ﻣﻨﻘــﻮﻟﺔ
# ﻧﺎﺯﺣﻪ
ﺍﻟﺤﻠﻘﻪ 25
#
#
#
ﺣﻄﻴﻨﺎ ﺍﻟﻐﺬﺍﺀ ﺷﺮﻣﻮﻟﻪ ﻭﺩﺣﻲ ﻭﺗﻦ
ﻭﺗﻐﺬﻳﻨﺎ
ﺩﻕ ﺍﻟﺒﺎﺏ ﺑﻠﻘﻮﻩ
ﺍﻧﺎ : ﻛﻮﻟﻦ ﺗﻮ ﻧﻔﺘﺢ
ﺻﺒﻴﺖ ﻓﺘﺤﺖ
ﻫﺒﻪ : ﻫﻼﺍ
ﺍﻧﺎ : ﺧﺸﻲ ﻗﺎﻋﺪﻳﻦ ﻧﺘﻐﺪﻭﻭ ﺗﻐﺬﻱ ﻣﻌﺎﻧﻪ
ﻫﺒﻪ : ﻻﻻ ﻧﺒﻲ ﻣﻼﻙ ﻉ ﺳﺮﻳﻊ
ﺍﻧﺎ : ﺗﻲ ﻏﻴﺮ ﺧﺸﻲ ﺗﻐﺬﻱ ﻣﻌﺎﻧﻪ ﻫﻴﺎ ﺑﺲ
ﻫﺒﻪ : ﺑﺢ ﺑﺎﺗﻚ ﻗﺎﻋﺪ؟؟
ﺍﻧﺎ : ﻻﻻ ﺧﺸﻲ
ﻫﺒﻪ : ؟؟؟؟؟؟
ﺍﻧﺎ : ﻛﻨﻚ ؟؟ﺍ
ﻫﺒﻪ : ﺍﺍﻟﻠﻲ ﻓﻲ ﺭﻗﺒﺘﻚ ﺣﻠﻮﻩ ﺑﻜﻞ؟؟؟ ﺍﻣﻢ ﻣﻦ ﻣﻦ؟
ﺍﻧﺎ : ﺃﻱ ﻭﺣﺪﻩ ﺗﻘﺼﺪﻱ؟؟ﻫﻬﻬﻪ
ﻫﺒﻪ : ﺍﻟﻬﺎﺭﺕ؟
ﺍﻧﺎ : ﺀﺀﺀ ﺟﺘﻨﻲ ﻫﺪﻳﻪ
ﻫﺒﻪ : ﻣﻦ ﻣﻦ؟
ﺍﻧﺎ : ﺍﻣﻤﻢ ﺻﺤﺒﺘﻲ ﻟﻨﻪ ﻓﺘﺮﻩ ﻣﺸﻔﻨﺎﺵ ﺑﻌﻀﻨﺎ ﺗﺨﻴﻠﻲ ﻣﻦ ﻃﻠﻌﺘﻨﺎ ﻣﻦ ﻟﻴﺜﻲ؟؟؟
ﻫﺒﻪ : ﺍﻫﺎﺍﺍ ﻓﺘﺮﻩ ﻃﻮﻳﻠﻪ
ﺍﻧﺎ : ﻋﺠﺒﺎﺗﻚ؟
ﻫﺒﻪ : ﺣﻠﻮﻩ ﺑﻜﻞ
ﻣﻼﻙ : ﻫﺒﻮﺵ ﺗﻌﺎﻟﻲ ﻛﻮﻟﻲ
ﻫﺒﻪ : ﺑﻪ
ﺗﻐﺬﻳﻨﺎ ﻟﻤﻴﻨﺎ ﺍﻟﺼﻔﺮﻩ
ﺍﻧﺎ : ﺷﻦ ﺧﺎﻃﺮﻛﻢ ﺍﻟﻴﻮﻡ؟ﺗﺎﻛﻠﻮ؟
ﻣﻼﻙ : ﻻﻻﻻﻻﻻ ﺍﻟﻴﻮﻡ ﻓﻴﻚ ﺣﺎﺟﻪ ﻏﻠﻂ؟
ﺍﻧﺎ : ﺷﻨﻮ ﺍﻟﻠﻲ ﻏﻠﻂ
ﻣﻼﻙ : ﻓﺮﺣﺎﻧﻪ ﻭﺭﺍﻳﻘﻪ
ﻣﺎﻣﺎ : ﺩﻭﻭﻡ ﺩﻳﺮﻟﻨﺎ ﻛﻌﻚ ﻣﻌﺴﻞ ﺑﺠﻠﺠﻼﻥ
ﻣﻨﻴﺎ : ﺧﺎﻃﺮﻧﺎ ﻓﻴﻪ ﺑﻜﻞ
ﺭﻳﻤﺎﺱ : ﺩﻳﺮﻳﻪ ﻛﺒﻴﺮﻩ ﻭﻛﺜﺮﻳﻠﻪ ﺍﻟﻌﺴﻞ
ﺍﺑﺘﻬﺎﻝ : ﻭﻛﺜﺮﻳﻪ ﻣﺶ ﻳﻮﻣﻴﻦ ﻭﻳﻜﻤﻞ
ﺍﻧﺎ : ﺣﺎﺿﺮ ﻣﻦ ﺍﻋﻴﻮﻧﻲ
ﻣﻼﻙ : ﺍﺧﺮﺍ ﺍﻋﻴﻮﻧﻚ؟ ﻫﻬﻬﻬﻬﻬﻪ
ﻫﺒﻪ : ﺩﻭﻡ ﻋﻠﻴﻬﺎ ﻛﻨﻚ ﻣﻌﺎﻫﺎ؟ .
ﻣﻼﻙ : ﻣﺴﺘﻐﺮﺑﻪ ﺑﺲ ﺗﻌﺎﻟﻲ ﺍﻧﺘﻲ ﻓﻲ ﺩﺍﺭ
ﺍﻧﺎ : ﺍﻻﺟﺘﻤﻌﺎﺕ ﻣﺘﺎﻋﺎﺕ ﻟﺪﻳﺎﺭ ﻧﺎ ﻣﻨﺤﺒﻬﻨﺶ ﻫﺪﺭﺯﻱ ﻫﻨﺎ
ﻣﻼﻙ : ﺍﻟﺒﻨﺖ ﺗﺒﻲ ﺗﺤﻜﻴﻠﻲ ﺍﺳﺮﺍﺭﻫﺎ؟
ﺭﻳﻤﺎﺱ : ﺍﻧﺎ ﺍﻛﺜﺮ ﻭﺣﺪﻩ ﻧﺤﻔﻆ ﻓﻲ ﺍﻻﺳﺮﺍﺭ ﻋﺎﺩﻱ ﺍﺣﻜﻲ ﻭﻓﻀﻔﻀﻲ ﻳﺎﻫﺒﻪ
ﻣﻨﻴﺎ : ﺍﺣﻜﻲ ﻣﻊ ﺭﻳﻤﺎﺱ ﻭﺍﻧﺘﻲ ﻣﻐﻤﻀﻪ ﺍﻋﻴﻮﻧﻚ ﻫﻬﻬﻬﻬﻬﻬﻪ
ﺍﺑﺘﻬﺎﻝ : ﻣﻊ ﺭﻣﻮﺳﻪ ﺳﺮﻙ ﻓﻲ ﺑﻴﺮ ﻫﻬﻬﻬﻬﻪ
ﺭﻳﻤﺎﺱ : ﻣﺎﻣﺎ ﺭﻳﺘﻲ ﺑﻨﺎﺗﻚ ﺍﻟﻔﻜﺮﻩ ﺍﻟﻠﻲ ﻳﻌﻄﻦ ﻓﻴﻬﺎ ﻋﻠﻴﺎ ﻟﻠﻨﺎﺱ؟؟
ﺍﻧﺎ : ﻭﺣﺪﻩ ﺗﺼﺒﻲ ﺗﻐﺴﻞ ﻟﻤﺎﻋﻴﻦ
ﻋﺎﺋﺸﻪ : ﻋﻨﺪﻱ ﻗﺮﺍﻱ ﻫﻨﺎ
ﻣﺎﻣﺎ : ﻋﻮﻳﺸﻪ ﺑﻨﺼﻠﻲ ﺍﻟﻈﻬﺮ ﻭﻧﺒﻴﻚ ﻓﻲ ﻣﻮﺿﻮﻉ
ﻋﺎﺋﺸﻪ : ﺑﺎﻩ
ﺍﻧﺎ : ؟؟؟؟؟؟؟؟
ﻣﺎﻣﺎ : ؟؟
ﺍﻧﺎ : ﻻﻻ ﺗﻌﺎﻟﻲ ﻫﻨﺎ ﺍﻧﺘﻲ ﻳﻠﻠﻲ ﺍﺳﻤﻚ ﻋﺎﺋﺸﻪ ؟؟
ﻋﺎﺋﺸﻪ : ﺍﻧﻌﻢ؟؟؟؟؟؟
ﺍﻧﺎ : ﺧﻄﺮﻫﺎﺍﺍﺍ ﺍﻟﻴﻮﻡ ﺍﺭﺑﻌﺎﺀ ﻣﺶ ﺍﺗﻔﻘﻨﺎ ﻉ ﺣﻤﻠﻪ ﻟﻴﻮﻡ ﺍﺭﺑﻌﺎﺀ ﺑﻨﺪﻳﺮﻭ ﺣﻤﻠﻪ ﻉ ﺷﻘﻪ ؟؟
ﻣﻼﻙ : ﻳﻴﻴﻪ ﻧﺤﺴﺎﺑﻚ ﻧﺴﻴﺘﻲ ﻗﺒﻞ ﻓﺮﺣﺖ
ﺍﺑﺘﻬﺎﻝ : ﺧﻠﻴﻨﻪ ﻓﻲ ﻛﻌﻚ ﻟﻤﻌﺴﻞ
ﺍﻧﺎ : ﻋﻴﻨﻜﻦ ﺗﻮ ﻧﺪﻳﺮﻩ ﻳﻮﻡ ﺍﺧﺮ
ﻋﺎﺋﺸﻪ : ﻋﻨﺪﻱ ﻗﺮﺍﻱ ﻫﻨﺎ
ﺭﻳﻤﺎﺱ : ﻧﺎ ﺗﺎﻋﺒﻪ ﻣﻦ ﻣﻌﻬﺪ
ﻣﻼﻙ : ﻋﻴﺐ ﺍﻟﻴﻮﻡ ﻋﻨﺪﻧﺎ ﻫﺒﻪ ﺍﻟﺤﻤﻠﻪ ﺍﻟﺨﻤﻴﺲ
ﺍﻧﺎ : ﺍﻟﻴﻮﻡ ﻭﺗﻮﺍ ﺍﺧﺮﺍﺍﺍ ﻋﺎﺋﺸﻪ ﺗﺎﺧﺪ ﺍﻟﺪﺍﺭ ﺍﻟﻲ ﻓﻴﻬﺎ ﺍﻟﺘﻠﻔﺰﻳﻮﻥ ﻓﺮﺷﻪ ﻟﻔﻴﻬﺎ ﻭﺣﻄﻴﻬﺎ ﻓﻤﻄﻠﻊ ﺍﻟﺪﺭﻭﺝ ﻭﺣﻮﻟﻲ ﻭﺟﻮﻩ ﻟﻔﺮﺍﺷﺎﺕ ﻭﺍﻻﻣﺨﺎﺩ ﺳﻴﻘﻴﻬﺎ ﺑﻠﻜﻠﻮﺭ ﻭﺻﺎﺑﻮﻥ
ﻭﺍﻏﺴﻠﻲ ﺍﻟﺮﻭﺷﻦ ﻭﻟﻤﻌﻲ ﺍﻟﺘﻠﻔﺰﻳﻮﻥ ﻭﻃﺎﻭﻟﺘﻪ
ﺭﻳﻤﺎﺱ ﻧﻔﺲ ﺍﻟﺸﻲ ﻟﻠﺪﺍﺭ ﺍﻻﺧﺮﺍ ﺑﺲ ﻫﺬﻱ ﺳﺎﻫﻠﻪ ﻭﻣﻔﻴﻬﺎﺵ ﺗﻠﻔﺰﻳﻮﻥ ﻃﻠﻌﻲ ﺍﻟﺪﺑﺶ ﺍﻟﻠﻲ ﻓﻲ ﺩﻭﻻﺏ
ﻃﺒﻘﻴﻪ ﻭﻋﻠﻘﻲ ﺍﻟﻠﻲ ﻃﺎﻳﺢ ﻭﺍﻟﺤﺎﺟﻪ ﺍﻟﻠﻲ ﺗﺒﻲ ﻏﺴﻞ ﺣﻄﻴﻬﺎ ﻓﻠﺤﻤﺎﻡ ﻟﻔﻲ ﺍﻟﻔﺮﺷﻪ ﻭﻃﻠﻌﻴﻬﺎ
ﻭﻓﻜﻲ ﻭﺟﻮﻩ ﺍﻣﺨﺎﺩ ﻭﻓﺮﺍﺷﺎﺕ ﺣﻄﻴﻬﻦ ﻓﻠﺤﻤﺎﻡ ﻭﺍﻏﺴﻠﻲ ﺍﻟﺮﻭﺷﻦ ﻭﺳﻴﻘﻴﻬﺎ
ﻣﺎﻣﺎ ﺍﻧﺘﻲ ﺧﻮﺩﻱ ﺩﺍﺭﻙ ﺑﺲ 💦
ﺭﻳﻤﺎﺱ : ﺑﺴﺲ ﺍﻧﺎ 😞..
