تزوجت_لأنفذ_وصية_أبي
الفصل الثامن
ذهب مراد للفيلا ولم يجد أحد بها فذهب للمطبخ ليجد أن بالفعل قد تم إلقاء البيتزا بالقمامة فخرج من المطبخ مسرعاً وفي نفس الوقت تدخل عايدة المطبخ فيوقفها ويسألها لماذا كذبت عليه بالأمس وقالت أنها أرسلت الطعام مرتين لغرفة يارا
عايدة: والله يا استاذ مراد فعلا كنت بجهز الأكل والأستاذة شيرين بتاخده مني وبعد شوية كانت بترجع بالاكل وتقول انها رفضت تاكل
مراد: إنتي بتشتغلي عند مين أنا ولا شيرين
عايدة: عند حضرتك طبعا ياستاذ مراد
مراد: يبقا تنفذي ال أقولك عليه بالحرف وأي غلط عن ال أقوله أنا مش هتشوفي طيب ياعايدة
عايدة: أمرك يا استاذ مراد
(عايدة مش كبيرة في السن عندها ٣٦ سنة ومراد بيعتبرها اخته الكبيرة بس هي بتشغل عندهم عشان كده بيكلم معاها بدون ألقاب)
في النادي
انهاردة هتكون أخرتها علي إيدي إن مخرجتهاش من الفيلا مكسورة ومزلولة مبقاش أنا شيرين
ليلي: بلاش ال في دماغك ده ياشيرين أحسن ينقلب ضدنا
شيري:متخافيش ياطنط اتفرجي انتي بس وشوفيها وهي بتخرج وبتلم كرامتها معاها عشان تبقا تقول انا زي زيك اوي
يذهب مراد للشركة المتواجدة بها يارا وعندما يدخل من الباب الرئيسي يجد كل المتواجدين يرحبو به حتي يصل لماجد صديقه والمدير التنفيذي للشركة
يرحب به ماجد ويقول له عاش من شافك ياباش مهندس ده اي النور ده أخيرا فضيت مرة وجيت تقعد معايا
مراد: والله انت واحشني جدا ياماجد بس الصراحة أنا مش جاي عشان نرغي وعشان ماخدش من وقتك كتير موجود عندك بالشركة بنت أسمها يارا محمد بتشتغل في قسم الحسابات عاوز أقابلها ضروري
وبالفعل يطلب ماجد يارا لتذهب إلي مكتبه وتأتي يارا ولكن لم تجد مديرها ماجد وتجد مراد فتنصدم فتقول له
انت إيه ال جابك هنا أنت ورايا ورايا حتي في شغلي أنت عاوز مني إيه وترفع إصبعها بوجهه وگأنها تُهدده وتقول له: أنت عارف لو حصلي في شغلي حاجة بسببك مش هرحمك
يقف مراد فجأة ويُمسك بزراعها ويقترب منها كثيرا ويحدثها بأذنيها مراد مختار مبيتهددش ثم يبتعد عنها ويقول ده أنا حتي جايبلك أكل وقولت نفطر مع بعض
يارا: لا أنت اتجننت رسمي أنت جاي مكان شغلي وواقف في مكتب مديري وتقولي جاي نفطر مع بعض انت مجنون ثم أنا مستحيل أكل من أي أكل أنت جايبه أو دافع فيه مليم من جيبك
يُمسك بها مراد مرة أخري ويجلسها غصبا عنها ويقترب منها مرة أخري ويقول: ليه ده أنتي حتي هتكوني مراتي المستقبلية
تنحره يارا بعيداً عنها وتقول : ده بعينك يامراد يامختار
مراد: يُمسك بالأكل ويحاول يقترب منها اكثر ويقول لها تحبي تاكلي لوحدك ولا أكلك بطريقتي، فتستسلم يارا وتأكل كي يبتعد عنها ويبتسم مراد ويقول: أنا كده عرفت إيه ال ممكن يخليكي تسمعي الكلام هنتظرك اليوم علي العشا في الفيلا ويتركها ويذهب أما يارا فتجمع الطعام وتُحاول أن تلقيه بالقمامة ولكنها تغير رأيها وتأخذه وتذهب إلي مكتبها
