تزوجت لأنفذ وصية أبي

الفصل الثالث عشر

#تزوجت_لأنفذ_وصية_أبي

الفصل الثالث عشر

تدخل شيري الشركة لينصدم ماجد من وجودها ويقولها إنتي!!!
تقوله ماكنتش متوقع صح!  بس إيه رأيك في المفاجئة دي
ماجد هي فعلا مفاجئة بس مش حلوة خالص
شيري: بقا كده ياماجد وانا ال فكرت هتفرح بزيارتي
ماجد: للأسف مفرحتش
شيري: طيب حابة أتكلم معاك في موضوع مهم جداً
ماجد: هعصر علي نفسي طن لمون وأسمعه
وبعد تشارو كبير بينهم ومحادثة فضلت أكتر من نص ساعة
ماجد: خلصتي كلامك،  إتفضلي إخرجي بره
شيري: أنت بتطردني ياماجد هي حصلت أنت متعرفش إنت بتكلم مين

ماجد: لا أعرف وأعرف كويس أوي وعشان أعرف بقولك إطلعي برة،  كنت مفكرك عقلتي أو علي الأقل جاية تعتزري عن الأخطاء ال عملتيها في حقي لكن لا قليل الأصل عمره ماهيكون مخلص
شيري: سيبك سيبك من الأسطوانة الفاضية دي وياعم ال فات مات وانا مستعدة اعتزر علي ال فات كله ونرجعه زي الأول بس لو حطيت إيدك في إيدي ووافقت علي اللي قولتهولك

ماجد: لا إنتي إتجننتي رسمي أنا لا يمكن أخون صديق عمري في يوم من الأيام ولا يمكن أحط ايدي في ايد واحدة خاينة زيك،  وبعدين إيه نرجع اللي  فات ده، اللي فات مات عارفة يعني إية مات يعني لو السما انطربقت علي الأرض مستحيل اللي فات يرجع وال فيه طبع مستحيل يغيره
شيري: تقصد إيه بكلامك ياماجد

قاصدي انتي عرفاه كويس قبل كده كنتي بتخونيني مع مراد عشان فلوس أبوه كنتي مخطوبالي وبتحبي غيري او كنتي بتجري ورا فلوسة ودلوقتي بعد ماسرقتي كل أملاكة راجعة تقولي نرجع ال فات،  بعتزر منك أنا راجل اتجوزت وبحب مراتي وإنتي مش عاوز أشوف وشك تاني في حياتي كلها ال زيك أصلا مينفعش يكون في حياتي ولا في حياة حد زي مراد

واه عاوز أنصحك نصيحة،  ارجعي عن ال في دماغك ده لأنك مستحيل تقدري تدمري مراد،  ومراد لو كان سايبك براحتك او ساكتلك علي  ال بتعمليه فاإعرفي إن مراد ساكتلك عشان كل ال بتعمليه مالوش لازمة وإنتي مش هتقدري تتصرفي في مليم من أملاكه

أما بقا عن إنك تفكري إني أساعدك في قذارتك دي فانتي بتحلمي ويقوم ماجد يفتح باب المكتب ويقولها حضرتك جيتي المكان الغلط إتفضلي عشان عندي شغل مهم ووقتي مش رخيص عشان اضيعه معاكي

في شركة مختار
يقول أدهم صاحب شركة دبي أعرفك علي المدير ال هيكون معاك في مصر،   ويشير بيده نحو الباب لينصدم مراد ويقف من مكانه ويقول: إنتي!!!

أدهم: حضرتك تعرف الأستاذة يارا يافندم
مراد مردش عليه ويفضل واقف في زهول لا هو عارف يصدق ان يارا هي اللي  قدامه ولا عارف يرد علي أدهم

يقف أدهم ويشير ليارا تقعد علي الكرسي جمبه ويفضل مراد يبص علي يارا وميشيلش نظره من عليها ويقول أدهم أحب أعرفك بالأستاذة يارا مديرة الشركة وهي ال هتمثل إدارة الشركة مع حضرتك