"အဲ့လိုမှမဟုတ်ရင်မင်းကိုဘာနဲ့များတားနိုင်သေးလို့လဲ ဟမ်"
ဇေယျတုလည်းစိတ်တိုတိုနှင့်ဘာစကားမှပြန်မပြောတော့ဘဲ သူ၏အခန်းတံခါးကိုပြန်ဖွင့်ကာအထဲသို့ဝုန်းဒိုင်းကြဲ၍ ပြန်ဝင်သွားရတော့သည်။ သူ၏အဖေကသူ့အားအနိုင်ပိုင်းလိုက်နိုင်သည်ကိုလည်း မယုံကြည်နိုင်ဖြစ်ရသည်။
"ဇေယျတုကိုဒါမျိုးလာလုပ်လို့ရမယ်များထင်နေလား ခင်ဗျားကိုယ်တိုင်အပြင်ကိုထွက်ခိုင်းသွားစေရမယ် စောင့်နေ"
***************
နာရီဝက်ခန့်အကြာတွင်........။
"ဇေယျတု!!!!! "
ဇေယျတုမှာဧည့်ခန်းထဲတွင်ဒူးတနှံ့နှံ့ဖြင့်တီဗီကြည့်ကာ သာယာနေခိုက်စာကြည့်ခန်းထဲမှသူ့အဖေ၏စူးစူးဝါးဝါး အော်သံကထွက်ပေါ်လာလေသည်။ ထို့နောက် နားကွဲဖွယ်ရာအသံပြီးနောက် သူ၏အဖေမှာလူကိုယ်တိုင်သူ့အနားသို့ ရောက်လာလေသည်။
"မင်း ဒါဘာလုပ်တာလဲ"
လက်ထဲတွင်စက္ကူလေယာဥ်ပျံလေးများကိုကိုင်လာပြီး ဇေယျတုအားမာန်မဲကာမေးနေလေရာဇေယျတုလည်း ခေါင်းတကုတ်ကုတ်နှင့် ပြန်ဖြေရသည်။
"ပျင်းလို့ဆော့ထားတာလေဗျာ အဖေပဲအပြင်မထွက်နဲ့ဆို အိမ်ထဲမှာရှိတာလေးနဲ့ရှာကြံပြီး အပျင်းပြေအောင်ဆော့ရတာပေါ့"
"ဟ ဒါကငါ့ရဲ့အလုပ်တွေလေ ဒီစာရွက်တွေမှာစာရင်းတွေ ပါနေတာမမြင်ဘူးလား ဇေယျတု မင်းတော်တော်ကိုပွေနေတာနော် တော်သေးတာပေါ့ ငါ့လက်ပ်တော့ထဲမှာမူရင်းဖိုင်တွေ ရှိနေသေးလို့ မင်းနော် မင်း အချိုးပြေပြေနေ သွား ကိုယ့်အခန်းထဲကို"
ဇေယျတုလည်းမျက်ဆံကိုအပေါ်သို့လှန်ကာစိတ်ကုန်လိုက်တာဟု ရေရွတ်ပြီးနောက်သူ၏အခန်းထဲသို့သီချင်းတညည်းညည်းနှင့် ဝင်သွားတော့သည်။
ထို့နောက်ကုတင်ပေါ်တွင်တစ်ယောက်တည်းလူးလွန့်နေပြီး ဘာမှလည်း လုပ်စရာမရှိသည့်အဆုံးတီးလုံးမဲ့အကလေ့ကျင့်ရန်သာ ပြင်လိုက်သည်။ အဘယ်ကြောင့်ဆိုသော် သူ့ထံတွင် ဖုန်းကလည်းမရှိသည်ဖြစ်ရာသီချင်းကဖွင့်မရပေ။ ဖွင့်ရလျှင်တောင် သူ၏အဖေရှိနေသည့်ဤနေရာတွင်ကရန်ခွင့်မပြုထားပေ။ အဆုံးတွင်သူ၏အဖေကသူ့အားမကနိုင်အောင်ကြိုးတုပ်ချည်နှောင်ထားလျှင်ပိုခက်ပေတော့မည်။
YOU ARE READING
I Found My Prince Charming(Season 2)
Romanceအတွဲပေါင်းစုံRoကြမယ့်seasonပါ❤️ အချိုများများ အဆွေးအနည်းငယ်ရောကြမယ်ပေါ့😁
Ep-18
Start from the beginning