ﺍﻧﺎ : ﺍﺹ ﻗﻄﻊ ﺍﻟﺤﺲ ﻣﻜﻤﻠﺘﺶ ﻛﻼﻣﻲ ﻧﺎ 😒
ﻣﻼﻙ ﻭﺍﺑﺘﻬﺎﻝ ﺍﻟﻤﻄﺒﺦ ﺗﻤﺴﺤﻠﻲ ﺍﻟﺪﻭﻻﺏ ﻭﺗﻨﺰﻟﻦ ﺍﻟﺤﻔﺎﻇﺎﺕ ﻛﻠﻬﻦ ﺗﻔﻀﻨﻬﻦ ﻭﺗﻐﺴﻠﻨﻬﻦ
ﻭﺗﻤﺴﺤﻨﻬﻦ ﻓﻲ ﻧﻔﺲ ﺍﻟﻮﻗﺖ ﻭﺗﺮﺩ ﺍﻟﺤﺎﺟﺎﺕ ﺍﻟﻠﻲ ﻓﻴﻬﻦ ﻭﺗﺮﺗﺒﻨﻬﻦ ﻓﻲ ﺩﻭﻻﺏ
ﻭﺛﻼﺟﻪ ﻧﻔﺲ ﺍﻟﺸﻲ ﺗﻔﻀﻨﻬﺎ ﺗﻐﺴﻠﻨﻬﺎ ﻭﺗﺮﺗﺒﻦ ﺧﻀﺮﺗﻬﺎ ﻭﻛﻮﺷﻪ ﺗﺒﻲ ﻏﺴﻞ
ﻭﻃﻮﺍﺟﻴﻦ ﻟﻴﻔﻪ ﻟﻴﻤﻮﻧﻲ ﻭﺩﻫﻚ ﻭﻭﺍﻏﺴﻠﻦ ﺳﺎﺳﻬﺎ ﺯﻳﻦ ﻭﺳﻴﻘﻨﻬﺎ 💦💨👊💦💦👉
ﻭﺍﻧﺎ ﻭﻣﻨﻴﺎ ﻧﺎﺧﺪﻭ ﺍﻟﺤﻤﺎﻡ ﻭﻭﺳﻂ ﺍﻟﺤﻮﺵ ﻫﺒﻮﺵ ﻧﺎ ﻧﺒﻲ ﻧﺴﻴﻖ ﺍﻟﺪﺭﻭﺝ
ﺑﻌﺪ ﻧﻮﺻﻞ ﻓﻴﻜﻢ ﻟﻮﻃﻪ ﺍﻧﺘﻲ ﻛﻤﻠﻲ ﻣﻨﺒﻴﺶ ﺣﺪ ﻳﻌﺎﺭﺽ
ﻭﻧﺒﻲ ﺍﻟﺸﻘﻪ ﺗﻠﻤﻊ ﺑﻨﺸﻮﻑ ﻭﺟﻲ ﻋﻠﻴﻬﺎ 😍💖💖✨✨⭐✨
ﻫﺒﻪ : ﺩﻑ ﻃﻮﺍﺟﻴﻦ ﻣﻨﺤﺒﺶ ﺍﻟﺤﻮﺳﻪ ﻧﺎ ﻫﻬﻬﻬﻬﻬﻬﻬﻬﻪ
ﺍﺑﺘﻬﺎﻝ : ﻋﻨﺪﻱ ﺍﻋﺘﺮﺍﺽ؟؟؟؟ 😒
ﺍﻧﺎ : ﺗﻔﻀﻠﻲ؟ 😒
ﺍﺑﺘﻬﺎﻝ : ﻋﻄﻴﻨﻲ ﻣﻨﻴﺎ ﻭﺧﻮﺩﻱ ﻣﻼﻙ .. ﻣﻼﻙ ﺗﻮ ﺗﻬﺮﺏ ﻭﺗﺨﻠﻴﻨﻲ ﺣﺎﺻﻠﻪ ﻓﻴﻪ ﺑﺮﻭﺣﻲ
ﻣﺮﻩ ﺗﻘﻮﻟﻲ ﺑﻨﺨﺶ ﻟﺤﻤﺎﻡ ﻣﺮﻩ ﺗﻘﻮﻟﻲ ﺑﻨﻔﺘﺢ ﻓﻴﺲ ﺩﻗﻴﻘﻪ ﻭﻧﺠﻴﻚ ﻭﻃﺒﻌﺎ ﻣﺘﺠﻴﺶ ﺍﻻ ﻟﻤﺎ
ﺍﻧﻜﻤﻞ؟؟؟؟؟؟ ﻧﺒﻲ ﻣﻨﻴﺎ 😌
ﻣﻼﻙ : ﺣﻴﻮﺍﻧﻪ ﻓﻀﺤﺖ ﺑﻴﺎ ﻗﺪﺍﻡ ﺍﻟﺒﻨﺖ 😱
ﻫﺒﻪ : ﻫﻬﻬﻬﻬﻬﻬﻬﻪ 😃
ﺍﻧﺎ : ﻗﺼﺪﻙ ﺑﺘﺨﻠﻴﻠﻲ ﻣﻼﻙ ؟؟ ﻻﻻ ﻳﺎﻋﻤﺮﻱ ﺍﻟﺤﻮﺵ ﻭﺍﻋﺮ ﻭﺑﻨﻐﻴﺮ ﺗﺮﺗﻴﺐ ﺍﻟﺼﺎﻟﻮﻥ
ﻭﺑﻨﺤﻮﻟﻪ ﻭﺑﻨﻄﻠﻊ ﻣﻦ ﺗﺤﺘﻪ ﺍﻟﻔﺮﺷﻪ ﻭﺑﻨﻐﺴﻠﻮ ﺍﻟﺤﻤﺎﻡ ﻣﻦ ﻓﻮﻕ ﻟﻌﻨﺪ ﻟﻮﻃﻪ
ﻭﻧﺴﻴﻘﻮ ﺍﻟﺸﻘﻪ ﻭﺑﻨﻄﻠﻌﻮ ﻉ ﺩﺭﻭﺝ ﻳﺒﻦ ﺗﻨﻈﻴﻒ ﺑﻤﻴﻪ ﻭﺻﺎﺑﻮﻥ 😒😒
ﻭﺑﻌﺪﻫﺎ ﺑﻨﺮﻛﺐ ﻧﺎ ﻭﻣﻨﻴﺎ ﺑﻨﻐﺴﻠﻮ ﺍﻟﻔﺮﺵ ﻣﺘﺎﻉ ﺍﻟﺪﻳﺎﺭ ﻭﻣﺘﺎﻉ ﻭﺳﻂ ﺍﻟﺤﻮﺵ؟؟؟ 😒
ﻣﻨﻴﺎ : ﻳﺎﻧﻌﻼﺍﺍﻱ ﻇﻬﺮﻱ 😱😱😱
ﺍﺑﺘﻬﺎﻝ : ﻳﺎﺳﻼﻡ ﻻﻻ ﻧﺒﻲ ﻣﻨﻴﺎ ﻧﺎ ﻣﻨﺶ ﻣﺘﻨﺎﺯﻟﻪ 😒
ﻣﻼﻙ : ﻭﻟﻴﺶ ﻣﺎﻧﺎ ﺍﻟﻠﻲ ﻧﺎﺧﺪ ﻣﻨﻴﺎ .. ﻣﻮﻧﻲ ﻣﺘﻜﻠﻤﺶ ﻭﻋﺎﺩﻱ ﺗﻨﻈﻒ ﺍﻟﻤﻄﺒﺦ ﺑﺮﻭﺣﻬﺎ 😍
ﻣﺶ ﻛﻴﻔﻚ ﻭﺍﻧﺘﻲ ﺗﺎﺧﺪﻙ ﺟﻴﻬﺎﻥ 😝😒
ﺍﺑﺘﻬﺎﻝ : ﻻﻻ ﻓﺮﺵ ﻣﻨﻐﺴﻠﺶ ﻣﻦ ﺗﻮﺍ \ ؟؟ ﻓﺮﺵ ﻣﻨﻐﺴﻠﺶ ﻛﺜﺮ ﺧﻴﺮﻱ ﻛﺎﻥ
ﺳﺎﻋﺪﺕ ﻓﻲ ﻧﺸﺮ 😒
ﺍﻧﺎ : ﻣﻮﻧﻲ ﺗﺒﻴﻨﻲ ﻭﻻ ﺗﺒﻲ ﺍﺑﺘﻬﺎﻝ؟؟ﻭﺍﻻ ﺗﺒﻲ ﻣﻼﻙ؟
ﻣﻨﻴﺎ : ﺍﻛﻴﺪﻩ ﺍﻧﺘﻲ 😍
ﺍﻧﺎ : ﻧﺎﻋﻠﻴﺎﺍﺍ ﻧﺎﺍﺍ ﻭﺧﻼﺹ 😘😘
ﻣﻼﻙ : ﻏﺶ ﺍﻳﻮﺍﻩ 😫
ﻣﺎﻣﺎ : ﺧﻼﺹ ﺑﻼ ﻗﻄﺎﻑ ﺻﺒﻦ ﻛﻴﻒ ﻣﺎﻗﺎﻟﺘﻠﻜﻦ ﺍﺧﺘﻜﻦ 😒
ﻫﺒﻪ : ﺗﻮ ﻧﺎ ﻧﺴﺎﻋﺪﻛﻦ ﻣﻼﻙ ﻭﺍﺑﺘﻬﺎﻝ ﻓﻲ ﻣﻄﺒﺦ ﻣﻊ ﺷﻮﻳﺔ ﺍﻏﺎﻧﻲ ﻓﺮﻗﻪ
ﻟﻴﺒﻴﻪ ﻳﻤﺸﻲ ﺍﻟﻮﻗﺖ 😍
ﺍﻧﺎ : ﺍﻫﻲ ﺟﺘﻜﻦ ﻣﺴﺎﻋﺪﻩ ﻛﻞ ﻭﺣﺪﻩ ﻣﻬﻤﺘﻬﺎ ✌👊👉
ﺻﺒﻴﻨﺎ ﻛﻠﻨﺎ ﻭﺑﺪﻳﻨﺎ ﻃﺎﻑ ﻃﺮﻃﺎﻑ ﻭﺗﺨﺒﻴﻂ ﻭﻣﻴﻪ ﻭﺻﺎﺑﻮﻥ ﻭﻛﻠﻮﺭ
ﻭﻭﻟﻌﻦ ﻣﻨﻈﻮﻣﻪ ﺍﻏﺎﻧﻲ ﻭﺑﺪﻳﻨﺎ ﻋﻠﻴﻬﺎ 🎶🎵🎶
#
#
#
ﻓﻲ ﻣﻄﺒﺦ
ﻫﺒﻪ : ﺷﺪ ﺣﻴﻠﻜﻦ ﻛﺎﻥ ﻧﺎ ﻫﺬﻱ ﺍﺧﺘﻲ ﻧﻨﺘﺤﺮ 😷
ﻣﻼﻙ : ﻛﻞ ﺷﻬﺮ ﺣﻤﻠﻪ ﻣﻊ ﺟﻴﻬﺎﻥ 😢
ﺍﺑﺘﻬﺎﻝ : ﺑﺲ ﺍﻟﺤﻖ ﺍﻛﺜﺮ ﺍﻟﺪﻫﻚ ﻳﺠﻲ ﻋﻠﻲ ﺟﻴﻬﺎﻥ ﻭﻣﻨﻴﺎ
ﻫﺒﻪ : ﻳﺎﺭﻳﺘﻬﺎ ﺍﺧﺘﻲ ﻣﻨﻴﺎ ﻓﻢ ﺳﺎﻛﺖ ﻭﻫﺪﻭﺀ ﻭﺭﻗﻲ ﻧﺎﻋﻠﻴﺎ ﻣﻨﻬﺎ 😍
ﻣﻼﻙ : ﻭﺣﺮﻩ ﺗﻤﺴﺢ ﺍﻟﻜﺒﺪ ﻓﻲ ﻣﺮﺗﺒﻪ 2 ﺑﻌﺪ ﺟﻴﻬﺎﻥ ﺩﻳﻤﻪ ﻧﺘﺎﺭﻛﻮ ﻋﻠﻴﻬﺎ ﻫﻬﻬﻬﻬﻪ 😃
ﺍﺑﺘﻬﺎﻝ : ﻭﺗﺎﺧﺪﻫﺎ ﺟﻴﻬﺎﻥ ﻛﺎﻟﻌﺎﺩﻩ 😒
ﻫﺒﻪ : ﻧﺤﻨﺎ ﺍﻟﺤﻤﻼﺕ ﻟﻜﺒﺎﺭ ﻧﺠﻴﺒﻮ ﻓﻲ ﻭﺣﺪﻩ ﺗﻨﻈﻔﻠﻨﺎ ﻧﺴﺎﻋﺪﻭﻫﺎ ﺣﺎﺟﻪ ﺑﺴﻴﻄﻪ
ﻭﻓﺮﺵ ﻣﻐﺴﻠﻪ ﻧﻔﻬﻤﻮﻩ ﻗﺎﺏ ﻣﺎﻋﻠﻴﻨﺎ ﺍﻻ ﻧﻄﺮﺣﻮ 👌😌
ﻣﻼﻙ : ﻳﻌﻮﻳﻨﻜﻢ ﺭﺍﺣﻪ ﻧﻔﺴﻴﻪ 😪
ﻫﺒﻪ : ﻫﻬﻬﻬﻬﻬﻬﻪ ﺑﻜﻞ ﺣﻮﺷﻨﺎ ﻟﻮﻃﻪ ﻭﺍﻋﺮ ﻧﺎﻋﻼﺍﻱ ﺳﺎﺩ ﻏﻴﺮ ﺍﻟﻤﺮﺍﺑﻴﻊ
ﻭﻭﻭﻭﻩ ﻭﺩﺍﺭ ﺧﻮﻳﺎ ﻛﺎﺍﺍﺭﺛﻪ ﻟﻴﻦ ﻧﺘﺤﺸﻤﻮ ﻗﺪﺍﻡ ﺍﻟﻮﻟﻴﻪ ﺍﻟﻠﻲ ﺗﻨﻈﻒ 😂
ﺍﺑﺘﻬﺎﻝ : ﺍﻟﺤﻤﺪﺍﻟﻠﻪ ﻣﻌﻨﺪﻧﺎﺵ ﺷﺒﺎﺏ 😌
ﻣﻼﻙ : ﺗﺨﺎﻳﻠﻲ ﻋﻨﺪﻧﺎ ﻫﻬﻬﻬﻪ 😱
ﻫﺒﻪ : ﻋﻨﺪﻧﺎ ﻋﻤﺮ ﺣﺼﻠﻪ ﺑﻜﻞ 😒
ﺍﺑﺘﻬﺎﻝ : ﻣﻊ ﺍﻥ ﺗﺸﻮﻓﻴﻪ ﺗﻘﻮﻟﻲ ﻫﺎﺩﻱ ﺑﻜﻞ
ﻫﺒﻪ : ﻫﻮﺍ ﻫﺎﺩﻱ ﻭﻣﻴﺤﺒﺶ ﺍﻟﻤﺸﺎﻛﻞ ﻭﻻ ﺍﻟﺪﺣﻨﺴﻪ ﺣﺘﻲ ﺧﻮﺍﻟﻲ ﻭﻋﻤﺎﻣﻲ
ﺗﺤﺴﻴﻪ ﻓﺎﺭﺽ ﺷﺨﺼﻴﺘﻪ ﻭﻫﻚ ﺑﺲ ﺣﺼﻠﻪ ﺑﻜﻞ ﻭﻣﺎﻣﺎ ﻣﺘﺮﺿﺶ ﻓﻴﻪ ﺷﻲ
ﻋﻤﻮﺭﻩ ﻭﻋﻤﻮﺭﻩ 👊
ﻣﻼﻙ : ﻻﺣﻈﺘﻬﺎ ﻓﻲ ﺍﻣﻚ ﺍﻧﻬﺎ ﺗﻔﻀﻠﻪ ﻋﻠﻴﻜﻦ 😷
ﻫﺒﻪ : ﻋﻤﺮ ﻓﻲ ﻛﻒ ﻭﻧﺎ ﻭﻫﻨﻮﺩﻩ ﻭﺑﺎﺑﺎ ﻭﻭﺧﻮﺍﻟﻲ ﻓﻲ ﻛﻒ ﻫﻬﻬﻬﻬﻬﻬﻬﻪ 😃
ﻛﺎﻥ ﺗﺸﻮﻓﻲ ﻳﻮﻡ ﺧﻄﺒﺘﻪ ﺗﺒﻜﻲ ﻣﻦ ﺟﺪ ﺟﺪﻫﺎ 😒
ﻣﻼﻙ : ﺭﺑﻲ ﻳﺨﻠﻴﻬﺎ ﻟﻜﻢ 😉
ﻫﺒﻪ : ﻧﺎ ﻧﺎﺧﺪ ﺍﻟﺜﻼﺟﻪ ﺑﺎﻫﻲ؟
ﻣﻼﻙ : ﺍﻫﺎ ﻭﺍﺑﺘﻬﺎﻝ ﺍﻟﺪﻭﺍﻟﻴﺐ ﻭﻧﺎﻡ ﺍﻋﻴﻦ ﺍﻟﻐﺬﺍ 😁
ﺍﺑﺘﻬﺎﻝ : ﻋﻴﻨﻚ ﻫﺬﻙ ﻧﻘﺴﻤﻮﻫﻦ ﻧﺎ ﻧﺎﺧﺪ ﺩﻭﻻﺏ ﺍﻟﻠﻲ ﻓﻮﻕ ﻣﺘﺎﻉ ﻛﺒﺎﺑﻲ
