بغض النظر عن الفرق الكبير بين الاهلي والزمالك بس الواحد لاحظ
ان الزمالك لما بيكسب الناس بتبدي تعمل بوستات فيها كمية شتايم وسفالة وقلة ادب غير طبيعية وده إن دل علي شيء فبيدل علي ......... هاسيبكم انتو بقي تكملوا النقط ، عكس الأهلي اه بردو بينزلوا بوستات تريقة علي الزمالك وكل حاجة بس مش بالسفالة دي مجرد هزار ومفهاش تطاول
انا في ناس حرفيا عملتلها بلوك من كمية الألفاظ الخارجة اللي شفتها 😠
ارتقوا يا جماعة اهلي ايه و زمالك ايه اللي يخلي اخلاقكم في الأرض بالشكل ده ، اختلاف وجهات النظر و الانتماء لفرق مختلفة ده وارد وطبيعي ولازم نتعامل معاه بثقافة تقبل الاخر مش بالمهازل اللي واحد بيشوفها دي😒
#تعديل _ انا كلامي واضح علشان مندخلش في جدالات وحوارات ملهاش لازمة واللي مش عاجبه كلامي ميردش عليه يا جماعة يعدي البوست كده كأنه مشفهوش
#الاخلاق _قبل _البطولات
#اهلاوية _وافتخر
#مبروك _للزملكاوية _ المحترمين فقط 🏆
#الحرمان _وحش _للنص الاخر من الزملكاوية 😜
Mê ♏
✴️✴️✴️✴️✴️✴️
أنت مش بتتصدم في الناس والأشياء، بل بتتصدم في تصوراتك المثالية ومعتقداتك الساذجة عنهم. فكك من اليقين، خليك منفتح، وتوقع أي شيء من أي حد في أي وقت.
Mê ♏
✴️✴️✴️✴️✴️✴️
قريت بوست بيقول" أن فقدان الشغف اسوء من الاكتئاب"
ودي حقيقة الاكتئاب مجرد لحظات بتفقد فيها شعور السعادة و الفرح بس بتبقي لحظات عابرة و بيحصل حاجة تخليك ترجع مبسوط بعدين ، أما فقدان الشغف ده انت بتفقد قدرتك علي الاستمتاع بابسط الاشياء بتلاقي نفسك بتمارس نوع من أنواع الموت البطيء
الاكتئاب ممكن تتولد منه اشياء إيجابية لانك بتخرج طاقتك في كتابة رسم رياضة اي حاجة بتلاقي فيها نفسك اما فقدان الشغف ده انت بتتقتل فيه براحة كده علي الهادي واحدة واحدة بتلاقي نفسك مبقاش في حاجة ممكن تلفت نظرك واهتمامك دايما بتروح للاشيء!
الفكرة أن لذة الحياة في الشغف اللي وجوده بيضاعف الرغبة في النجاح و الاستمرارية وبيخليك حد مختلف مبدع وانا باعتبره مفتاح النجاح ، ارفض مبدأ المعايشة والروتين اللي بيقتل فيك لذة الاستمتاع بالحياة ، أخلق لنفسك في يومك فرصة لو حتي هتحقق فيها حلم صغير ،لو هتكسر فيها روتين بس لازم تكسر قيود التعايش باستسلام وفكرة انك عايش مجرد ايام و بتعدي ، الايام اللي بتعدي دي بتعدي من عمرنا ومبترجعش تاني، وعمرنا بيتحسب بالايام اللي عيشناها مبسوطين واللي حققنا فيها لو حلم بسيط.
و ادعوا دايما ان ربنا ميطفيش فيكم بريق الشغف بعد كل خيبة أو صدمة بنتعرض لها؛لان الموضوع ده مميت فعلا، ادعوا أن لحظات اليأس متسرقش مننا لحظات الحياة .
#فقدان الشغف_اسوا من _ الاكتئاب
#ارفض _مبدأ التعايش
Mê ♏
✴️✴️✴️✴️✴️✴️
في نور غريب في ملامحك مداري العمر جوه منه، و ابتسامة صافية رايقة تدخل القلب غصب عنه ❤️
Mê ♏
✴️✴️✴️✴️✴️✴️
YOU ARE READING
اوراق من خريف العمر 🍁🍂
Randomهي صفحات من أوراق العمر ، مجرد كلمات مبعثرة تجسد المشاعر ،الاحداث ، و وجهات النظر، مجرد كلمات تهدأ بها النفس أملا في ولادة اوراق خضراء تحيي ربيع العمر 🍃🌿 كل شهر من هذا العام هو ورقة من عمري ☘️ بُـ'ـُٱلُـ'ـُعُـ'ـُٱمُـ'ـُيُـ'ـُةّ
