ﻣﻨﻘــﻮﻟﺔ
# ﻧﺎﺯﺣﻪ
ﺍﻟﺤﻠﻘﻪ 37
ﻣﻨﻌﻢ : ﺟﻴﻬﺎﻥ ﻧﺎ ﻧﺒﻴﻚ ﺗﺨﻤﺮﻱ ﺑﻌﺪ ﺗﻄﻠﻌﻲ
ﺍﻧﺎ : ؟؟ﻭﻋﻠﻴﺶ؟
ﻣﻨﻌﻢ : ﻟﺨﻤﺎﺭ ﺳﺘﺮﻩ ﻟﻠﺒﻨﺖ ﻭﺩﻳﻤﻪ ﺍﻟﺒﻨﺖ ﺍﻟﻤﺘﺨﻤﺮﻩ ﺗﻘﻌﺪ ﺭﺍﻗﻴﻪ ﻭﻣﺤﺘﺮﻣﻪ
ﺍﻧﺎ : ﺑﺲ ﻧﺎﻡ ﺗﻌﻮﺩﻩ ﻉ ﻟﺒﺲ ﻭﻃﻠﻮﻉ ﻭﻋﺎﺭﻑ ﺍﻥ ﻧﺎ ﻛﻨﺖ ﻧﺴﻮﻕ؟
ﻣﻨﻌﻢ : ﺷﻐﻞ ﻭﺳﻮﺍﻗﻪ ﻟﻠﺮﺍﺟﻞ ﺍﻟﻮﻟﻴﻪ ﺗﺮﻳﺢ ﻓﻲ ﺣﻮﺷﻬﺎ ﻭﺗﺪﻟﻊ ﺍﻟﺒﻬﺪﻟﻪ ﻣﺶ ﻟﻚ
ﺍﻧﺎ : ( ﺣﻲ ﻉ ﺗﻠﺴﻴﻦ ﻭﺣﻲ )
ﻫﻮﺍ ﻳﺤﻜﻲ ﻭﻧﺎ ﻗﻠﺒﻲ ﻏﺎﺍﺍﻡ ﻋﻠﻴﺎ
ﺻﻜﺮﺕ ﻣﻨﻪ ﻭﻋﺪﻳﺖ ﻟﻤﺎﻣﺎ
ﻣﺎﻣﺎ : ﻣﻨﻌﻢ ﺍﻟﻠﻲ ﻛﻨﺘﻲ ﺗﻜﻠﻤﻲ ﻓﻴﻪ
ﺍﻧﺎ : ﻣﺎﻣﺎ ﻣﻌﺶ ﻧﺒﻴﻪ
ﻣﺎﻣﺎ : ﻣﻨﻌﻢ؟
ﺍﻧﺎ : ﻣﺶ ﻣﺘﺮﻳﺤﻪ ﻭﻟﻴﺎ ﻓﺘﺮﻩ ﻧﺒﻜﻲ ﻗﺒﻞ ﻣﺎﻧﺮﻗﺪ
ﻣﺎﻣﺎ : ﺍﻧﺘﻲ ﻣﺰﻟﺘﻲ ﺗﻔﻜﺮﻱ ﻓﻲ ﻭﻟﺪ ﺟﻤﻴﻠﻪ؟
ﺍﻧﺎ : ﻳﺎﻣﺎﻣﺎ ﻋﻤﺮ ﺍﻧﺘﻬﻲ ﻛﻞ ﺷﻲ ﺑﻴﻨﻲ ﻭﺑﻴﻨﻪ ﻣﻌﺶ ﺍﻧﻜﻠﻢ ﻓﻴﻪ ﻭﺍﻣﻪ ﺗﺨﻄﺒﻠﻪ ﺗﻮﺍ
ﻧﺎ ﻓﻲ ﻗﺼﺘﻲ ﻣﻊ ﻣﻨﻌﻢ؟
ﻣﺎﻣﺎ : ﻟﻮ ﻣﺰﻟﺘﻲ ﺗﻔﻜﺮﻱ ﻓﻲ ﻭﻟﺪ ﺟﻤﻴﻠﻪ ﻧﺎ ﻧﻘﻮﻟﻚ ﺍﻥ ﻣﺘﺤﻠﻤﺶ ﺑﺎﺗﻚ ﻣﺴﺘﺤﻴﻞ ﻳﻮﺍﻓﻖ
ﺍﻧﺎ : ﻃﻠﻌﺘﻪ ﻣﻦ ﺭﺍﺳﻲ ﻭﻫﻮﺍ ﺍﺻﻼ ﺍﻣﻪ ﺩﻭﺭﻟﻪ؟ﺑﺲ ﻣﻨﻌﻢ ﻣﺶ ﻣﺘﺮﻳﺤﺘﻠﻪ
ﻳﻌﻨﻲ ﻣﻌﺶ ﻓﻲ ﺭﺟﺎﻟﻪ ﻏﻴﺮ ﻣﻨﻌﻢ ﻭﻋﻤﺮ؟
ﻣﺎﻣﺎ : ﺗﻮ ﺗﺠﺰﻭﺯ ﺗﺮﻳﺤﻴﻠﻪ؟
ﺍﻧﺎ : ﻳﺎﻣﺎﻣﺎ ﺑﺨﻴﻞ؟
ﻣﺎﻣﺎ : ﺗﻮ ﺗﺸﺘﻐﻠﻲ؟
ﺍﻧﺎ : ﻳﺎﻣﺎﻣﺎ ﻣﻌﻘﺪ ﺧﻤﺎﺭ ﻭﻃﻮﻳﻞ؟
ﻣﺎﻣﺎ : ﺍﻟﺴﺘﺮﻩ ﻛﻮﻳﺴﻪ ﻟﻠﺒﻨﺖ؟
ﺍﻧﺎ : ﻣﺎﻣﺎ ﻣﻌﺶ ﻧﺒﻴﻪ
ﻣﺎﻣﺎ : ﺗﻮﺍ ﺧﻄﺮﻟﻚ؟؟؟؟؟؟
ﺍﻧﺎ : ﻣﺶ ﻣﺘﺮﻳﺤﻪ ﻣﺶ ﺑﻠﻐﺼﺐ ﻫﻮﺍ ﺍﻟﻤﻮﺿﻮﻉ
ﻣﺎﻣﺎ : ﻭﺍﻟﻠﻪ ﺗﻨﺪﻣﻲ؟؟ﻳﺎﺟﻴﻬﺎﻥ ﺑﺤﺘﻲ ﻓﻲ ﺍﺧﺘﻚ ﺍﺻﻐﺮ ﻣﻨﻚ ﺏ 10 ﺳﻨﻮﺍﺕ؟؟ﺍﻟﻴﻮﻡ ﺑﻴﺎﻧﻬﺎ؟
ﺍﻧﺎ : ﻭﺷﻔﺘﻲ ﺍﻟﻠﻲ ﺟﺎﺑﻮﻩ ﻟﻤﻨﻴﺎ؟؟ﻭﺷﻔﺘﻴﻪ ﺍﻟﻠﻲ ﺟﺎﺑﻮﻩ ﻟﻴﺎ؟
ﻣﺎﻣﺎ : ﻛﻞ ﻣﺎﺗﺼﻐﺮ ﺍﻟﺒﻨﺖ ﻛﻞ ﻣﺎﺗﻐﻠﻲ؟
ﺍﻧﺎ : ﺷﻨﻮ ﺳﻠﻌﻪ ﻧﺤﻨﺎ؟؟؟
ﻣﺎﻣﺎ : ﺑﺎﺗﻚ ﻣﻮﺍﻓﻖ؟
ﺍﻧﺎ : ﺑﻌﺪ ﻳﻌﺮﻑ ﺍﻧﻲ ﺭﺍﻓﻀﻪ ﺗﻮ ﻳﻘﺘﻨﻊ
ﻣﺎﻣﺎ : ﺍﻧﺘﻲ ﻛﻨﻚ؟؟
ﺍﻧﺎ : ﻣﺎﻛﻨﻲ ﺷﻲ ﻣﻨﻌﻢ ﻣﻌﺶ ﻧﺒﻴﻪ ﻣﺶ ﻣﺘﺮﻳﺤﺘﻠﻪ؟؟؟؟ﻣﻦ ﺑﻨﺖ ﺗﻠﺒﺲ ﻭﺣﺮﻩ ﻭﺗﺴﻮﻕ ﻭﺗﺸﺘﻐﻞ
ﺍﻟﻲ ﻭﺣﺪﻩ ﻣﺘﺨﻤﺮﻩ ﻋﺎﻃﻠﻪ ﻣﺨﻨﻮﻗﻪ ﺗﺤﺖ ﺭﺣﻤﺔ ﺭﺍﺟﻞ؟
ﻣﺎﻣﺎ : ﺍﻟﺼﺒﺎﻳﺎ ﺍﻟﻠﻴﺒﻴﺎﺕ ﻛﻠﻬﻦ ﻫﻚ
ﺍﻧﺎ : ﻧﺎ ﻣﺶ ﻫﻚ
ﻣﺎﻣﺎ : ﺍﻧﺘﻲ ﺗﺤﺴﺎﺑﻲ ﺭﻭﺣﻚ ﺍﺻﻐﻴﺮﻩ؟
ﺍﻧﺎ : ﺍﺻﻐﻴﺮﻩ ﺍﻫﺎ ﻭﺗﻮﺍ ﺗﻄﻠﻌﻲ ﻟﺒﺎﺑﺎ ﻭﺗﻘﻮﻟﻴﻠﻪ ﺑﻨﺘﻚ ﻣﻌﺶ ﺗﺒﻲ ﻣﻨﻌﻢ ﻛﻠﻤﺎﺗﻪ ﻭﺗﻔﻘﻮﺵ
ﻣﺎﻣﺎ : ﺟﻴﻬﺎﻥ؟
ﺍﻧﺎ : ﺍﻟﺮﺍﺟﻞ ﺑﺨﻴﻞ ﻭﻣﺶ ﻣﻘﺪﺭﻧﻲ ﻭﻳﺤﻜﻲ ﻣﻌﺎﻳﻪ ﻉ ﺍﺳﺎﺱ ﻭﺣﺪﻩ ﻋﺎﺯﻗﻪ ﺭﻭﺣﻲ ﻋﻠﻴﻪ
ﻣﺎﻣﺎ : ﺗﻮ ﺗﻐﻴﺮ ﻃﺒﻌﻪ
ﺍﻧﺎ : ﺍﻧﻘﻮﻟﻚ ﺣﺎﺟﻪ؟؟ﻧﺎ ﻧﺒﻲ ﻧﻌﻨﺲ ﻧﺒﻲ ﻧﻘﻌﺪ ﻋﺎﻧﺲ؟؟
ﻣﺎﻣﺎ : ﻭﻳﻦ ﺑﺘﻘﻌﺪﻱ؟؟ﺍﻧﺘﻲ ﺣﺘﻲ ﺑﺎﺗﻚ ﺗﻮﺍ ﻣﺎﻧﻌﻚ ﻣﻦ ﺳﻮﺍﻗﻪ ﻭﻣﻦ ﺷﻐﻞ ﻭﻣﺶ ﻋﻨﺪﻩ ﺛﻘﻪ ﻓﻴﻚ؟
ﺍﻧﺎ : ﻋﺎﺩﻱ ﺑﻨﻘﻌﺪ ﻓﻲ ﺍﻟﺤﻮﺵ
ﻣﺎﻣﺎ : ﺍﺗﺸﻮﻓﻲ ﻓﻲ ﺣﺎﻟﺘﻨﺎ ﺍﻧﺘﻲ ﺗﺸﻮﻓﻲ ﻓﻲ ﺑﻴﺎﻥ ﺍﺧﺘﻚ ﻛﻴﻒ ﻟﻔﻘﻨﺎﻩ؟؟ ﺗﺸﻮﻓﻲ ﻓﻴﻨﻪ ﺑﻼﺟﺎﺭ
ﺗﺸﻮﻓﻲ ﻓﻴﻨﺎ ﺑﺎﺗﻚ ﻭﻳﻦ ﻋﺰﻗﻨﺎ ﺑﻌﺪ ﺍﻟﻔﺎﻟﻄﻪ ﺍﻟﻠﻲ ﺿﺮﺗﻚ ﺟﺒﺘﻴﻬﺎ ﻻﻩ ﻓﻮﻕ ﺭﺍﺳﻪ؟
ﺍﻧﺎ : ﻋﻘﺎﺑﻲ ﻧﺎﺧﺪ ﻣﻨﻌﻢ؟
ﻣﺎﻣﺎ : ﺍﺟﻮﺯﻳﻪ ﻛﻨﻪ ﻏﺰﺍﻝ ﻣﺼﻨﻊ ﻣﻨﻊ ﺷﻨﻮ ﻧﺎﻗﺼﻪ؟ﻣﺎﻣﻠﻠﻲ ﻣﺘﻤﻨﻴﺘﻪ؟ 😌
ﺍﻧﺎ : ﺧﻼﺹ ﺗﻮ ﻧﻜﻠﻤﻪ ﻧﺎ ﺍﻧﻘﻮﻟﻪ ﻣﻔﺶ ﻧﺼﻴﺐ 😊
ﻣﺎﻣﺎ : ﺟﻴﻬﺎﻥ ﻣﺘﺨﻠﻨﺶ ﻧﻨﻔﺼﻞ ﻋﻠﻴﻚ ﻭﻧﻬﺰﺑﻚ ﻗﺪﺍﻡ ﺧﻮﺍﺗﻚ؟ 😠
ﺍﻧﺎ : ﺩﻳﺮﻭ ﺍﻟﻲ ﺗﺒﻮ ﺩﻳﺮﻭﻩ ﻣﻠﻴﺖ ﻣﻨﻜﻢ ﻧﺎﺍﺍ ﻣﻌﻴﺸﻴﺘﻲ ﺳﻮﺩﻩ ﻣﻨﻜﻢ ﻛﺮﻫﺘﻮﻧﻲ ﻓﻲ ﺭﻭﺣﻲ ﻭﻓﻲ ﺣﻴﺎﺗﻲ 😠😠
ﻃﻠﻌﺖ ﻣﻦ ﻳﻼﻫﺎ ﻭﺭﺍﻗﻴﻠﻲ ﺑﻜﻞ 😠😩
#
#
#
ﻋﺎﺋﺸﻪ : ﺗﻌﺎﻟﻲ ﻫﻨﺎ ﺑﻨﺤﻜﻲ ﻣﻌﺎﻙ 😠
ﻣﻼﻙ : ﻛﻨﻚ؟ 😱
ﻋﺎﺋﺸﻪ : ﻳﻮﻡ ﺍﻟﻠﻲ ﻋﺪﻳﻨﺎ ﻟﺒﺤﺮ ﻣﻊ ﺧﺎﻟﺘﻲ ﻭﺑﻨﺎﺕ ﻋﻤﻲ؟؟
ﻣﻼﻙ : ﺍﻣﻤﻢ ﺍﻫﺎ ﻳﻮﻡ ﺍﻟﻄﻮﺍﻃﻲ ﻭﻣﺸﺎﻛﻞ ؟ 😂
ﻋﺎﺋﺸﻪ : ﺍﻧﺘﻲ ﻗﻠﺘﻲ ﻟﻨﺪﻱ؟؟؟ 😠
ﻣﻼﻙ : ﺷﻦ ﻗﻠﺘﻠﻬﺎ؟ 😱
