💫 فرفارة فالكوزينة 💫

💥 بارت 5 💥

☄فرفارة فالكوزينة ☄ الجزء : 5 بقلم :فرح حدادي فمكان اخر كانت جوايه الوحدة د صباح مخلية الفراش كيما هو مجمعاتوش سارعة دور غا بزيف حياتي لي فوق رااسها فجنابو خااشية الخيار و الحامض و شعرها طالياه بالمخينزة كانت كتفرج فالمسلسل لي كيبدى هاد الوقت و الطبسيل فيه كرواصة حداها كتاكل منو و تهز ليها حريشات عايشة مع الفيلم غا سمعات التقرقيب خشات الطبسيل تحت الطبلة و طفات تلفازة تغطات من ساسها لراسها بإيزار بيض ولات كتبان بحال المكفنة سد باب بيتو و توجه لكوزينة تصدم فاش ملقى لا غدا لا فطور لا والو مولف نهار الاحد مع مكيكونش خدام كينعس تال 1 كيلقاها وجدات ليه الفطور ديك الوقيتة توجه لصالون تا كيتصدم بالمنظر لي قدام عينيه و زااد كمل عليه انه كيشوف فجهة صدرها مكتحركش حيتاش كانت قاطعة نفس بصوت مرجوف نطق عثمان : الوا ... الواليدة سعدية لا مجيب جاها صحك و لكن لضحكات ايخسر ليها كولشي عاود عيط لمرة تانية عثمان : مي دموع تحجرو فعينيه و بلخصوص غا مو لي يكساب فهاد الدنيا منين كان صغير و هي تدللو و لي بغاها تحضرها ليه تا خدم و ولا قاد براسو داااز شريط حيااتهم قدام عينيه و بدا كيقرب و رجليه كيحس بيهم تقاااال قدما كيقرب قدما كيحس براسو باقي بعيد ولا كامل كيترعد الحالة لي معمرو كان فيها ولا فيها فهاد لحضة الى كان هاادشي بصح لي كيفكر فيه غيهبل مفيهاش شك حيد عليها الغطا و نخضها بيديه و نطق عثمان : مي سعدية اخيرا حنات فيه و نطقات ب أممم عثمان : مي عفااك نوضي ندير ليك لي بغيتي الحمد الله نتي باقا عايشة (كيتفتت معرف ميدير و كيهضر مقطع ) نديك ...نديك لسبيطار باش كتحسي ؟؟ شنو ضارك سعدية :امم واالو اوليدي غا راسي عطاني لحريق شحاال قدي نعيش ليك اولدي تزوج و دير وليداتك انا راضية عليك عثمان : متقوليش هاكا الواليدة نتي غا صحي ليا لي بغيتيها تكون ياباه نديك لطبيب سعدية تخلعات يديها لطبيب تبان عليها الكدبة سعدية : لا اولدي بلاش بغيت نخطب ليك اولدي انا مبقاش ليا بزااف راه 57 عام فين بغيت نزيد عثمان : متقوليش هاكا ليحفضك ليا يا ربي صافي انا قابل لي بغيتيها تكون و لكن انا نختار العروسة حمرات فيه عينيها و نطقات بصوت حااد لي كان قريب يفضحها سعدية : ااااااانا نختار اشمن عثمان : ههه شفتك وليتي تهضري مسرحة سمعتي لخطبة و توكضتي سعدية بتاسمات بتسامة بلهاء و نطقات : مريييضة و لكن شحال عندي من ولد عثمان: ليطول لينا غا عمرك ا ميمتي لي بغيتيها تكون سعدية : اجي كيكاتجيك قمر بنت تيمة ؟؟ عثمان : بحال لبنات سعدية : شنو لي كيخليها تبان بحالهم عثمان بضحكة كلها مكر : ههه صالحة لزراعة سعدية : سير ليقل حياك اوا هاديك هي لي انخطبو ليك فالعشية عثمان : و لكن اشهاد زربة ؟؟ سعدية : تافقت مع مها ياد عثمان بنطرة كلها تشكيك : متاكدة مريضة بصح ؟؟ سعدية تا هي بنفس صوتو كتقلدو : لا غا كنضحك معاك ..

..# يتبع