لم يكن ذنبي

مشهد

لم يكن ذنبي...

#بقلم
نايا العراق

عندما يجتمع الوجع والمعانات بطرق مختلفة واهات مبعثرة وظلم من اقرب الاشخاص لك...
يكون الألم كسكين غرست في وسط قلب مجروح

مشهد....

بفترة سقوط والوضع زفت والناس محد يحتك بالثاني
وكله خايفه من القادم

نمشي ونسوالف اني وياه وهو ينصح بيه من البنات المدرسه عبرنه من يم المكتبه كال

... تعاي ندخل خلي اشتري دفتر

دخلت وياه وجان ابو المكتبه شاب اول مدخلت كصاني كص بنظراته

لعبت نفسي منه ومن نظراته وخاف ظافر يحس وتصير مشكله

درت وجهي ويه دورتي غمزلي خزرته مااعرف اشلون بحركه سريعه اشوف ظافر لازم لولد ويظرب بيه بوكسات

تلازمو لولد وظافر ويتضاربون واني من الخوف لزكت بالحايط وارجف اريد اسيطر على رجفتي مااكدر

لزم ظافر لولد وضربه راسه بالميز وشك راسه واجه عليه لزمني من ايدي وطلعنا

ظل لازم ايدي ويمشي بسرعه واحسه بركان هائج واني مااكدر اسيطر على رجفه جسمي حسيت حيغمى عليه من كثر ماشاد على ايدي قوي ضاغط عليه

وصلنه للبيت جرني من ايدي ودفعني صرت كدامه وهو خازرني وشرار يطافر من عيونه وملامحه مايكصه السيف

من شفته هيج خفت وظليت ابجي حسيت ملامحه لانت شويه سحبني عليه وحضني وباسني من راسي وگال وهو يحاول يطمن بيه

ظافر... لا تخافين من خوفي عليج هيج سويت

ظل يهدي بيه ويطبط عليه ويحجي وياي بهدوء
ورجع گال...
.... باجر مو تتاخرين

مسحت دموعي وهزيت راسي بمعنى اي وفتت للبيت
اني متعودة كل ما ادخل للبيت مالكه احد ومحد ينتظرني توني ذابه جنطتي وانسحبت من ايدي ونضربت على خشمي ظل خشمي ينزف وماحسيت بشي بعدها.....

......................

.
.
.
.
.

قصه جديدة بعنوان لم يكن ذنبي
تتحدث القصه عن فتيات معاناتهن عندما يتحملن ذنب ليس ذنبهن
اتمنى اتابعوها وتنال اعجابكم.....