ﻭﺣﻔﺎﻇﺎﺕ ﻭﺍﻧﺘﻲ ﺧﻮﺩﻱ ﺍﻟﻠﻲ ﻟﻮﻃﻪ ﻣﺘﺎﻉ ﺳﻄﻮﻝ ﺩﻗﻴﻖ ﻭﻣﻜﺮﻭﻧﻪ
ﻣﻼﻙ : ﺍﻓﻔﻔﻒ ﻫﻴﺎ ﺳﺮﻳﺒﻚ ﻣﻴﻔﻀﺶ 😒
#
#
#
ﻛﻤﻠﻨﺎ ﻭﺷﻄﺒﻨﺎ ﻛﻞ ﺣﺎﺟﻪ ﻭﻛﻤﻠﻨﺎ ﺍﻟﺪﺭﻭﺝ ﻧﺎ ﻭﻣﻮﻧﻴﺎ ﻭﻃﻠﻌﺖ ﻫﻨﺪ ﻛﻤﻠﺖ ﺍﻟﻠﻲ ﻗﺪﺍﻡ ﺣﻮﺷﻬﻢ
ﻭﺭﻛﺒﺖ ﻟﻠﻔﺮﺵ ﻏﺴﻠﻨﺎﻩ ﻭﻧﺎﺩﻳﻨﺎ ﺑﺎﻗﻲ ﺍﻟﺒﻨﺎﺕ ﺍﺳﺎﻋﺪﻧﺎ ﻓﻲ ﻧﺸﺮﻩ ﻉ ﺳﻮﺭ
ﻧﺰﻟﺖ ﺍﻋﻈﺎﻣﻲ ﺧﻼﺍﺍﺍﺹ ﻣﺘﻜﺴﺮﻩ ﻧﺎ ﻭﻣﻨﻴﺎ 😓
ﻣﻨﻴﺎ : ﺗﻘﻮﻝ ﻋﻄﻴﻨﻲ ﻃﺮﻳﺤﻪ 😫
ﺍﻧﺎ : ﻭﻭﻭﻙ ﻛﺮﻋﻴﻪ ﺗﺴﻄﻴﺮ 😫
ﻣﺎﻣﺎ : ﻧﺸﺮﺗﻨﻪ ﻛﻠﻪ؟
ﻣﻨﻴﺎ : ﻛﻠﻪ 😌
ﻣﺎﻣﺎ : ﻭﻋﻠﻴﺶ ﺑﺘﺮﻗﺪﻥ ﺣﺘﻲ ﺑﺪﻳﻞ ﻣﺎﻓﻲ ؟
ﺍﻧﺎ : ﺣﻤﻮ ﺗﻮ ﻧﺤﻄﻮ ﻓﺮﺍﺷﺘﻨﺎ ﻉ ﺯﻟﻴﺰ ﺷﻦ ﺑﻴﺴﺮﻟﻨﺎ؟
ﻣﻨﻴﺎ : ﺍﺑﺮﺍﺩ ﺣﻲ ﻋﻠﻴﻨﺎ
ﺍﻧﺎ : ﺗﺤﻤﻠﻦ ﻫﺎﻟﻴﻠﻴﻪ ﺗﻮ ﺑﻜﺮﻩ ﻓﻲ ﻋﺸﻴﻪ ﻧﺰﻟﻮﻩ ﺣﻤﻮﻭ ﺻﻴﻒ ﺗﻮ ﻣﺴﺮﻉ ﻣﺎﻳﻘﺐ
ﻣﺎﻣﺎ : ﺍﻥ ﺷﺎﻟﻠﻪ ﻏﻴﺮ ﻣﺎﻳﺼﺒﺢ ﻋﺠﺎﺝ
ﺍﻧﺎ : ﺍﻥ ﺷﺎﺀﺍﻟﻠﻪ ﻻ ﺟﻮ ﻛﻮﻳﺲ
ﻫﺒﻪ : ﺧﻄﺮﻫﺎ ﺟﻮﻫﺎ ﺑﻜﺮﻩ ﻧﻌﺪﻭ ﻟﺤﻴﺎﻩ ﻣﻮﻝ ﺑﺎﻫﻲ؟
ﺍﻧﺎ : ﻓﻜﻴﻨﻲ ﻣﻨﻪ ﻣﻨﺤﺒﺶ ﺍﻧﻌﺪﻱ ﻟﻤﻜﺎﻥ ﻓﻲ ﺩﺑﺶ ﻋﺎﺭﻓﻪ ﺭﻭﺣﻲ ﻧﺼﺮﻑ ﻓﻠﻮﺳﻲ ﻛﻠﻬﻦ
ﻧﺎ ﺑﺨﻴﻠﻪ ﺑﺨﻴﻠﻪ ﺍﻻ ﻋﻨﺪ ﺍﻟﺪﺑﺶ ﻋﺎﺩﻱ ﻧﺤﻂ ﺍﻟﻒ ﻓﻲ ﻳﻮﻡ ﻫﻬﻬﻬﻬﻪ 😍😃
ﻫﺒﻪ : ﺧﺴﺎﺭﻩ ﻗﺒﻞ ﻗﻠﺖ ﻧﺎ ﻭﻫﻨﻮﺩﻩ ﻳﺸﻴﻠﻨﺎ ﻋﻤﺮ ﻭﺍﻧﺘﻲ ﺗﺸﻴﻠﻲ ﺧﻮﺍﺗﻚ 😞ﻋﺸﺎﻥ ﺳﻴﺎﺭﻩ ﺯﺣﻤﻪ 😔
( ﺍﻧﻘﻬﺮﺕ ﺑﻌﺪ ﻗﻠﺖ ﻻ ﻭﻋﺮﻓﺖ ﺍﻥ ﻋﻤﺮ ﺑﻴﻤﺸﻲ ﻋﻨﺸﻜﻠﻲ ﺑﻜﻞ ﻛﻴﻒ ﺑﻨﺮﻗﻌﻬﺎ ﺗﻮﺍ 😥😥😥
ﻧﺎ ﺷﻨﻮ ﺑﻨﻘﻮﻝ ﺗﻮﺍ ﻧﺎ )
ﻣﻼﻙ : ﺑﺎﻫﻲ ﺑﺎﻫﻲ ﻭﺭﺍﺱ ﺍﻣﻚ 😫
ﺭﻳﻤﺎﺱ : ﺷﻴﻠﻴﻨﺎ ﻣﺤﺒﻮﺳﺎﺕ ﻧﺤﻨﺎ 😒
ﺍﺑﺘﻬﺎﻝ : ﺣﺘﻲ ﻧﺎ ﻧﺴﻴﺘﻬﺎ ﺑﻨﻐﺎﺯﻱ ﻣﻦ ﻗﻠﺔ ﻟﻄﻠﻮﻉ 😞
ﺍﻧﺎ : ﺍﻣﻤﻢ ﺍﻭﻙ ﺍﺻﻼ ﺑﻜﺮﻩ ﺧﻤﻴﺲ ﺻﺎﺡ؟؟ﺍﻫﺎ ﻣﻌﻨﺪﺵ ﺷﻲ ﺍﻭﻙ ﺗﻮ ﻧﻌﺪﻭ ﻧﻐﻴﺮﻭ ﺟﻮ ☺
ﻣﻨﻴﺎ : ﻋﻮﻳﺸﻪ ﺗﻌﺪﻱ؟
ﻋﺎﺋﺸﻪ : ﻋﻨﺪﻱ ﻗﺮﺍﻳﻪ ﻣﺶ ﻓﺎﺿﻴﻪ 😒
ﺍﻧﺎ : ﻋﺪﻱ ﺍﻧﺘﻲ ﻳﺎﻣﻨﻴﺎ
ﻣﻨﻴﺎ : ﻻﻻ ﺩﺑﺸﻬﻢ ﺳﻤﺢ ﻏﺎﺩﻱ ﻓﻜﻴﻨﻲ ﻏﻴﺮ ﻧﻨﻘﻬﺮ ﻋﻴﻨﻚ ﺗﺤﻘﻬﺎ ﻭﺍﻳﺪﻙ ﻣﺎﻃﻘﻬﺎ 😁
ﻣﻼﻙ : ﺑﻜﻞ ﻋﻠﻴﻚ ﺩﺑﺶ 😍
ﺍﻧﺎ : ﺣﻄﻦ ﻓﻲ ﺭﺍﺳﻜﻦ ﺣﻨﺎﺧﺪ ﺳﻨﺪﻭﺗﺶ ﻟﻜﻞ ﻭﺣﺪﻩ ﻓﻴﻜﻦ ﻭﺣﻜﻴﺔ ﻗﺎﺯﻭﺯﺍ ﻓﻘﻂ 😒
ﻻ ﻏﻴﺮ ﻻ ﺩﺑﺶ ﻻ ﺷﻲ ﻣﺘﺤﺎﻭﻟﻨﺶ ﺣﺘﻲ ﺗﺤﻠﻤﻦ 😒
ﺍﺑﺘﻬﺎﻝ : ﺍﻧﺘﻲ ﺑﺮﻭﺣﻚ ﺗﺸﻮﻓﻲ ﺍﻟﺪﺑﺶ ﺗﻮ ﺗﺸﺮﻱ 😂 ﻣﻌﻨﺪﻛﺶ ﺭﻭﺡ ﻫﻬﻬﻬﻬﻬﻬﻬﻪ 😂
ﺍﻧﺎ : ﻳﺴﺘﺮ ﺍﻟﻠﻪ ﻫﻬﻬﻬﻬﻬﻬﻪ 😃
ﻫﺒﻪ : ﺍﻧﺘﻲ ﺳﺘﺎﻳﻠﻚ ﻳﻬﺒﻞ ﻳﺎﺟﻴﻬﺎﻥ ﺩﺑﺸﻚ ﻳﻬﺒﻞ ﺑﻜﻞ
ﺍﻧﺎ : ﺗﺴﻠﻤﻲ ﻳﺎﺭﺏ 😉
ﻣﻨﻴﺎ : ﻫﻴﺎ ﺍﻟﻠﻲ ﺗﺨﺘﺎﺭﻟﻨﺎ ﻓﻲ ﺍﻋﻴﺎﺩ ﻭﻣﻨﺎﺳﺒﺎﺕ
ﺍﻧﺎ : ﻣﻨﻴﺎ ﻭﺭﻳﻤﺎﺱ ﻭﺍﺑﺘﻬﺎﻝ ﻧﺎ ﻧﺨﺘﺎﺭﻟﻬﻦ ﻭﻋﻮﻳﺸﻪ ﻭﻣﻠﻮﻛﻪ ﻳﺨﺘﺎﺭﻥ ﺑﺮﻭﺍﺣﻬﻦ
ﻫﺒﻪ : ﺧﻼﺹ ﺑﻜﺮﻩ ﻉ ﻋﺼﺮ ﻧﻄﻠﻌﻮ؟
ﺍﻧﺎ : ﺍﻧﺸﺎﻭﺭ ﻣﺎﻣﺎ ﻭﺣﺎﺿﺮ
ﻧﺰﻟﺖ ﻫﺒﻪ
ﻫﺒﻪ : ﻫﻨﺪﺩﺩ 😲😱
ﻫﻨﺪ : ؟؟؟؟؟؟ﻛﻨﻚ
ﻫﺒﻪ : ﺟﻴﻬﺎﻥ؟
ﻫﻨﺪ : ؟؟؟؟؟؟
ﻫﺒﻪ : ﺟﻴﻬﺎﻥ ﻻﺑﺴﻪ ﺳﻠﺴﻪ ﺍﻟﻔﻀﻪ ﺍﻟﻠﻲ ﺷﺮﺍﻫﺎ ﻋﻤﺮ ﺍﻟﺘﺴﻨﻴﻢ؟ 😒
ﻫﻨﺪ : ﺍﻛﻴﺪ ﺗﺸﺒﻬﻠﻬﺎ؟ 😌
ﻫﺒﻪ : ﻭﺍﻟﻠﻪ ﻫﻴﺎ ﻣﺘﺎﻛﺪﻩ ﻧﺎ 😱
ﻫﻨﺪ : ﺷﻦ ﻋﺮﻓﻚ ﻉ ﺍﺳﺎﺱ ﻣﺼﻨﻌﻴﻦ ﻭﺣﺪﻩ ﻟﺨﻮﻙ ﺑﺲ ﺳﺎﻟﺘﻴﻬﺎ ﺑﻪ؟
ﻫﺒﻪ : ﺳﺎﻟﺘﻬﺎ ﻗﺎﻟﺖ ﻣﻦ ﺻﺎﺣﺒﺘﻬﺎ
ﻫﻨﺪ : ﺑﻪ ﻭﻧﻔﺮﺿﻮ ﺍﻥ ﻣﻦ ﻋﻤﺮ ﻋﻠﻴﺶ ﺑﻴﻌﻄﻴﻬﺎ ﻟﻬﺎ؟
ﻫﺒﻪ : ﺣﺘﻲ ﻧﺎ ﻣﻌﺮﻓﺘﺶ ﻟﻴﺶ ﻣﻤﻜﻦ ﻟﻘﺘﻬﺎ ﻃﺎﻳﺤﻪ ﻓﻲ ﺟﻨﺎﻥ؟
ﻫﻨﺪ : ﻣﻌﺘﻘﺪﺵ ﺍﻥ ﺟﻴﻬﺎﻥ ﺗﺎﺧﺪﻫﺎ ﺍﻛﻴﺪﻩ ﻟﻮ ﻟﻘﺘﻬﺎ ﻛﺎﻧﺖ ﺟﺖ ﻭﺳﺎﻟﺖ ﻋﻠﻴﻬﺎ
ﺍﻛﻴﺪﻩ ﻣﺶ ﻫﻴﺎﺍﺍ
ﻫﺒﻪ : ﺗﻲ ﻧﺎ ﺷﻔﺘﻬﺎ ﻭﻣﺘﺎﻛﺪﻩ ﺍﺧﺮﺍ ﺷﻔﺘﻬﺎ ﻳﻮﻡ ﻋﺮﺱ ﺻﻔﺎﺀ ﺑﻨﺖ ﻋﻤﺘﻲ ﻓﻲ ﺳﻴﺎﺭﻩ ﻭﻋﺠﺒﺘﻨﻲ ﺑﻜﻞ 😒
ﻫﻨﺪ : ﻋﻤﺮ ﻋﻄﺎﻫﺎ ﻟﺘﺴﻨﻴﻢ؟
ﻫﺒﻪ : ﻻ ﺣﺘﻲ ﺑﻌﺪ ﻋﺪﺍﻟﻬﺎ ﺍﻻﺳﺒﻮﻉ ﺍﻟﻠﻲ ﻓﺎﺕ ﻗﺎﻟﺘﻠﻲ ﻣﺠﺒﻬﺎﺵ ﻭﺗﺴﻨﻴﻢ ﺗﺒﻴﻬﺎ ﺗﺮﺟﻲ ﻓﻴﻬﺎ 😔
ﻫﻨﺪ : ﺍﺳﺎﻟﻲ ﻋﻠﻴﻬﺎ ﻋﻤﺮ؟
ﻫﺒﻪ : ﺍﻫﺎﻥ ﺭﺟﻲ ﻓﻴﻪ ﻳﺮﻭﺡ ﺑﻜﺮﻩ ﺑﻨﻌﺪﻭ ﻟﻠﻤﻮﻝ ﺑﻜﺮﻩ؟
ﻫﻨﺪ : ﻣﻮﻝ ﺷﻨﻮ؟
ﻫﺒﻪ : ﻥ ﺍﻭﻳﺎﻙ ﻭﻋﻤﺮ ﻭﺟﻴﻬﺎﻥ ﻭﺧﻮﺍﺗﻬﺎ ﺣﻴﺎﻩ ﻣﻮﻝ
ﻫﻨﺪ : ﻗﻠﺘﻲ ﻟﻌﻤﺮ؟
ﻫﺒﻪ : ﻣﺶ ﺣﻴﻘﻮﻝ ﻻ ﺗﻮ ﻧﻖ ﻉ ﺭﺍﺳﻪ ﻟﻌﻨﺪ ﻳﻮﺍﻓﻖ
ﻫﻨﺪ : ﻣﺴﺘﺤﻴﻞ ﻳﻮﺍﻓﻖ ﻋﻤﺮ ﺍﻟﺠﻮ ﻫﻀﺎ ﻣﻴﺤﺒﺶ
ﻫﺒﻪ : ﻧﺠﺮﺑﻮ ﺷﻦ ﺧﺎﺳﺮﻳﻦ؟ 😁
#
#
#
ﺭﻭﺡ ﻋﻤﺮ
ﻋﻤﺮ : ﺩﻳﺮﻭﻟﻲ ﻋﺸﺎﺀ
ﻫﺒﻪ : ﻧﺎ ﺗﻮ ﻧﺪﻳﺮﻟﻚ ﺗﻦ؟؟؟؟؟؟ 😍
ﻋﻤﺮ : ﺃﻱ ﺣﺎﺟﻪ ﺑﺴﺮﻋﻪ ﺟﻴﻌﺎﻥ 😒
ﻫﺒﻪ : ﺣﺎﺿﺮ
ﺩﺍﺭﺗﻠﻪ ﺳﻨﺪﻭﺗﺸﻴﻦ ﺗﻦ ﻭﻋﺼﻴﺮ
ﻫﺒﻪ : ﺍﺣﻤﻤﻢ ﻋﻤﻮﻭﻭﺭﻱ 😍
