قصي:خل اعرفكم عن عائلتنة اكثر،
عمري حاليا 45
سحر عمرهة حاليا 35
امجد: حاليا عمرة 18صف سادس.
امير:عمره17صف خامس .
جعفر+سجاد:عمرهم 15صف الثالث متوسط.
عبد الله+حيدر:عمرهم11صف خامس ابتدائي.
نور:4 🤭💜.
.......
تزوجت سحر بعمر ال26.(اكبر من سحر ب10سنوات)
وسحر جان عمرهة 16،اعرف زغيرة بس احنا تقاليدنا هيج وما قصرت وياهة دللتهة اكثر من اهلهة لان احبهة واخاف عليهة ولو تريد عيوني هم اطيهيا كل شي تريدة بالحرف اسوي مو خوفاً بس حب،
سحر:قصي كلش يحبني والحمد لله مرتاحين سويه رغم بعض المشاكل ....
قصي:هاي الايام احس نفسي اختنك من اطب للبيت ونفسي حيل يضيق واي احد بالبيت يحاجيني اتعصب عليه وما اطيقه وخصوصا سحر كلش اكرهة جنت ودائما احس بضوجه من اشوفهة دائما اكعد باليل افكر ليش هيج جاي يصير ?
ليش صاير مهمل لولدي ومرتي ليش صاير ما اطيقهم.
اقرر اعتذر من سحر وارجع مثل قبل بس كل ما اكعد الصبح اكعد ضايج واطلع ب7الصبح من وگت اجي ب2بالليل كلش هملت اهلي وجان قريب لا اخسر مرتي 💔بسبب اهمالي. ما جنت احجي وية احد بالبيت بس وية نور هاي الطفله احسهة تختلف لو الدنيا كلهة تضيگ بية من اشوف وجهة وبرائتهة لا ارادياً ابتسم،وخصوصا من تكول بابة هيج اريد اكرطهة كرط 🤤🤤،نور ابد جانت ما تتقرب لسحر مو ما تحبهة بس كلش متعلقه بية ونومتهة كلهة يمي حته اني اوكلهة،ومن تجي سحر تاخذهة تكوم تبجي 🥺،يعني هم مو حلو التعلق الزايد مثلاً لا سامح الله اذا بفد يوم فقدتني او صار حاجز بيناتنة هواي راح تتعذب، اصلا زواج ما ازوجهة 😂،تبقه يمي المدلله 😌........
سحر:جنت كاعده الساعه ب10الصبح كلش ضايجه الولد طالعين يم جماعتهم بس حيدر يمي وقصي صاير حته ميكلي صباح الخير وميكلي وين رايح، صاير كلش مهمل بشكل مو طبيعي،
سحر:شويه واندگت الباب لبست حجابي وطلعت ،فتحت الباب شفت قصي،وجهة تعبان ومكتئب والحزن مالي وجهة حسيت بي شي..
سحر:شبيك قصي?
قصي:ليش فتحتيلي الباب مو ما اقبل زين وين الولد.
سحر:طالعين بس حيدر نايم.بعدين هاي كدامك لابسه حجاب من فتحتلك الباب.
قصي:جريت سحر من ايدهة ،تعااي ندخل نسولف.
سحر:كعدت اني وقصي رحت سويتلة عصير ليمون حته يصحصح.
سحر:صبيت العصير لقصي.تفضل كلبي..
قصي:شيلي مالي نفس آشرب.
سحر:بس ليشش فهمني شكوو شبيك هيج متغير ووجهك ذبلان مو مثل قبل وبالجذب اني مرتك ما تكلي صباح الخير لو تحجي وياي احجيلي شبيك??
قصي:اذا اكلج شعندي ما تزعلين?
سحر:اي اي ما ازعل بس كول.
قصي:لا والله اصلا راح تكرهيني اذا عرفتي اني شسويت!!!!!!!
سحر:قصي فدووه بس كول شصاير.
قصي:اني تزووجت.
سحر:ضليت اضحك بس كلبي كام يدك بسرعه وحيل رعبتني هل كلمه.
قصي:شبيج تضحكين.
سحر:شنوو هذا الحجي قصي انت تعرف شجاي تكول?
قصي:اي سحر هذا الواقع ولازم تتقبلي واني راح اعدل بيناتجن ان شاء الله.
YOU ARE READING
نهوة ابن عمي الشيخ..!
General Fictionالقصة:تتحدث عن فتاة عراقية من جنوب العراق تعيش تحت ضغط العادات والتقاليد! لتواجه الكثير من الصعوبات والمشقات وهي في بداية عمرها ويصبح الجميع ضدها فكيف ستواجه ذلك ...!
