احببتك يا من سكنت فؤادى

واخيرا

فشلت كل محاولاتى فى النسيان رغم تجاهلى الدائم الا انك تسكن القلب وما يحتويه
جهاد. روان روان
روان. ايه يا بنتى فى ايه
جهاد. احنا جايين على البحر هنا علشان سيدتك تسكتى وتكتبى شعر طيب جيبى كده اقراها
روان. خدى بالرغم انى عارفه هتقولى ايه
جهاد. ماشى جيبى بقا ( يا من سكنت فؤادى وغبت اريد أن أراك حتى لو فى حلم )
جهاد. هتفضلى لحد امتى يا روان تفكرى فيه هتفضلى كده على طول حزينه وتظهرى العكس لينا
روان. جهاد انا تعبت بجد مش عارفه اعمل ايه كل شويه اقول لا هنسى واعيش حياتى بس برجع تانى أعمل ايه
وظلت تبكى
جهاد اخدتها فى حضنها. خلاص خلاص ما تزعليش والى فى الخير ربنا يقدمه قومى قومى هفضل أشد كتير انت تقيله اوى
روان. انا تقيله طيب تعالى
جهاد. مش هتعرفى تمسكينى
وظلوا يلعبون
روان. يلا نمشى بقا
جهاد. اه يلا
روان بتفتح الباب. سلاموووو عليكو يا بشر انا جيت ماما عملتى اكل ايه انا جعانه
بسم الله الرحمن الرحيم. روان فى نفسها. اخيرا اخيرا شوفتك يا حبيبى بس يوم ما تيجى اكون بزعق كده يا فضحتك يا روان هيقول عليكى ايه بتكبرى ولا بتصغرى
ابو روان. تعالى يا زقرده سلمي على عمك عادل و مراته و احمد و رنا ايه كنتوا على طول مع بعض
روان ووجهه احمر. ازيك يا عمو ازيك يا طنط ازيك يا رينو
رنا. ياااه بقالى كتير ما سمعتش الاسم
روان. اى خدمه شوفتى لسه فاكراكى ازاى
رنا وهى تهمس فى اذن روان . هتنسينى ازاى وانا اخت حبيب الطفوله
روان وجهه يحمر بشده. بس يا زفته
احمد. روان هو انا شفاف مش هتسلمى عليا
روان بخجل. ازيك يا احمد عامل ايه
احمد. الحمدلله يا زقرده انت عامله ايه وبعدين انا سايبك من رابعه ابتداءى ارجع الاقيكى زى ما انتى اوزعه
روان بغضب. بقولك يا ابو طويله انا مش اوزعه ماشى
رنا. ههههههه مش هتتغيرى
احمد. ههههههههه ايوه كده عايز زقرده الى اعرفه الخجوله دى مش عارفها الصراحه
روان. ماشى قعدت معاهم شويه وبعدين مشيوا وهى دخلت غيرت وصليت وجريت على مامتها
روان. قوليلى يا ام روان هو عمو عادل جه هنا ليه
ام روان وهى تعرف ابنتها
عايزه تعرفى ليه يا رورو
روان. ها عادى يعنى اعتبريها فضول
ام روان. ماشى هو جه علشان خلاص هيرجعوا شقتهم الى هنا وهى ادامنا على طول
روان. وهى تقفز هيه هيه بجد يا ماما بجد مش مصدقه نفسى هدخل اكلم جهاد . الحمدلله الحمدلله يارب واخيرا
روان. ابو يا جوجو وحشتينى عامله ايه
جهاد. جوجو وحشتينى ايه حصل ايه المصيبه الى عملتيها
روان. ما عملتش حاجه بس فى خبر بمليون جنيه
جهاد. قولى قولى
روان. احمد احمد يا جهاد جه خلاص وهيبقى ادامى على طول انا بحبه
جهاد بفرحه. بجد الحمدلله اخير هشوفك مبسوطه
احيكلى بالتفصيل
روان بفرحه. حاضر وحكت ليها كل حاجه
جهاد. ههههه عسل خالص احمد ده ولسه فاكرك
روان بغضب. ما تقوليش عسل انا بس الى اقول انت لا
جهاد. خلاص خلاص من لاقى أحبابه نسى صحابه
روان. ههههه لا متخافيش مش نسياكى
فى مكان تانى
رنا. ها يا احمدتى  ايه رايك فى روان
احمد. روان مالها
رنا. ايه رايك تعالى نخطبهالك دى عسوله خالص
احمد. لا طبعا دى لسه صغيره
رنا. نعم فين دى الى صغيره دى عنده 19سنه
احمد. لسه صغيره انا اكبر منها 10 سنين
رنا. وايه يعنى ما بابا اكبر من ماما 11 سنه
احمد. ماليش دعوه انا
رنا يعنى انت بتحب واحده تانيه
احمد. بصراحه اه
رنا بغضب وحزن فى نفس الوقت على صديقتها. بتحب مين يا احمد.