ﻋﺎﺋﺸﻪ : ﻗﻠﺘﻴﻠﻬﺎ ﺍﻥ ﻫﺬﻙ ﺍﻟﻔﺘﺮﻩ ﻛﻨﺖ ﻧﺤﻜﻲ ﻣﻊ ﺍﺣﻤﺪ؟
ﻣﻼﻙ : ﻻ ﻣﺶ ﻧﺎ ﻣﺪﺧﻠﻨﺶ 😩
ﻋﺎﺋﺸﻪ : ﻣﺘﻜﺬﺑﺶ؟ 😠
ﻣﻼﻙ : ﺑﺼﺮﺍﺣﻪ ﻛﻨﺖ ﻧﺒﻲ ﻧﻘﻬﺮﻫﺎ ﺍﻫﺎ ﻗﻠﺘﻬﺎ ﻟﻬﺎ 😁
ﻋﺎﺋﺸﻪ : ﻋﺎﺭﻓﻪ ﺍﻥ ﻧﺪﻱ ﻛﻠﻤﺖ ﻣﺮﺍﺩ؟ 😩
ﻣﻼﻙ : ﺍﻫﺎ ﻗﻠﺘﻴﻠﻲ؟ 😁
ﻋﺎﺋﺸﻪ : ﻭﻋﺎﺭﻓﻪ ﺍﻥ ﺣﻜﺘﻠﻪ ﻉ ﺍﺣﻤﺪ؟ 😠
ﻣﻼﻙ : ﻣﻦ ﻗﺎﻟﻬﺎ ﻟﻚ؟ 😱
ﻋﺎﺋﺸﻪ : ﺍﻩ ﻣﻨﻚ ﻛﻨﻚ ﻫﻜﻲ ﺍﻧﺘﻲ؟ 😩
ﻣﻼﻙ : ﻣﻨﺤﺴﺒﺶ ﺍﻟﻤﻮﺿﻮﻉ ﺑﻴﻜﺒﺮ ﻫﻚ ﺍﻟﻠﻪ ﻳﺮﺑﺤﻚ ﻣﺎﺗﻘﻮﻟﻴﻬﺶ ﻟﺠﻴﻬﺎﻥ😩
ﻋﺎﺋﺸﻪ : ﻻ ﺑﻨﻘﻮﻟﻬﺎ ﻟﻬﺎ ﺧﻠﻴﻬﺎ ﺗﺸﻮﻓﻠﻲ ﺣﻞ ﻣﻌﺎﻙ 😠
ﻣﻼﻙ : ﺳﺎﺩ ﺍﻟﺒﺪﻟﻪ ﺍﻟﻠﻲ ﺟﺎﺑﻬﺎ ﻟﺒﺎ ﻫﻴﺜﻢ ﻟﻌﻨﺪ ﺗﻮﺍ ﺗﻬﺰﺏ ﻓﻴﺎ ﻋﻠﻴﻬﺎ 😩
ﻋﺎﺋﺸﻪ : ﻣﺮﺍﺩ ﻣﺘﻐﻴﺮ ﻋﻠﻴﺎ ﻣﺶ ﻃﺎﻳﻖ ﺣﺘﻲ ﻳﺒﺤﺖ ﻓﻲ ﻭﺟﻲ ﻭﻳﻘﻬﺮ ﻓﻴﺎ ﺑﻨﻬﻲ 😩
ﻣﻼﻙ : ﺷﻲ ﻃﺒﻴﻌﻲ ﺑﻌﺞ ﺍﻟﻠﻲ ﻋﺮﻓﻪ 😩
ﻋﺎﺋﺸﻪ : ﻧﻜﻠﻤﻪ ﻭﻧﺤﻜﻴﻠﻪ ﻧﺎ؟ 😩
ﻣﻼﻙ : ﻻﻻ ﻣﺘﻜﻠﻤﺶ ﺧﻼﺹ ﺑﻌﺪ ﻋﺮﻑ ﺧﺎﻟﺘﻲ ﻉ ﻧﻬﻲ ﻣﻌﻨﺎﻫﺎ ﺍﻟﻤﻮﺿﻮﻉ ﺗﺎﻡ
ﻓﻮﺗﻴﻬﻢ ﺑﻜﻞ
ﻋﺎﺋﺸﻪ : ﻭﺍﻟﻠﻪ ﻣﻨﺤﺮﺟﻪ ﻣﻨﻪ ﺍﻛﻴﺪ ﺍﻧﺠﺮﺡ ﻣﻨﻲ ﻣﺘﻮﻗﻊ ﺍﻥ ﻧﺎ ﻭﺣﺪﻩ ﻛﻮﻳﺴﻪ ﻭﺗﻮﺍ ﺍﺷﻮﻫﺖ
ﺻﻮﺭﺗﻲ ﻗﺪﺍﻣﻪ 😣
ﻣﻼﻙ : ﺧﺼﻮﺻﺎ ﺍﻟﺮﺟﺎﻟﻪ ﻣﻴﻨﺴﻮﺵ ﻳﻌﻨﻲ ﺧﻼﺹ ﻋﺮﻑ ﺍﻧﻚ ﺗﺒﻲ ﺣﺪ ﻣﻌﻨﺎﻫﺎ ﺍﻧﺴﻴﻪ 😒
ﻋﺎﺋﺸﻪ : ﺗﻌﺒﺎﻧﻪ ﻧﺎ ﻭﺍﻟﻠﻪ ﺭﺍﺳﻲ ﻳﻮﺟﻊ ﻓﻴﺎ 😞
ﻣﻼﻙ : ﺍﺳﻔﻪ ﺑﺲ ﻣﻨﺤﺴﺎﺑﺶ ﻧﺪﻱ ﺑﺘﻮﺻﻞ ﻓﻲ ﻣﺮﺍﺩ 😞
ﻋﺎﺋﺸﻪ : ﻧﺪﻱ ﻗﺎﻟﺘﻠﻲ ﺍﻥ ﻫﻴﺎ ﻋﻼﻗﻪ ﻣﻊ ﺍﺣﻤﺪ ﻭﺑﻌﺪ ﻋﺮﻑ ﺍﻧﻬﺎ ﺑﻨﺖ ﻋﻤﻲ ﺳﻴﺒﻬﺎ 😞
ﻣﻼﻙ : ﺯﻋﻤﺎ ﺻﺎﺡ؟؟ 😱
ﻋﺎﺋﺸﻪ : ﺑﺲ ﺧﻄﺒﺔ ﺍﺣﻤﺪ ﻟﻨﺪﻱ ﻫﻚ ﻭﺩﻏﺮﻱ ﻣﻌﻨﺎﻫﺎ ﻓﻴﻬﺎ ﺳﻮﺍﺑﻖ؟ 😞😒
ﻣﻼﻙ : ﻗﺼﺪﻙ ﻧﺪﻱ ﻣﺘﻜﺬﺑﺶ؟ 😱
ﻋﺎﺋﺸﻪ : ﻛﻞ ﻣﺎﻧﻘﻮﻝ ﻣﻌﺶ ﺑﻨﻔﻜﺮ ﻓﻲ ﺍﻟﻤﻮﺿﻮﻉ ﻧﻠﻘﻲ ﺭﻭﺣﻲ ﻧﻔﻜﺮ 😞
ﻣﻼﻙ :| ﺍﺣﻤﺪ ﻣﻌﺶ ﺭﻥ ﻋﻠﻴﻚ؟
ﻋﺎﺋﺸﻪ : ﻳﺮﻥ ﺑﻌﺪ ﻛﻢ ﻳﻮﻡ ﻭﻧﺎ ﻣﻨﺮﺩﺵ 😞
ﻣﻼﻙ : ﺍﺳﻔﻪ ﻭﻧﺒﻲ ﺳﺎﻣﺤﻴﻨﻲ؟ 😖
ﻋﺎﺋﺸﻪ : ﺍﻧﺘﻲ ﻟﻮ ﺗﻔﻜﺮﻱ ﻗﺒﻞ ﻣﺎﺗﺼﺮﻓﻲ ﺭﺍ ﻣﻮﺻﻠﻨﺶ ﺑﻴﻚ ﻣﻮﺍﺻﻴﻞ ﻫﻚ؟
ﻣﻼﻙ : ﺑﺲ ﻟﻮ ﻧﺎ ﻣﺠﺒﺘﺶ ﺭﻗﻢ ﺍﺣﻤﺪ؟؟ﻭﺍﻧﺘﻲ ﻣﺘﻌﺮﻓﺘﺶ ﻋﻠﻴﻪ ؟ﺭﺍﻛﻠﻌﻨﺪ ﺗﻮﺍ ﺗﻔﻜﺮﻱ ﻓﻴﻪ؟
ﻭﻣﻌﺮﻓﺘﺶ ﺍﻟﻔﺮﻕ ﺑﻴﻨﻪ ﻭﺑﻴﻦ ﻣﺮﺍﺩ؟
ﻋﺎﺋﺸﻪ : ﻣﻊ ﺍﻻﺳﻒ ﻛﻼﻣﻚ ﺻﺎﺡ ﻫﻴﺎ ﺳﺒﺤﺎﻥ ﺍﻟﻠﻪ ﻛﻞ ﺣﺎﺟﻪ ﻓﻴﻬﺎ ﺧﻴﺮﻩ
ﻣﻼﻙ : ﺍﻳﻮﺍﻩ .. ﻭﻧﻌﻢ ﺑﺎﻟﻠﻪ .. ﺗﻮﺍ ﺍﻧﺘﻲ ﻓﻜﺮﻱ ﻓﻲ ﻗﺮﺍﻳﺘﻚ ﻭﺟﻴﺒﻠﻚ ﺩﻛﺘﻮﺭ ﻭﺳﻴﻢ ﻫﻜﻴﺎﻫﻲ
ﻭﻓﻮﺗﻲ ﺷﻠﺘﺖ 👌😌
ﻋﺎﺋﺸﻪ : ﺑﻜﺮﻩ ﺳﺒﺖ ﻭﻋﻨﺪﻱ ﻣﻌﻬﺪ ﺗﺼﺪﻗﻲ ﻛﺮﻫﺖ ﻧﺘﻼﻗﻪ ﻣﻊ ﻧﻬﻲ؟ 😰
ﻣﻼﻙ : ﺳﻤﺎﻃﻪ ﺑﻜﻞ ﻭﺍﻋﺮﻩ ﺍﻟﻠﻘﻄﻪ ﻫﺬﻱ ﻓﻮﺗﻴﻬﺎ ﺣﺘﻲ ﻧﻬﻲ ﺿﻤﻴﻬﺎ ﻟﺸﻠﺘﺖ😩
ﻋﺎﺋﺸﻪ : ﻧﻬﻲ ﺻﺤﺒﺘﻲ ﻣﻦ ﺛﺎﻧﻮﻱ ﻭﻣﻨﻘﺪﺭﺵ ﻧﺴﻴﺒﻬﺎ
ﻣﻼﻙ : ﻭﻫﻴﺎ ﻣﺶ ﺩﺍﻳﺮﻩ ﺣﺴﺎﺏ ﻟﺼﺤﺒﺘﻜﻦ 😒
ﻋﺎﺋﺸﻪ : ﻣﺘﻌﻠﻤﺶ ﺍﻥ ﻧﺎ ﻧﺒﻲ ﻣﺮﺍﺩ 😩
ﻣﻼﻙ : ﻣﻬﻤﺎ ﻳﻜﻮﻥ ﺍﻟﺤﺎﺟﻪ ﺍﻟﻠﻲ ﺧﺎﺻﻪ ﺑﺼﺤﺒﺘﻚ ﻣﺘﻨﻘﺮﺑﺶ 😌
#
#
#
ﻣﻨﻴﺎ : ﻛﻨﻜﻦ؟ﺍﻧﺘﻲ ﻭﻣﺎﻣﺎ 😞
ﺍﻧﺎ : ﺧﻄﻴﻨﻲ ﺍﻧﺘﻲ ﺍﻟﺜﺎﻧﻴﻪ؟ 😒
ﻣﻨﻴﺎ : ﻧﺠﻴﻠﻲ ﺍﻟﻤﺘﻌﺼﺐ ﻳﻘﺒﺮ ﻗﻠﺒﻲ 😚😂
ﺍﻧﺎ : ﻣﻨﻴﺎ ﺧﻼﺹ
ﻣﻨﻴﺎ : ﺗﻮﺍ ﻛﻨﺖ ﻧﺤﻜﻲ ﻣﻊ ﺍﻧﻮﺭ ﻗﺎﻟﻲ ﺑﻌﺪ ﻟﺒﺴﺘﻚ ﺍﻟﺪﺑﻠﻪ ﺗﺮﻋﺸﻲ ﻭﺍﻳﺪﻳﻚ ﻣﺼﻘﻌﺎﺕ ﻫﻬﻬﻬﻬﻬﻪ 😂
ﻭﻗﺎﻟﻲ ﻣﺘﺨﺰﺭﻃﻪ ﻫﻬﻬﻬﻬﻬﻬﻬﻪ 😂😂
ﺍﻧﺎ : ﺣﻜﻴﺘﻮ؟
ﻣﻨﻴﺎ : ﺍﻫﺎ ﺑﺲ ﺟﻮﺍ ﺳﻤﺢ ﻳﻘﻮﻟﻲ ﻳﺎﻃﺸﻪ؟؟ﻗﺒﻞ ﺑﻨﻘﻮﻟﻪ ﻳﺎﺷﺎﻳﺐ ﺑﺲ ﺑﻌﺪﻫﺎ ﺳﻜﺘﺖ ﺧﻔﺖ ﻫﻬﻬﻬﻬﻬﻪ
ﻣﻼﻙ : ﺍﻧﺘﻲ ﻳﺎﺳﻤﺤﻪ ﻳﻠﻠﻲ ﺍﺳﻤﻚ ﻣﻨﻴﺎ ﻗﺴﻤﻲ ﻋﻠﻴﻨﺎ ﺍﻟﻤﻜﻴﺎﺝ؟
ﻣﻨﻴﺎ : ﺑﻨﻌﻄﻴﻪ ﻛﻠﻪ ﻟﺠﻴﻬﺎﻥ ﺗﺸﻴﻠﻪ ﻣﻌﺎﻫﺎ ﻓﻲ ﻋﺮﺳﻬﺎ ﻣﺎﺭﻛﻪ ﺩﻳﺒﻮﺭﺍ ﻛﻠﻪ؟
ﺍﻧﺎ : ﺍﻓﻔﻔﻔﻔﻔﻔﻔﻒ 😣
ﻣﻨﻴﺎ : ﻛﻨﻚ؟؟؟
ﻣﻼﻙ : ﺗﺒﻲ ﻣﺎﻙ ﻫﻬﻬﻬﻬﻬﻬﻬﻬﻪ 😂😂😂
ﺍﻧﺎ : ﻧﺎﻡ ﻧﻨﺒﺶ ﻣﻨﻌﻢ؟ 😰
ﻣﻼﻙ : ﻋﻠﻴﺶ؟ 😱
ﺍﻧﺎ : ﺑﺎﺭﺩ ﺑﻜﻞ ﻭﺩﻣﻪ ﺛﻘﻴﻞ 😒
ﺧﺸﻦ ﻋﻮﻳﺸﻪ ﻭﺍﺑﺘﻬﺎﻝ
ﺍﺑﺘﻬﺎﻝ : ﻛﻨﻚ ﺍﻧﺘﻲ ﻭﻣﺎﻣﺎ؟ 😒
ﺣﻜﻴﺘﻠﻬﻦ .........
