STS #2: Give Me More [COMPLETED]

Kabanata 49

"Utang na loob 'wag na kayong mag-orasyon sa CR, ha?" mariing bilin ko. Ang dami dami ko kasing bitbit na paperbags na puro walang kwenta naman ang laman kaya hassle lang na sumama pa 'ko sa kanila.

"Wag kang aalis d'yan, anak, ha?" biro pa ni Dior bago sila tumatawang iniwan ako. Mga luka-loka talaga.

Sumandal ako sa pader dahil nangawit na 'ko sa kakalakad namin kanina pa. Gutom na gutom na rin ako at konti na lang mangangain na 'ko ng mga batang nagdaraan dito. Char.

I was just watching the mall-goers while I wait for my cousins to get back. Halos naka-slouch na nga 'yung likod ko sa pagkangawit pero agad na napatuwid ako ng tayo at napakunot ng noo. Natanaw ko ang dalawang pamilyar na pigurang naglalakad sa kabilang isle.

Sina Fyuch at Jenny.

Bakit ba kasama na naman niya 'tong China doll na 'to? Tsk! May tamang espasyo naman sa pagitan nilang dalawa habang naglalakad pero hindi ko pa rin talaga mapigilang hindi magtaas ng kilay. Oras pa kaya ng trabaho! Bakit sila nandito sa mall?! Pero mukhang paalis na sila dahil pa-exit na. Ako naman 'tong si gaga, hala sige sunod lang!

Babalik na kaya sila ng opisina? Well, oras pa rin naman ng trabaho ko pero wala naman na 'kong gagawin kaya ako nandito. Eh sila? I don't think na nandito sila para mag-shopping. Wala naman silang dala ni isang paper bag!

Maingat akong nagtago sa mga sasakyan at sakto ang pwesto ko dahil malinaw ko silang nasundan ng tingin. Kotse ni Fyuch ang dala nila at pinagbuksan pa talaga niya ito ng pinto! Anak ng!

Inis na kinapa ko ang phone ko sa bulsa at tinawagan siya. Mabilis naman siyang sumagot.

"Hi, bb." malambing na tawag ko sa kanya at saka ngumuso kahit 'di niya nakikita. Nanatili naman ang mga mata ko sa kanila kahit kausap ko siya. "Nasaan ka?"

[Nearby mall. Napatawag ka?] diretsang tanong niya agad.

"Bakit, bawal?" medyo mataray na sagot ko.

[Of course not. Sungit.] Tumawa siya ng mahina bago sumakay sa driver's seat.

"Bakit ka nasa mall? Ikaw lang ba o may kasama ka?"

[Jenny's with me. We had a short meeting near here.] mabilis na sagot naman niya. Agad na napangiti ako. Hindi man lang talaga itinangging kasama niya ang babaeng 'yon! Pero at least, he didn't lie to me. May 3 pogi points ka sa 'ken!

"O sige na kinamusta lang kita. I love you, Fyuch."

[I love you more, baby.]

Humahagikgik tuloy ako sa pinagtataguan ko dahil sa itsura ni China doll bago sumakay sa shotgun seat. Mukha ng bulkan na sasabog, eh. Pero bagay lang 'yan sa katulad niyang higad na laging nangangati.

Hindi ko alam kung ano ang pumasok sa utak ko at nagpatuloy pa rin ako sa pagsunod sa kanila. Tinext ko na lang ang mga pinsan ko na nagkaro'n ng emergency sa office kaya nauna na 'ko. Ewan ko ba at wala talaga akong tiwala kapag itong babaeng 'to ang kasama ni Fyuch. Malandi ako, oo. Pero sigurado akong iba ang level ng kalandian nitong si Jenny.

Kinutuban ako ng hindi maganda nang biglang lumiko ang sasakyan ni Fyuch. Hindi sila bumalik sa Smith Corp. May imi-meet pa kaya silang ibang kliyente? Pero bakit ang layo naman yata?

Kinaltukan ko ng dalawang beses ang ulo ko habang nagmamaneho. Kung anu-ano na naman kasi ang pumapasok na puro wala namang kwenta. As if namang mag-de-date sila. 'no! Jusko, self. Sinasabi ko na sa 'yo nakakamatay ang mga maling akala.

Para akong tanga na kinakausap at sinesermonan ang sarili ko sa loob ng sasakyan. Maingat ang ginawa kong pagsunod sa kanila dahil kilala ko si Fyuch. Matinik 'yun pagdating sa mga ganitong pagsunu-sunod. Pero tangina, napamura ako ng malutong pagkakita sa bahay na hinintuan nila.