حور... ماشي ساعدني كمت غسلت و لبست. دشادشه طويله و حجاب و نزلني جوا اني ميته من النعاس و هذني يلغن فوك راسي بنات خالتي و همام لزمت راسي ب ايدي اجتني رهف
رهف... بيج شي
حور... رهف دخليني ب غرفه امي راسي موتني نعسانه و هذني يحجن كومه
رهف... ولج اسكتي لا يسمعنج
حور... يلله ساعديني لو صيحي أحمد خلي يساعدني
رهف... ماشي صحت أحمد اجه ساعد حور و دخلها ب غرفه شويه و اجه همام وياي بنيه
همام... شلون اجيتي هنا
حور... أحمد شالني اشو هذا خزرني
الممرضه... شنو اسمج يحلوه (الممرضه مره جبيره)
حور... اسمي حور
الممرضه... ما شاء الله صدك حور ربي يحفضج انتبهي حور راح تتاذين شويه لأن راح انضف الجرح تحملي ماشي بساع اخلص و ترتاحين همام انته زوجها مو
همام... اي زوجها
الممرضه... حاول تثبتها لاتخليها تتحرك
حور... حضني همام ولزم اديه و لزم رجليه يو شبيكم وخرو اريد اتنفس
همام.... ادري ياذي مجرب الوجع بدت الممرضه تفتح ب ضماد حور... همام اخخ جاي اتاذه
همام.... حبيبتي تحملي
حور... أول شي وجع خفيف بس من بدت تنضف الجرح و تعقمه شاغت روحي هئ اخخخخ همام صوتي راح من ورا البجي و الصريخ خلصت الممرضه و طلعت طلع وراها أحمد و همام بقه حاضني و اني اناشغ
همام... اشش يلله كافي خلصت
حور... بعدها تاذيني
همام... هسه شويه و ترتاحين عمري يلله خلي نصعد علمود تنامين
حور... حضنته خليت راسي ب ركبته صعدني خلاني ع جربايه
همام... حبيبتي راح انزل اشوف محمود انتي نامي شويه و اجيج
حور... ماشي بس انطيني هذيج الدشداشه ماارتاح بهاي
همام... لبستها و نزلت
........
رهف... بهمس مساع همام شحجه وياج
روان... بس كال هل شي غلط تعرف همام مايوم ضربني ولا غلط بس والله مستحيه منه
رهف... ترا عادي اني مو دوم احضن مصطفى و احمد يرزل بيه شنو ابن عمج و حضنتي مو إله حبيبج تكومي سلمي على
روان... امشي وياي انتي
رهف... زعطوطه
روان... رهففف
رهف... يلله جبيره جبيره
رحناله دكينه الباب
محمود... تفضل
روان... دخلت الحمد لله ع سلامتك محتاج شي
محمود... الله يسلمج وين غرگتي من رجعنه الحد هسه
روان.. مو انضف وي البنات
محمود... اممم
روان... يلله نخليك براحتك طلعنه
........
حور.... كعدت و رجلي بيها وجع لكيت نفسي ب حضن همام عدلت نومتي و كعدت
همام... ها حبيبتي شكو تردين شي
حور... ارجع نام انته تعبان
همام....ماتعبان كليلي شتردين بنيتي
حور... رجلي تاذيني ماجاي اكدر انام اريد مسكن
همام... هاج هذا المسكن و هذا المي
حور... شكرا شربت العلاج و رجعت نمت ب حضنه شويه و غفيت
.........
يتبع