ﻋﻤﺮ : ﻧﻌﻢ ( ﻳﺎﻛﻞ ) 👊
ﻫﺒﻪ : ﺑﻜﺮﻩ ﻧﺒﻮﻙ ﻧﺎ ﻭﻫﻨﻮﺩﻩ ﺗﺸﻴﻠﻨﺎ ﻣﻮﻝ 😁
ﻋﻤﺮ : ﻣﺶ ﻓﺎﺿﻴﻠﻜﻦ ﻋﻨﺪﻱ ﺷﻐﻞ ﺍﻣﻲ ﺗﻮ ﺗﺸﻴﻠﻜﻦ
ﻫﺒﻪ : ﻻﻻ ﺍﻧﺖ ﺷﻴﻠﻨﺎ ﻣﺶ ﻣﺎﻣﺎ 😞
ﻋﻤﺮ : ﻭﻋﻠﻴﺶ ﻧﺎ؟ 😒
ﻫﺒﻪ : ﻫﻚ ﺍﻧﺖ ﺍﻟﻠﻲ ﺷﻴﻠﻨﺎ ﻣﺎﻣﺎ ﻣﺘﺤﺒﺶ ﺍﻟﻤﻮﻻﺕ ﻭ 5 ﺩﻗﺎﻳﻖ ﻭﺗﻘﻮﻝ ﻫﻴﺎ
ﻭﺗﻘﻌﺪ ﺧﺎﻳﻔﻪ ﻉ ﺳﻴﺎﺭﺗﻬﺎ ﻟﻮﻃﻪ 😒
ﻋﻤﺮ : ﻧﺎ ﺟﻮ ﻫﻀﺎ ﻣﻨﺤﺒﺶ ﻣﻮﻝ ﻣﺎ ﻣﻮﻝ ﺍﻃﻠﻌﻲ ﻣﻦ ﺭﺍﺳﻲ ﻭﺻﻜﺮﻱ ﺍﻟﻤﻮﺿﻮﻉ
ﻫﺒﻪ : ﻋﺸﺎﻥ ﺧﺎﻃﺮﻱ
ﻋﻤﺮ : ﺗﺮﺍ ﺻﺒﻲ ﻣﻦ ﻗﺪﺍﻡ ﻭﺟﻲ ﺧﻠﻴﻨﻲ ﻧﻌﺮﻑ ﻧﺎﻛﻞ
ﻫﺒﻪ : ﻋﻠﻴﻚ ﻓﻀﻴﺤﻪ ﺩﺭﺗﻬﺎ ﻟﻴﺎ ﺗﻮ ﻛﻴﻒ ﺑﻨﻘﻮﻝ ﻟﺠﻴﻬﺎﻥ ﻣﺼﺮﺵ ﻣﻨﻬﺎ؟
ﻋﻤﺮ : ﺟﻬﻴﻨﻪ ﻣﺎﺷﻴﻪ؟ 😳
ﻫﺒﻪ ": ﻫﻬﻬﻬﻬﻬﻬﻪ ﺟﻬﻴﻨﻪ
ﻋﻤﺮ : ؟؟؟
ﻫﺒﻪ : ﺍﻫﺎ ﻣﺎﺷﻴﻪ ﻗﺒﻞ ﺑﺲ ﺗﻮ ﻧﻘﻮﻟﻠﻬﺎ ﺗﻮﺍ ﻣﺼﺮﺵ
ﻋﻤﺮ : ﻻﻻ ﻋﻴﺐ ﻗﺼﺪﻱ ﻗﻮﻟﻲ ﻻﻣﻲ .. ﺍﻩ ﺍﻣﻲ ﻣﺘﺒﺶ ﺻﺎﺡ؟؟ ﺍﻭﻙ ﺗﻮ ﻧﺸﻴﻠﻜﻦ 😍 ﺑﺲ
ﻣﻄﻮﻟﻨﺶ 😠
ﻫﺒﻪ : ﻛﺬﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺏ؟؟؟؟؟؟؟ 😱
ﻋﻤﺮ : ﻋﺸﺎﻥ ﺧﺎﻃﺮﻙ ﺑﺲ 😉
ﻫﺒﻪ : ﻭﺍﻟﻠﻪ ﺍﻧﺖ ﻋﺴﻞ ﺑﺼﺮﺍﺣﻪ ﻣﺘﻮﻗﻌﺘﺶ ﺍﻧﻚ ﺑﺘﻮﺍﻓﻖ ﻳﺎﻋﻤﺮﻱ ﺍﻧﺖ 😍
ﻋﻤﺮ : ﺍﻟﺴﺎﻋﻪ ﻛﻢ ﺑﺘﻌﺪﻥ؟
ﻫﺒﻪ : 4 ﻭﻣﻌﺎﻫﺎ
ﻋﻤﺮ : ﻭﺗﻦ ﺭﻭﺍﺣﻜﻦ ﺑﺪﺭﻱ ﻭﻓﻜﻨﻲ ﻣﻦ ﻣﺪ ﺍﻟﻮﺟﻪ 😒
ﻫﺒﻪ : ﺣﺎﺍﺍﺿﺮ .. ﺧﻄﺮﻫﺎ ﺍﻟﺴﻠﺴﻠﻪ ﺍﻟﻠﻲ ﺷﻔﺘﻬﺎ ﻓﻲ ﻋﺮﺱ ﺻﻔﺎﺀ؟
ﻋﻤﺮ : ﻛﻨﻬﺎ؟ 😳
ﻫﺒﻪ : ﻣﺶ ﻗﺘﻠﻲ ﺷﺎﺭﻳﺘﻬﺎ ﻟﺘﺴﻨﻴﻢ ﻭﺑﺘﻌﻄﻴﻬﺎ ﻟﻬﺎ؟
ﻋﻤﺮ : ﺍﻫﺎﺍ
ﻫﺒﻪ : ﻛﻨﻚ ﻣﺎﻋﻄﻴﺘﻬﺎ ﻟﻬﺎ؟ 😒
ﻋﻤﺮ : ﺭﺍﺣﺖ ﺍﻋﺘﻘﺪ ﻭﻧﺎ ﻣﻌﺶ ﺩﻭﺭﺗﻬﺎ ﻭﻓﺘﺖ ﻟﻠﻤﻮﺿﻮﻉ
ﻫﺒﻪ : ﺍﻫﺎﺍ
ﻃﻠﻌﺖ ﺗﺠﺮﻱ ﻣﻦ ﻣﻄﺒﺦ
ﻭﺧﺸﺖ ﻟﺪﺍﺭﻫﺎ ﻃﻠﻌﺖ ﻧﻘﺎﻟﻬﺎ ﻭﺭﻧﺖ ﻉ ﺗﺴﻨﻴﻢ؟ 🎶
ﺗﺴﻨﻴﻢ : ﻭﻳﺒﻲ ﺣﺒﻴﺒﻲ 😍
ﻫﺒﻪ : ﺷﻦ ﺟﻮ ﻏﻼﻳﺎ؟
ﺗﺴﻨﻴﻢ : ﺗﻤﺎﻡ ﺷﻦ ﺻﺎﺭ؟ 😘
ﻫﺒﻪ : ﻭﺍﻓﻖ ﻫﻬﻬﻬﻬﻬﻬﻬﻬﻬﻪ 😍😍😍
ﺗﺴﻨﻴﻢ : ﻭﺍﺧﻴﺮﺍﺍﺍ ﻗﻠﺘﻴﻠﻪ ﺍﻥ ﻧﺎ ﺟﺎﻳﻪ؟
ﻫﺒﻪ : ﻻ ﺩﺍﻳﺮﺗﻬﺎ ﻻﻩ ﻣﻔﺎﺟﺎﻩ ﻭﻣﻘﻠﺘﻬﺶ ﻟﺤﺪ ﺍﻧﻚ ﺟﺎﻳﻪ
ﺗﺴﻨﻴﻢ : ﺑﺲ ﻛﻴﻒ ﻭﺍﻓﻖ؟؟ﻭﺍﻟﻠﻪ ﺩﻳﻤﻪ ﻧﻘﻮﻟﻪ ﻧﺘﻼﻗﻮ ﻓﻲ ﻣﻮﻝ
ﺍﻭ ﻣﻄﻌﻢ ﻳﻘﻮﻟﻲ ﻻ ﺟﻮ ﻫﻀﺎ ﻣﻨﺤﺒﺶ؟؟ 😒
ﻫﺒﻪ : ﺻﻘﻊ ﻋﻠﻴﻚ ﻧﺎ ﺍﺧﺘﻪ ﻭﻳﺤﺒﻨﻲ 😜
ﺗﺴﻨﻴﻢ : ﺟﺎﻳﺒﺘﻴﻠﻪ ﻋﺴﻞ ﻛﻴﻔﻲ ﻭﻛﻨﻪ ﻣﺎﻳﺤﺒﻚ ﻫﻬﻬﻬﻬﻬﻬﻬﻬﻪ 😉😌
ﻫﺒﻪ : ﻻ ﻳﺎﺣﺒﻲ ﻋﻤﺮ ﻣﻦ ﻳﻮﻣﻪ ﻳﻌﺰﻧﻲ ﻭﻣﻴﺤﺒﺶ ﻳﺮﻓﻀﻠﻲ ﻃﻠﺐ 😌
ﺗﺴﻨﻴﻢ : ﺑﺎﻫﻲ ﻳﺎﻗﻠﺒﻲ ﺭﺑﻲ ﻳﺨﻠﻴﻚ ﻟﻴﺎ
ﻫﺒﻪ : ﻭﻳﺨﻠﻴﻚ ﻟﻴﺎ ﺍﺳﻤﻌﻲ ﺑﻜﺮﻩ 4 ﺍﻗﻌﺪﻱ ﻭﺍﺗﻴﻪ ﺍﻧﺘﻲ ﻭﺩﺍﺭﻳﻦ
ﺍﻭﻝ ﻣﺎﻧﻄﻠﻊ ﻣﻦ ﺣﻮﺵ ﻧﺮﻥ ﻋﻠﻴﻚ؟ 😉
ﺗﺴﻨﻴﻢ : ﺍﻭﻙ ﻳﺎﻗﻠﺒﻲ 😍
ﻫﺒﻪ : ﺗﺼﺒﺤﻲ ﻉ ﺧﻴﺮ ﺭﻧﻲ ﻋﻠﻴﻪ ﻗﺒﻞ ﻣﺎﺗﺮﻗﺪﻱ؟
ﺗﺴﻨﻴﻢ : ﻗﺎﻋﺪ ﻓﻠﺤﻮﺵ ﻫﻮﺍ 😳
ﻫﺒﻪ : ﺍﻫﺎﺍ ﻳﺘﻌﺸﺎ ﺗﻮﺍ 😉
ﺗﺴﻨﻴﻢ : ﺗﻮ ﻧﺮﻥ ﻋﻠﻴﻪ ﻧﺎﺑﺸﻪ ﺍﻭﻙ ﺣﺒﻴﺘﻲ 😘
ﻫﺒﻪ : ﺗﺸﺎﻭ ﻳﺎﺣﺒﻲ 😘
ﺻﻜﺮﺕ ﻣﻨﻬﺎ ﻭﺧﺸﺖ ﻋﻠﻴﻬﺎ ﻫﻨﺪ
ﻫﺒﻪ : ﺧﻄﺮﻫﺎ ﻛﻼﻣﻲ ﺻﺎﺡ ﻋﻤﺮ ﻣﺮﻳﺤﻬﺎ ﺳﻠﺴﻠﻪ ﻭﺟﻴﻬﺎﻥ ﻭﺍﺧﺪﺗﻬﺎ
ﺷﻜﻠﻬﺎ ﻟﻘﺘﺎﻫﺎ ﻃﺎﻳﺤﻪ ﺑﺲ ﻣﺘﻮﻗﻌﺘﻬﺶ ﺗﻜﺬﺏ؟
ﻫﻨﺪ : ﻣﺘﻈﻠﻤﻴﻬﺶ ﺑﺎﻟﻚ ﻣﺶ ﻧﻔﺴﻬﺎ ﺍﻭ ﻣﻤﻜﻦ ﻣﺬﻫﻮﺑﻪ ﺷﻴﺮﺗﻬﺎ ﺍﻭﻭ ﻣﺶ ﻋﺎﺭﻑ
ﺍﻭ ﻋﺠﺒﺘﻬﺎ ﻭﺗﺤﺸﻤﺖ ﻣﻨﻚ 😔
ﻫﺒﻪ : ﺯﻋﻤﺎ ﺳﺮﻗﺘﻬﺎ ﺍﻳﺎﻡ ﻋﻤﺮ ﻳﻌﻠﻢ ﻓﻴﻬﺎ ﻓﻲ ﺳﻮﺍﻗﻪ؟ﻻﻧﻬﺎ ﻛﺎﻧﺖ ﻓﻲ ﺳﻴﺎﺭﻩ؟ 😳
ﻫﻨﺪ : ﺗﻮﺍ ﻋﻤﺮ ﻣﺶ ﻣﻌﺪﻝ ﻭﺍﻧﻲ ﺗﺘﻬﻤﻲ ﻓﻲ ﺑﻨﺖ ﺣﺮﺍﻡ ﻋﻠﻴﻚ 😒
ﻫﺒﻪ : ﻋﻤﻮﻣﺎ ﻭﺍﻓﻖ ﻉ ﻣﺸﻴﺔ ﺑﻜﺮﻩ ✌😌
ﻫﻨﺪ : ﻣﺴﺘﺤﻴﻞ ؟؟ 😱
ﻫﺒﻪ : ﻭﺍﻟﻠﻪ ﻭﺍﻓﻖ ﻫﻬﻬﻬﻬﻬﻪ 😃
ﻫﻨﺪ : ﻏﺮﻳﺒﻪ ﻫﻬﻬﻬﻬﻬﻬﻪ ﺯﻋﻤﺎ ﺷﻦ ﻧﻠﺒﺴﻮ؟؟
ﻫﺒﻪ : ﺍﻣﻤﻢ ﻧﻔﺘﺤﻮ ﺍﻟﺪﻭﻻﺏ ﻭﻧﺴﻘﻮﻭ 😉
ﻫﻨﺪ : ﺑﻪ ﻫﻴﺎﺍ 😍
#
#
#
ﺭﻧﺖ ﺗﺴﻨﻴﻢ ﻋﻠﻲ ﻋﻤﺮ :
ﻋﻤﺮ : ﺍﻟﻮ
ﺗﺴﻨﻴﻢ : ﺻﺤﻪ؟
ﻋﻤﺮ : ﺳﻠﻤﻚ ﻛﻴﻒ ﺍﺧﺒﺎﺭﻱ ﺍﻭﻝ ﺑﺎﻭﻝ؟ 😉
ﺗﺴﻨﻴﻢ : ﻃﺒﻌﺎﺍ ﻣﻦ ﺗﻮﺍ ﻧﺴﺎﻝ ﺷﻦ ﺗﺤﺐ ﻭﺷﻦ ﻣﺎﺗﺤﺐ؟ﻭﺿﺮﻭﺭﻱ ﻧﻌﺮﻑ ﻣﻮﻋﺪ ﻋﺸﺎﺀ ﺭﺍﺟﻠﻲ 😌
ﻋﻤﺮ : ﺍﻣﻤﻢ ﺗﻮﺍ ﺑﺪﻳﺮﻱ ﺭﻭﺣﻚ ﺯﻭﺟﻪ ﻣﺠﺘﻬﺪﻩ؟ ﻣﺴﺘﺤﻴﻞ ﻓﻲ ﺑﺪﺍﻳﻪ ﺑﺘﻬﺘﻤﻲ
ﻭﺑﻌﺪﻫﺎ ﺗﻔﻮﺗﻲ 😝😒
ﺗﺴﻨﻴﻢ : ﻻﺍﺍﻩ ﻣﻨﺤﺒﺶ ﻧﺎ ﺩﻭﻩ ﻫﺬﻱ ﻏﻼﻳﺎ ﺍﺣﻜﻴﻠﻲ ﺷﻦ ﺟﻮ ﻟﺒﻼﺩ؟ 😒
ﻋﻤﺮ : ﻋﺎﺭﻓﺘﻴﻨﻲ ﻣﻨﺤﺒﺒﺶ ﻧﺤﻜﻲ ﻉ ﺟﻮ ﻟﺒﻼﺩ؟ 😒
ﺗﺴﻨﻴﻢ : ﺑﺎﻫﻬﻲ ﺍﺣﻜﻲ ﺃﻱ ﺷﻲ ☺
ﻋﻤﺮ : ﻣﻔﺶ ﺍﺧﺒﺎﺭ ﺑﺪﻳﺘﻮ ﺩﺭﺍﺳﻪ ؟؟
ﺗﺴﻨﻴﻢ : ﻗﺎﻟﻮ ﺑﻴﺪﻳﺮﻭ ﺳﻨﻪ ﺍﺳﺘﺜﻨﺎﺋﻴﻪ؟ ﻣﺤﻜﺘﻠﻜﺶ ﻫﺒﻪ؟
