ်ယောင်းမှာဂျောင်ဂုအနမ်းများနဲ့ဘယ်တော့မှအသားမကျနိုင်သေး။နှုတ်ခမ်းများပေါ်တစ်ဖန်ပြန်ရောက်လာသောသူ့အနမ်းတွေကြားမေ့မေ့မောမောမျောမိပြန်သည်။နားခွင့်မပေးအသက်ရှူခွင့်သာခဏပေးပြီးထပ်ခါထပ်ခါဝင်ရောက်မွှေနောက်နေသောသူ့လျှာဖျားကတစ်ကိုယ်လုံးရှိသွေးကြောများထိအေးခနဲရှိန်းခနဲဖြစ်သွားစေသည်။လူတစ်ကိုယ်လုံးလေထဲမှာလွင့်နေသောငှက်မွှေးလေးလိုပေါ့ပါးလူးလွန့်နေရသည်အထိ ကျွန်တော့်ချစ်ရသူကစွမ်းဆောင်နိုင်သည်။

"အရမ်းချစ်တယ် babeကိုယ့်ရဲ့တန်ဖိုးဖြတ်မရလေး"

"ခံစားချက်ကိုမျိုးစုံပေးနေလို့ မိနစ်တောင်မမှတ်ထားမိဘူးဗျာ"