الكاتبة زينب ماجد

حفل توقيع

عريان يكول :
لا غرني المدح بشفاف المحبين
ولا همني الشماتة شما حجوا عني
يلتمن عليّ مشتتات البال
وانفضهن نفض وانهض ولا چني

جانب من حفل توقيع الكتاب اليوم في معرض العراق الدولي
يوم حقيقي حيتسجل بتاريخ عمري
انتقلت بيه من عالم المواقع الى الواقع و التقيت مع أجمل و أطيب ناس وفرحتي التعبير يخون وصفها بوجودكم

اللي يكولي ( ها يولي زينبنا هين )
واللي تكولي (شلونج ديه )
واللي يمازحني ( جا طر المسى وشفناج )
واجمل لهجات رواياتي واني اسمعها من افواهكم  .. اطربتني صدقا . 

اللي متعني من اربيل و بابل و بصرة وسماوة وانبار  ...
خوب ديالى اوف ديالى ...
وبغدادي ❤

شحجي ؟
تدمع عيوني على كثر فرحتي بهذا اليوم
ربي ليحرمني منكم ❤

#زينب_ماجد

جانت اجمل جلسة
كعدنا و ضحكنا و شكيتلكم و غششتكم وحتى محادثات الابطال شوفتكم .. بالله كان يوم أجمل الأيام بحياتي ..  نعاود اللقاء ان شاءالله بمعرض قادم و نعوض اكثر❤