ﻋﻤﺮ : ﺑﺎﻫﻲ ﻛﻮﻳﺲ
ﺗﺴﻨﻴﻢ : ﻋﻤﻮﺭﻱ ﺣﺒﻴﺒﻲ
ﻋﻤﺮ : ﻧﻌﻢ؟
ﺗﺴﻨﻴﻢ : ﻛﻨﻚ ﻣﺘﻐﻴﺮ ﻋﻠﻴﺎ؟ 😫
ﻋﻤﺮ : ﻻﻻ ﻋﺎﺩﻱ ﺯﻱ ﻗﺒﻞ 😳
ﺗﺴﻨﻴﻢ : ﻻ ﻣﺘﻜﺬﺑﺶ ﻭﺗﻘﻮﻝ ﺯﻱ ﻗﺒﻞ .. ﻗﺒﻞ ﺗﺮﻥ ﻋﻠﻴﺎ ﻭﺗﻨﺸﺪ ﻭﺗﻮﻟﻌﻠﻲ ﻓﻲ ﺍﻏﺎﻧﻲ ﺑﻌﺪ ﻧﺰﻋﻞ ﻭﺗﺠﻴﻨﻲ ﻓﻲ ﺣﻮﺷﻨﺎ ﻭﺗﺠﻴﺒﻠﻲ ﻓﻲ ﻫﺪﺍﻳﻪ ﻭﻣﻔﺎﺟﺎﺀﺍﺕ ﺗﻮ ﻣﻘﺼﺮ ﺑﻜﻞ ﻓﻲ ﺣﻘﻲ ﻣﺮﺍﺕ ﻧﻘﻮﻝ
ﻋﺎﺩﻱ ﻋﺎﺫﺭﺗﻚ ﻋﺸﺎﻥ ﻋﺎﺭﻓﻪ ﻭﺿﻌﻚ ﺑﺲ ﻣﺮﺍﺕ ﻧﻘﻮﻝ ﺍﻧﺖ
ﻣﻌﺶ ﺗﺤﺒﻨﻲ ﻛﻴﻒ ﻗﺒﻞ ﻭﻣﺮﺍﺕ ﻧﻘﻮﻝ ﺍﻧﻚ ﺗﺤﺐ ﺑﻨﺖ ﻭﺣﺪﻩ ﺍﺧﺮﺍ 😔
ﻋﻤﺮ : ﻟﻮ ﻣﺶ ﻣﺘﺮﻳﺤﻪ ﻣﻌﺎﻳﺎ ﻋﺎﺩﻱ ﻓﻮﺗﻴﻨﻲ ﺭﺍﺍ ﻣﺘﺮﺑﻄﺶ ﻣﺼﻴﺮﻙ ﺑﻴﺎ 😒
ﺗﺴﻨﻴﻢ : ﻳﻌﻨﻲ ﻫﺬﺍ ﺭﺩﻙ؟؟ ﺑﺪﻝ ﻣﺎﺗﻘﻮﻟﻲ ﺍﻧﺤﺒﻚ ﻭﻧﺒﻴﻚ ﻭﻣﻨﺒﺶ ﻏﻴﺮﻛﻮﺣﻮﻟﻲ ﺍﻻﻓﻜﺎﺭ \
ﻫﺬﻧﻪ ﻣﻦ ﺭﺍﺳﻚ 😒
ﻋﻤﺮ : ﺍﻧﺘﻲ ﻃﺮﻳﻘﺔ ﻛﻼﻣﻚ ﻭﺣﺪﻩ ﻣﻠﺖ ﻭﻧﺎ ﻣﻨﺠﺒﺮﻛﺶ ﻉ ﺣﺎﺟﻪ ﺍﻧﺘﻲ ﻣﺘﺒﻴﻬﺎﺵ
ﺗﺴﻨﻴﻢ : ﻣﻠﻴﺖ؟؟؟ ﺍﻧﺖ ﺷﻜﻠﻚ ﺑﺪﻳﺮ ﻋﺮﻛﻪ ﻣﻌﺎﻳﻪ ﺑﺲ ﻧﺎ ﻗﺎﻋﺪﻩ ﻉ ﻗﻠﺒﻚ
ﻭﻣﻨﺶ ﺯﻋﻼﻧﻪ ﻣﻨﻚ ﻋﺸﺎﻥ ﻧﺎ ﺍﻋﻘﻞ ﻣﻨﻚ ﻭﺑﻨﻮﺗﻪ ﻛﻴﻮﺕ ﻭﻣﺘﻔﻬﻤﻪ
ﻋﻤﺮ : ﻫﻬﻬﻬﻬﻪ ﺑﺠﺪ ﺍﻧﺘﻲ ﺍﺿﺤﻜﻲ 😁
ﺗﺴﻨﻴﻢ : ﺍﻣﻤﻢ ﻣﺮﺍﻳﻔﺘﺶ ﻋﻠﻴﺎ؟ 😉
ﻋﻤﺮ : ﺍﻧﺎ ﺟﻤﻌﻪ ﺍﻟﻠﻲ ﻓﺎﺗﺖ ﻛﻨﺖ ﻋﻨﺪﻙ ؟؟ﺑﻼ ﺩﻟﻊ
ﺗﺴﻨﻴﻢ : ﺍﻓﻔﻔﻒ ﻣﻨﻚ ﺍﻧﺖ ﺍﻓﻔﻒ 😔
ﻋﻤﺮ : ﺻﻮﺕ ﺳﻼﺡ ﻳﻼﻛﻢ؟ 😒
ﺗﺴﻨﻴﻢ : ﻓﺮﺡ ﻭﻟﺪ ﺟﻴﺮﺍﻥ ﺍﻟﻌﻘﺎﻟﻨﺎ ﻳﺎﺑﻴﺒﻲ
ﻋﻤﺮ : ﻧﺤﺴﺎﺑﻪ ﺍﻟﺼﻮﺕ ﺍﻟﻀﺮﺏ ﻭﺍﺻﻠﻜﻢ
ﺗﺴﻨﻴﻢ : ﺍﻓﻔﻔﻒ
ﻋﻤﺮ : ﻛﻨﻚ ﺍﺗﻨﻔﺨﻲ ﻉ ﺭﺍﺳﻲ؟ 😒
ﺗﺴﻨﻴﻢ : ﺍﻧﺖ ﺍﻟﻠﻲ ﻛﻨﻚ؟؟؟؟ ﻓﻬﻤﻨﻲ ﻛﻨﻚ ﺍﺣﻜﻴﻠﻲ
ﻋﻤﺮ : ﻧﻌﺴﺖ ﺑﻨﺮﻗﺪ
ﺗﺴﻨﻴﻢ : ﻣﻦ ﺍﻣﺘﻲ ﺗﺮﻗﺪ 11 ؟؟
ﻋﻤﺮ : ﺗﺤﺎﺳﺒﻲ ﻓﻴﺎ ﻉ ﻧﻮﻣﻲ؟
ﺗﺴﻨﻴﻢ : ﺧﻼﺹ ﺑﺮﺍﺣﺘﻚ ﺍﻭﻙ 😒
ﻋﻤﺮ : ﺍﻭﻙ 😒
#
#
#
ﺭﻳﻤﺎﺱ : ﻣﻦ ﻣﻦ ﺍﻟﺴﻠﺴﻠﻪ؟ 😉
ﺍﻧﺎ : ﺟﺘﻨﻲ ﻫﺪﻳﻪ ﻣﻦ ﺻﺤﺒﺘﻲ
ﺭﻳﻤﺎﺱ : ﻣﻦ ﻣﻨﻌﻢ ﺻﺎﺡ؟
ﺍﻧﺎ : ﻣﻨﻌﻢ ﺷﻨﻮﻭ ﻭﻳﻦ ﻧﺤﻖ ﻓﻴﻪ ﻧﺎ ﻣﻨﻌﻢ؟
ﺭﻳﻤﺎﺱ : ﻣﺶ ﻣﻘﺘﻨﻌﻪ ﻛﻴﻒ ﺣﻘﻚ ﻭﻧﻌﺠﺐ ﺑﻴﻚ؟؟ﻭﺑﻴﺨﻄﺒﻚ؟؟ﻭﻣﻌﻨﺪﺵ ﺭﻗﻤﻚ
ﻋﻠﻲ ﻣﻦ ﺗﻀﺤﻜﻲ ﺍﻧﺘﻲ؟
ﺍﻧﺎ : ﺍﺟﻌﻨﻚ ﻭﺍﻟﻠﻪ ﻣﺎﻗﺘﻨﻌﺘﻲ ﻋﺪﻱ ﺍﻧﺘﻠﻔﻲ ﻓﻲ ﺍﻟﺪﺍﺭ ﺍﻟﺨﺮﻱ 😒
ﺭﻳﻤﺎﺱ : ﺧﻠﻴﻨﻲ ﻧﺮﻗﺪ ﻣﻌﺎﻙ ﻣﻼﻙ ﻓﻲ ﻟﻴﻞ ﺗﺴﻬﺮ ﻉ ﻓﻴﺲ ﻭﻣﺘﺒﻄﻠﺶ ﺿﺤﻚ؟
ﺍﻧﺎ : ﻣﺶ ﻗﺒﻞ ﺗﻨﺨﻤﺪﻱ ﻳﻼ ﻣﺎﻣﺎ؟ 😒
ﺭﻳﻤﺎﺱ : ﺗﻮ ﻧﻌﺪﻱ ﻧﺮﻗﺪ ﻳﻼ ﻣﺎﻣﺎ ﻻﻛﻦ ﺗﻮ ﻧﺸﻌﻔﻚ ﻋﻠﻴﻬﺎ
ﺍﻧﺎ : ﺍﻃﻠﻌﻲ ﻳﺎﺟﺎﻟﻄﻪ ﻳﺎﻓﺎﻧﺺ 😠
ﺭﻳﻤﺎﺱ : ﺻﺪﻗﺖ ﻣﻼﻙ ﺻﻔﺮﻩ ﻋﺎﻧﺰ 😂😷
ﺍﻧﺎ : ﺣﻘﻴﺮﻩ ﺗﻮ ﻧﻮﺭﻳﻚ ﻳﺎﺑﺼﺎﺻﻪ ﻳﺎﺑﻘﺎﺗﻮ 😠
ﻃﻠﻌﺖ ﻭﻗﻌﺪﺕ ﻓﻲ ﺩﺍﺭ ﺑﺮﻭﺣﻲ
ﺭﻥ ﻋﻠﻴﺎ ﻫﻮﺍ ﺭﺩﻳﺖ 🀼
ﻋﻤﺮ : ﺧﻴﺮ؟ 💝
ﺍﻧﺎ : ﻳﺎﺍﻫﻞ 💝 ﺍ
ﻋﻤﺮ : ﺷﻨﺠﻮﻧﺎ؟ 😘
ﺍﻧﺎ : ﺗﻤﺎﻡ ﻗﺎﻋﺪﻩ 😍
ﻋﻤﺮ : ﺑﻜﺮﻩ ﻣﺎﺷﻴﻦ ﻟﻠﻤﻮﻝ؟ 😉
ﺍﻧﺎ : ﻗﺼﺪﻙ ﺣﺘﻲ ﺍﻧﺖ ﻣﺎﺷﻲ؟ 😜
ﻋﻤﺮ : ﻗﺒﻞ ﻣﻨﺒﺶ ﺍﻧﻌﺪﻱ ﺑﺲ ﺑﻌﺪ ﺳﻤﻌﺖ ﺍﻧﻚ ﻣﺎﺷﻴﻪ ﻭﺍﻓﻘﺖ 😉
ﺍﻧﺎ : ﻭﻟﻴﺶ ﺍﻧﺸﺎﺀﺍﻟﻠﻪ ﻣﺘﺒﺶ ﺍﺗﻌﺪﻱ؟ 😒
ﻋﻤﺮ : ﻣﻨﺤﺒﺶ ﺑﻜﻞ ﺟﻮ ﺳﻮﻕ ﺍﻭ ﻣﻮﻝ ﺍﻣﻲ ﺩﻳﻤﻪ ﺗﺸﻴﻞ ﻓﻲ ﺍﻟﺒﻨﺎﺕ
ﺑﺲ ﻧﺎ ﻣﺴﺘﺤﻴﻞ ﺍﻧﺸﻴﻠﻬﻦ ﻣﺮﺍﺕ ﺑﻌﺪ ﻧﻨﺰﺭ ﺍﻧﺤﻄﻬﻦ ﻭﺗﻌﺪﻱ ﻭﺑﻌﺪﻫﺎ ﻧﺮﺩ ﻋﻠﻴﻬﻦ 😌
ﺍﻧﺎ : ﻛﻨﻚ ﺣﺴﻴﺘﻪ ﺟﻮﻙ ﻣﺶ ﺗﻤﺎﻡ ﻭﻣﺮﻧﻴﺘﺶ ﻋﻠﻴﺎ ﺑﻜﻞ ﻭﺍﻧﺖ ﻏﺎﺩﻱ
ﻋﻤﺮ : ﻭﺍﻟﻠﻪ ﺟﻮﻱ ﻣﺶ ﺗﻤﺎﻡ ﺗﻌﺮﻓﻲ ﻉ ﻭﺍﺣﺪ ﺑﻜﺮﻩ ﻳﻘﻠﻮﻟﻚ ﻣﺎﺕ ﺍﻏﻠﺐ ﺍﺻﺤﺎﺑﻲ ﻋﺪﻭ ﺧﺴﺮﺕ ﻭﺍﺟﺪ ﻧﺎ ﻧﻔﺴﻴﺘﻲ ﺗﻌﺒﺎﻧﻪ ﻭﺍﻟﻠﻪ ﺟﻮﻱ ﺷﻴﻦ ﺑﻜﻞ ﻣﻀﺎﻳﻖ ﻣﻨﺒﺶ ﻧﺤﻜﻲ ﻋﺸﺎﻥ ﻟﻮ ﺣﻜﻴﺖ ﻣﻌﺶ ﻧﺴﻜﺖ ﻏﺎﺩﻱ ﻭﺿﻊ ﻳﺨﺘﻠﻒ ﺍﺧﺆﺍ ﻫﻀﺎ ﻛﻠﻪ ﻭﻗﺎﺋﺪ ﻣﺘﺎﻋﻨﺎ ﻣﺨﻠﻲ ﺩﻓﻌﺘﻨﺎ ﻻﻭﺭﺍ ﺷﻮﻳﻪ ﻭﻧﻄﻠﻘﻮ ﻣﻦ ﺑﻌﻴﺪ ﺻﻮﺕ ﺣﺮﺏ ﻓﻲ ﻭﺩﻧﻲ ﻣﺤﻠﻲ ﻓﻲ ﻓﻨﻴﺴﻴﺎ ﻭﻣﺤﺮﻭﻕ ﻛﻠﻪ ﺑﻼ ﺷﻐﻞ ﻭﺑﻼ ﻓﻠﻮﺱ ﻭﻻ ﻗﺮﺵ ﻓﻠﻮﺱ ﺍﺟﺎﺭ ﻧﻌﻄﻲ ﻓﻴﻬﻦ ﻻﻣﻲ ﻛﻠﻬﻦ ﺗﺼﺮﻑ ﺑﻴﻬﻦ ﻉ ﺝ
ﺣﻮﺵ ﻭﻣﺼﺎﺭﻳﻒ ﻟﺒﻨﺎﺕ ﻭﺑﺎﺗﻲ ﺭﺍﺗﺒﻪ ﺣﺎﺻﻞ ﻣﻌﺶ ﻧﺰﻟﻮﻟﻪ ﻭﺍﻣﻲ ﻫﻴﺎ ﺍﻟﻠﻲ ﺗﺼﺮﻑ ﺗﻮﺍ ﻣﺶ ﻣﺘﻘﺒﻞ ﻓﻜﺮﺓ ﺍﻧﻲ ﻗﺎﻋﺪ ﻫﻚ ﻭﺧﻼﺹ
ﺍﻧﺎ : ﺍﻧﺖ ﻣﺶ ﻫﻚ ﻭﺧﻼﺹ ﻋﺎﺩﻱ ﺗﻮﺍ ﺍﻟﻨﺎﺱ ﻛﻠﻬﺎ ﻣﻔﻠﺴﻪ ﻭﺣﺘﻲ ﻧﺤﻨﺎ ﺩﻳﻮﻥ ﺣﻮﺷﻨﺎ ﻣﺰﻟﻨﺎ ﻧﺴﻠﻜﻮ ﻓﻴﻬﻦ ﻭﺣﺎﻟﺘﻨﺎ ﺻﻌﺒﻪ ﺍﺧﺮﺍ ﺍﻧﺘﻢ ﻣﺶ ﻧﺎﺯﺣﻴﻦ ﻣﺶ ﻣﺠﺮﺏ ﺷﻌﻮﺭ ﺗﻄﻠﻊ ﻣﻦ ﺣﻮﺷﻚ ﻃﺮﺍﻃﻴﺶ ﻏﻴﺮ ﻣﻼﺑﺲ ﺑﺲ ﺟﺒﻨﺎﻫﻦ ﻻﻛﻦ ﺩﺑﺶ ﺍﻟﺤﻮﺵ ﻭﻻ ﺣﺎﺟﻪ ﺍﻟﻤﺸﻜﻠﻪ ﻣﺎﻣﺎ ﻳﺎﻣﺎ ﺻﺮﻓﺖ ﻋﻠﻴﻪ