ﻋﺎﺋﺸﻪ : ﻣﺶ ﺑﻠﻐﺼﺐ ﻣﻌﺶ ﺗﺒﻴﻪ ﻓﻮﺗﻴﻪ 😞
ﺍﺑﺘﻬﺎﻝ : ﻫﻀﺎ ﻋﻤﺮ ﻣﺶ ﻳﻮﻡ ﻭﻻ 😩2
ﻣﻼﻙ : ﻏﻠﻂ ﻣﻨﻚ ﻣﻦ ﺑﺪﺍﻳﻪ ﻟﻴﺶ ﺗﻮﺍﻓﻘﻲ؟ 😱
ﺍﻧﺎ 😞.........:
ﻣﻨﻴﺎ : ﻟﻮ ﻣﺶ ﻣﺘﺮﻳﺤﺘﻴﻠﻪ ﻓﻮﺗﻴﻪ
ﻣﻼﻙ : ﺗﺒﻲ ﺍﻟﺤﻖ ﻓﻲ ﻓﺮﻕ ﺑﻴﻦ ﺍﻟﻠﻲ ﺟﺎﺑﻮﻩ ﻋﺮﺏ ﻣﻨﻴﺎ ﻭﺍﻟﻠﻲ ﺟﺎﺑﻮﻩ ﻋﺮﺑﻚ
ﻣﻨﻴﺎ ﻃﺎﻗﻢ ﺫﻫﺐ ﻭﺟﺎﻳﺒﻠﻬﺎ ﺳﺎﻋﻪ ﻭﻣﻜﻴﺎﺝ ﻭﺑﺠﺎﻣﺎﺕ ﻭﻓﺴﺘﺎﻥ ﺍﻟﺴﻤﺢ ﺍﻟﻔﺨﻢ
ﺑﻜﻨﺪﺭﺗﻪ ﺑﺠﻮ ﻛﻠﻪ ﻭﺷﻮﻓﻲ ﺩﺑﻠﺘﻬﺎ ﺛﻘﻴﻠﻪ ﻭﺳﻤﺤﻪ ﺑﻜﻞ
ﺍﺑﺘﻬﺎﻝ : ﻟﻮ ﻣﻨﻌﻢ ﻣﻌﻨﺪﺵ ﻋﺎﺩﻱ ﺍﻟﻠﻪ ﻏﺎﻟﺐ ﺑﺲ ﻫﻤﺎ ﻋﻨﺪﻫﻢ ﻳﻌﻨﻲ ﻟﻴﺶ ﻗﻠﺔ ﺍﻟﻘﺪﺭ
ﺷﻦ ﻧﺎﻗﺼﻚ ﺍﻧﺘﻲ؟
ﻣﻨﻴﺎ : ﺑﺼﺮﺍﺡ ﻫﻨﺎ ﺗﻔﺎﺟﺎﺕ ﻣﻦ ﻟﻲ ﺟﺎﺑﻮﻩ ﻓﻮﻕ ﻣﺎﺗﻮﻗﻌﺖ
ﻣﻼﻙ : ﺑﻜﻢ ﺍﻟﺪﺑﻠﻪ؟
ﻣﻨﻴﺎ : ﻗﺎﻟﻲ 😍1300
ﻣﻼﻙ : ﻭﺍﻭﻭﻭ 😍
ﺍﺑﺘﻬﺎﻝ : ﺗﺴﺘﺎﻫﻞ ﺗﻬﺒﻞ ﺑﻜﻞ ﺑﺲ ﺩﺳﻴﻬﺎ ﻭﺧﻮﺩﻱ ﻭﺣﺪﻩ ﻋﻤﻠﻴﻪ
ﻣﻨﻴﺎ : ﻣﺶ ﺣﻨﻠﺒﺴﻬﺎ ﺍﻻ ﻓﻲ ﻣﻨﺎﺳﺒﺎﺕ ﻣﻨﺤﺒﺶ ﺧﻮﺍﺗﻢ
ﻣﻼﻙ : ﻭﻓﺴﺘﺎﻥ ﻭﻛﻨﺪﺭﻩ؟
ﻋﺎﺋﺸﻪ : ﻳﻬﺒﻠﻦ؟
ﺍﻧﺎ : ﺑﺲ ﻓﺴﺘﺎﻧﻚ ﺍﺣﻠﻲ؟
ﻣﻨﻴﺎ : ﺫﻭﻕ ﻣﺮﺍﺩ ﻋﻦ ﺷﻜﻠﻪ 😍
ﻋﺎﺋﺸﻪ : ﺣﺘﻲ ﻓﺴﺘﺎﻧﻬﻢ ﺳﻤﺢ
ﻣﻼﻙ : ﺑﻜﻢ؟؟
ﻣﻨﻴﺎ : ﻣﺴﺎﻟﺘﺶ ﺗﺤﺸﻤﺖ ﻭﻫﻮﺍ ﻣﻘﻠﻴﺶ ﺗﻮ ﻳﻘﻮﻝ ﻃﻤﺎﻋﻪ ﻭﺩﺑﻠﻪ ﻫﻮﺍ ﻗﺎﻟﻲ ﺳﻌﺮﻫﺎ ﻋﺸﺎﻥ ﺍﺣﺘﺎﺭ ﺑﻴﻨﻬﺎ
ﻭﺑﻴﻦ ﻭﺣﺪﻩ ﺍﺧﺮﺍ ﻛﺎﻟﻲ ﺑﺼﺪﻓﻪ
ﻣﻼﻙ : ﺫﻭﻗﻪ؟
ﻣﻨﻴﺎ : ﻣﻜﻴﺎﺝ ﻭﻓﺴﺘﺎﻥ ﻭﻛﻨﺪﺭﻩ ﻭﺟﺰﺩﺍﻥ ﺍﺧﺘﻪ ﻭﺩﺑﻠﻪ ﺍﻣﻪ ﻭﻃﺎﻗﻢ ﺍﻣﻪ ﻗﺎﻟﻲ ﻧﺎ ﻣﻨﻌﺮﻓﺶ
ﺑﺲ ﺳﺎﻋﻪ ﻫﻮﺍ ﻭﺑﺠﺎﻣﺎﺕ ﻭﻣﻼﺑﺲ ﺩﺍﺧﻴﻠﻴﻪ ﺍﺧﺘﻪ
ﺍﻧﺎ : ﺩﺳﻴﻬﻦ ﻛﻠﻬﻦ ﺗﻠﻘﻴﻬﻦ
ﻣﻨﻴﺎ : ﺑﺲ ﺳﺒﺤﺎﻥ ﺍﻟﻠﻪ ﻛﻴﻒ ﺧﻄﺒﻨﻲ ﻭﻛﻴﻒ ﺍﻟﻴﻮﻡ ﺧﺶ ﻭﻫﻚ ﻧﺼﻴﺐ 😳😍
ﺍﻧﺎ : ﻓﻲ ﻫﻀﻚ ﺍﻟﻴﻮﻡ ﺍﻟﻠﻲ ﺷﺎﻓﻚ ﻓﻴﻪ؟؟ﻛﻨﺖ ﻧﺎﺯﻟﻪ ﻋﺸﺎﻥ ﺑﻨﺸﻮﻑ ﻋﻤﺮ😍
ﻣﻼﻙ : ﻗﺼﺪﻙ ﺍﻟﻌﺮﻛﻪ ﺩﺭﺍﻣﺎ؟ 😂
ﺍﻧﺎ : ﻻ ﺑﺠﺪ ﺗﻌﺎﺭﻛﻨﺎ 😩
ﻋﺎﺋﺸﻪ : ﺍﺣﻜﻮﻟﻲ ﺑﺘﻔﺼﻴﻞ؟؟ 😁
ﺧﺸﺖ ﺍﺑﺘﻬﺎﻝ ﻭﺭﻳﻤﺎﺱ ﻭﺣﻜﻴﺘﻠﻬﻦ ﻛﻞ ﺣﺎﺟﻪ 😢
ﺛﺎﻧﻲ ﻳﻮﻡ ﻓﻲ ﺻﺒﺢ ﻭﻋﺖ ﺍﻋﻮﻳﺸﻪ ﻭﺟﻬﺰﺕ ﺭﻭﺣﻬﺎ 📖📕🎒👓⌚👟
ﻭﺷﺎﻟﻬﺎ ﺑﺎﺑﺎ ﻟﻤﻌﻬﺪ 🚗
ﺗﻼﻗﺖ ﻣﻊ ﻧﻬﻲ ﻭﻣﻊ ﻧﺠﻼﺀ
ﻧﺠﻼﺀ : ﻣﺒﺮﻭﻙ ﻉ ﺍﺧﺘﻚ؟ 😚
ﻋﺎﺋﺸﻪ : ﺑﺎﺭﻙ ﻓﻴﻚ ﻋﻘﺒﺎﻟﻜﻦ 😊
ﻧﺠﻼﺀ : ﻧﻬﻲ ﺷﻨﺠﻮ ﻣﺮﺍﺩ؟ 😍
ﻧﻬﻲ : ﺗﻤﺎﻡ ﻗﺎﻋﺪﻳﻦ ☺
ﻧﺠﻼﺀ : ﻣﻔﺶ ﺣﺎﺟﻪ ﺟﺪﻳﺪﻩ ﻋﻮﻳﺸﻪ؟ 😉
ﻋﺎﺋﺸﻪ : ﻝ 😊 ﺍ
ﻧﺠﻼﺀ : ﻧﺮﻥ ﻉ ﻭﺍﺋﻞ ﻗﺎﻟﻲ ﻗﺎﻋﺪ ﻓﻲ ﻃﺮﻳﻖ
ﻋﺎﺋﺸﻪ : ﻫﻴﺎ ﻭﻗﺖ ﻉ ﻣﺤﺎﺿﺮﻩ
ﻧﺠﻼﺀ : ﺧﺸﻦ ﺍﻧﺘﻦ ﻧﺎ ﺗﻮ ﻧﺮﺟﺎﻩ ﻫﻨﺎ ﻭﻧﺨﺶ ﻧﺎ ﻭﻳﺎﻩ
ﻭﺧﺸﻦ ﻟﻠﻤﺤﺎﺿﺮﻩ 👉
ﺍﻟﺪﻛﺘﻮﺭ ﺑﺪﺍ ﻳﻌﻄﻲ ﻓﻲ ﺍﻟﻤﺤﺎﺿﺮﻩ 🏫
ﻭﺧﺸﺖ ﻧﺠﻼﺀ ﻣﻊ ﻭﺍﺋﻞ
ﺍﻟﺪﻛﺘﻮﺭ : ﻧﺒﻲ ﻣﻨﻜﻢ ﺑﺤﺚ ﻋﻤﻠﻲ ﻳﻌﻨﻲ ﻧﺒﻲ ﺣﺎﺟﻪ ﻣﻠﻤﻮﺳﻪ؟ﺑﺨﺼﻮﺹ ﻣﺤﺎﺿﺮﺓ ﺍﻟﻴﻮﻡ 📚📜
ﻭﺣﺘﺸﺘﻐﻠﻮ ﻉ ﺑﺤﺚ ﻗﺮﻭﺑﺎﺕ ﻗﺮﻭﺑﺎﺕ
ﻃﺎﻟﺒﻪ : ﺍﻧﺖ ﺗﺨﺘﺎﺭﻧﺎ ﻳﺎﺩﻛﺘﻮﺭ ﺍﻭ ﺑﺮﻭﺍﺣﻨﺎ
ﺍﻟﺪﻛﺘﻮﺭ : ﻻ ﻧﺎ ﻣﻘﺴﻤﻜﻢ ﺍﺭﺑﻌﻪ ﺍﺭﺑﻌﻪ ﻭﺭﻭﻗﺔ ﺍﻟﺘﻘﺴﻴﻤﺎﺕ ﻗﺎﻋﺪﻩ ﻋﻨﺪﻱ
ﺑﺪﺍ ﻳﻤﻞ ﻋﻠﻴﻬﻢ ﻓﻲ ﺍﺳﺎﻣﻴﻬﻢ 📤
ﺍﻟﺪﻛﺘﻮﺭ : ﺍﻟﻄﺎﻟﺒﻪ ﻋﺎﺋﺸﻪ ﺳﻌﺪ 📄
ﻋﺎﺋﺸﻪ : ﻧﻌﻢ
ﺍﻟﺪﻛﺘﻮﺭ : ﻧﺠﻼﺀ ﺍﺑﺮﺍﻫﻴﻢ؟ 📄
ﻧﺠﻼﺀ : ﻧﻌﻢ
ﺍﻟﺪﻛﺘﻮﺭ : ﻭﺍﺋﻞ ﻧﺎﺟﻲ؟ 📄
ﻭﺍﺋﻞ : ﻧﻌﻢ
ﺍﻟﺪﻛﺘﻮﺭ : ﺃﻧﻴﺲ ﻣﻔﺘﺎﺡ؟ 📄
ﺍﻧﻴﺲ : ﻧﻌﻢ
ﺍﻟﺪﻛﺘﻮﺭ : ﺍﻧﺖ ﺍﻻﺭﺑﻌﻪ ﻣﻊ ﺑﻌﻀﻜﻢ
ﻧﺠﻼﺀ : ﻋﻮﻳﺸﻪ ﻣﻊ ﺑﻌﻀﻨﺎ 😍
ﻭﺍﺋﻞ : ﺗﻤﺎﻡ ﺣﻨﺪﻳﺮﻭ ﺷﻐﻞ ﺣﻠﻮ 😌
ﺍﻧﻴﺲ : ﺑﻤﺎ ﺍﻥ ﻋﺎﺋﺸﻪ ﻣﻌﺎﻧﻪ ﺍﻛﻴﺪﻩ ﺍﻟﻤﺸﺮﻭﻉ ﺍﺑﺪﺍﻉ 😜
ﻃﻠﻌﻮ ﻣﻦ ﻣﺤﺎﺿﺮﻩ ﻧﻬﻲ ﻋﺪﺕ ﻣﻊ ﻣﺠﻤﻮﻋﺘﻬﺎ
ﻭﻗﻌﺪﺕ ﻋﻮﻳﺸﻪ ﻭﺍﻧﻴﺲ ﻭﻧﺠﻼﺀ ﻭﻭﺍﺋﻞ
ﻭﺍﺋﻞ : ﻧﺎﺡ ﻧﺒﺤﺚ ﻓﻲ ﺍﻻﻧﺘﺮﻧﺖ ﻉ ﻭﺳﺎﺋﻞ ﻛﻠﻬﻦ
ﻧﺠﻼﺀ : ﺗﻤﺎﻡ ﻭﻧﺎ ﺗﻮ ﻧﺴﺎﻋﺪﻙ
ﺍﻧﻴﺲ : ﻣﺘﻨﺴﻮﺵ ﺍﻥ ﻗﺎﻝ ﻧﺒﻲ ﺣﺎﺟﻪ ﻣﻠﻤﻮﺳﻪ؟
ﻋﺎﺋﺸﻪ : ﻗﺒﻞ ﺍﻟﻨﺖ ﻭﺟﻮ ﻫﻀﺎ ﻛﻠﻪ ﺧﻠﻮﻧﺎ ﻧﺎﻗﺸﻮ ﺍﻟﻤﺤﺎﺿﺮﻩ ﻭﻧﻄﻠﻌﻮ ﺍﺳﺎﺳﻴﺘﻬﺎ
ﻭﺍﺋﻞ : ﻣﻌﺎﻙ ﺣﻖ 😉
ﻋﺎﺋﺸﻪ : ﻧﺎ ﻛﺘﺒﺖ ﻛﻞ ﺣﺎﺟﻪ ﻗﺎﻟﻬﺎ ﺍﻟﺪﻛﺘﻮﺭ ﺣﺘﻲ ﺷﺮﺣﻪ ﺍﻟﺠﺎﻧﺒﻲ؟ 📝
ﺍﻧﻴﺲ : ﻛﻴﻒ ﺗﺮﻛﺰﻱ ﻭﺗﻜﺘﺒﻲ ﻓﻲ ﻧﻔﺲ ﺍﻟﻮﻗﺖ؟ 😳
ﻭﺍﺋﻞ : ﺣﺘﻲ ﻧﺎ ﻣﻨﻌﺮﻓﺶ؟ 😒
ﻧﺠﻼﺀ : ﺣﺘﻲ ﻧﺎ ﺑﻌﺪ ﻧﺤﺎﻭﻝ ﻧﻠﺤﻖ ﻋﻠﻴﻪ ﻭﻧﻜﺘﺐ ﻧﻮﺩﺭ ﺍﻟﺸﺮﺡ
ﻋﺎﺋﺸﻪ : ﻣﺘﻌﻮﺩﻩ ﻋﻠﻴﻬﺎ ﺣﺮﻛﻪ ﻫﺬﻱ ﺍﻟﻤﻬﻢ ﺗﻮﺍ ﻧﺠﻴﺒﻮ 😊 ﻋﺠﻨﻪ ﻗﺒﻞ؟؟ﺑﻴﺶ ﻧﻄﺒﻘﻮ ﻋﻤﻠﻲ؟
ﻭﺍﺋﻞ : ﺗﻘﺮﻳﺒﺎ ﻓﻲ ﻣﻌﻤﻞ ﻓﻲ؟؟
