السلام عليكم
#لم يكن ذنبي
بارت عشرون
# بقلمي نايا العراق
**************
على كيفج يا دنيا شبيج هيج وياي ؟
على بختك يحضي شبيك ما تكعد !
جبناهه حزن بس ضيم بس اهات ..
شماردنا الفرح من عندي اشو يبعد ..
تمطر بس امل الدنيا للموزين ..
و عليه بالمصايب دوم ترعد ..
اجر الفرح كوه الخاطر العين !!
تهد جفون الرمش و بساع تشرد ..
يا كلمه السعاده بالله وين الكاج ؟؟
وين افرح عليج وين افتح السد ؟
على ضيم الكلب محد يسئلني بيوم ..
و بس تضحك عليه الناس تحسد ..
الم جروح كلبي وكوه اهدي الحال ..
كل ساعه الجروح تحارب و تمرد ..
و اخيرا يا صبر روح الله وياك ..
بقت هيَ عليك شبيك ما تبتعد ؟
********************
راح غير ملابسه واجه انطاني سويج السيارة وگال شغليها على مااجي طلعت شغلتها ودارجع ادخل للبيت ومااسمع بس صوت الانفجار قريب
كلش رج البيت رج....
صعدت اركض السطح اشوف وين الانفجار بس وصلت باب السطح وكع الهاون الثاني وجان قريب كلش على اثر صوت نركعت باب السطح وكعت
كمت بسرعه باوعت واشوف واكع الهاون مقابيل بيت عمي نزلت بسرعه اشوف ولد عمامي وعمامي يركضون
بس شافني ابن عمي گال...
- ابيت ابوج وكع
بس گال هيج طلعت اركض للبيت ابوي ميته خوف ولد ابوي ومرته كلهم بالبيت
مو محبة بيهم بس يبقون من دمي ولحمي لو مهما صار
وصلت ومااشوف بس الكاع مليانه دم والبيت واكع بسرعه استرجعت احداث المستشفى وشنو صار وياي
مثل شريط نعاد عليه كلشي
نفضت الافكار من راسي ورحت اشوف بشنو اساعدهم تقدمت امشي بخطوات خايفه
اشوف مرت ابوي واكع عليها جزء من البيت وميته بمكانها وكفت اباوع عليها اكول بقلبي شكد الحياة قصيرة وماانعرف شوكت نموت وباي الحظه
وشكد مرت ابوي ضلمتنا وجانت وحده من الناس الي شاركت بظلمي ونبذي استغفرت ربي وكلت الله يرحمها
تقدمت اكثر واشوف بنت اخوي عمرها 16 سنه ركضت عليها كعدت يمها افحصها شفت العمود الفقري مكسور بالنص وتلمست نبض مالتها عايشه
وامها مرت اخويه يمها بس خدوش وجروح ممتاذيه كلش ركضو ولد عمامي للحشد يساعدوهم اجه المسعف وضل يفحص بيهن بلغهم امهم ماتت
والبنيه وامها مصابات صار العياط والكل تصرخ وكفت على صفحه اباوع الهم وصافنه مااذكر شي حلو منها فقط الاشياء الي محلوة
ذكرت من جنت صغيرة وشافتني واكفه باب البيت ودزت ابنها حتى يضربني
لو من كسرو الباب علينا واحنا نايمين لو من جابو ناس تشتري البيت واحنا بي لو من طردونا من بيتنا وامي جانت صحتها مو تمام
كل هاي ذكريات مرت علي تنهدت بقهر واستغفرت ربي
اباوع على ولدها وشلون متأثرين على امهم وخصوصاً هما معتمدين عليه بكلشي ولا عبالك هما زلم
أنت تقرأ
لم يكن ذنبي
Romance..منبوذة.. دعني أعيش معكِ أنواع العذاب لكن لا تنبذني اقتلني بأنواع الكلمات لكن لا تقولو عني منبوذة أحتويني فأنا بحاجة الى من يحتويني كن لي حظاً دافئاً وصدر حنون رجعلي تلك الط...