ﻭﻣﻘﺪﺭﻧﺶ ﻧﻄﻠﻌﻮ ﺷﻲ ﺗﻮﺍ ﺷﻠﺘﺎﺕ ﻉ ﻭﻃﺎ ﻭﻓﺮﺵ ﺑﺎﻳﺪ ﺍﻣﺒﺪﺭﻱ ﻏﺴﻠﺘﻪ ﺗﻘﻮﻝ ﻣﻔﺮﺵ ﻣﺶ ﻓﺮﺵ ﻭﺑﻼ ﺑﺪﻳﻞ ﺗﻮﺍ ﻉ ﺯﻟﻴﺰ ﺧﻠﻚ ﻣﻦ ﺍﻟﺒﺎﻝ ﺍﻟﻠﻲ ﻓﻲ ﺣﻮﺵ ﻣﺪﻣﺮ ﻭﻻ ﻗﺎﻋﺪ ﻭﺍﻟﻠﻪ ﻫﻢ ﺍﻟﻨﺎﺯﺡ ﻛﺒﻴﻴﻴﻴﺮ ﻭﺣﻤﻞ ﺛﻘﻴﻞ
ﻋﻤﺮ : ﺧﻠﻴﻨﻪ ﻧﻐﻴﺮﻭ ﺍﻟﻤﻮﺿﻮﻉ ﺍﺳﻒ ﻧﻜﺪﺕ ﻋﻠﻴﻚ ﻓﻲ ﻟﺤﻈﻬﺔﻫﺬﻱ ﺧﻠﻴﻨﺎ ﻓﻲ ﺍﺭﻭﺍﺣﻨﺎ ﺍﻟﻤﻬﻢ ﺍﻟﻤﻬﻢ ﺷﻦ ﺗﺤﻜﻴﻠﻲ 😍
ﺍﻧﺎ : ﺍﻫﺎ ﻛﻴﻒ ﺣﺎﻝ ﺭﻳﺘﺎ؟
ﻋﻤﺮ : ﻣﺰﺍﻟﺖ ﻧﺎﻓﺲ ﻫﻬﻬﻬﻬﻬﻬﻪ 😂
ﺍﻧﺎ : ﺳﺨﻴﻒ ﻫﻬﻬﻬﻬﻬﻬﻬﻬﻪ 😂
ﻋﻤﺮ : ﻗﺎﻋﺪﻩ ﻳﻼﻳﺎ ؟ 😘
ﺍﻧﺎ : ﻭﻋﻮﻳﻠﺘﻬﺎ؟
ﻋﻤﺮ : ﻛﻠﻬﻦ ﻓﻲ ﺩﺍﺭﻱ ﻗﺎﻋﺪﺍﺕ ﺑﻠﺒﺎﻛﻮ ﺑﻜﻞ ﺑﺲ ﺭﻳﺘﺎ ﻣﻌﺎﻳﻪ ﻉ ﺳﺮﻳﺮ 😍
ﺍﻧﺎ : ﻗﺼﺪﻙ ﺩﻳﻤﻪ ﺩﻳﻤﻪ ﻣﻌﺎﻙ؟ 😳
ﻋﻤﺮ : ﻣﻨﻌﺮﻓﺶ ﻧﺮﻗﺪ ﺑﻼﻫﺎ ﺑﺠﺪ ﻧﻜﺴﺪ ﻋﻠﻴﻬﺎ ﻗﺒﻞ ﻣﺎﻧﺮﻗﺪ ﺷﻮﻳﻪ ﻭﻧﻠﻌﺐ ﻣﻌﺎﻫﺎ ﻭﻧﺮﻗﺪ ﻓﻴﻬﺎ ﻉ ﺻﺪﺭﻱ 😘😍
ﺍﻧﺎ : ﻭﺍﺧﺪﻩ ﻣﻜﺎﻧﻲ ﺍﻟﻘﻄﻮﺳﻪ 😍😃😝
ﻋﻤﺮ : ﺷﻨﻮﻭ 😳
ﺍﻧﺎ : ﺷﻲ ﻣﻘﻠﺘﺶ ﺷﻲ 😳
ﻋﻤﺮ : ﻫﻬﻬﻬﻬﻪ ﻭﺣﻖ ﺭﺑﻲ ﺳﻤﻌﺘﻬﺎ 😂
ﺍﻧﺎ : ﻫﻬﻬﻬﻬﻬﻪ 😂
ﻋﻤﺮ : ﺍﻧﺰﻟﻲ ﺗﻮﺍ ﺗﻮﺍ ﺗﻮﺍ 😍
ﺍﻧﺎ : ﻣﺴﺘﺤﻴﻞ ﻧﻨﺰﻟﻚ ﻭﺍﻧﺖ ﺑﺤﺎﻟﻪ ﻫﺬﻱ 😜😝
ﻋﻤﺮ : ﺗﻲ ﻏﻴﺮ ﺍﻧﺰﻟﻲ ﻧﺤﻜﻮ ﺑﺲ 😞
ﺍﻧﺎ : ﺍﻧﻼﺍﺍﺀ 😜
ﻋﻤﺮ : ﺑﻄﻠﻲ ﻣﻜﺮ ﻋﺸﺎﺍﻧﻲ ﻋﺸﺎﻧﻲ ﻏﻴﺮ ﻫﻴﺎ 😘
ﺍﻧﺎ : ﻣﺶ ﺿﺎﻣﻨﺘﻚ 😝😒
ﻋﻤﺮ : ﻣﺎﺩﻳﻤﻪ ﻧﺤﻜﻮ ﻭﻋﺎﺩﻱ؟ 😍
ﺍﻧﺎ : ﺍﻟﻴﻮﻡ ﺍﻧﺖ ﻣﺶ ﻧﺎﻭﻱ ﻉ ﺧﻴﺮ 😒
ﻋﻤﺮ : ﺯﺍﺭﻗﻪ ﻋﻠﻴﺎ ﻫﻬﻬﻬﻬﻬﻬﻪ 😂
ﺍﻧﺎ : ﻋﺎﺭﻓﺘﻚ 😂
ﻋﻤﺮ : ﺍﺗﺴﻬﻔﻲ ﻓﻴﺎ ﺍﻧﺘﻲ ﺍﻭﻝ ﻣﺮﻩ ﻓﻲ ﺣﻴﺎﺗﻲ ﻧﺴﻬﻒ ﻉ ﺑﻨﺖ ﻫﻚ
ﻧﺎﻋﻤﻪ ﻭﺭﺍﻗﻴﻪ ﻛﻠﻚ ﺍﻧﻮﺛﻪ ﺟﺴﻢ ﺳﻤﺢ 😍😍
ﺍﻧﺎ : ﻫﻲ ﻫﻲ ﻫﻲ | ؟؟؟؟ ﺭﺍ ﻧﺴﻜﺮ ﺭﺍ؟؟ 😠
ﻋﻤﺮ : ﻻﻻ ﻣﺘﺼﻜﺮﺵ 😒
ﺍﻧﺎ : ﻳﺎﺗﺎﺩﺏ ﻳﺎﻧﺴﻜﺮ؟ 😌
ﻋﻤﺮ : ﺍﻧﺘﻲ ﺍﻟﻐﻄﺎﻧﻪ ﻟﻴﺶ ﺍﺗﻨﺎﺑﺸﻲ ﻓﻴﺎ ﻭﺗﻘﻮﻟﻴﻠﻲ ﻗﻄﻮﺳﻪ ﻭﺍﺧﺪﻩ ﻣﻜﺎﻧﻲ😂
ﺍﻧﺎ : ﻫﻬﻬﻬﻬﻪ ﻣﻘﻠﺘﻬﺶ 😂
ﻋﻤﺮ : ﻗﻠﺘﻴﻬﺎ ﻳﺎﺑﻠﻌﻮﻃﻪ 😒
ﺍﻧﺎ : ﻫﻬﻬﻬﻬﻬﻬﻪ ﻟﻴﺎ ﺯﻣﺎﻥ ﻣﻌﺶ ﺳﻤﻌﺘﻬﺎ ﺍﻟﻜﻠﻤﻪ ﻫﺬﻱ
ﻋﻤﺮ : ﺍﻧﺘﻲ ﻗﻠﺘﻴﻠﻲ ﻗﻄﻮﺳﻪ ﻭﺍﺧﺪﻩ ﻣﻜﺎﻧﻲ 😌
ﻣﻌﻨﺎﻫﺎ ﺧﺎﻃﺮﻙ ﺗﺮﻗﺪﻱ ﻉ ﺻﺪﺭﻱ 😂😍
ﺍﻧﺎ : ﻳﺎﺭﺑﻲ ﺑﺘﻤﺴﻜﻬﺎ ﻗﺼﺪﻙ؟ 😒
ﻋﻤﺮ : ﺍﻧﺎ ﺳﺎﻣﻂ ﻣﻨﻨﺴﺶ ﺑﻜﻞ ... ﺍﻧﺘﻲ ﻗﻠﺘﻴﻬﺎ ﻣﺸﻮﺭﻱ ﻧﺎ
ﺍﻧﺎ : ﺑﻪ ﻭﻛﺎﻥ ﻗﻠﺘﻬﺎ
ﻋﻤﺮ : ﺍﻧﺰﻟﻲ ﻛﻨﻚ ﻫﻜﻲ ﺍﻧﺘﻲ؟
ﺍﻧﺎ : ﺍﻧﻼﻻ ﺍﻧﺴﺎﻫﺎ ﻫﺬﻱ
ﻋﻤﺮ : ﺗﻮﺍ ﺍﻧﺘﻲ ﺗﻈﻠﻤﻲ ﻓﻴﺎ ﻣﻦ ﻗﺒﻞ ﺷﻔﺘﻚ ﻣﺮﺗﻴﻦ ﻉ ﺳﻄﺎﺡ
ﻭﺷﻔﺘﻚ ﻣﺮﻩ ﻟﻮﻃﻪ ﻋﻤﺮﻱ ﺟﻴﺖ ﺷﻮﺭﻙ؟؟ ﻧﺤﻜﻮ ﻋﺎﺩﻱ ﻣﻦ ﺑﻌﻴﺪ 😁
ﺍﻧﺎ : ﺍﻟﻴﻮﻡ ﺍﻟﻮﺿﻊ ﻳﺨﺘﻠﻒ 😉
ﻋﻤﺮ : ﻭﺷﻦ ﺍﻟﻠﻲ ﺍﺧﺘﻠﻒ ؟ 😒
ﺍﻧﺎ : ﺍﻧﺖ ﺍﻟﻴﻮﻡ ﻣﺶ ﻧﺎﻭﻱ ﻉ ﺧﻴﺮ 😂
ﻋﻤﺮ : ﻛﻠﻪ ﻣﻨﻚ ﻟﻴﺶ ﺗﻘﻮﻟﻲ ﻗﻄﻮﺳﻪ ﻭﺍﺧﺪﻩ ﻣﻜﺎﻧﻲ؟
ﺍﻧﺎ : ﺧﻼﺹ ﺍﻧﺴﺎﻫﺎ
ﻋﻤﺮ : ﻻﻻ ﻣﻨﻨﺴﺶ ﺍﻧﺘﻲ ﺍﻟﻠﻲ ﻗﻠﺘﻴﻬﺎ 😂
ﺍﻧﺎ : ﺧﻄﺮﻫﺎ ﺗﻬﺒﻞ ﺍﻟﺴﻠﺴﻪ ﺷﻜﺮﺍ 😍
ﻋﻤﺮ : ﻣﺘﻐﻴﺮﺵ ﺍﻟﻤﻮﺿﻮﻉ ﺍﻧﺘﻲ ﻗﻠﺘﻴﻠﻲ ﺍﻟﻘﻄﻮﺳﻪ ﻭﺍﺧﺪﻩ ﻣﻜﺎﻧﻲ 😂
ﺍﻧﺎ : ﺷﻦ ﻣﻄﻠﻮﺏ 😒
ﻋﻤﺮ : ﺍﻧﺰﻟﻲ ﺍﻗﻌﺪﻱ ﻣﻜﺎﻧﻬﺎ؟ 😍
ﺍﻧﺎ : ﻻﻻ ﺣﺮﺍﻡ ﻣﺶ ﺣﻠﻮﻩ ﻓﻲ ﺣﻘﻬﺎ ﻋﻨﺪﻛﻢ ﺍﻋﻴﺎﻝ ﻣﻨﺤﺒﺶ ﺍﻧﺨﺮﺏ ﻧﺎ 😂
ﻋﻤﺮ : ﻧﻌﺰﻗﻬﻢ ﻫﻤﺎ ﻭﺍﻣﻬﻢ ﻓﻲ ﺷﺎﺭﻉ ﻛﺎﻥ ﺗﻨﺰﻟﻲ 😂
ﺍﻧﺎ : ﻻﻻ ﻣﻨﺪﻳﺮﻫﺶ 😂😒
ﻋﻤﺮ : ﻋﺸﺎﻧﻲ ﺍﻧﺰﻟﻲ ﻧﻮﻋﺪﻙ ﻧﺤﻜﻲ ﻣﻌﺎﻙ ﺑﺲ؟؟ ﻣﻨﻘﺮﺑﻜﺶ ﺑﻜﻞ
ﺍﻧﺎ : ﺍﻧﻼﺀ
ﻋﻤﺮ : ﺩﻭﻩ ﻋﺎﺩﻳﻪ؟
ﺍﻧﺎ : ﺍﻧﻼﺀ
ﻋﻤﺮ : ﻧﺒﻲ ﻗﻄﻮﺳﻪ ﺑﺸﺮﻳﻪ ﻫﻬﻬﻬﻬﻬﻬﻪ
ﺍﻧﺎ : ﻫﻬﻬﻬﻬﻪ ﺍﻧﺖ ﺗﺮﻗﺪ ﺍﺣﺴﻨﻠﻚ ﺗﻮﺍ؟
ﻋﻤﺮ : ﻻﻻﻻ ﻣﻨﺶ ﺭﺍﻗﺪ .. ﺑﻪ ﺗﻮ ﻧﻐﻴﺮ ﺍﻟﻤﻮﺿﻮﻉ ﻻﺑﺴﻪ ﺳﻠﺴﻠﻪ ﺗﺎﻋﻲ؟ 😍
ﺍﻧﺎ : ﺍﻫﺎ ☺
ﻋﻤﺮ : ﻣﺴﻠﺤﺘﻴﻬﺶ ﺑﻜﻞ 😍
ﺍﻧﺎ : ﻫﺌﻪ ☺
ﻋﻤﺮ : ﻫﺎ ﺷﻔﺘﻲ؟؟ﺍﻧﺘﻲ ﺗﻌﺒﻲ ﻓﻴﺎ ﻫﻜﻲ ﺍﻫﺎ ﻫﺌﻪ 😒
ﺍﻧﺎ : ﻋﻠﻴﻚ ﺗﺒﻠﻲ ؟؟ﺗﺒﻠﻪ ﻋﻠﻴﺎ ؟ ﻻﻻ ﻣﺴﻠﺤﺘﻬﺶ ﻫﻜﻲ ﻛﻮﻳﺲ
ﻣﺴﺒﻞ ﺍﻧﺖ ﺍﻟﻴﻮﻡ ﺷﻜﻠﻚ ﺑﺪﻳﺮ ﻋﺮﻛﻪ ﻭﺧﻼﺹ ﺍﻫﺎ ﺭﺍﻳﻔﺖ ﻉ ﻋﺮﺍﻳﻜﻲ؟؟؟😒
ﻋﻤﺮ : ﺍﻧﺤﺒﻚ 💝
ﺍﻧﺎ : ؟؟؟؟؟؟؟؟؟؟ 😳
ﻋﻤﺮ : ﺍﻧﺤﺒﻚ .. ﺍﻧﺤﺒﻚ ... ﺍﻧﺤﺒﻚ 💝
ﺍﻧﺎ : ﻗﻠﺒﻲ ﻭﻗﻒ ﺍﺳﻜﺖ 😳
ﻋﻤﺮ : ﻣﻨﺶ ﺳﺎﻛﺖ
ﺍﻧﺎ : ( ﺣﺴﻴﺖ ﻗﻠﺒﻲ ﻣﻦ ﻛﺜﺮ ﻣﺎﻳﺪﻕ ﺑﻴﻮﻗﻒ ﺣﻄﻴﺖ ﺍﻟﻔﻮﻥ ﻉ ﻭﻃﺎ ﻭﻗﻌﺪﺕ ﻧﺶ ﺑﺪﻳﻪ ﻉ ﻭﺟﻲ ⭐💝😍😳😳
ﻧﺒﻲ ﻫﻮﺍﺀ ﺑﻨﺘﻨﻔﺲ )
( ﺭﺩﻳﺖ ﺣﻄﻴﺖ ﺍﻟﻔﻮﻥ ﻉ ﻭﺫﻧﻲ ﻭﻫﻮﺍ ﺳﺎﻛﺖ )
( ﺣﺘﻲ ﻧﺎ ﺳﻜﺘﺖ )
ﻋﻤﺮ : ﻛﻨﻚ ﺳﻜﺘﻲ؟؟
ﺍﻧﺎ : ﻻ ﺷﻲ ﺑﺲ ﻣﺴﺘﻐﺮﺑﻪ