ﺍﻧﻴﺲ : ﻓﻲ ﻣﺤﻞ ﻓﻲ ﺑﻨﻐﺎﺯﻱ ﺧﺎﺹ ﺑﻠﺠﻮ ﻫﻀﺎ ﺗﻮ ﻧﺎ ﻧﺠﻴﺐ ﻣﻨﻪ ﺍﻟﻠﻲ ﻧﺎﻗﺼﻜﻢ؟
ﻧﺠﻼﺀ : ﺿﺮﻭﺭﻱ ﻣﺎﻧﺪﻳﺮﻭ ﺣﺎﺟﻪ ﻛﻮﻳﺴﻪ 💁
ﺍﻧﻴﺲ : ﺑﻤﺎ ﺍﻥ ﻣﻌﺎﻧﻪ ﻋﺎﺋﺸﻪ ﻣﺘﺨﺎﻓﺶ؟ 😹
ﻋﺎﺋﺸﻪ : ﻣﺘﻌﺒﻮﺵ ﻋﻠﻴﺎ ﺧﻠﻮﻧﺎ ﻧﺸﺘﻐﻠﻮ ﻛﻠﻨﺎ ﻣﻊ ﺑﻌﻀﻨﺎ 😒
ﻭﺍﺋﻞ : ﺍﻗﻌﺪﻭ ﺗﻮﺍ ﻣﻊ ﺑﻌﻀﻜﻢ ﻭﻧﺎﻗﺸﻮ ﻭﻧﺎ ﻧﻌﺪﻱ ﻧﺠﻴﺒﻠﻜﻢ ﻗﻬﻮﻩ؟
ﻋﺎﺋﺸﻪ : ﻧﺎ ﺧﻠﻄﻪ؟ 🍵
ﻭﺍﺋﻞ : ﺗﻤﺎﻡ ﺍﻧﻴﺲ؟
ﺍﻧﻴﺲ : ﻗﻬﻮﻩ ﻧﺎ 🍵
ﻭﺍﺋﻞ : ﻧﻮﺟﺎ؟
ﻧﺠﻼﺀ : ﺗﻮ ﻧﺠﻲ ﻣﻌﺎ ﻛﻨﺎ
ﺍﻧﻴﺲ : ﻣﺶ ﻭﻗﺖ ﻏﺮﺍﻣﻴﺎﺗﻜﻢ ﺍﻧﺖ ﻭﻳﺎﻫﺎ؟ 😓
ﻭﺍﺋﻞ : ﻣﻨﺸﺶ ﻣﻨﻄﻮﻟﻴﻦ ﻫﻴﺎ ﻧﺠﻼﺀ
ﺍﻧﻴﺲ : ﺷﻨﻮ ﺍﻓﻜﺎﺭﻙ؟ﺷﻦ ﺭﺍﻳﻚ؟
#
#
#
ﻉ ﻓﻄﻮﺭ :
ﻧﺎ : ﺣﻜﻴﺘﻲ ﻣﻊ ﺑﺎﺑﺎ؟
ﻣﺎﻣﺎ : ﻓﻜﺮﻱ 😠
ﺍﻧﺎ : ﻓﻜﺮﺕ 😊
ﻣﺎﻣﺎ : ﻃﺒﻌﺎ ﻫﻨﺪ ﻫﻴﺎ ﺍﻟﻠﻲ ﺍﻣﺲ ﻏﻴﺮﺗﻠﻚ ﺭﺍﻳﻚ؟ 😊
ﺍﻧﺎ : ﻣﻠﻴﺖ ﻧﺎ ﻣﻦ ﻣﻮﺿﻮﻉ ﻫﻀﺎ ﺭﻳﺤﻮﻧﻲ؟ 😠
#
#
#
ﻣﺮﺍﺩ ﺟﺎ ﻟﻨﻬﻲ :
ﻧﻬﻲ : ﻣﺮﺍﺩ ﻧﺎ ﻣﻠﻴﺖ ﺧﻼﺹ؟؟؟ 😩
ﻣﺮﺍﺩ : ﻣﺰﻟﻨﺎ ﻓﻲ ﺑﺪﺍﻳﻪ ﺷﻦ ﻣﻠﻴﺘﻲ؟ 😂
ﻧﻬﻲ : ﻣﻬﻤﺎ ﻳﻜﻮﻥ ﻋﻮﻳﺸﻪ ﺍﻋﺰ ﺻﺤﺒﺎﺗﻲ؟ 😩
ﻣﺮﺍﺩ : ﺗﺤﻤﻠﻲ ﻣﺰﺍﻝ ﺷﻮﻳﻪ ﻫﻴﺎ ﻣﻘﻠﺘﻠﻜﺶ ﺷﻲ؟ 😂
ﻧﻬﻲ : ﺍﻟﺒﻨﺖ ﻣﺶ ﻃﺎﻳﻘﻪ ﺗﺒﺤﺖ ﻓﻲ ﻭﺟﻲ ﻭﻓﻮﻕ ﻫﻀﺎ ﻛﻠﻪ ﺍﻣﻚ ﺍﻟﻠﻲ ﻣﺴﻜﻴﻨﻪ ﻣﺼﺪﻗﻪ؟ 😒
ﻣﺮﺍﺩ : ﺍﻣﻲ ﺧﻠﻴﻬﺎ ﺷﻮﺭﻱ 😉
ﻧﻬﻲ : ﺑﺲ ﻋﺎﺋﺸﻪ ﻣﺼﺪﻗﻪ ؟ 😩
ﻣﺮﺍﺩ : ﺗﻮ ﻧﺤﻜﻮﻟﻬﺎ
ﻧﻬﻲ : ﺗﻜﺮﻫﻨﻲ ﺑﻌﺪﻫﺎ؟ 😩
ﻣﺮﺍﺩ : ﻧﻬﻲ ﻣﻦ ﺑﺪﻳﻪ ﺍﺗﻔﻘﻨﺎ ﻧﺎ ﻭﻳﺎﻙ؟ 😒
ﻧﻬﻲ : ﻧﺤﺴﺎﺑﻬﺎ ﻟﻌﺒﻪ ﺳﺎﻫﻠﻪ ﻭﺗﺤﻤﺴﺖ ﺑﺲ ﺣﺴﻴﺖ ﺭﻭﺣﻲ ﺑﺪﻳﺖ ﻧﺨﺴﺮﻫﺎ
ﻣﺮﺍﺩ : ﺍﺻﺒﺮﻱ ﻣﻦ ﺍﻟﻔﺮﺥ ﺍﻟﻲ ﻗﺎﻋﺪﻩ ﻣﻌﺎﻩ ﻋﺎﺋﺸﻪ؟ 😠
ﻧﻬﻲ : ﻫﻀﺎ ﺍﻧﻴﺲ ﺍﻟﻴﻮﻡ ﻗﺴﻤﻨﺎ ﺍﻟﺪﻛﺘﻮﺭ ﻣﺠﻤﻮﻋﺎﺕ
ﻣﺮﺍﺩ : ﻋﺪﻱ ﺍﻗﻌﺪﻱ ﻣﻌﺎﻫﻢ 😠
ﻧﻬﻲ : ﻣﻨﻘﺪﺭﺵ ﻧﺎ ﺣﻄﻴﻨﻲ ﻣﻊ ﻣﺠﻤﻮﻋﻪ ؟؟ﻭﺣﺪﺍ ﺍﺧﺮﻱ . ؟ 😒
ﻣﺮﺍﺩ : ﺧﻼﺹ ﺍﻧﺘﻲ ﺧﻠﻴﻬﺎ ﺷﻮﻳﻪ ﺑﻌﺪﻫﺎ ﺗﻮ ﻧﺎ ﻧﺤﻜﻴﻠﻬﺎ ﻛﻞ ﺣﺎﺟﻪ
ﻧﻬﻲ : ﺍﻓﻔﻒ ﺑﺎﻫﻲ
ﻣﺮﺍﺩ : ﺗﻮﺍ ﻧﺎ ﻣﺎﺷﻲ ؟ﻋﻨﺪﻱ ﺷﻐﻞ؟
ﻧﻬﻲ : ﺧﻼﺹ ﺗﻮ ﻧﺤﻜﻮ ﻓﻮﻥ
ﻣﺮﺍﺩ : ﺍﻧﺤﺒﻚ؟
ﻧﻬﻲ : ﺑﻄﻞ ﺳﻤﺎﻃﻪ ﻫﻬﻬﻬﻬﻬﻬﻪ
ﺭﻭﺡ ﻣﺮﺍﺩ ﻭﻋﺪﺕ ﻧﻬﻲ ﻟﻤﺠﻤﻮﻋﺘﻬﺎ؟
ﻏﺎﺩﻩ : ﻧﻬﻲ ﻣﻦ ﻫﻀﺎ؟ 😍
ﻧﻬﻲ : ﺻﺪﻳﻘﻲ 😒
ﻣﺮﻳﻢ : ﻣﺶ ﻣﻌﺎﻧﻪ ﺻﺎﺡ ﻓﻲ ﺍﻟﻜﻠﻴﻪ؟ 😍
ﻧﻬﻲ : ﻻﻻ ﺷﻦ ﺻﺎﺭ ﻣﻌﺎﻛﻢ؟
ﺳﺎﻣﻲ : ﻧﺎ ﻋﻠﻴﺶ ﺣﺎﻃﻨﻲ ﺑﻴﻦ 3 ﺑﻨﺎﺕ ﻏﺒﻴﺎﺕ؟ 👀😏
ﻣﺮﻳﻢ : ﺑﺨﺘﻚ ﻋﻄﻴﺐ ﻫﻬﻬﻬﻬﻬﻬﻬﻪ 😂
ﺳﺎﻣﻲ : ﺑﺠﺪ ﻳﺎﺑﻨﺎﺕ ﻫﻴﺎﺍﺍﺍ 😠
ﻧﻬﻲ : ﺗﻮ ﻧﺠﻲ ﻧﺎ ﻧﺸﻮﻑ ﻋﻮﻳﺸﻪ ﺑﺲ
ﻭﻋﺪﺕ ﻟﻌﺎﺋﺸﻪ :
ﻧﻬﻲ : ﻧﺠﻼﺀ ﻭﻭﺍﺋﻞ ﻭﻳﻦ؟ 😂
ﺍﻧﻴﺲ : ﺑﺎﻻﺳﻢ ﺑﺲ ﻣﻌﺎﻥ ﻫﻨﺎ ﻭﻋﺎﺋﺸﻪ ﺑﺲ ﻗﺎﻋﺪﻳﻦ 😂
ﻧﻬﻲ : ﺷﻦ ﺩﺭﺗﻮ؟ 😂
ﻋﺎﺋﺸﻪ 😒........:
ﺍﻧﻴﺲ : ﺍﺳﺮﺍﺭ ﻣﻌﻠﺶ ﻣﻤﻨﻮﻉ ﺍﻟﺘﺴﺮﻳﺐ ﻫﻬﻬﻬﻬﻬﻬﻪ 😂😜 ﻩ
ﻋﺎﺋﺸﻪ : ﺍﻧﻴﺲ ﺷﻔﺘﻬﺎ ﻫﺬﻱ؟
ﺍﻧﻴﺲ : ﺗﻄﻠﻊ ﺑﻠﻤﻌﺎﺩﻟﻪ ؟ﺗﻮ ﻧﻮﺭﻳﻚ ﻛﻴﻒ ﺑﺲ ﺧﻠﻲ ﻧﻬﻲ ﺗﻌﺪﻱ ﻗﺒﻞ
ﻫﻬﻬﻬﻬﻬﻬﻬﻪ 😂😂
ﻧﻬﻲ : ﺍﺻﻼ ﻣﺎﺷﻴﻪ ﻧﺎ 😒
ﺍﻧﻴﺲ : ﻧﻬﻲ ﻓﺎﻟﺤﻪ ﻓﻲ ﻣﻮﺍﻋﻴﺪ ﺑﺲ ﺍﺹ ﺍﺹ ﺣﻘﻴﻨﺎﻙ ﻛﻠﻨﺎ
ﻧﻬﻲ : ﺗﻲ ﻻ ﺍﻓﻔﻒ ﺑﺎﻫﻲ ﻧﺎ ﺗﻮﺍ ﻣﺎﺷﻴﻪ ﻣﻮﻓﻘﻴﻦ 😞
ﻋﺎﺋﺸﻪ : ﻣﺶ ﻻﺑﺴﻪ ﺍﻟﺨﺎﺗﻢ ﺍﻟﻠﻲ ﻣﻦ ﺣﺒﻴﺒﻚ ﺣﻲ ﻋﻠﻴﻚ؟ 😊
ﻧﻬﻲ : ﺍﻫﺎ ﻧﺴﻴﺘﻪ ﺍﻟﻴﻮﻡ 😊
ﺍﻧﻴﺲ : ﻧﺎﺧﺪ ﺭﺳﺖ ﻧﺎ ﺷﻮﻳﻪ ﺗﻮ ﻧﺠﻲ 😵
ﻋﺎﺋﺸﻪ : ﺑﻪ ﻣﻄﻮﻟﺶ ﺧﻠﻴﻨﺎ ﻧﻜﻤﻠﻮﻩ ﺑﺪﺭﻱ 😒
ﻗﻌﺪﺕ ﻧﻬﻲ ﺟﻨﺐ ﻋﺎﺋﺸﻪ 🙈
ﻧﻬﻲ : ﺷﻨﺠﻮ ﻣﻨﻴﺎ ﺍﻟﻴﻮﻡ؟ 😁
ﻋﺎﺋﺸﻪ : ﻧﻀﺖ ﺑﺪﺭﻱ ﻛﻠﻬﻢ ﺭﺍﻗﺪﻳﻦ ﺑﻌﺪ ﻧﺎ ﻃﻠﻌﺖ 😒
ﻧﻬﻲ : ﺟﺎﺑﻚ ﻋﻤﻲ ﺳﻌﺪ؟
ﻋﺎﺋﺸﻪ : ﻣﻦ ﺑﻴﺠﻴﺒﻨﻲ ﻣﺜﻼ؟ 😒
ﻧﻬﻲ : ﺟﻴﻬﺎﻥ ﻣﻌﺶ ﺗﺴﻮﻕ؟
ﻋﺎﺋﺸﻪ : ﺍﻳﺪﻫﺎ ﺗﻮﺟﻊ ﻓﻴﻬﺎ 😒
ﻧﻬﻲ : ﻻﺑﺎﺱ ﻋﻠﻴﻬﺎ ﺗﻮﺟﻊ ﺍﻣﺲ ﺗﻘﻄﻌﺖ 😞
ﻋﺎﺋﺸﻪ : ﺳﻠﻤﻚ 😊
ﻧﻬﻲ : ﻧﻮﺭﻳﻚ ﺻﻮﺭ ﺻﻮﺭﻧﺎﻫﻦ ﺍﻣﺲ ﻥ ﺍﻭﻳﺎﻙ ﻭﺧﻮﺍﺗﻚ؟ 😉
ﻋﺎﺋﺸﻪ : ﺗﺮﺍ ﻭﻳﻨﻲ ﺷﻜﻠﻲ ﻛﻴﻒ ﻃﺎﻟﻊ؟ 😩
ﻏﺎﺩﻩ : ﻧﻬﻲ ﺗﻌﺎﻟﻲ ﺑﺴﺮﻋﻪ ﺑﺴﺮﻋﻪ
ﻧﻬﻲ : ﺟﺎﻳﻪ ... ﺍﻧﺸﻮﻓﻬﺎ ﺷﻦ ﺗﺒﻲ ﻗﻠﺒﻲ ﺍﻟﺼﻮﺭ ﺗﻮ ﻧﺠﻴﻚ 😉
ﻋﺎﺋﺸﻪ : ﺑﺎﻩ 😁
ﻋﺎﺋﺸﻪ ﻗﺎﺗﻠﻬﺎ ﺍﻟﻔﻀﻮﻝ ﻭﺑﺘﻌﺮﻑ ﻣﺮﺍﺩ ﻭﻧﻬﻲ ﺷﻦ ﻳﺤﻜﻮ
ﻃﻠﻌﺖ ﻣﻦ ﺍﻟﺼﻮﺭ ﻭﺧﺸﺖ ﻉ ﻓﺎﻳﺒﺮ 😰
ﻭﻟﻘﺖ ﻣﺤﺎﺩﺛﺎﺗﻬﻢ؟؟ 😱
ﻭﻻﻥ ﻛﺎﻧﻮ ﻣﻮﻓﺮﻳﻠﻬﻢ ﺍﻟﻮﺍﻳﺮﻟﺲ ﻓﺘﺤﺘﻬﻦ
ﺭﺩﺕ ﺑﻠﻤﺤﺎﺩﺛﺎﺕ ﻓﻮﻭﻭﻭﻕ 👆👆👆👆👆
ﻭﻛﺎﺗﺒﻴﻦ
( ﻣﺮﺍﺩ ) : ﺷﻦ ﻗﺼﺔ ﺍﺣﻤﺪ؟
