#ادوار_وهميه 13
ملاحضه :-
اسم قيس رح نقعد نكتب فيه رواد عشان ما تتلخبطوش
النار يلي شعلتها ريم ومشت كانت كبيره🔥🔥🔥
كل واحد يشوف لي الثاني بصدمه ومش قادر يحكي !
مروه كانت مصدومه ريم كيف كشفتها ؟؟؟
مكانتش خايفه لان ع الاقل ريم مقالتش اسم بدر
سعاد:ماسكه ولد ريم بين يديها وهيا تبلع في ريقها تدعي داخلها محدش يصدق الكلام يلي صار
ولمياء كان صوت دقات قلبها مسموع بسبب الخوف
اما سكر كانت بتمووووت من الرعب
لو ريم حطت راسها من راس سمر وخبرت حد من عيلة راجلها كيف يكون موقفها؟؟
لحضه صمت طويله بينهم وكل واحد يشوف لي الثاني لين تكلمت سعاد
سعاد:بنبره حاده.....من هوا العريس يلي تخوني فيه مع ولدي ؟؟؟
مروه:مسكت اعصابها وضحكت بهزوه....نخون في ولدك؟؟
قصدي مصدقينها انتم العبده هادي ؟؟؟؟
طبعا حطت كذب هكي كبره باش تخشش العيله في بعضها وتطلع
سمر:تشوف لي لمياء وخاطرها تهجم عليها .....ومن قال انها تكدب؟
مروه:معناها انتي جديات تخنبي في ذهب عزوزتك😳
وامك مبصمه بوك على ارض
سعاد:ناضت من حدها .....كذذذذذذذب كذااااابه حشاني وحاشه بنتي
سمر:معش قدرت تمسك اعصابها وهجمت على لمياء مسكتها من شعرها وبدي فيها صوت العياط لعند الشارع
سمر تضرب في لمياء وتشحلها في شعرها ولمياء تعيط وتتألم ومروه تحاول تحز بينهم حصلت ضربات من سمر وعينك ما تشوف الا النور😂😂
شمرت مروه يديها وطاحت في سمر ولمياء ما صدقت حتى هيا 😂
هجمو الزوز عليها قريب قتلوها نمارق واقفه تعيط وسعاد تندب وماسكه الولد وسمر لين راحت دم وطبعا الفوضه هاذي كلها مفيش حد قدر يفكها غير راجل يلي هوا كريم 😂💔
_____________________________________
ريم:حطيت راسي ع المخده نسمع في امي تندب ومدايره عزي في وسط الحوش عشان طلاقي
سكرت عيوني بتعب لاني مرقدتش من امس
دورت هلبا اسئله في راسي
شنو المشكله يلي صارت بين رواد يلي هوا قيس وخطيبته علاش سيبها قبل العرس بيوم ؟؟
رواد الحقيقي من وين عرف كل المعلومات هاذي كلها عشان يبعتها لي قيس؟؟
هل ناصر كان يتواصل معاه او كيف!!....اااه مالي ومالهم
الحمد الله يلي طلعت من ها العيله ورجعت لي غرفتي البائسه وحياتي الاولى....غفيت شويه عشان نسمع طقات عاليه على الباب وصوت امي فرحانه
ربيعه:ريممم ريممم نوضي بسرعه
ريم:رفعت شعرها من على وجها .. شنو
ربيعه:مشبكه يديها في بعض ومبتسمه ....راجلك برا
ريم:بملامح صدمه راجلي ؟؟؟قيس!!
ربيعه:من قيس يابنت خيرك مضروبه على راسك راجلك رواد برا
ريم:رمشت عيونها وهيا تستوعب ....اي رواد اي
ربيعه:نوضي بسرعه يبيك يارب يكون غير رايه
ريم:نزلت من سريرها متحركه في اتجاه الدار
ربيعه:تعااااالي هنايا
ريم:شافتلها زي المسبوها
ربيعه:قيمي شعرك وساوي روحك تحرك
ريم:طلعت بسرعه بدون ما تعدل على كلام امها فتحت الباب عشان تلقى رواد بي تسامته المستفزه زي كل مره ...قعدت تشوفله مصدومه
رواد:اهلا من جديد
ريم:بلعت ريقها ....انت شنو جابك هنايا ؟!مش ع اساس خلاص بترجع لي اهلك !!؟
رواد:حط يديه في جيوبه وشاف لي كراسي وطاوله البلاستيك يلي كانت تحت النخله....نحكو شويه!؟
ريم:رمشت بسرعه وهيا مش فاهمه شي
اما رواد سبقها للكرسي كأنه عارف انها رح توافق تحكي معاه وتلحقه
ريم:سكرت الباب ولحقاته ....قعمزت مقابله ع الكرسي
رواد:ولع دخانه
ريم؛ممكن نفهم علاش قاعد هنايا انت ؟
رواد:شاف لي عيونه مقدرتش نبعد عليك 💔
ركبت السياره ومشيت لكن للاسف اكتشفت حبي ليك وعرفت اني منقدرش نعيش بدونك
ريم:تشوفله وعلى وجها ملامح الهزوه