ﻋﻤﺮ : ﻻ ﻣﺶ ﻣﺴﺘﻐﺮﺑﻪ ﻻﻧﻚ ﻛﻨﺘﻲ ﺗﻌﺮﻓﻲ 😉
ﺍﻧﺎ : ﻧﻌﺮﻑ ﺷﻨﻮ؟
ﻋﻤﺮ : ﺍﻥ ﻧﺎ ﻧﺤﺒﻚ 😍
ﺍﻧﺎ : ﻛﻨﺖ ﺣﺎﺳﻪ ﺑﺲ ﻋﺸﺎﻥ ﻭﺿﻌﻲ ﻭﻭﺿﻌﻚ ﻛﻨﺖ ﻧﻘﻮﻝ
ﻋﻤﺮ : ﻣﺘﻘﻮﻟﻴﺶ ﺷﻲ ﻓﻮﺗﻴﻬﻢ ﻛﻠﻬﻢ ﻣﺘﻔﻜﺮﺵ ﻓﻲ ﺣﺪ ﻓﻜﺮﻱ ﻓﻴﺎ ﻧﺎ ﺑﺲ😍
ﻭﺧﺼﻮﺻﺎ ﺗﻮﺍ ﺍﻛﻴﺪﻩ ﻗﻠﺘﻲ ﻓﻲ ﺑﺎﻟﻚ ﻭﺍﺧﻴﺮﺍ ﺍﻋﺘﺮﻑ؟
ﺍﻧﺎ : ﺍﻫﺎ ☺
ﻋﻤﺮ : ﻭﺍﻧﺘﻲ ﺍﻣﺘﻲ ﺑﺘﻌﺘﺮﻓﻲ؟
ﺍﻧﺎ : ﻣﺶ ﻋﺎﺭﻑ ﻓﺮﺣﺎﻧﻪ ﻓﻲ ﻧﻔﺲ ﺍﻟﻮﻗﺖ ﺧﺎﻳﻔﻪ ﺑﺲ ﺍﻧﺖ ﺍﻗﺮﺏ ﻭﺍﺣﺪ ﻟﻴﺎ
ﻧﻔﺮﺡ ﺑﻌﺪ ﻧﻌﺮﻑ ﺍﻧﻚ ﻗﺎﻋﺪ ﻓﻲ ﺍﻟﺤﻮﺵ ﻛﺮﻫﺖ ﺣﺎﺟﻪ ﺍﺳﻤﻬﺎ ﺳﺒﺖ ﻭﺍﺣﺪ ﻭﺍﺛﻨﻴﻦ ﻭﺛﻼﺙ
ﻋﺸﺎﻥ ﻣﻨﺸﻮﻓﻜﺶ ﻓﻴﻬﻦ ﻧﻘﻌﺪ ﻧﺮﺟﻲ ﻓﻴﻚ 😍
ﻋﻤﺮ : ﻋﺎﺭﻑ ﺩﻳﻤﻪ ﺗﺒﺤﺘﻲ ﻓﻴﺎ ﻣﻦ ﺭﻭﺷﻦ 😍
ﺍﻧﺎ : ﺍﻫﺎﺍ ﻳﻌﻨﻲ ﺍﻧﺖ ﻋﺎﺭﻑ 😍😒
ﻋﻤﺮ : ﻋﺎﺭﻑ ﻭﻣﺘﺎﻛﺪ ﻭﻭﺍﺛﻖ ﺑﺲ ﺑﺮﺿﻮ ﺑﻨﺴﻤﻌﻬﺎ ﻣﻨﻚ ﻭﺗﻮﺍ 😉
ﺍﻧﺎ : ﻧﻘﻮﻟﻬﺎ ﺑﺲ ﻧﺴﻜﺮ؟ 😳
ﻋﻤﺮ : ﺗﻘﻮﻟﻴﻬﺎ ﻭﻧﺎ ﻧﻘﻮﻟﻬﺎ ﻭﺍﻧﺘﻲ ﺗﺮﺩﻳﻬﺎ ﻭﻧﺎ ﻧﻘﻮﻟﻬﺎ ﺍﺧﺮﺍ ﻟﻌﻨﺪ ﻣﺎﻧﻨﻌﺲ 💤💝
ﺍﻧﺎ : ﺗﺪﻟﻊ ﺑﻜﻞ ﺍﻧﺖ ﺍﻟﻴﻮﻡ؟ 😳
ﻋﻤﺮ : ﻟﻴﺎ ﻛﻢ ﻳﻮﻡ ﻗﺎﻋﺪ ﻓﻲ ﺍﻟﻀﺮﺏ ﻭﻧﻔﺴﻴﺘﻲ ﺗﻌﺒﺎﻧﻪ ﻧﺤﺎﻭﻝ ﺍﻥ ﻧﻄﻠﻊ ﻣﻦ ﺟﻮ ﺷﻮﻳﻪ
ﺍﻧﺘﻲ ﺍﻟﻮﺣﻴﺪﻩ ﺍﻟﻠﻲ ﻧﻘﺪﺭ ﻧﺪﻟﻊ ﻋﻠﻴﻬﺎ ﻻ ﻧﺪﻟﻊ ﻉ ﻫﻠﻲ ﻭﻻ ﻋﻠﻲ ﺍﺻﺤﺎﺑﻲ
ﺗﻐﻴﺮﻟﻲ ﻓﻲ ﺟﻮﻱ ﻭﺗﻨﺴﻲ ﻓﻴﺎ ﻓﻲ ﺩﻧﻴﺎ ﻛﻠﻬﺎ 😫😔
ﺍﻧﺎ : ﺍﻧﺤﺒﻚ 💝
ﻋﻤﺮ : ﺣﺘﻲ ﻧﺎ ﻧﺤﺒﻚ 💝
( ﻛﺎﻧﺖ ﻟﻴﻠﻪ ﻣﺶ ﻋﺎﺩﻳﻪ ﻓﺮﺣﺎﻧﻪ ﻭﻧﺴﻴﺖ ﺩﻧﻴﺎ ﻛﻠﻬﺎ ﺣﺴﻴﺘﻪ ﻫﻮﺍ ﺑﺲ ﻗﺎﻋﺪ ﻗﺪﺍﻣﻲ )
ﺍﻧﺎ : ﺗﻮﺍ ﺍﻟﺴﺎﻋﻪ 3 ؟؟ 😳
ﻋﻤﺮ : ﺍﻟﻮﻗﺖ ﻛﻴﻒ ﺍﻟﺴﺤﺮ ﻣﻌﺎﻙ 😍
ﺍﻧﺎ : ﺣﺘﻲ ﻧﺎ ﻣﺤﺴﻴﺘﺶ ﺑﻴﻪ
ﻋﻤﺮ : ﺍﻛﻴﺪﻩ ﻫﻠﻚ ﺭﻗﺪﻭ؟ 😍
ﺍﻧﺎ : ﺍﻫﺎﺍ ﻣﺴﻜﺘﻴﻦ؟
ﻋﻤﺮ : ﺍﻧﺰﻟﻲ؟
ﺍﻧﺎ : ﺧﻄﺎﻧﻲ 😍
ﻋﻤﺮ : ﻋﺸﺎﻧﻲ
ﺍﻧﺎ : ﻻﻝ ☺ ﺍ
ﻋﻤﺮ : ﺑﺎﻫﻲ ﻭﺭﺍﺱ ﺣﺒﻴﺒﻲ 😘
ﺍﻧﺎ : ﻻﻻ
ﻋﻤﺮ : ﻉ ﺳﺮﻳﻊ ﻧﺸﻮﻓﻚ ﺑﺲ
ﺍﻧﺎ : ﺗﻮ ﺗﺸﻮﻓﻨﻲ ﺑﻜﺮﻩ ﻓﻲ ﻣﻮﻝ
ﻋﻤﺮ : ﻻﻻ ﺑﻨﺸﻮﻓﻚ ﺑﻼ ﺣﺠﺎﺏ ﻫﻴﺎﺍ ﻣﻨﺼﺒﺮﺵ ﻟﻌﻨﺪ ﺑﻜﺮﻩ
ﺍﻧﺎ : ﺍﻧﻼ
ﻋﻤﺮ : ﻧﺰﻋﻞ؟
ﺍﻧﺎ : ﻓﻜﻨﻲ ﻣﻦ ﺣﺮﻛﺎﺕ ﻋﻮﻳﻞ ﻟﺼﻐﺎﺭ
ﻋﻤﺮ : ﺍﻧﺸﻮﻓﻚ ﺑﺲ؟
ﺍﻧﺎ : ﻻﻻ
ﻋﻤﺮ : ﻣﻦ ﺑﻌﻴﺪ؟؟
ﺍﻧﺎ : ﺍﻧﻼ
ﻋﻤﺮ : ﺷﻦ ﻓﻴﻬﺎ ﻟﻮ ﻧﺰﻟﺘﻲ ﻭﺧﻜﻴﻨﺎ؟
ﺍﻧﺎ : ﻣﻨﻘﺪﺭﺵ ﻣﻨﻀﻤﻨﺶ ﺷﻦ ﻳﺼﻴﺮ ﻟﻮﻃﻪ
ﻋﻤﺮ : ﺻﻔﻲ ﻧﻴﻪ
ﺍﻧﺎ : ﺍﻧﺖ ﻣﺶ ﻧﺎﻭﻱ ﻉ ﺧﻴﺮ ﻭﻧﺎ ﻣﺘﺎﻛﺪﻩ
ﻋﻤﺮ : ﻫﻬﻬﻬﻬﻬﻪ
ﺍﻧﺎ : ﺍﺣﻠﻒ ﺍﻧﻚ ﻣﺘﺠﻴﺶ ﺷﻮﺭﻱ؟
ﻋﻤﺮ : ﻻ ﻣﻨﺤﻠﻔﺶ
ﺍﻧﺎ : ﺷﻔﺖ؟
ﻋﻤﺮ : ﺑﺎﻫﻲ ﻋﻠﻴﺶ ﺗﺤﺮﻣﻲ ﻓﻴﺎ؟ ﻃﺸﻪ ﺑﺲ ﻉ ﺳﺮﻳﻊ ﻧﺤﻀﻨﻚ ﺑﺲ
ﺍﻧﺎ : ﻋﻴﻨﻚ ﻋﻴﺐ
ﻋﻤﺮ : ﻳﻌﻨﻲ ﻣﻜﺎﻥ ﺍﻟﻘﻄﻮﺳﻪ ﻣﺶ ﻋﻴﺐ؟
ﺍﻧﺎ : ﺍﻗﻄﻊ ﻟﺴﺎﻧﻲ ﻳﺎﺭﻳﺘﻨﻲ ﻣﺎﻗﻠﺘﻬﺎ
ﻋﻤﺮ : ﻣﻌﺶ ﺗﺪﻋﻲ ﻉ ﺭﻭﺣﻲ ﻓﺎﻫﻤﻪ ﻭﻻ ﻻ؟
ﺍﻧﺎ : ....
ﻋﻤﺮ : ﺑﻪ ﺗﺨﺎﻳﻠﻲ ﺍﻧﻚ ﻣﻌﺎﻳﻪ ﺗﻮﺍ
ﺍﻧﺎ : ﻣﻨﺶ ﻣﺘﺨﺎﻳﻠﻪ ﺷﻲ 😌
ﻋﻤﺮ : ﻛﻨﻚ ﺍﻧﻔﺼﻠﺘﻲ؟ 😒
ﺍﻧﺎ : ﻋﻠﻴﻚ ﺍﻧﺖ ﺗﻮﺍ ﺩﺭﺗﻠﻲ ﻣﻮﺿﻮﻉ ﻣﻦ ﻛﻠﻤﻪ 😫
ﻋﻤﺮ : ﻣﺶ ﺃﻱ ﻛﻠﻤﻪ ﻳﺎﻋﻤﺮﻱ ﻫﻬﻬﻬﻬﻬﻪ 😂
ﺍﻧﺎ : ﻣﺴﻜﺘﻬﺎ ﺍﻧﺖ 😒
ﻋﻤﺮ : ﻧﺎ ﻫﻚ ﻣﻨﺘﻨﺎﺑﺸﺶ ﺑﻜﻞ 😂
ﺍﻧﺎ : ﺍﻟﻘﻄﻮﺳﻪ ﻭﻳﻦ؟
ﻋﻤﺮ : ﻗﺎﻋﺪﻩ ﻋﻨﺪﻱ ﺷﻌﺮﻫﺎ ﻧﺎﻋﻢ 😍
ﺍﻧﺎ : ﺑﺠﺪ ﻗﻌﺪﺕ ﻧﻐﺎﺭ ﻣﻨﻬﺎ 😒😫
ﻋﻤﺮ : ﺗﺴﺘﺎﻫﻠﻲ ﻗﺘﻠﻚ ﻧﺎ ﺍﻧﺰﻟﻲ ﻣﻨﺘﻔﻮﺗﺶ ﻧﺎ ﺑﻌﺪﻙ ﻣﺤﻮﻝ ﺍﻟﺘﻴﺸﻴﺮﺕ 😍😍
ﺍﻧﺎ : ﺑﻪ ﺧﻼﺹ ﺧﻼﺹ ﺑﻨﺮﻗﺪ ﻧﺎ 😒
ﻋﻤﺮ : ﻭﺑﺘﺨﻠﻴﻨﻲ ﻟﻤﻦ؟ 😞
ﺍﻧﺎ : ﺭﻳﺘﺎ ﻣﻜﻔﻴﻪ ﻭﻣﻮﻓﻴﻪ؟ 😒
ﻋﻤﺮ : ﻧﺎﻋﻠﻴﺎ ﻣﻦ ﺍﻟﻠﻲ ﻏﺎﺭ ﻣﻦ ﻗﻄﻮﺳﺘﻲ 😉
ﺍﻧﺎ : ﻣﻨﺴﺠﻢ ﺍﻧﺖ؟ 😒
ﻋﻤﺮ : ﺗﻨﺰﻟﻲ ﺍﻧﺘﻲ ﻧﻨﺴﺠﻢ ﺍﻛﺜﺮ 😂😍
ﺍﻧﺎ : ﻧﺠﻮﻡ ﺍﻟﺴﻤﺎﺀ ﺍﻗﺮﺑﻠﻚ 😜
ﻋﻤﺮ : ﻟﻴﺶ ﺍﻟﻤﻜﺮ ﺑﻪ؟ 😞
ﺍﻧﺎ : ﻫﻬﻬﻬﻬﻬﻬﻪ ﺍﻧﺖ ﺍﻟﻴﻮﻡ؟؟ ﻣﺶ ﻋﺎﺭﻑ 😂
ﻋﻤﺮ : ﻛﻨﻲ؟ 😄
ﺍﻧﺎ : ﻣﺮﺧﻲ ﻭﻗﻠﻴﻞ ﺍﻻﺩﺏ 😒
ﻋﻤﺮ : ﺍﻧﺘﻲ ﻗﻠﻴﻠﺔ ﺍﺩﺏ ﺗﻘﻮﻟﻴﻠﻲ ﺑﻨﻘﻌﺪ ﻣﻜﺎﻥ ﺍﻟﻘﻄﻮﺳﻪ 😂
ﺍﻧﺎ : ﺍﻧﺖ ﺻﺎﻳﻊ 😝
ﻋﻤﺮ : ﻧﺎ ﻣﻌﺘﺮﻑ ﻻﻛﻦ ﺍﻧﺘﻲ ﻣﺶ ﻣﻌﺘﺮﻓﻪ ﻫﻬﻬﻬﻬﻬﻬﻬﻪ
ﺍﻧﺎ : ﻫﻬﻬﻬﻬﻬﻬﻪ
ﻋﻤﺮ : ﻋﺎﺭﻓﻪ ﻋﻠﻴﺶ ﺍﻧﺘﺤﺼﺮ ﺗﻮﺍ . ؟
ﺍﻧﺎ : ﺷﻨﻮ؟
ﻋﻤﺮ : ﺑﻌﺪ ﺗﻼﻗﻴﻨﺎ ﻓﻲ ﺳﻄﺎﺡ ﻳﻮﻡ ﺍﻟﻠﻲ ﺧﺸﻴﻨﺎ ﻟﺪﺍﺭﻱ ﻭﺭﻳﺘﻚ ﺍﻟﺮﺳﻢ
ﻭﻙ ﺗﺬﻛﺮﻱ؟
ﺍﻧﺎ : ﺍﻫﺎ ﺍﻫﺎ ﻳﻮﻡ ﺍﻟﺒﻮﺭﻳﻚ 😂😂
ﻋﻤﺮ : ﻛﻴﻒ ﻥ ﺍﻭﻳﺎﻙ ﻓﻲ ﺩﺍﺭ ﻭﺣﺪﻩ ﻭﻣﺼﺮﺵ ﺷﻲ
ﺍﻧﺎ : ﻳﺼﻴﺮ ﻋﻴﻨﻚ ﻛﺎﻥ ﻣﺎﻫﺬﺍ ﻋﻴﻄﺖ ﻟﻤﻴﺖ ﻋﻠﻴﻚ ﺍﻟﺪﻧﻴﺎ
