Chongfei Manual(Myanmar Translation)

2

မျက်နှာဖုံးအောက် မှ ကြည်လင်သော တခစ်ခစ်ရယ်မောသံကို ကြားနိုင်ကြသည်။ဝေ့လော်သည် လဲကျသွားသော အစေခံကို ညွှန်ပြရင်း ကျယ်လောင်စွာ ရယ်မောကာ ပင့်သက်ရှိုက်လိုက်၏
"အစ်မကြီးကျင်းကဲက သူရဲဘောကြောင်သူ တစ်ယောက်ပဲ!"

ကျင်းကဲသည် မြေပြင်မှ နှေးကွေးစွာ ထလာကာ သူမ အင်္ကျီပေါ်မှ အညစ်အကြေးများကို ခါကာ ရှက်နေသော မျက်နှာဖြင့် ပြောလေ၏" စတုတၳ သခင်မလေးက လူတွေကို အနိုင်ကျင့်နေတယ်...."

ကောင်မလေးက ကြိုးများကို ဖြည်ရန် လက်ကိုမြှောက်လိုက်ပြီး မျက်နှာဖုံးကို ချွတ်လိုက်ကာ ပထမဆုံး အရောင်စိုလက်နေသော အနက်ရောင် မျက်လုံးနှစ်စုံ၊ သိမ်မွေ့ကောင်းမွန်သော နှာခေါင်း၊နူးညံ့သော ပန်းရောင် နှုတ်ခမ်း၊ကျောက်စိမ်းကို တုံးဖြတ်ထားသလို အနီရောင် ပါးများကို ထုတ်ဖော်ပြသလာသည်။သူမက ရွှေရောင်ခြည်များဖြင့် ယက်လုပ်ထားသော အစိမ်းရောင်ဝတ်စုံကို ဝတ်ဆင်ထားပြီး အရိပ်ရသော သစ်ပင်အောက်တွင် အားပါးတရ ပြုံးရင်းရပ်နေခဲ့သည်။အောင်မြင်သွား၍ တက်ကြွ ပျော်မြူးနေသော သူမပေါ်သို့ ပန်းလေးတစ်ပွင့် ဆင်းသက်လာလေ၏။လက်တွေကို ခါးမှာ ထားလိုက်ရင်း သူမကမေးသည်
"အရင်အချိန်တွေတုန်းက အစ်မလည်း တူညီတဲ့ မျက်နှာဖုံးနဲ့ လုပ်လို့ ညီမလည်း ကြောက်ခဲ့ရတယ်လေ အခု ဒီတစ်ချိန်မှာတော့ အစ်မက ကြောက်တယ်ပေါ့။အစ်မ ညီမကို ပြော။ညီမက အစ်မကို အနိုင်ကျင့်ခဲ့တာလား မဟုတ်ရင် အစ်မက တုံးတာလား?"

အတိအကျကို သူမက ခြောက်နှစ်သာရှိသေးသော်လည်း သူမရဲ့ စကားလုံးတွေက ဖိနှိပ်
ညှဥ်းပန်း နိုင်လွန်းပြီး ဘယ်သူ့ကိုမှ လမ်ကြောင်း  ပေးချင်း မရှိချေ။

ပြောစရာ စကားကင်းမဲ့နေသော ကျင်းကဲသည် ရှက်စိတ်ကြောင့် မျက်နှာနီမြန်းလာပြီး အဝေးကို ထွက်ပြေးတော့၏။

ဝေ့လော်သည် တံစက် မြိတ်အောက်တွင် ရပ်နေကာ သူမရဲ့ပြီးဆုံးခဲ့သည့်အချိန်များကို စဥ်းစားနေခဲ့သည်။

အတိတ်က ကလေးဆန်ခဲ့ခြင်း နှင့် ဘဝ အတွေ့အကြုံများသာ ဖြစ်သည်။