( ﻧﻬﻲ ) : ﻭﺍﺣﺪ ﺩﻣﻪ ﺛﻘﻴﻞ ﻛﺎﻳﻦ ﺟﺎﺭ ﺧﺎﻟﺘﻚ ﺯﻣﺎﻥ ﻭﻣﻌﺠﺐ ﺑﻌﺎﺋﺸﻪ؟
( ﻣﺮﺍﺩ (\ ﻭﻋﺎﺋﺸﻪ؟
( ﻧﻬﻲ ) : ﻣﺶ ﻣﻌﺪﻟﻪ ﻋﻠﻴﻪ ﻭﻣﺒﺘﺶ ﺗﺮﺗﺒﻂ ﺑﻴﻪ ﻳﺒﺤﺖ ﻓﻴﻬﺎ ﻭﻳﺪﺯﻟﻬﺎ
ﺑﺲ ﺍﻧﺖ ﻋﺎﺭﻓﻪ ﻋﺎﺋﺸﻪ ﻣﻌﻄﺘﺶ ﻭﺟﻪ ﻋﺪﺍ ﺧﻄﺐ ﻧﺪﻱ ﺑﻨﺖ ﻋﻤﻬﺎ؟
( ﻣﺮﺍﺩ ) ﺑﻨﺖ ﻋﻤﻬﺎ ﻗﺎﻟﺘﻠﻲ ﺍﻥ ﺳﻴﺒﻬﺎ ﻉ ﺳﺒﻪ ﻋﺎﺋﺸﻪ؟
( ﻧﻬﻲ ) ﺍﻫﺎﺍ ﻫﻮﺍ ﺍﺻﻼ ﻣﻴﺒﻴﻬﺎﺵ ﻭﻳﺒﻲ ﻋﺎﺋﺸﻪ ﻭﻋﺎﺋﺸﻪ ﻣﺘﺒﺶ
ﺣﺎﻭﻝ ﺍﻥ ﻳﺘﻮﺍﺻﻞ ﻣﻌﺎﻫﺎ ﻭﺍﺟﺪ ﻭﺟﺎﺏ ﺭﻗﻤﻬﺎ ﺑﺲ ﻋﺎﺋﺸﻪ ﻓﺘﺎﺗﻪ ﻭﻣﻌﺪﻟﺘﺶ ﻋﻠﻴﻪ
( ﻣﺮﺍﺩ ) ﺑﻨﻌﺮﻑ ﻋﺎﺋﺸﻪ ﻋﻠﻴﺶ ﻧﻬﺖ ﻣﻮﺿﻮﻋﻬﺎ ﻣﻌﺎﻳﻪ؟؟
( ﻧﻬﻲ ) ﻣﺶ ﺳﺒﺐ ﺍﺣﻤﺪ ﻋﺎﺋﺸﻪ ﻛﺎﻧﺖ ﻣﻀﺎﻳﻘﻪ ﻭﺍﺟﺪ ﻭﻧﻔﺴﻴﺘﻬﺎ ﺗﻌﺒﺎﻧﻪ
ﻗﺮﺍﻳﺘﻨﺎ ﺻﻌﺒﻪ ﻭﺗﺒﻲ ﺗﻘﻮﻳﺎﺕ ﻭﻣﻘﺪﺭﺗﺶ ﺗﻜﺜﺮ ﻉ ﻫﻠﻬﺎ ﻃﻠﺒﺎﺕ ﻫﻀﺎ ﻏﻴﺮ ﻃﻠﻌﺘﻬﻢ ﻣﻦ ﺣﻮﺷﻬﻢ
ﺣﺘﻲ ﺟﺘﻬﺎ ﻓﺘﺮﻩ ﺗﻐﻴﺮﺕ ﺑﻜﻞ ﻭﻗﻌﺪﺕ ﺣﺴﺎﺳﻪ ﻭﺍﺟﺪ
( ﻣﺮﺍﺩ ) ﻧﺎ ﻣﻌﺶ ﻓﻬﻤﺘﻬﺎ ﺗﺼﺮﻓﺎﺗﻬﺎ ﻣﻌﺎﻳﻪ ﺍﺳﻠﻮﺑﻬﺎ ﺗﻐﻴﺮ ﻭﺍﺟﺪ ﻭﺍﺿﺢ ﺍﻧﻬﺎ ﻧﺪﻣﺖ ﻧﺎ ﻣﺶ ﺍﺻﻐﻴﺮ
ﻋﺸﺎﻥ ﻣﻨﻔﻬﻤﺶ ﺑﺲ ﺍﺳﺘﻐﺮﺑﺖ ﻟﻴﺸﻪ ﻙ ﻣﻦ ﺍﻻﻭﻝ؟
( ﻧﻬﻲ ) ﺑﺼﺮﺍﺡ ﻫﻨﺎ ﺩﻳﻤﻪ ﻧﻨﺼﺢ ﻓﻴﻬﺎ ﺑﻴﻚ ﻭﺣﺴﻴﺒﺘﻬﺎ ﺍﻟﻔﺘﺮﻩ ﺍﻻﺧﻴﺮﻩ ﺗﺤﻜﻴﻠﻲ ﻋﻠﻴﻚ ﻭﺍﺟﺪ
( ﻣﺮﺍﺩ ) ﻻﺣﻈﺖ ﺗﻲ ﺑﻌﺪ ﺍﻧﺠﻴﻬﻢ ﺗﻄﻠﻌﻠﻲ ﻭﺗﺸﻮﻑ ﻓﻴﺎ ﻭﺍﺟﺪ ﻭﺑﻌﺪ ﺷﻔﺘﻬﺎ ﻫﻀﻚ ﺍﻟﻴﻮﻡ ﻣﻊ ﺷﺎﺏ
ﻗﻌﺪﺕ ﺗﺒﺮﺭ
( ﻧﻬﻲ ) ﺍﺣﻜﻲ ﻣﻌﺎﻫﺎ ﺍﺣﺴﻦ ﺣﻞ . ؟؟؟
( ﻣﺮﺍﺩ ) ﻻﻻ ﺧﻠﻴﻨﺎ ﻧﺪﻳﺮﻭ ﺭﻭﺍﺣﻨﺎ ﺍﻥ ﻧﺤﻨﺎ ﻧﺒﻮ ﺑﻌﻀﻨﺎ ﻗﺪﺍﻣﻬﺎ ﻭﺍﻥ ﻧﺎ ﻧﺒﻲ ﻧﺨﻄﺒﻜﻂ
( ﻧﻬﻲ ) ﻭﻋﻠﻴﺶ؟
( ﻣﺮﺍﺩ ) ﺿﺮﻭﺭﻱ ﻣﺎﺗﺤﺼﻞ ﻗﺮﺻﺔ ﻭﺫﻥ ﻣﺶ ﻉ ﻃﻮﻝ ﺗﺮﺩﻟﻲ
( ﻧﻬﻲ ) ﺣﺮﺍﻡ ﻋﻠﻴﻚ؟
( ﻣﺮﺍﺩ ) ﻣﺶ ﻟﻌﺒﻪ ﻧﺎ
( ﻧﻬﻲ ) ﻣﺘﺨﺸﺸﻨﻴﺶ ﻧﺎ ﻓﻲ ﺍﻟﻤﻮﺿﻮﻉ؟
( ﻣﺮﺍﺩ ) ﺧﻠﻴﻬﺎ ﻧﺸﻮﻓﻮ ﺭﺩﺕ ﻓﻌﻠﻬﺎ ﻭﻧﻜﺴﺪﻭ ﻋﻠﻴﻬﺎ ﻭﻧﻠﻌﺒﻮ ﺑﺎﻋﺼﺎﺑﻬﺎ
( ﻧﻬﻲ ) ﻫﻬﻬﻬﻪ ﺑﻪ ﻣﻮﺍﻓﻘﻪ؟
( ﻣﺮﺍﺩ ) ﻛﻴﻒ ﻣﺎﻗﺘﻠﻚ ﺍﻣﺲ ﻉ ﻧﻘﺎﻝ ؟
( ﻧﻬﻲ ) ﻛﻼﻣﻚ ﺣﻔﻈﺘﻪ ﺻﻢ ﻭﺍﻥ ﺷﺎﺀﺍﻟﻠﻪ ﻣﻴﺰﻟﻘﺶ ﻟﺴﺎﻧﻲ
ﻋﺎﺋﺸﻪ : ﺻﺎﺍﺭ ﻫﻜﻲ ﻳﺎﻧﻬﻲ 😡😡😡
ﺟﺖ ﻧﻬﻲ ﺗﺠﺮﻱ
ﻧﻬﻲ : ﺷﻔﺘﻬﻦ ﺍﻟﺼﻮﺭ ﺷﻔﺘﻲ ﺍﻟﺼﻮﺭﻩ ﺑﺎﻳﻨﻪ ﻓﻴﻬﺎ ﺍﺧﺖ ﺍﻧﻮﺭ
ﻋﺎﺋﺸﻪ : ﺻﺎﺭ ﺗﺨﻄﻄﻲ ﺍﻧﺘﻲ ﻭﻣﺮﺍﺩ ﻣﻦ ﻭﺭﺍﻳﺎ؟؟؟ 😠
ﻧﻬﻲ : ﻋﻠﺶ؟ "
ﻋﺎﺋﺸﻪ : ﻓﻜﻴﻨﻲ ﻣﻦ ﻛﺬﺏ ﺑﺎﻳﻨﻪ ﻓﻲ ﻭﺟﻚ ﻣﻌﻘﻮﻟﻪ ﺍﻧﺘﻲ ﻳﺎﻧﻬﻲ؟ 😠😠
ﻧﻬﻲ : ﺷﻨﻮ ؟ 😱
ﻋﺎﺋﺸﻪ : ﻗﺮﻳﺖ ﻣﺤﺎﺩﺛﺘﻜﻢ ﻭﺳﺎﺋﻠﻜﻢ؟ 😠
ﻧﻬﻲ : ﻣﻦ ﻗﺎﻟﻚ ﺗﻔﺘﺶ ﺗﻠﻴﻔﻮﻧﻲ ﻗﻠﻴﻠﺔ ﺍﺩﺏ ؟ 😁
ﻋﺎﺋﺸﻪ : ﻧﻬﻲ؟؟ 😠
ﻧﻬﻲ : ﻫﻬﻬﻬﻬﻬﻬﻬﻬﻪ ﻭﺍﻟﻠﻪ ﻫﻮﺍ ﺍﻟﻠﻲ ﻃﻠﺐ ﻣﻨﻲ ﻣﺶ ﻧﺎ
ﻋﺎﺋﺸﻪ : ﻋﻦ ﺷﻜﻠﻜﻢ ﻭﻟﻠﻪ ﺣﺮﻗﺘﻮﻟﻲ ﺩﻣﻲ ﻣﻌﻘﻮﻟﻪ ﻫﻜﻲ
ﻧﻬﻲ : ﻫﻬﻬﻬﻬﻬﻬﻪ 😂😂
ﻋﺎﺋﺸﻪ : ﻣﻌﺶ ﺗﺤﻜﻲ ﻣﻌﺎﻳﻪ 😠
ﻧﻬﻲ : ﻋﻴﻨﻚ ﻏﺼﺒﺎ ﻋﻨﻚ ﻧﺤﻜﻲ ﻣﻌﺎﻙ ﻳﺎﺳﻼﻡ ﺍﺯﻋﻠﻲ ﻣﻦ ﻭﻟﺪ ﺧﺎﻟﺘﻚ
ﻣﺶ ﻣﻨﻲ ﻧﺎ؟ 😒
ﻋﺎﺋﺸﻪ : ﻭﺍﻟﺨﺎﺗﻢ ﻭﺍﻟﺤﺮﻛﺎﺕ ؟؟ﻭﺧﺎﻟﺘﻲ ؟؟؟ﻭﺳﻠﻔﺘﻚ ﻫﻨﺪ ﺣﻴﻮﺍﻧﻴﻦ ﻭﺍﻟﻠﻪ ﻛﻴﻒ ﺍﻧﺘﻲ ﻛﻴﻒ ﻫﻮﺍ
ﻻﻛﻦ ﺗﻮ ﻧﻮﺭﻳﻪ 😠😠
ﻧﻬﻲ : ﻭﺍﻟﻠﻪ ﻣﺮﺍﺩ ﻃﻴﺐ ﻭﻳﺒﻴﻚ ﺑﻜﻞ ﻋﺴﻮﻝ 😂😂
ﻋﺎﺋﺸﻪ : ﺑﺲ ﻳﺪﻳﺮ ﻓﻴﺎ ﻫﻜﻲ ﻭﻋﻠﻴﺶ؟ 😠
ﻧﻬﻲ : ﻻﺣﻆ ﺍﻥ ﻣﻌﺠﺒﻪ ﺑﻴﻪ ﺣﻀﺮﺗﻚ ﻫﻬﻬﻬﻬﻬﻬﻪ 😉
ﻋﺎﺋﺸﻪ : ﺑﻤﻦ ﻧﺎ؟؟؟ﻣﺮﺍﺩ؟؟ﻻ ﻋﺎﺩﻱ 😌😒
ﻧﻬﻲ : ﺗﺼﺪﻗﻲ ﻏﺎﺭ ﻣﻦ ﺍﻧﻴﺲ؟ﻫﻬﻬﻬﻬﻬﻬﻪ 😂
ﻋﺎﺋﺸﻪ : ﺷﻦ ﻗﺎﻟﻚ ؟ 😍😍
ﻧﻬﻲ : ﻗﺎﻟﻲ ﻣﻨﻮ ﻫﻀﺎ؟ﻫﻬﻬﻬﻪ ﻭﻗﺎﻟﻲ ﺍﻗﻌﺪﻱ ﻣﻌﺎﻫﻢ ﻣﻴﺤﺴﺎﺑﺶ ﺍﻥ ﺍﻧﻴﺲ ﻣﺴﻜﻴﻦ
ﻣﻴﻌﺮﻑ ﻓﻲ ﺍﻟﺒﻨﺎﺕ ﺑﻜﻞ
ﻋﺎﺋﺸﻪ : ﺍﺳﻤﻌﻲ؟
ﻧﻬﻲ : ﺳﺸﻨﻮ؟
ﻋﺎﺋﺸﻪ : ﻗﻮﻟﻴﻠﻪ ﺍﻥ ﻭﻧﺎ ﻭﺍﻧﻴﺲ ﻋﻼﻗﻪ 😌
ﻧﻬﻲ : ﻻﻻ ﻳﺎﻋﻤﺮﻱ ﻣﺶ ﻛﻴﻒ ﺍﻟﺮﺟﺎﻟﻪ ﻳﺼﺪﻗﻮ ﻫﻮﺍ ﻳﻤﺸﻲ ﻋﻠﻴﻚ ﻃﺮﻭﺡ ﻋﺎﺩﻱ
ﺑﺲ ﺍﻧﺘﻲ ﻻ ﺍﺳﻤﻌﻲ
ﻋﺎﺋﺸﻪ : ﺷﻨﻮ؟
ﻧﻬﻲ : ﺍﻣﺲ ﺧﺎﻟﺘﻚ ﺻﺪﻗﺘﻬﺎ ﻭﻗﺎﻟﺘﻠﻲ ﺍﻥ ﺑﻄﻠﻊ ﻋﺮﺱ ﻣﺮﺍﺩ ﻭﺭﺟﺐ ﻣﻊ ﺑﻌﻀﻬﻢ \
ﻭﻓﺮﺡ ﺗﻮﺍ ﺑﻌﺪ ﺭﻣﻀﺎﻥ؟
ﻋﺎﺋﺸﻪ : ؟؟؟
ﻧﻬﻲ : ﻳﻌﻨﻲ ﻧﺎ ﻗﺘﻠﻚ ﺷﺪﻱ ﺣﻴﻠﻚ ﻣﻌﺎﻩ 😉😉
ﻋﺎﺋﺸﻪ : ﻧﺒﻴﻜﺶ ﺗﻘﻮﻟﻲ ﻣﺮﺍﺩ ﺍﻥ ﻋﺮﻓﺖ؟؟ﺍﺣﻠﻔﻴﻠﻲ
ﻧﻬﻲ : ﺣﻲ ﻋﻠﻴﺎ ﻧﺎ
ﻋﺎﺋﺸﻪ : ﺍﺣﻠﻔﻴﻠﻲ؟ 😠😠
ﻧﻬﻲ : ﻭﺍﻟﻠﻪ ﻣﺎﻧﻲ ﻗﺎﻳﻠﺘﻬﺎ ﻻﻩ 😩
#
#
#
ﺭﻭﺣﺖ ﻋﻮﻳﺸﻪ ﻭﺟﺎﻧﻪ ﻣﺮﺍﺩ ﺑﻌﺪ ﺍﻟﻐﺬﺍ ﺟﺎﻳﺐ ﻣﻌﺎﻩ ﺣﻮﺕ 🐟🐟🐟
ﻭﺟﺎﻳﺐ ﺧﺎﻟﺘﻲ ﻭﻣﻬﻨﺪ ﻭﺑﺎﺑﺎ ﻓﻲ ﻋﻤﻞ ..
