اسوء احساس ممكن تحسه إنك " مش قادر "
الاحساس دا للأسف محدش بيقبله و بيبقوا شايفين انه
" دلع " او " حزن " او زعل عادى !!
معنى كلمه "مش قادر" مش زعل ولا خنقة ..
هى طاقة خلصت من جواك مخلياك فعلا مش عارف تعمل
اي حاجة لا لغيرك ولا حتي لنفسك ..
لما حد يعرض عليك تخرج عشان تغير جو و تفك ف ترفض لانك انت الوحيد اللي فاهم انك مش قادر ف مستحيل تحاول ترتاح بإنك تتعب نفسك اكتر ..
لما تتفق علي خروجة و انت تتحرج و تضطر توافق
بتبقي في قمة سعادتك لما تتلغي ..
لما تحس انك مش قادر تعمل اي حاجة غير انك تستسلم للحالة اللي انت فيها.. بتحس ساعتها انك بتحارب نفسك عشان تعمل اقل تفاصيل يومك
مش زعلان ولا متضايق و لا نفسك في حاجة معينة
تحصل.. بس كل الحكاية انك "مش قادر"
مش قادر تنزل .. مش قادر تضحك .. مش قادر
تشوف حد . مش قادر تنافق !!
مش قادر تقنع حد انك مش مضايق ..
مش قادر تشرح إحساسك..
مش قادر تسمع حد ..
مش قادر تدافع حتى عن نفسك لما حد يزعل منك
عشان قلة سؤالك .. مش قادر تمسك في حد بيبعد ..
كلمه " مش قادر " مفيش حد بيقدر لما بيسمعها ولا حد بيستوعب اننا فعلا بنبقي مش عارفين نعمل اي حاجة
كل اللي بيبقوا شايفينه هو اننا بندلع !!
الرحمة على الناس اللي مش قادرة تعمل اي حاجة ولا عايزة تعمل أي حاجة غير انها تقعد ساكته وبس .. ف ياريت تاخدو بأيدهم و طلعوهم لبر الامان النفسي .. الله يرضي عليكم !!
ŞİMDİ OKUDUĞUN
اوراق من خريف العمر 🍁🍂
Rastgeleهي صفحات من أوراق العمر ، مجرد كلمات مبعثرة تجسد المشاعر ،الاحداث ، و وجهات النظر، مجرد كلمات تهدأ بها النفس أملا في ولادة اوراق خضراء تحيي ربيع العمر 🍃🌿 كل شهر من هذا العام هو ورقة من عمري ☘️ بُـ'ـُٱلُـ'ـُعُـ'ـُٱمُـ'ـُيُـ'ـُةّ