احمد. بحب واحده معايا فى الشغل اسمها نرمين
رنا بحزن. ربنا معاك يا اخويا
احمد يتصل نرمين
فى مكان تانى
نرمين. ازيك يا قلبى عامل ايه
.......  الحمدلله يا قمورتى عامله ايه
نرمين. بخير هتيجى تتقدملى امته
..........  هاجر أن شاء الله ما تقلقيش
نرمين . ماشى يا عمرى باى
نرمين ( فتاه طويله بيضه وعيون خضرا وجسم ممشوق ومتناسق وهى قموره جدا والكل بيحبها )
نرمين. ابو سلام عليكم ازيك يا استاذ احمد
احمد. وعليكم السلام كنتى بتكلمى مين
نرمين. افندم أظن ده ميخصش حضرتك
احمد وقد احرج من كلمها. طيب ما تنسيش ملف بتاع المشروع بكره
نرمين. ما تقلقش حضرتك مجهزه كل حاجه من دلوقتى
احمد. تمام باى
نرمين. باى
احمد.(شاب طويل ابيض شعر اسود وعيون بنى غامق ودقن خفيفه عنده 29 سنه )
احمد لنفسه. هى بتكلمنى كده ليه وكانى انا الى شغال عندها
ونام من كتر التفكير
فى مكان تانى
عند جهاد
يارب تقدم لينا الى فى الخير يا ترى هو بيحبنى ولا لا يارب انت عارف ان مش عايزه اعلق نفسى بحاجه كاذبه يارب انت الى اعلم بيه وبيا
خلصت صلاه ونامت
تانى يوم
روان. ماما انا نازله عايزه حاجه
ام روان. لا ووطى صوتك ده شويه انت محدش هيشوفك بس هيسمعوا صوت عرسه
روان. مااااااما انا غلطانه انى بقولك عايزه حاجه سلام
روان لنفسها. هو انا قصيره اوى كده علشان يتريقوا عليا طب والله انا عسل ومفيش زيى
احمد. هههههههه والله العظيم هتفضلى طول عمرك طفله
يا رمانه قلبى
روان. انت لسه فاكر الاسم ده يا احمد
احمد. اه طبعا وانا اقدر انسى رومانتى الصغيره
روان وقد احمر وجهه . طيب هنزل انا
احمد. استنى هوصلك
روان. لا لا انا هروح لوحدى مستنيه زملتى اصلا باى
احمد. استنى يا بت انت فى كليه ايه 
روان. خدمه اجتماعيه واياك تتريق
احمد. لا مش هتريق بس ليه كده
روان. انا اصلا جبت مجموع 80% كنت هدخل تجاره بس جاتلى فى دمنهور عملت تقليل اغتراب بس ما تقبلش
ف حولت خدمه
احمد. طيب خلصى وتعالى اشتغلى معايا
روان بفرحه بجد. نشتغل ايه
احمد. سكرتاريه
روان. تمام واعمل معروف وشغل جهاد كمان
احمد. ماشى انا اصلا كنت محتاج سكرتاريه علشان المدير الجديد
روان. طيب ما نشتغل واحنا فى الكليه
احمد. هتعرفوا
روان. جرب
احمد. تمام يا رومانتى تعالوا بعد ما تخلصوا  كليه
روان. تمام باى
احمد. باى
روان. جهاااااااد قلبااااااى
جهاد. يخربيت صوتك براحه الكل عرف اسمى
