كشماء

أقتباس من مشاهد خاصه..🌹كشماء

أستيقظ ركن ينظر جواره لم يجد كشماء
تنهد مبتسماً 
ونزل يبحث عن كشماء
وجدها تقف بالمطبخ
نظر لها بأعجاب شديد مما ترتديه
فكانت ترتدى قميصاً شفافاً يشف أسفله  زياً للبحرمن قطعتين وتقوم باعداد الطعام
تنهد بعشق وهو يتذكر  نهاية ليلة أمس المفعمه بالرومانسيه بينهم بعد أن أنتهت حفلة عيد زاوجهم

أخذ كشماء وأبنائه واستقلوا السياره وسافروا جميعهم الى الجونه
فلاش باكــــــــــــــــــــــــــ
بالسياره
جلست كشماء جوار ركن الذى يقود السياره  وبالخلف أبنائهم الاربع اللذين غلبهم النُعاس بعد بدايه الطريق بقليل

تحدثت كشماء  قائله  مش كنا أستنينا للصبح ونسافر  بالنهار

مال ركن يقبل وجنتها قائلا  بمزح قولت لك نروح بيت الجبل مرضتيش

زغرت له قائله شكلك  كده عايزنى أقلب عليك

ضحك  وهو يُمسك يدها يقبلها وعلى أيه الطيب أحسن مع أن بيت الجبل ده هو السبب فى تشريف الفهد الصغنن وكمان بداية أعتراف أنثى الفهد بحبها  ليا الى كان صعب جدا 

🌹🌹🌹🌹🌹🌹🌹🌹🌹🌹🌹

رأته يدخل يحمل تلك الصغيره فوق كتفيه
وصوت ضحكهم معاً يرج المكان

نظرت لهم بسخريه قائله  ربنا يهنيكم ببعض
أيه خلصتوا لعب فى الجنينه
ردت الصغيره أيوه
بابى قالى كفايه لعب وبكره هيخدنى أنا وماجد ومنصور وناناه كريمه الملاهى  وهناخد ولاد عمو سعد معانا وأنتى لأ  عشان أنتى بكرش وبابى قالى أنك متعرفيش تلعبى معانا

نظرت كامليا لهم بغيظ  قائله  ملاهى وماله

بعد قليل بغرفتهم
وقفت كامليا تنظر لأنعكاسها بالمرآه
وضعت يدها على بطنها قائله مش عارفه ليه أما بكون حامل بيظهر عليا الحمل بسرعه غير كشماء دى الى يشوفها يقول مش حامل  ده أكيد جينات
أنا جسمى بيحتفظ بالميه كتير

أقترب علام يضم خصرها من الخلف قائلاً  بلونتى

نظرت لأنعكاسهم فى المرآه قائله  بدلع بلونتك زعلانه منك يعنى هتاخد  العيال كلهم وتروح بيهم الملاهى وأنا لأ وده كله بسبب نور الشمس حبيبتك
طلبت منك
لكن انا أما طلبت منك نسافر فايد يومين  نغير جو قولت مش فاضى
ضحك قائلاً  هى ديلارا دى مش بنتك أنا مش عارف سبب لغيرتك منها
تبسمت قائله  دى مش غيره لو سمحت  دى مسألة تقدير أنت ديلارا عندك كلمتها مسموعه وطلباتها أوامر
تبسم وهو يديرها  لتصبح وجهها بوجهه تبسم وهو يقترب من شفاها مقبلاً
لكن قطعت اللحظه دخول.. نور الشمس ديلارا متذمره تبكى  قائله. مامى
سُرعان ما أتجهت اليها كامليا مرتعبه حين رأت يدها تنزف دماً.