ﺭﻳﻤﺎﺱ : ﻧﺪﻳﺮﻭ ﺷﻮﺍﻳﻪ؟ 😍😍
ﻣﺮﺍﺩ : ﻭﺍﻟﻠﻪ ﺻﺪﻗﺘﻲ ﻭﺳﻊ ﻭﺳﻊ 😂
ﺍﻧﺎ : ﻫﺎﺕ ﺗﻮ ﻧﻈﻔﻮ ﻭﻧﺘﺒﻠﻮﻩ ﻗﺒﻞ
ﻣﺮﺍﺩ : ﻧﺎ ﺗﻮ ﻧﻮﻟﻊ ﺍﻟﻜﺎﻧﻮﻥ
ﺍﻧﺎ : ﻓﻲ ﻓﺤﻢ ﺗﻠﻘﺎﻩ ﺑﺮﻩ؟؟ﻭﻓﻲ ﻛﺎﻧﻮﻥ
ﻣﺮﺍﺩ : ﺗﻤﺎﻡ
ﻃﻠﻊ ﻣﺮﺍﺩ ﻳﻜﺒﺮ ﻓﻲ ﻧﺎﺭ 🔥🔥🔥
ﻃﻠﻌﺖ ﻋﺎﺋﺸﻪ :
ﻋﺎﺋﺸﻪ : ﺷﻔﺘﻚ ﺍﻟﻴﻮﻡ ؟؟ 😊
ﻣﺮﺍﺩ : ﺟﻴﺘﻜﻢ ﻋﺸﺎﻥ ﻧﺸﻮﻑ ﻧﻬﻲ ﻧﺮﺍﻳﻒ ﻋﻠﻴﻬﺎ ﺍﻟﻔﺮﺧﻪ 😍
ﻋﺎﺋﺸﻪ : ﺍﻫﺎ ﺑﺲ ﺻﺤﺒﺘﻲ ﻣﺶ ﻟﻠﻌﺐ ﻳﻌﻨﻲ ﺗﻮﺍ ﺍﺗﻔﻘﺖ ﻧﺎ ﻭﺧﺎﻟﺘﻲ ﻧﻌﺪﻭ ﻧﺨﻄﺒﻮﻫﺎ
ﻣﺮﺍﺩ : ﻛﻴﻒ ﺗﺘﻔﻘﻮ ﻣﻦ ﻭﺭﺍﻳﻪ؟ 😒
ﻋﺎﺋﺸﻪ : ﺭﻭﻣﻨﺴﻴﺎﺕ ﻭﺧﺎﺗﻢ ﻭﻣﻮﺍﻋﻴﺪ ﻋﻴﺐ ﻧﻬﻲ ﺑﻨﺖ ﻧﺎﺱ ﺿﺮﻭﺭﻱ ﻣﺎﺗﺤﻜﻲ ﻣﻊ ﻫﻠﻬﺎ 😊
ﻣﺮﺍﺩ : ﻣﺰﺍﻝ ﻳﻌﻨﻲ ﺑﻨﺘﻔﺎﻫﻤﻮ ﻗﺒﻞ 😞
ﻋﺎﺋﺸﻪ :\ ﻧﻬﻲ ﻣﺘﻔﻬﻤﻪ ﻭﻋﺴﻮﻟﻪ ﻭﻛﻴﻮﺕ ﻭﻃﺎﻟﺒﻪ ﻓﻲ ﻃﺐ ﻉ ﻗﻮﻟﺘﻚ 😊
ﻣﺮﺍﺩ : ﺍﻧﺎ ﺍﺻﻼ ﻓﻬﻤﺘﻲ؟
ﺧﺎﻟﺘﻲ : ﻣﺮﻭﺩﻩ ﺣﺒﻴﺒﻲ ﻣﺸﻔﺘﺶ ﻣﻬﻨﺪ؟
ﻣﺮﺍﺩ : ﻗﺎﻋﺪ ﻣﻊ ﻣﻼﻙ ﻳﻌﻠﻘﻮ ﻓﻲ ﺩﺭﺟﻴﺤﻪ؟
ﻋﺎﺋﺸﻪ : ﺧﺎﻟﺘﻲ ﺟﺎﺑﻚ ﺭﺑﻲ؟ 😁
ﻣﺮﺍﺩ : ﻋﺎﺋﺸﻪ؟ 😠
ﻋﺎﺋﺸﻪ : ﺗﻮﺍ ﻛﻦ ﻧﺤﻜﻮ ﻧﺎ ﻭﻣﺮﺍﺩ ﻻﺯﻡ ﻧﻌﺪﻭ ﻧﺨﻄﺒﻮ ﻧﻬﻲ؟
ﺧﺎﻟﺘﻲ : ؟؟؟ 😍
ﻋﺎﺋﺸﻪ : ﺑﺼﺮﺍﺣﻪ ﺻﺤﺒﺘﻲ ﻭﻫﻠﻬﺎ ﻭﺍﺛﻘﻴﻦ ﻓﻴﺎ ﻋﻴﺐ ﺣﺸﻤﻪ ﺗﺤﻜﻲ ﻣﻌﺎﻩ ﻭﻣﻔﺶ ﺣﺎﺟﻪ ﺭﺳﻤﻴﻪ ﺑﻴﻨﺎﺗﻬﻢ؟ 😱😱
ﺧﺎﻟﺘﻲ : ( ﺍﻧﺼﺪﻣﺖ ) ﺍﻣﻤﻢ 😍😍
ﻋﺎﺋﺸﻪ : ﺧﻼﺹ ﻧﻬﻲ ﻗﺎﻋﺪﻩ ﻋﻨﺪ ﻋﻴﺖ ﺟﺪﻫﺎ ﺗﻮ ﻧﺤﻜﻲ ﻧﺎ ﻣﻊ ﺍﻣﻬﺎ ﺭﻗﻢ ﺍﻣﻬﺎ ﻋﻨﺪﻱ؟
ﻭﺑﻌﺪﻳﻦ ﺧﺎﻟﺘﻲ ﺗﺒﻲ ﺗﻔﺮﺡ ﺑﻴﻚ ﻣﻊ ﺭﺟﺐ؟ 😉
ﻣﺮﺍﺩ : ﺍﻟﻤﻮﺿﻮﻉ ﻫﻀﺎ ﻧﻘﺮﺭﻭ ﻧﺎ ﻭﻧﻮﻧﺎ ﺍﻧﺘﻲ ﺍﻃﻠﻌﻲ ﻣﻨﻪ
ﺧﺎﻟﺘﻲ : ﺻﺎﺡ ﻛﻼﻡ ﻋﺎﺋﺸﻪ ﻋﻴﺐ ﺗﺘﺤﻜﻲ ﻣﻊ ﺍﻟﺒﻨﺖ ﻓﻲ ﻧﻬﺎﻳﻪ ﺑﻨﺖ ﻧﺎﺱ ﻫﻴﺎ 😒
ﻋﺎﺋﺸﻪ : ﻟﻮ ﻛﺎﻥ ﻋﻨﺪﻙ ﺧﻮﺍﺕ ﻛﻨﺘﺶ ﺭﺿﻴﺘﻬﺎ ﻓﻴﻬﻦ 😉
ﺧﺎﻟﺘﻲ : ﻭﺍﻟﻠﻪ ﺻﺪﻗﺘﻲ ﺧﻼﺹ ﻛﻠﻤﻲ ﺍﻣﻬﺎ 😍
ﻋﺎﺋﺸﻪ : ﺧﻤﻴﺲ ﻧﻌﺪﻭ؟ 😊
ﺧﺎﻟﺘﻲ : ﺧﻼﺹ ﺍﻟﺨﻤﻴﺲ ﺍﻧﻌﺪﻭ ﻧﺎ ﻭﺧﺎﻟﺘﻚ 😊
ﻋﺎﺋﺸﻪ : ﻭﻧﺎ ﺻﺎﺣﺒﺔ ﺍﻟﻌﺮﻭﺱ ﻭﺑﻨﺖ ﺧﺎﻟﺖ ﺍﻟﻌﺮﻳﺲ؟ 😊
ﻣﺮﺍﺩ : ؟؟؟ 😠
ﺧﺎﻟﺘﻲ : ﺟﻴﻬﺎﻥ ﺗﻨﻈﻒ ﻓﻲ ﺍﻟﺤﻮﺕ ﺑﺮﻭﺣﻬﺎ ﺗﻮ ﻧﺨﺶ ﻧﺤﻜﻲ ﻣﻊ ﺧﺎﻟﺘﻚ
ﻭﻣﻌﺎﻫﺎ ﺑﺎﻟﻜﻲ ﺣﺘﻲ ﺟﻴﻬﺎﻥ ﺗﻌﺪﻱ ﻣﻌﺎﻧﻪ؟ 😍
ﻣﺮﺍﺩ : ﺍﻣﻲ ﺍﻫﺪﻱ ﺍﻫﺪﻱ ﻳﺎﻣﻲ ﻭﺳﻌﻲ ﺑﺎﻟﻚ ؟ﺍﻫﺪﻱ ؟
ﺍﻣﻪ : ؟؟ 😒
ﻣﺮﺍﺩ : ﺧﻠﻴﻨﻲ ﻧﺎ ﻧﺤﻜﻲ ﻣﻊ ﺍﻟﺒﻨﺖ ﻗﺒﻞ ﺍﻟﺒﻨﺖ ﻣﺶ ﻗﺎﻋﺪﻩ ﻋﻨﺪ ﻫﻠﻬﺎ
ﻋﺎﺋﺸﻪ : ﻻﻻ ﻳﺎﻭﻟﺪ ﺧﺎﻟﺘﻲ ﺗﻀﺤﻚ ﻉ ﺑﻨﺎﺕ ﺍﻟﻨﺎﺱ ﻋﻴﺒﻪ ﻣﻨﻚ ﻋﻴﺒﻪ ﻣﻨﻚ
ﺗﺆﺗﺆﺗﺆﺗﺆ ﻣﺘﻮﻗﻌﺘﻬﺶ ﻧﻬﺎﺋﻲ 😂
ﺧﺎﻟﺘﻲ : ﻻ ﻳﺎﺣﻨﻪ ﻭﻟﺪﻱ ﻣﺘﺮﺑﻲ ﻣﺎﺷﺎﺍﺍﺍﺍﺍﺍﺀﺍﻟﻠﻪ ﻋﻠﻴﻪ ﺧﻤﺴﻪ ﻭﺧﻤﻴﺲ ﻣﺎﻳﺪﻳﺮﻫﺎ ﺗﻮ ﻧﻌﺪﻭ ﻧﺨﻄﺒﻮﻫﺎ 😍
ﻣﺮﺍﺩ : ﺍﻣﻲ؟؟ 😠
ﺧﺸﺖ ﺧﺎﻟﺘﻲ؟؟
ﻣﺮﺍﺩ : ﺍﻧﺘﻲ ﻛﻴﻒ ﺗﺤﻜﻲ ﻫﻜﻲ؟ 😠
ﻋﺎﺋﺸﻪ : ﻧﻬﻲ ﺻﺤﺒﺘﻲ ﻭﻣﻨﺮﺿﺶ ﻓﻴﻬﺎ ﻭﺍﻣﻚ ﻋﺠﺒﺘﻬﺎ ﻭﻋﺮﻓﺘﻬﺎ ﻉ ﻛﻨﺘﻜﻢ ﻫﻨﺪ؟ 😊
ﻣﺮﺍﺩ : ﺍﻧﺘﻲ ﻫﻚ ﺭﺍﻳﻚ ﺧﻼﺹ ﻳﻌﻨﻲ ﻧﺎﺧﺪ ﻧﻬﻲ؟ 😊
ﻋﺎﺋﺸﻪ : ( ﺧﺎﻓﺖ ﻻﻥ ﻗﻌﺪ ﻳﺤﻜﻲ ﺑﻄﺮﻳﻘﻪ ﺟﺪﻳﻪ ) 😣
ﻣﺮﺍﺩ : ؟؟ 😊
ﻋﺎﺋﺸﻪ : ﺍﻧﺖ ﺗﺤﺒﻬﺎ؟ 😞
ﻣﺮﺍﺩ : ﺟﺎﻭﺑﻲ؟ 😒
ﻋﺎﺋﺸﻪ : ﻝ 😞 ﺍ
ﻣﺮﺍﺩ : ﻻ؟ 😊
ﻋﺎﺋﺸﻪ : ﺍﻫﺎ 😩
ﻣﺮﺍﺩ : ﺍﺻﻼ ﻧﺎ ﻭﻧﻬﻲ ﻛﻨﻪ ﻧﻜﺴﺪﻭ ﻋﻠﻴﻚ 😁
ﻋﺎﺋﺸﻪ : ﻋﺮﻓﺖ ﺍﻟﻴﻮﻡ 😒
ﻣﺮﺍﺩ : ﻣﻦ ﻧﻬﻲ؟ 😳
ﻋﺎﺋﺸﻪ : ﻗﺮﻳﺖ ﻣﺤﺎﺩﺛﺎﺗﻜﻢ؟ 😊
ﻣﺮﺍﺩ : ﺍﻣﻤﻢ
ﻋﺎﺋﺸﻪ : ﺑﺲ ﺣﺮﻛﻪ ﺑﺎﻳﺨﻪ ﻭﺛﻘﻴﻠﺔ ﺩﻡ ﻭﻣﻔﻴﻬﺶ ﺟﻮ؟ 😊
ﻣﺮﺍﺩ : ﺍﻭﻙ ﻳﺎﺟﻮ ﺍﻧﺘﻲ ﻉ ﺍﺳﺎﺱ ﺍﻧﺘﻲ ﻓﻴﻚ ﺟﻮ؟ 😒
ﻋﺎﺋﺸﻪ : ﻣﻬﻤﺎ ﻳﻜﻮﻥ ﻳﻌﻨﻲ ﻏﻠﻂ ﺍﻟﻠﻲ ﺩﺭﺗﻪ ﺍﻧﺖ ﻭﻳﺎﻫﺎ ؟
ﻣﺮﺍﺩ : 😒
ﻋﺎﺋﺸﻪ : ﻛﻨﺖ ﻧﺤﺴﺎﺑﻚ ﻛﺮﻫﺘﻨﻲ؟ 😞
ﻣﺮﺍﺩ : ﻭﻋﻠﻴﺶ؟
ﻋﺎﺋﺸﻪ : ﻧﺪﻱ ﻭﺍﺣﻤﺪ؟
ﻣﺮﺍﺩ : ﻛﻼﻡ ﻧﺪﻱ ﻣﺎﺛﺮﺵ ﻓﻴﺎ ﺑﻜﻞ ﻭﻛﻞ ﺣﺪ ﻓﻴﻨﺎ ﻋﻨﺪﻩ ﺗﺠﺎﺭﺏ ﻣﻦ ﻗﺒﻞ ﻭﻧﻬﻲ ﺣﻜﺘﻠﻲ؟
ﻋﺎﺋﺸﻪ : ﺑﺲ ﻣﺼﺮﺵ ﺷﻲ ﺑﻴﻨﻲ ﻭﺑﻴﻦ ﺍﺣﻤﺪ ﻳﻌﻨﻲ
ﻣﺮﺍﺩ : ﻓﺎﻫﻢ ﻧﺎ ﻓﺎﻫﻢ
ﻋﺎﺋﺸﻪ : ﻣﺶ ﻋﺎﺭﻑ ﻟﻴﺶ ﺻﺎﺭ ﻫﻀﺎ ﻛﻠﻪ
ﻣﺮﺍﺩ : ﺧﻠﻴﺘﻚ ﻓﻲ ﺑﺪﺍﻳﻪ ﺑﺮﺍﺣﺘﻚ
ﻋﺎﺋﺸﻪ : ﺑﻪ ﺧﺶ ﺍﺣﻜﻲ ﻣﻊ ﺧﺎﻟﺘﻲ؟ 😠
ﻣﺮﺍﺩ : ﺷﻦ ﻧﻘﻮﻟﻠﻬﺎ؟
ﻋﺎﺋﺸﻪ : ﻗﻮﻟﻠﻬﺎ ﻑ ﻓﻴﻠﻢ ﺍﻟﻬﻨﺪﻱ ﺍﻟﻲ ﺍﺧﺮﺟﺘﻪ ﻭﻣﺜﻠﺘﻪ ﺍﻧﺖ ﻭﻧﻬﻲ؟
ﻣﺮﺍﺩ : ﺑﺴﻬﻮﻟﻪ ﻫﺬﻱ؟ 😊
ﻋﺎﺋﺸﻪ : ؟؟؟ 😞
