💫 فرفارة فالكوزينة 💫

💥 بارت 8 💥

☄فرفارة فالكوزينة ☄
الجزء : 8
بقلم :فرح حدادي

توجهو لصالون  كان سابقها و هي موراه كطلع و تنزل فيه و ف فورمتو معامرش بزااف فورمة مثالية كيما كتعجبها و عااد vu الوسوعية لي فكتافو طيرات ليها عقلها

طردات افكارها و هو دار بزربة و هي مزال كتمشى تا دخلات فصدرو و شدات فجبهتها

شاف فيها و شافت فيه و ضحكو و سرعان مجمعات ضحكتها

عثمان: ههه غا ضحكي خودي راحتك

قمر : احم

عثمان : شوفي صراحة انا كنتي كتعجبيني من شحال هادي و باغيك فداري و على سميتي كولشي عاجبني فيك باغيك غا تصبري معايا تلى زمان ولي تقالت عليك خفافت عليا و العكس باغي مرة لي نحط عليها راس منين نكون عيان و نشكي عليها همي منين نكون ضيقان نفرح معاها و نعيش معاها فاليسر و العسر  نقبل بعيوبك و تقبلي عيوبي و هااادشي كامل بان ليا غا معاك نتي واش تقبلي بيا نكون فحياتك ؟؟

حدرات رااسها بعدما كانت كتحقق فوجهو  حشمها بكلامو و المدح ديالو حرك ليها قلبها من بلاصتو قدما كانت معجبة بيه قدماا زااادت حتارماتو على كلامو لي كيبان ليها رزين و ديال واحد شارب عقلو 

شافها سكتات و كمل كلامو : شوفي مكاين لاش تحشمي مني لي جاتك فبالك قوليها و غادي نسمع ليك

بصعوبة قدرات تخرج الكلام و نطقاات مفافية بتعلتم تام

قمر : م..م.م.م.موافقة

بتاسم وااحد الفرحة حس بيها رضاات كيانو و قلبو و عقلو لي عيااو بقوة التفكير فيها هاد القرار عمرو يندم عليه

قرب و بااس ليها فوق راااسها و هي غتغرق بحشمتها واخا هكاك تحدات رااسها و تكلمات كان يلاه غادي راجع لصالون لاخر تا وقفو كلامها

قمر :شوف

عثمان : ؟؟؟

قمر : رااه واخا واافقت ممنحقكش تقيصني دبا اخر مرة تعاودها

قرب ليها كيتحدا نظرااتها مختارق مساحتها الشخصية

عثمان : علاش انا قصتك ؟؟

هربات من حداه متوجها لصالون و كتهضر

قمر : واش هدا حمق قاليك مقصتكش ؟؟ و شنو ديك لبوسة لي باس ليا راسي

تبعها لصالون و تكلم عثمان

عثمان : نبداو على بركة الله

قرااو الفاتحة و عطاتو نمرتها

مشاو فحالهم  غا خرجو غسلات قمر  لمااعن و ترمات فناموسيتها  تا جات تيمة و جلسات حداها كدوز يديها على شعرها

تيمة : بنتي كبراات و بغات تزوج

قمر : واش انا متقلة عليك ا مي ؟؟

....# يتبع