رواد:ضحك بسخف....طبعا نبصر ناقص غير نحب وحده زيك
ريم:ضرباته ع كتفه بتعصب....منبصررررش احكي علاش ممشيتش وشن جاي تبي مني ما صدقت افتكيت من وجهك
رواد:نفخ من دخانه ....فكرت في الهزايب يلي عطيتيهولي الصبح
ريم:عقدت حواجبها مش فاهمه
رواد:اممم مفهمتيش تمام....تقدري تقولي فكرت في الشي يلي درته وهلبا
امس مرقدتش ابدا نفكر ....حطيت روحي مكان ايمن وكريم ...يعني تخايلت لو خش بينا حد غريب وانتحل شخصيت خوي
يقعد بينا وهكي كيف رح يكون شعوري ؟
هما صح عيله وخالها ميلاد !...وصح انا نتبعد هلبا على سمر ونورهان لانهم في النهايه مش خواتي ...لكن مهما كان ....يعني في النهايه انا
انا ...درت شي غلط رغم اني كنت مضطر ولقيت روحي في هلبا قصص ومعش عرفت نطلع منها
وربي ما كان بيدي
ريم:بس مهما كان من البدايه انت غالط ومقرف
رواد:خبط الكرسي برجله وريم طاحت ع الارض ....فهمنا قلنا غالط وانتي خرااا
ريم:ناضت من ع الارض وهيا تنفض في حوايجها
وبعد ما فكرت في هزايبي جايني هنايا علاش !؟
رواد:طيح الدخان ....قلتلهم
ريم:قامت عيونها من حوايجها ...منو؟!
من قلت !؟شنو!!
رواد:ايمن وكريم ....حكيت كل شي
طبعا بعد ما تكلمت مع رواد !
ريم:حطت يدها على فمها بصدمه.....شش ش وشنو دارو ؟ !!!
رواد:دارو مقروض ...شنو بيديرو يعني حسب رايك
سبوني هلبا ...خشت بعضها بينا في الكلام وبعدين خدو كلمو خوهم ولعت بيهم وصار بينهم الف شي ! وهلبا حاجات مش ضروري تعرفيهم
ريم:انت كل شي مش ضروري نعرفه؟؟؟؟ تكلممم
رواد:اعتذرت الف مره
تقريبا اعتذرت اكتر من المرات يلي سبيتك فيهم
ريم:خبطاته على صدره
رواد:ضحك ......خدي نفس
شرحتلهم ضروفي و ....قلتلهم شي
ممكن الشي هاذا شفعلي شويه وخلاني نطلع حي بدون اضرار
ريم:شن هوا !!
رواد:مش مهم ....المهم اني شبه مستريح
ريم؛مش بي السهوله هاااااذي مستحييييل
انت اعترفت انك ضحكت عليهم سنه تاااااامه راهو
شن صار لما حكيتلهم!؟
رواد:ديمه نقولك في حاجات مش ضروري تعرفيها
توا خلينا في موضوع علاش جايك !
ريم:بعدت خصلة شعرها يلي جت قدام عيونها...علاش جاي ؟؟
رواد:بلع ريقها...نبيك تجي معاي
ريم:نجي؟....وين!!!
رواد:منبيش نروح حوش اهلي بروحي لي هلبا اسباب
ريم:وعلى اي اساس بنمشي معاك ؟؟صاحبتك ولا اختك لان بدت حياتك كلها تمثيل
رواد:ضحك....انا وياك زي بعض ريم
الاثنين لعبنا ادوار وهميه مش لينا
ريم:شن تقصد؟
رواد:انا لعبت دور رواد ...وانتي لعبتي دور اختك ريماس لما جيتي عروسه لي ناصر
يعني انتي مش احسن مني في شي
ريم؛رددت الاسم بشويه....ادوار وهميه !
رواد:اي .....المهم توا بتجي معاي ع اساس انك مرتي
متخافيش قاعدين نفس الشي
ريم؛بس انا مرت رواد مش قيس
رواد:عقد الزواج مسجل بي اسمي الحقيقي ومتسألينيش كيف
ريم:سكتت شويه وهيا تشوفله.....منقدرش نمشي معاك !...وعطاته بضهر خاشه
رواد؛تقدري تتحملي حياتك بعد رفضي في حوش اهلك !؟
ريم:تلفتت.....علاش خيرها حياتي
رواد:بتقنعيني ان امك يلي واقفه ورا الروشن توا رح تستقبل حبر طلاقك بي فرح عادي جدا !
ريم:شافت لي الروشن لمحت امها
رواد:وقف....نراجي فيك في السياره متعطليش لان الطريق طويله ....ومشي
أنت تقرأ
أدوار وهميه
General Fictionرواية للكاتبة اروى طاهر المسلاتي حسابي ف الانستا Flok7i_ بنت مش نفس اي بنت في كل روايه ليا ! طبعها وقصتها غريبه !...بدت قصتها بي كذبه من اهلها وعاده قديمه يديرو فيها ناس قبل وهيا غلط العاده هاذي من الاساس وتضلم في هلبا ناس ❌ بس شنو يصير لما تعرف ان...