روان. تصدق انا غلطانه وانا كنت جايبالك شغل
جهاد. بجد والله
روان. اه والله فى شركه
جهاد. يا سلام
روان. وانا هكدب عليكى ليه
هايدى. هاى يا بنات احب اعرفكم بحبيبى انس
جهاد بصيت لروان . وقالتلهم عن اذنكم
روان. انت يا بت عايزه مننا ايه يخربيت قرفك
استنى يا جهاد
جهادوهى تبكى. استنى يا بنتى والله سيبك منه ده معفن ومش حلو اصلا انت احلى منه بكتير ،
( جهاد متوسطه الطول بيضه وعينه بنى زى القهوه وشعرها طويل وبنى فى اصفر محجبه )
روان ( قصيره شعرها طويل لونه بنى وبيضه  وعين بنى غامق  )
روان. خلاص بقا سيبك
جهاد. عندك حق مش مهم
روان. ايوه كده خلينا نركز فى الشغل و هتشوفى احمد النهارده
جهاد. صح هنشوف استاذ احمد حبيبك
روان. بجد مش مصدقه كل يوم هشوف طول النهار بعد ما كنت اتمنى اشوفه فى الحلم بس
جهاد. يارب يكمل فرحت يا قلبى على خير
روان. يارب يلا على المحاضره
جهاد. يلا
احمد. ازيك يا نرمين عامله ايه
نرمين. الحمدلله يا فندم اتفضل الملف اهو
احمد. تمام اعمليلى قهوه
نرمين. حاضر
احمد. هو انت عينك كده طبيعى
نرمين. اه
احمد. بجد
نرمين. اه والله
احمد. طيب
بعد شويه
ادم. نرمين قولى لاحمد انى عايزه
نرمين. حاضر
نرمين. اتفضل حضرتك القهوه وأستاذ ادم عايز حضرتك
احمد. ادم زميلى وما دخلش ليه اول مره يعنى. دخليه
نرمين. اتفضل
ادم. ازيك يا احمد
احمد. مش مطمن يا آدم فى ايه
ادم. لا بقولك ايه صحصح معايا كده
احمد. ما تقول ياعم فى ايه
ادم. فى صفقه كويسه اوى بس لما سألت عرفت أن الى وراها واحد تاجر مخدرات وعايز من وراه الصفقه دى يدخل المخدرات مع البضاعه بتاعتى وعلشان انا الشركه بتاعى معروفه ف مش بيفتشوا البضاعه بتاعتى
احمد. طيب وهتعمل ايه
ادم. الصراحه محتاج الصفقه دى اوى بس هعمل ايه بقا دى الى بخطط فيه
احمد. طيب لو احتاجت حاجه معاك
ادم. اهم حاجه نبلغ حمزه بكل ده
(ادم طويل شعره بنى فاتح وعيون زى القهوه وجسد رياضى ويحب شغله جدا )
احمد. طيب هكلمه واقوله
ادم. تمام
احمد. الو يا حمزه عايزك ضرورى
حمزه. خير ربنا يستر
احمد. هههه كل خير بس فى مصلحه
حمزه. مصلحه مش بقولك ربنا يستر
ادم اخد منه الموبيل. حمزه ساعه وتكون عندى
حمزه. يا لهوى ادم الفهد مره واحده عشر دقايق واكون عندك يا كبير
ادم. تمام

اتمنى تعجبكوا وياريت تفكروا معايا فى اسم للروايه دى 🥰💓💗  وشكرا لكل الى كتب كومنت حلو