ﻣﺮﺍﺩ : ﺑﺲ ﺍﻧﺘﻲ ﻗﻠﺘﻴﻠﻲ ﻣﻔﺶ ﻧﺼﻴﺐ؟ 😏
ﻋﺎﺋﺸﻪ : ﻧﺪﻣﺖ ﻧﺎ؟ 😓
ﻣﺮﺍﺩ : ﺑﺮﺿﻮ ﻣﺶ ﺑﺴﻬﻮﻟﻪ ﻫﺬﻱ؟ 😏
ﻋﺎﺋﺸﻪ : ﺷﻦ ﺗﺒﻴﻨﻲ ﺍﻧﺪﻳﺮﻟﻚ؟ 😩
ﻣﺮﺍﺩ : ﺍﻣﻤﻢ ﻭﺍﺟﺪ ؟؟ 👆😌
ﻋﺎﺋﺸﻪ : ؟؟ 😒
ﻣﺮﺍﺩ : ﺍﺍﻭﻝ ﺣﺎﺟﻪ ﺍﻟﻴﻮﻡ ﺗﺸﻮﻱ ﺍﻟﺤﻮﺕ ﻛﻠﻪ ؟ 🐟🔥
ﻋﺎﺋﺸﻪ : ﺣﺮﺍﻡ ﻋﻠﻴﻚ ﻋﻨﺪﻱ ﻗﺮﺍﻳﻪ ﻭﻋﻨﺪﻱ ﻣﺸﺮﻭﻉ؟ 😱
ﻣﺮﺍﺩ : ﺧﻼﺹ ﺑﺮﺍﺣﺘﻚ؟ 😊
ﻋﺎﺋﺸﻪ : ﺑﻪ ﻭﺷﻨﻮ ﺍﺧﺮﻱ؟ 😞
ﻣﺮﺍﺩ : ﺍﻻﺧﺮﻱ ﻫﺬﻱ ﻣﺶ ﺗﻮﺍ ﺗﻌﺮﻓﻴﻬﺎ 😉
ﺍﻧﺎ : ﻫﻠﻮﻭ ﺍﻣﺴﻜﻮ ﻫﺬﻧﻪ ﺧﻠﻴﻬﻦ ﻣﺘﺒﻼﺕ ﺗﻤﺎﻡ؟
ﻣﺮﺍﺩ : ﺍﻟﻨﺎﺭ ﻛﺒﺮﺕ ؟ 🔥
ﺍﻧﺎ : ﺗﻤﺎﻡ ﺗﻮ ﻧﻘﻠﻲ ﺑﻄﺎﻃﺎ ﻧﻜﺴﺪﻭ ﻋﻠﻴﻬﺎ 🍟
ﻣﺮﺍﺩ : ﺟﺒﺘﻠﻜﻢ ﺯﺭﻳﻌﺔ ﻋﺒﺎﺩ ﺍﻟﺸﻤﺲ _ ، 🌻
ﺍﻧﺎ : ﻧﺎﻋﻠﻴﺎ ﻓﺎﻫﻢ ﺍﻟﺠﻮ ﺍﻧﺖ؟ ﻋﻮﻳﺸﻪ ﻏﺮﻳﺒﻪ ﻣﻔﺶ ﻗﺮﺍﻳﻪ؟؟ 😉
ﻋﺎﺋﺸﻪ : ﻻ ﺑﻨﻘﻌﺪ ﻫﻨﺎ ﺍﻧﺸﻢ ﻫﻮﺍ؟
ﺍﻧﺎ : ﺗﻮ ﻧﻘﻮﻝ ﻻﺑﺘﻬﺎﻝ ﻭﻣﻨﻴﺎ ﻳﺪﻳﺮﻥ ﺑﻄﺎﻃﺎ
ﻣﺮﺍﺩ : ﺍﻭﻙ ﺗﻢ
ﺧﺸﻴﺖ ﻭﺧﻠﻴﺘﻬﻢ
ﻋﺎﺋﺸﻪ : ﺍﻧﻘﻄﻌﻮ ﺍﻟﺤﻮﺕ ﻭﻧﺨﺸﺸﻮ ﻓﻲ ﺻﻴﻎ ﻭﻧﻘﻠﺒﻮﻩ؟
ﻣﺮﺍﺩ : ﻣﺘﻌﺮﻓﺶ ﺗﺸﻮﻱ؟
ﻋﺎﺋﺸﻪ : ﻻ ﻃﺒﻌﺎ ﻧﻌﺮﻑ ﺍﺻﻼ ﻧﺤﻨﺎ ﺩﻳﻤﻪ ﻧﺸﻮﻭ ﺗﺨﺼﺼﻨﺎ ﺷﻮﺍﻳﻪ ﻭﺟﻮ ﻫﻀﺎ
ﻣﺮﺍﺩ : ﻣﺶ ﻋﺎﺭﻑ ﻟﻴﺶ ﺣﺎﺱ ﺍﻧﻚ ﺑﺎﻳﺮﻩ؟
ﻋﺎﺋﺸﻪ : ﺍﻧﺖ ﻋﺎﺭﻑ ﺟﻴﻬﺎﻥ ﻭﺍﺧﺪﻩ ﺍﻟﺤﻮﺵ ﻳﻌﻨﻲ ﻣﻨﺪﺭﺵ ﻓﻲ ﺷﻲ ﻣﻌﺎﻫﺎ
ﺑﺲ ﻧﺎ ﺷﺎﻃﺮﻩ ﻭﻧﻌﺮﻑ
ﻣﺮﺍﺩ : ﺍﺷﻮﻱ ﺍﻟﺤﻮﺕ ﻛﻮﻳﺲ ﻣﺶ ﺗﺤﺮﻗﻴﻪ؟؟ﻭﻻ ﺗﺨﻠﻴﻪ ﻧﻲ؟ ﻧﺒﻴﻪ ﻃﺎﻳﺐ ﺑﺸﻜﻞ ﻣﺘﻮﺍﺯﻥ
ﻋﺎﺋﺸﻪ : ﺳﺎﻋﺪﻧﻲ ﺷﻮﻳﻪ؟
ﻣﺮﺍﺩ : ﻻﻻ ﻧﺎ ﻧﻜﺘﻔﻲ ﺍﻧﻲ ﻧﺘﻔﺮﺝ ﻓﻘﻂ؟
ﺟﺎ ﺑﺎﺑﺎ ﻭﻛﺴﺪﻧﺎ ﻗﺪﺍﻡ ﺍﻟﺤﻮﺵ ﻃﺒﻌﺎ ﻣﻨﻄﻘﻪ ﻓﺎﺿﻴﻪ ﺧﺪﻳﻨﺎ ﺭﺍﺣﺘﻨﺎ ﻭﺷﻮﻳﻨﺎ
ﻭﻛﺴﺪﻧﺎ ﻭﺿﺤﻜﻨﺎ
ﻭﻓﻲ ﺍﻟﻠﻴﻞ
ﻣﺮﺍﺩ : ﻫﻴﺎ ﺍﻣﻲ ﺑﻜﺮﻩ ﻋﻨﺪﻱ ﺷﻐﻞ ﺻﺒﺢ ﺑﺪﺭﻱ؟
ﻣﺎﻣﺎ : ﻣﺰﺍﻝ ﺑﺪﺭﻱ
ﺑﺎﺑﺎ : ﺍﻗﻌﺪﻭ ﻫﺪﺭﺯﻭ؟
ﻣﺮﺍﺩ : ﻣﺮﻩ ﺍﺧﺮﺍ ﻭﺍﻟﻠﻪ ﻋﻨﺪﻱ ﺷﻐﻞ ﺑﻜﺮﻩ ﻓﻲ ﺻﺒﺢ
ﻣﺎﻣﺎﻙ ﻋﺎﻭﺩﻭﻫﺎ ﻭﺍﻟﻠﻪ ﻏﻴﺮﻧﺎ ﺟﻮ؟
ﺭﻳﻤﺎﺱ : ﻣﺮﻩ ﺟﺎﻳﻪ ﺟﻴﺒﻠﻨﺎ ﻟﺤﻢ ﻭﻃﻨﻲ؟
ﺍﻧﺎ : ﻫﻬﻬﻬﻬﻪ ﺍﺳﻜﺘﻲ
ﻣﻼﻙ : ﺷﻜﺮﺍ ﻫﻨﻮﺩﻩ ﻉ ﺩﺭﺟﺎﺣﻪ 😂
ﻣﺎﻣﺎ : ﺍﺻﻐﻴﺮﻩ ﻭﺍﻟﻠﻪ ﻉ ﺩﺭﺍﺟﻴﺢ؟ 😒
ﻣﻬﻨﺪ : ﺭﺍ ﺗﺨﻠﻲ ﺍﺑﺘﻬﺎﻝ ﺗﻘﻌﺪ ﻋﻠﻴﻬﺎ ﺗﻨﻘﻄﻊ ﻫﻬﻬﻬﻬﻬﻬﻪ
ﺍﺑﺘﻬﺎﻝ : ﺻﻘﻊ ﻋﻠﻴﻚ
ﺧﺎﻟﺘﻲ : ﻫﻴﺎ ﻭﻣﻌﺶ ﺗﻨﺎﺑﺶ ﺑﻨﺎﺕ ﺧﺎﻟﺘﻚ ﺍﻛﺒﺮ ﻣﻨﻚ؟
ﻣﻬﻨﺪ : ﻉ ﺍﺳﺎﺱ ﻓﻲ ﻓﺮﻕ ﺑﻴﻨﺎﺗﻨﺎ ﺍﺑﺘﻬﺎﻝ ﺍﻛﺒﺮ ﻣﻨﻲ ﺑﺴﻨﻪ ﺑﺲ
ﻣﻼﻙ : ﺍﺳﻤﻨﺎ ﺍﻛﺒﺮ ﻣﻨﻚ ؟ﻏﺼﺒﺎ ﻋﻨﻚ؟ 😂
ﻣﻬﻨﺪ : ﺍﻧﺘﻲ ﺍﻛﺒﺮ ﻣﻨﻲ ﻭﺍﺑﺘﻬﺎﻝ ﻏﺼﺒﺎ ﻋﻨﻲ ﻫﻬﻬﻬﻬﻬﻬﻬﻬﻬﻪ ﻫﻚ ﺍﺳﺎﻣﻴﻜﻦ؟😂
ﺭﻳﻤﺎﺱ : ﻫﻬﻬﻬﻬﻬﻬﻪ 😂
ﺧﺎﻟﺘﻲ : ﺳﺎﻣﻂ ﺑﻜﻞ ﻫﻴﺎ ﺧﻮﻙ ﺑﺒﻴﺮﻭﺡ
ﺧﺸﺖ ﺧﺎﻟﺘﻲ ﺗﺎﺧﺪ ﻓﻲ ﺣﺎﺟﺘﻬﺎ
ﻭﺑﻨﺎﺕ ﺿﻤﻦ ﺍﻟﻠﻲ ﻗﺪﺍﻡ ﺍﻟﺤﻮﺵ
ﻋﺎﺋﺸﻪ : ﺑﻜﺮﻩ ﻋﻨﺪﻱ ﻣﺤﺎﺿﺮﻩ؟ ☺
ﻣﺮﺍﺩ : ﺑﻪ ﻣﻮﻓﻘﻪ ☺
ﻋﺎﺋﺸﻪ : ﻣﺘﺒﺶ ﺗﺠﻲ؟ 😒
ﻣﺮﺍﺩ : ﻻ
ﻋﺎﺋﺸﻪ : ﺷﻮﻳﺖ ﺍﻟﺤﻮﺕ ﻛﻠﻪ؟ 😞
ﻣﺮﺍﺩ : ﺳﺎﻋﺪﻙ ﺑﺎﺗﻚ ﻣﺘﻨﺤﺴﺒﺶ؟ 😉
ﻋﺎﺋﺸﻪ : ﺑﺮﻭﺣﻪ ﺳﺎﻋﺪﻧﻲ 😣
ﻃﻠﻊ ﻭﻟﻊ ﺳﻴﺎﺭﺗﻪ
ﻃﻠﻌﺖ ﺧﺎﻟﺘﻲ ﻭﻣﻬﻨﺪ
ﻭﺭﻭﺡ ﺑﻴﻬﻢ
ﺧﺎﻟﺘﻲ : ﻧﻬﻲ؟؟؟
ﻣﺮﺍﺩ : ﻛﻨﻬﺎ؟
ﺧﺎﻟﺘﻲ : ﺑﻨﻌﺪﻭ ﻧﺨﻄﺒﻮﻫﺎ؟
ﻣﺮﺍﺩ : ﻧﻬﻲ ﻛﻴﻒ ﺍﺧﺘﻲ ﺑﺲ ﻛﻨﻪ ﻧﺸﻔﻄﻮ ﻧﺎ ﻭﻳﺎﻫﺎ؟
ﺧﺎﻟﺘﻲ : ﺧﻮﺍﺗﻚ ﻓﻲ ﻛﺘﻴﺐ ﺍﻟﻌﻴﻠﻪ؟
ﻣﺮﺍﺩ : ﻧﻬﻲ ﺍﺧﺘﻲ؟
ﺧﺎﻟﺘﻲ : ﺍﻟﺒﻨﺖ ﺧﺸﺖ ﺧﺎﻃﺮﻱ ؟
ﻣﺮﺍﺩ : ﺍﻧﺘﻲ ﺍﻟﺒﻨﺎﺕ ﻛﻠﻬﻦ ﺧﺸﺎﺕ ﺧﺎﻃﺮﻙ ﺷﻮﻕ ﺑﻨﺎﺕ ﺑﺲ ﻻﻥ ﻣﻌﻨﺪﻛﺶ ﺑﻨﺎﺕ
ﺧﺎﻟﺘﻲ : ﻧﺒﻲ ﺍﻧﺪﻭﺭﻟﻚ ﻧﺎ؟
ﻣﺮﺍﺩ : ﻋﺎﺋﺸﻪ؟
ﺧﺎﻟﺘﻲ : ؟؟؟ﻣﺶ ﺧﻼﺹ ﻣﻮﺿﻮﻋﻬﺎ؟
ﻣﺮﺍﺩ : ﺍﺻﻠﺤﻨﺎ
ﺧﺎﻟﺘﻲ : ﻟﻌﺐ ﻫﻮﺍ؟
ﻣﺮﺍﺩ : ﺑﻨﺖ ﺍﺧﺘﻚ ﻓﻲ ﻧﻬﺎﻳﻪ؟
ﺧﺎﻟﺘﻲ : ﺑﻨﺖ ﺍﺧﺘﻲ ﺑﺲ ﺍﻧﺖ ﻭﻟﺪﻱ
ﻣﻬﻨﺪ : ﻗﺼﺪﻙ ﺍﻧﺖ ﺑﺘﺰﻭﺝ ﻋﺎﺋﺸﻪ؟
ﻣﺮﺍﺩ : ﺷﻦ ﺭﺍﻳﻚ؟
ﻣﻬﻨﺪ : ﺧﻮﺩ ﻣﻼﻙ ﺧﻴﺮﻟﻚ ﻭﺍﻟﻠﻪ ﻓﻴﻬﺎ ﺟﻮ ﻳﺎﺭﻳﺘﻬﺎ ﺍﺻﻐﺮ ﻣﻨﻲ ﻛﻨﺖ ﺧﺪﻳﺘﻬﺎ
ﻣﺮﺍﺩ : ﻫﻬﻬﻬﻬﻬﻬﻪ
ﺧﺎﻟﺘﻲ : ﻣﻼﻙ ﻫﺬﻱ؟
ﻣﺮﺍﺩ : ﻃﻴﺒﻪ ﺍﻟﺒﻨﺖ؟
ﺧﺎﻟﺘﻲ : ﻃﺎﻳﺸﻪ ﻭﻫﺒﻠﻪ ﺑﺲ ﻃﻴﺒﻪ ﻣﻬﺒﻠﻪ ﺍﺧﺘﻬﺎ ﻓﻲ ﺟﺮﺗﻬﺎ
ﻣﺮﺍﺩ : ﺷﻦ ﻗﻠﺘﻲ ﻉ ﻣﻮﺿﻮﻉ ﻋﺎﺋﺸﻪ؟
ﺧﺎﻟﺘﻲ : ﻭﺍﻟﻠﻪ ﺍﻧﺖ ﺣﺮ
ﻣﺮﺍﺩ : ﺑﺲ ﻣﺘﺤﻜﺶ ﺗﻮﺍ ﻣﻊ ﺧﺎﻟﺘﻲ ﺑﻨﺤﻞ ﻣﻮﺍﺿﻴﻌﻲ ﻗﺒﻞ
ﺧﺎﻟﺘﻲ : ﺍﺳﻤﻊ ﺑﻨﺪﻳﺮ ﻋﺮﺱ ﺭﺟﺐ ﻭﻫﻨﺪ ﺑﻌﺪ ﺍﻟﻌﻴﺪ ﻭﺍﺗﻔﻘﺖ ﺍﻣﺲ ﻧﺎ ﻭﺟﻤﻴﻠﻪ
ﻭﺍﻟﺮﺟﺎﻟﻪ ﺍﺗﻔﻘﻮ ﻉ ﻛﻞ ﺣﺎﺟﻪ ﻧﺒﻲ ﻓﺮﺣﻚ ﻣﻌﺎﻩ ﻣﺼﺎﺭﻳﻒ ﻣﺮﻩ ﻭﺣﺪﻩ
ﻣﺮﺍﺩ : ﺍﺻﺒﺮﻱ ﺷﻮﻳﻪ ﺧﻠﻴﻨﻲ ﻧﺪﻳﺮ ﻣﻴﺰﺍﻧﺘﻲ
ﻣﻬﻨﺪ : ﺍﺳﻤﻊ ﺣﺘﻲ ﻧﺎﺏ ﻧﺨﺪﻡ ﻓﻲ ﻋﻘﺎﺭﺍﺕ ﺑﻌﺪ ﻧﻜﺒﺮ ﺑﻨﺪﻳﺮ ﻓﻠﻮﺱ ﻛﻴﻔﻚ😍😍
ﻣﺮﺍﺩ : ﺍﻧﺖ ﻏﻴﺮ ﺩﻭﺭ ﻣﺤﻞ ﻟﺼﻖ ﻓﻴﻪ ﺭﻭﺣﻚ ﺑﺪﻝ ﻣﺎﻻﺻﻖ ﻓﻲ ﺍﻣﻚ 😒
ﺧﺎﻟﺘﻲ : ﻣﺰﺍﻝ ﺍﺻﻐﻴﺮ 😠
ﻣﺮﺍﺩ : ﻣﻌﺶ ﺩﻟﻌﻴﻪ ﻣﺶ ﺍﺻﻐﻴﺮ ﻋﻤﺮﻩ 16 ﻗﺮﻳﺐ
ﺧﺎﻟﺘﻲ : ﻣﻨﺒﺶ ﻳﺸﺘﻐﻞ
ﻣﺮﺍﺩ : ﺗﻮ ﻧﺪﻭﺭﻟﻪ ﺷﻐﻞ ﺍﻗﻞ ﺷﻲ ﻳﺼﺮﻑ ﻉ ﺭﻭﺣﻪ ﺧﻴﺮ ﻣﺎﻫﺎﻟﻜﻨﻲ ﻫﺎﺕ 5 ﻫﺎﺕ 10
ﻣﻬﻨﺪ : ﻧﺒﻲ ﺷﻐﻞ ﻓﻴﻪ ﺭﺍﺣﻪ؟
ﻣﺮﺍﺩ : ﺗﺒﻲ ﻃﺮﻳﺤﻪ ﺍﻧﺖ؟
ﺧﺎﻟﺘﻲ : ﺑﺸﻮﻳﻪ ﻉ ﺧﻮﻙ ﻛﻨﻚ ﺍﻧﺖ؟
#
#
#
ﻣﻼﻙ : ﻋﻠﻴﻚ ﺣﻆ ﻫﻬﻬﻬﻬﻬﻬﻬﻬﻪ 😂😂
ﻋﺎﺋﺸﻪ : ﻣﺶ ﻣﺼﺪﻗﻪ ﻓﺮﺣﺎﻧﻪ 😍😍
ﺍﺑﺘﻬﺎﻝ : ﻇﻠﻤﻨﺎ ﻧﻬﻲ؟ 😂😂😱
ﻣﻨﻴﺎ : ﺣﻲ ﻣﻌﻨﺎﻫﺎ ﻓﺮﺣﻚ ﻗﺮﻳﺐ ﻻﻥ ﺍﻣﺲ ﺧﺎﻟﺘﻲ ﻗﺎﻟﺖ ﺍﻧﻬﻢ ﺍﺗﻔﻘﻮ ﻣﻊ ﺑﺎﺕ ﻭﻋﻤﺎﻡ ﻫﻨﺪ
ﺍﻥ ﻓﺮﺡ ﺑﻌﺪ ﺍﻟﻌﻴﺪ ﻉ ﻃﻮﻝ
ﺍﻧﺎ : ﺑﻨﺼﺒﻲ ﻧﺸﺮﺏ ﻣﻴﻪ
ﺧﺸﻴﺖ ﻟﻠﻤﻄﺒﺦ
ﻧﺴﻤﻊ ﻓﻲ ﻣﺎﻣﺎ ﺗﺤﻜﻲ ﻣﻊ ﺑﺎﺑﺎ ﻓﻲ ﻣﻮﺿﻮﻉ ﻣﻨﻌﻢ
ﺳﻤﻌﺖ ﺳﻤﻌﺖ ﺳﻤﻌﺖ
ﺑﺎﺑﺎ : ﻭﻓﻲ ﻧﻬﺎﻳﻪ ﺑﺮﺍﺣﺘﻬﺎ ﻧﺎ ﻣﻨﻐﺼﺒﻬﺎﺵ؟
ﻣﺎﻣﺎ : ﻗﺎﻟﺖ ﺍﻧﻬﺎ ﻣﺘﺮﻳﺤﺘﺶ ﻣﻌﺎﻩ
ﺑﺎﺑﺎ : ﺧﻼﺹ ﺗﻮ ﻧﺎ ﻧﻜﻠﻤﻬﻢ ﻭﻧﻨﻬﻲ ﺍﻟﻤﻮﺿﻮﻉ
ﻣﺎﻣﺎ : ﻣﻊ ﺍﻥ ﺍﻟﺪﺍﺭ ﻛﻮﻳﺴﻪ؟
ﺑﺎﺑﺎ : ﺧﻠﻴﻬﺎ ﺑﺮﺍﺣﺘﻬﺎ ﻓﻲ ﻧﻬﺎﻳﻪ ﺗﺴﻴﺒﻪ ﺗﻮﺍ ﺧﻴﺮ ﻣﺎﺗﺮﻭﺡ ﻣﻄﻠﻘﻪ ؟
ﻣﺎﻣﺎ : ﺗﻲ ﻧﺎ ﻫﺬﻱ ﺍﻟﻠﻲ ﺧﻔﺖ ﻣﻨﻬﺎ
ﺣﺴﻴﺘﻪ ﻫﻢ ﻭﻧﺰﺍﺡ 😌
ﺧﺸﻴﺖ ﻓﺮﺣﺎﻧﻪ ﻟﻠﺒﻨﺎﺕ ﻭﺣﻜﻴﺘﻠﻬﻦ
ﻗﻌﺪﺕ ﻃﻮﻝ ﺍﻟﻴﻞ ﻋﺎﺋﺸﻪ ﺗﻜﻴﻠﻨﺎ ﻭﻣﺴﻜﺘﺘﺶ ﺑﻜﻞ ﻣﻦ ﻛﺜﺮ ﻣﺎﻫﻴﺎ ﻓﺮﺣﺎﻧﻪ
ﻭﻣﺶ ﻣﺼﺪﻗﻪ ﺍﻟﻠﻲ ﺻﺎﺭ ﻣﻌﺎﻫﺎ ﻭﻻ ﻧﺎ ﺍﻟﺼﺮﺍﺣﻪ؟
ﻣﺮﻥ 3 ﺍﻳﺎﻡ ﻳﻌﻨﻲ ﻳﻮﻡ ﺛﻼﺙ
ﺍﻟﻴﻮﻡ ﺍﻟﻤﺸﺆﺅﺅﻭﻡ ..
ﻧﻀﺖ ﻓﻲ ﺻﺒﺢ ﻭﻣﻮﺿﻮﻉ ﻣﻨﻌﻢ ﺍﺻﻜﺮ ﻧﻬﺎﺋﻲ ﻭﺣﻄﻴﺘﻪ ﻓﻲ ﻗﺎﺋﻤﺔ ﺍﻟﺮﻓﺾ ﻻﻥ ﻣﻌﻨﺪﺵ ﻣﺒﺒﺮﺍﺕ
ﻧﻘﻮﻟﻬﻦ ﻻ
ﺻﺒﺎﺡ ﺟﺪﻳﺪ ﻳﻮﻡ ﺟﺪﻳﺪ ﻛﺴﺎﺩ ﺟﺪﻳﺪ ﻣﻠﻞ ﺟﺪﻳﺪ
ﺍﻧﺎ : ﻋﻮﻳﺸﻪ ﻣﻌﻨﺪﻛﺶ ﻣﺤﺎﺿﺮﺍﺕ ﺍﻟﻴﻮﻡ؟ﺷﻦ ﺩﻳﺮﻱ؟
ﻋﺎﺋﺸﻪ : ﻻﻻ ﻋﻨﺪﻧﺎ ﺯﻱ ﺍﻟﺒﺤﺚ ﺍﻭ ﻣﺸﺮﻭﻉ ﻃﺎﻟﺒﻪ ﻣﻨﻪ ﺍﻟﺪﻛﺘﻮﺭ ﻣﻤﻞ ﺑﻜﻞ
ﻫﺬﻱ ﻋﺠﻴﻨﻪ ﺑﻨﺪﻳﺮﻭ ﺑﻴﻬﺎ ﻃﺎﻗﻢ؟ﺍﺳﻨﺎﻥ؟
ﺍﻧﺎ : ﻋﻠﻴﻚ ﻗﺮﻑ 😷
ﻋﺎﺋﺸﻪ : ﺍﻟﻠﻪ ﻏﺎﻟﺐ ﺑﺲ ﻓﻴﻬﺎ ﺟﻮ ﺷﻮﻳﻪ
ﺍﻧﺎ :| ﻣﺮﺍﺩ ﻣﺮﻧﺶ؟
ﻋﺎﺋﺶ : ﻳﺮﻥ ﺑﺲ ﻳﺎﺭﻳﺘﻪ ﻣﺎﻳﺮﻥ ... ﺗﺤﻜﻲ ﻉ ﻗﻂ ﻳﺠﻴﻂ ﻧﻂ
ﺍﻧﺎ : ﻫﻮﺍ ﻳﺮﻥ؟ 📞📞📞
ﻋﺎﺋﺸﻪ : ﺍﻟﻮ
ﻣﺮﺍﺩ : ﻫﻼ
ﻋﺎﺋﺸﻪ : ﻭﻏﻼ؟
ﻣﺮﺍﺩ : ﺍﻣﻲ ﻗﺎﻋﺪﻩ ﻓﻲ ﺍﻻﺑﻴﺎﺭ؟
ﻋﺎﺋﺸﻪ : ﻛﻨﻬﺎ؟
ﻣﺮﺍﺩ : ﻋﺮﺱ ﺑﻨﺖ ﻋﻤﺘﻲ ﻋﺎﺭﻓﻪ ﺍﻥ ﻋﻤﺘﻲ ﻭﺍﺧﺪﻫﺎ ﻭﺍﺣﺪ ﻓﻲ ﺍﻻﺑﻴﺎﺭ؟
ﻋﺎﺋﺸﻪ : ﺍﻫﺎ
ﻣﺮﺍﺩ : ﺑﻨﺠﻴﺒﻠﻚ ﺩﺑﺸﻲ ﺗﻐﺴﻠﻴﻪ ﻭﺗﺤﺤﺪﻳﻪ ؟؟
ﻋﺎﺋﺸﻪ : ﺍﻓﻔﻒ ﻋﻨﺪﻱ ﻗﺮﺍﻳﻪ ﻧﺎ؟؟ 😠
ﻣﺮﺍﺩ : ﺷﻨﻮ 😏
ﻋﺎﺋﺸﻪ : ﺣﺎﺿﺮ ﻓﺎﺿﻴﻪ ﻧﺎ ﺟﻴﺐ ﻭﺗﻮ ﻧﻐﺴﻠﻚ 😞😊
ﻣﺮﺍﺩ : ﻃﺒﻌﺎ ﺩﺑﺸﻲ ﻋﻨﺪﻩ ﻏﺴﻠﻪ ﻣﻌﻴﻨﻪ؟ ﺍﻭﻝ ﺣﺎﺟﻪ ﻧﻐﺴﻞ ﻓﻴﻪ ﺑﺸﺎﻣﺒﻮ؟
ﺭﺩ ﺑﺎﻟﻚ ﺗﺤﻄﻴﻠﻪ ﺗﺎﻳﺖ ؟؟ﺍﻭ ﺳﺎﺋﻞ ﺩﺑﺶ؟
ﻋﺎﺋﺸﻪ : ﺷﺎﻣﺒﻮ؟؟
ﻣﺮﺍﺩ : ﺍﻫﺎﺍ ﺷﺎﻣﺒﻮ ﺗﺮﻛﻲ؟ ﻻﻥ ﻣﺶ ﻣﺴﺦ ﺑﺲ ﻫﻚ ﻭﺧﺎﻳﻔﻪ ﻳﻔﺴﺪ ﺗﺤﻄﻲ ﻓﻲ ﺑﺎﻧﻴﻮ
ﺿﻐﻄﻴﻦ ﺍﻭ 3 ﺑﺎﻳﺪﻳﻚ ﺍﻟﻨﺎﻋﻤﺎﺕ ﻳﻘﻌﺪ ﺗﻤﺎﻡ ﺗﻤﺼﻤﺼﻴﻪ ﻛﻮﻳﺲ ﺑﻤﻴﻪ ﻭﺗﻨﺸﺮﻳﻪ
ﻭﺗﺤﺪﺩﻳﻪ؟؟
ﻋﺎﺋﺸﻪ : ﻣﻌﻨﺪﻧﺶ ﺣﺪﺍﺩ؟ 😒
ﻣﺮﺍﺩ : ﺗﻮ ﻧﺠﻴﺒﻠﻚ ﺷﺎﻣﺒﻮ ﻣﺘﺎﻉ ﺩﺑﺸﻲ ﻭﺣﺪﺍﺩﻱ ؟؟
ﻋﺎﺋﺸﻪ : ﺑﻪ ﺟﻴﺒﻬﻦ ﻭﺍﺿﺮ
ﻣﺮﺍﺩ : ﺣﻮﺷﻜﻢ ﺑﻌﻴﺪ؟ﺑﺲ ﻳﺎﻟﻠﻪ ﺍﻫﻢ ﺷﻲ ﻳﻨﻈﻒ ﺩﺑﺸﻲ؟ﻭﺍﻣﻚ ﺍﺻﻼ ﻋﻨﺪﻫﺎ ﻣﺸﻮﺍﺭ؟
ﻋﺎﺋﺸﻪ : ﺍﻫﺎ ﺍﻫﻢ ﺣﺎﺟﻪ ﻧﻈﺎﻓﻪ؟
ﻣﺮﺍﺩ : ﺍﻭﻙ ﺍﻗﺮﻱ ﺗﻮﺍ ﻋﻠﻲ ﻣﺎﺟﻴﺖ
ﻋﺎﺋﺸﻪ : ﺍﻫﺎ ﺣﺎﺿﺮ ﺗﻮ ﻧﻘﺮﺍ ﺍﻭﻙ؟
ﺻﻜﺮ
ﺍﻧﺎ : ؟؟؟؟
ﻋﺎﺋﺸﻪ : ﺍﻩ ﺑﻴﻬﺒﻠﻨﻲ ﻫﻀﺎ ﻛﻨﻪ ﻫﻜﻲ ﻫﻮﺍ؟ﺳﺎﻣﻂ ﺑﻜﻞ؟
ﺍﻧﺎ : ﺗﺴﺘﺎﻫﻠﻲ ﺍﻗﺮﻱ ﺍﻗﺮﻱ ﻭﺑﻼ ﻛﻼﻡ ﻓﺎﺿﻲ
ﻋﺎﺋﺸﻪ : ﻗﺎﻟﻲ ﺍﻣﻚ ﺗﺒﻲ ﻣﺸﻮﺍﺭ؟؟ﺷﻜﻠﻬﺎ ﻣﺎﻣﺎ ﺭﺍﻧﻪ ﻋﻠﻴﻪ؟
ﺍﻧﺎ : ﺗﻮ ﻧﺸﻮﻓﻬﺎ ﻛﻨﻬﺎ ﻛﻤﻠﻲ ﺍﻟﻌﻔﻦ ﺍﻟﻠﻲ ﻓﻲ ﻳﺪﻙ
ﺧﺸﻴﺖ ﻉ ﻣﺎﻣﺎ ﻓﻲ ﺩﺍﺭ ﺗﺒﺪﻝ
ﺍﻧﺎ : ﻭﻳﻦ؟؟؟
ﻣﺎﻣﺎ : ﺑﻨﻌﺪﻱ ﻟﺠﻤﻴﻠﻪ ﻭﻟﺪﻫﺎ ﻓﻲ ﺍﻟﻌﻨﺎﻳﻪ 😞
ﺍﻧﺎ ..:
........ ﻳﺘﺒﻊ
# fatma