ﻋﻤﺮ : ﺗﻘﺪﺭﻳﺶ ﺗﻌﻴﻄﻲ ﻧﺼﻜﺮ ﻋﻠﻴﻚ ﺑﺎﺏ ﺍﻟﺪﺍﺭ
ﺍﻧﺎ : ﻧﻀﺮﺑﻚ
ﻋﻤﺮ : ﺍﻧﺘﻲ ﺍﻗﺼﻴﺮﻩ ﻭﺍﺭﻗﻴﻘﻪ ﺑﻜﻞ ﺑﻴﺪ ﻭﺣﺪﻩ ﻧﻤﺴﻜﻚ ﻭﻧﻜﺘﻔﻚ 😍
ﺍﻧﺎ : ﻧﻌﻀﻚ ﺑﻌﺪﻫﺎ 😒
ﻋﻤﺮ : ﻧﺒﻴﻬﺎ ﺍﻟﻌﻀﻪ ﻧﺎ 😍
ﺍﻧﺎ : ﻋﻤﺮ ﺧﻼﺹ 😳😳
ﻋﻤﺮ : ﻭﺍﻣﺒﺪﺭﻱ ﺑﻌﺪ ﻟﺒﺴﺘﻚ ﺍﻟﺴﻠﺴﻪ؟ ﻏﺒﻲ ﻧﺎ ﻳﺎﺭﻳﺘﻨﻲ ﺳﺮﻗﺖ ﺑﻮﺳﻪ ﺳﺮﻳﻌﻪ ﻣﻦ ﺭﻗﺒﺘﻚ 😘😍
ﺍﻧﺎ : ﻧﻠﻒ ﻭﻛﻒ 😪👊
ﻋﻤﺮ : ﻫﻬﻬﻬﻬﻬﻪ ﺣﻲ ﻋﻠﻴﻚ ﺑﻌﺪﻫﺎ 😂
ﺍﻧﺎ : ﻧﺎ ﻧﻌﺴﺖ 😌
ﻋﻤﺮ : ﻧﻌﺴﺘﻲ ﻭﻻ ﺑﺘﻬﺮﺑﻲ؟ 😉
ﺍﻧﺎ : ﻻ ﺑﺠﺪ ﻧﻌﺴﺖ 😁
ﻋﻤﺮ : ﺍﻟﻴﻮﻡ ﻣﺶ ﺟﺎﻳﻨﻲ ﻧﻮﻡ 😍
ﺍﻧﺎ : ﻛﻨﻚ؟ 😒
ﻋﻤﺮ : ﻣﻠﺒﺲ ﺣﺒﻴﺒﻲ ﺍﻟﺴﻠﺴﻠﻪ ﻭﺍﻋﺘﺮﻓﺘﻠﻬﺎ ﺑﺤﺒﻲ ﻭﺍﻋﺘﺮﻓﺘﻠﻲ ﺑﺤﺒﻬﺎ 😍
ﻛﻴﻒ ﺑﻴﺠﻴﻨﻲ ﺍﻟﻨﻮﻡ؟ 😞
ﺍﻧﺎ : ﻧﻨﺰﻝ ﺍﻧﺮﻗﺪﻙ | ؟ 😘
ﻋﻤﺮ : ﺍﻧﺘﻲ ﺗﺨﻠﻠﻲ ﻓﻴﺎ ﻧﺴﻴﺢ ﻭﻧﻘﻠﻞ ﺍﺩﺑﻲ ﺑﻌﺪﻫﺎ ﺗﺰﻋﻠﻲ 😒😒
ﺍﻧﺎ : ﻫﻬﻬﻬﻬﻬﻪ ﺷﺪ ﻭﺍﺭﺧﻲ 😂
ﻋﻤﺮ : ﻣﺴﺨﻪ ﺍﻧﺘﻲ ﺍﻧﺰﻟﻴﻠﻲ ﺗﻮﺍ ﻉ ﺳﺮﻳﻊ 😘
ﺍﻧﺎ : ﻻﻻ
ﻋﻤﺮ : ﺑﻪ ﻧﺮﻛﺒﻮ ﻟﺴﻄﺎﺡ؟ 😍
ﺍﻧﺎ : ﺍﻧﻼ
ﻋﻤﺮ : ﺑﻪ ﻧﻬﺮﺏ ﺑﻴﻚ؟
ﺍﻧﺎ : ﻫﻬﻬﻬﻬﻪ ﻻﻻ
ﻋﻤﺮ : ﻧﻌﺪﻭ ﻟﻠﻴﺜﻲ ؟ 😃
ﺍﻧﺎ : ﺑﻬﻲ ﺍﺭﻳﺖ 😍
ﻋﻤﺮ : ﺣﺘﻲ ﻧﺎ ﺍﻧﻼ ﻫﻬﻬﻬﻬﻬﻪ 😝😂😒
ﺍﻧﺎ : ﻫﻬﻬﻬﻬﻬﻬﻪ ﺗﻮ ﻧﺮﺩﻭ 😝
ﻋﻤﺮ : ﻣﻔﺶ ﺭﺩ ﻛﻠﻬﻢ ﻳﺮﺩﻭﺍ ﻻ ﺍﻧﺘﻲ ﻧﺴﺮﻗﻚ ﻭﻧﻬﺮﺏ ﺑﻴﻚ
ﺍﻧﺎ : ﻭﻳﻦ ﺗﺤﻄﻨﻲ؟ 😍
ﻋﻤﺮ : ﺃﻱ ﻣﻜﺎﻥ ﺍﻫﻢ ﺷﻲ ﺑﺮﻭﺣﻨﺎ 😘
ﺍﻧﺎ : ﻋﺴﻞ ﺍﻧﺖ 😚😍
ﻋﻤﺮ : ﻧﺎﻋﻠﻴﺎ ﻧﺎ ﻧﺤﺒﻚ ﻭﺭﺍﺱ ﺍﻣﻲ ﺍﻧﺤﺒﻚ 😍
ﺍﻧﺎ : ﻗﻮﻝ ﻭﺭﺍﺱ ﺭﻳﺘﺎ ﺍﻧﺼﺪﻗﻚ ﻫﻬﻬﻬﻬﻬﻬﻪ
ﻋﻤﺮ : ﻣﻌﺶ ﺗﻀﺤﻜﻲ ؟؟ ﻛﺎﻥ ﺍﻧﺤﺼﻠﻚ ﺗﻮﺍ
ﺍﻧﺎ : ﺍﺭﻗﺪ ﺍﺭﻗﺪﺩﺩ ﻫﻴﺎ ﺧﻼﺹ ﻧﻌﺴﺖ ﻧﺎ
ﻋﻤﺮ : ﺑﺪﺭﻱ ﺍﺯﺯﺡ؟
ﺍﻧﺎ : ﻻﻻ ﻧﻌﺴﺖ ﻧﺎ ﺧﻼﺹ
ﻋﻤﺮ : ﺑﻪ ﻧﺸﻮﻓﻚ ﻓﻲ ﺻﺒﺢ؟
ﺍﻧﺎ : ﺷﻴﻠﻨﻲ ﻟﻠﻤﺪﺭﺳﻪ ﻓﻲ ﺻﺒﺢ ﺗﻮ ﺗﺸﻮﻓﻨﻲ
ﻋﻤﺮ : ﻻ ﺧﻼﺹ ﻣﻌﺶ ﺑﻨﺸﻮﻓﻚ
ﺍﻧﺎ : ﺗﻮ ﻧﻨﺰﻟﻚ
ﻋﻤﺮ : ﺗﻮﺍﺍﺍﺍﺍ ﺍﻫﺎ ﺍﻧﺰﻟﻲ ﻫﻴﺎ ﺗﻮ ﻧﻠﺒﺲ ﻭﻧﻄﻠﻌﻠﻚ
ﺍﻧﺎ : ﻗﺼﺪﻱ ﻉ ﺑﻜﺮﻩ ﻓﻲ ﺻﺒﺢ ﻳﺎ ﻫﻤﻲ
ﻋﻤﺮ : ﻧﺒﻲ ﺗﻮﺍ؟
ﺍﻧﺎ : ﺑﻜﺮﻩ ﻣﺘﺒﺶ ﺗﺸﻮﻓﻨﻲ 😘😍
ﻋﻤﺮ : ﺗﻮﺍ ﻭﺑﻌﺪﻳﻦ ﻭﺑﻜﺮﻩ ﻭﺑﻌﺪ ﺑﻜﺮﻩ ﻭﻛﻞ ﻭﻗﺖ ﻛﻞ ﻳﻮﻡ ﻛﻞ ﻟﺤﻈﻪ
ﺍﻧﺎ : ﺑﺎﻫﻲ ﻣﻌﻨﺎﻫﺎ ﺑﻜﺮﻩ ﺗﻮ ﻧﺼﺒﺢ ﻋﻠﻴﻚ ﻣﻦ ﺭﻭﺷﻦ ﺑﻌﺪ ﺗﻄﻠﻊ؟
ﻋﻤﺮ : ﻓﻲ ﻣﻮﻝ ﺗﻘﻌﺪﻱ ﺟﻨﺒﻲ ﻭﺍﺳﻤﻌﻲ ﻓﻜﻴﻨﻲ ﻣﻨﻪ ﺩﺑﺸﻚ 😒
ﺍﻧﺎ : ﻗﻮﻝ ﻋﺒﺎﻳﻪ ﺣﺘﻲ ﺍﻧﺖ؟ 😒
ﻋﻤﺮ : ﻣﻦ ﻗﺎﻟﻚ ﺍﻟﺒﺴﻲ ﻋﺒﺎﻳﻪ؟ 😱
ﺍﻧﺎ ......: ﺍﻣﻤﻢ ﺑﺎﺑﺎ؟ 😥😁
ﻋﻤﺮ : ﻻﻻ ﻋﺒﺎﻳﻪ ﺗﺮﺳﻢ ﺍﻟﺠﺴﻢ ﺍﻟﺒﺴﻲ ﻟﻮﻥ ﻏﺎﻣﻖ ﻭﻓﻜﻴﻨﻲ ﻣﻨﻬﻦ ﺍﺗﺶ ﺩﻱ ﻣﺘﻌﺎﺗﻚ 😒
ﻭﻟﺒﺴﻲ ﺍﺳﻮﺩ ﻓﻲ ﺍﺳﻮﺩ 😍
ﺍﻧﺎ : ﺣﺴﺐ ﺍﻟﺠﻮ ﻣﺘﻌﺎﻱ 😌
ﻋﻤﺮ : ﺷﻮﺭﻙ ﻭﺗﺨﺼﺼﻚ ﻟﻌﻨﺎﺩ ﻭﺗﺼﻜﻴﺮ ﺍﻟﺮﺍﺱ 😒
ﺍﻧﺎ : ﻫﻬﻬﻬﻪ ﺗﻮ ﻧﺸﻮﻑ 😘
ﻋﻤﺮ : ﻓﻜﻴﻨﻲ ﻣﻦ ﺯﻣﺎﻃﻮ ﻣﺎ ﺯﻣﺎﻟﻄﻮ 😒
ﺍﻧﺎ : ﻣﻮﻧﻴﻜﻴﺮ ﻳﺎﻫﻤﻲ 😂
ﻋﻤﺮ : ﻣﻨﻌﺮﻓﺶ ﺍﻟﺨﺎﺭﺏ ﻣﺘﺎﻉ ﺍﻟﻈﻮﺍﻓﺮ ﻓﻜﻴﻨﻲ ﻣﻨﻪ
ﺍﻧﺎ : ﺑﻴﺞ ﺍﻭ ﻗﻬﻮﻱ ﻧﺎ ﻧﺪﻳﺮ ﻓﻴﻪ 😌
ﻋﻤﺮ : ﻻﻻ ﻗﻮﺗﻴﻪ ﻭﺻﻔﻂ ﺍﻟﺴﺮﺍﻭﻳﻞ ﺟﻮ ﺍﻟﺴﻠﻔﻴﻪ ﻫﻀﺎ ﻓﻜﻴﻨﻲ ﻣﻨﻪ 😒
ﺍﻧﺎ : ﺗﻲ ﺑﻨﺎﻃﻴﻠﻲ ﻛﻠﻬﻦ ﺍﻗﺼﻴﺮﺍﺕ 😒
ﻋﻤﺮ : ﻣﻨﻔﻬﺶ ﻧﺎ 😒
ﺍﻧﺎ : ﻭﺷﻨﻮ ﺍﺧﺮﺍ؟ 😒
ﻋﻤﺮ : ﻣﺘﺤﻄﺶ ﺷﻲ ﻓﻲ ﻭﺟﻚ ﺍﻧﺘﻲ ﺩﻳﻤﻪ ﺗﻄﻠﻌﻲ ﺑﻼ ﻣﻜﻴﺎﺝ ﻭﺳﻤﺤﻪ 😍
ﺍﻧﺎ : ﺑﺎﻫﻲ 😏
ﻋﻤﺮ : ﺍﻧﺤﺒﻚ 💝
ﺍﻧﺎ : ﺣﺘﻲ ﻧﺎ ﻧﺤﺒﻚ 💝
ﻋﻤﺮ : ﺑﻜﺮﻩ ﻧﺮﻥ ﻋﻠﻴﻚ ﻓﻲ ﺻﺒﺢ ﻭﻧﺎ ﻃﺎﻟﻊ ﺑﻨﺸﻮﻓﻜﻤﻦ ﻓﻮﻕ 💝
ﺍﻧﺎ : ﺣﺎﺿﺮ ﻣﻦ ﺍﻋﻴﻮﻧﻲ 😍
ﻋﻤﺮ : ﻣﺶ ﺧﺎﻃﺮﻱ ﺍﻧﺼﻜﺮ 😥
ﺍﻧﺎ : ﺣﺘﻲ ﻧﺎ ﻣﺨﻄﺮﻳﺶ 😥
ﻋﻤﺮ : ﺍﺣﻠﻲ ﻛﻠﻤﻪ ﺗﻘﻮﻟﻲ ﻓﻴﻬﺎ ﻣﺨﻄﺮﻳﺶ ﻫﻬﻬﻬﻪ 😍
ﺍﻧﺎ : ﻫﻬﻬﻬﻪ ﺍﻫﺎﺍ 😝😍
ﻋﻤﺮ : ﺍﺭﻗﺪﻱ ﻛﻮﻳﺲ ﻭﺗﻐﻄﻲ ﻛﻮﻳﺲ ﻭﻓﻜﺮﻱ ﻓﻴﺎ ﻭﺍﺟﺪ
ﺍﻧﺎ : ﺑﺎﻫﻲ ﺣﺘﻲ ﺍﻧﺖ 😍
ﻋﻤﺮ : ﻣﻦ ﻏﻴﺮ ﻣﺘﻮﺻﻲ ﻓﻲ ﺑﺎﻟﻲ ﺍﻧﺘﻲ 😘
ﺍﻧﺎ : ﺍﻳﻮﺍﻩ ﻟﻴﻠﺘﻚ ﺳﻌﻴﺪﻩ 😘
ﻋﻤﺮ : ﻟﻴﻠﺘﻚ ﺍﺳﻌﺪ 😍
ﺻﻜﺮﺕ ﻣﻨﻪ ﻓﻜﺮﺕ ﻓﻴﻪ ﻭﻓﻲ ﻛﻼﻣﻪ 😍😍
ﻭﻓﻲ ﺷﺠﺎﻋﺘﻲ ﺗﻲ ﻛﻴﻒ ﻣﺴﻜﺖ ﺭﻭﺣﻲ ﻭﻣﻨﺰﻟﺘﺶ ﻫﻬﻬﻬﻬﻬﻪ 😍
ﻳﺎﺭﺑﻲ ﻉ ﺷﻮﻱ ﻛﺎﻥ ﺍﻗﻨﻌﻨﻲ ﻫﻮﺍ 😂😪😓
ﺭﻗﺪﺕ 💤
ﺛﺎﻧﻲ ﻳﻮﻡ ﺭﻥ ﻋﻠﻴﺎ ﻭﻫﻮﺍ ﻃﺎﻟﻊ ﺷﻔﺘﻪ ﻣﻦ ﻓﻮﻕ ﻭﺷﺎﻓﺘﻲ
ﻋﺪﺍ ﺍﻟﻮﻗﺖ ﻭﺑﻌﺪ ﺍﻟﻐﺬﺍ
ﺑﺪﻳﻨﺎ ﺍﻟﻠﻲ ﺗﺤﺪﺩ ﻭﺍﻟﻠﻲ ﻳﺘﻌﺎﺭﻛﻦ ﻉ ﻧﻔﺲ ﺍﻟﻠﺒﺴﻪ 😷
ﻣﻨﻴﺎ : ﺷﻦ ﻧﻠﺒﺲ؟ 😩
ﺍﻧﺎ : ﻧﺎ ﺑﺮﻭﺣﻲ ﺣﺮﺕ 😨
ﺑﺲ ﻓﻲ ﺍﻻﺧﻴﺮ ﻟﺒﺴﻨﺎ ﻃﺮﺣﺎﺕ ﺳﻤﺎﺡ ﻛﻠﻨﺎ 😍
ﻧﺎ ﻭﻣﻼﻙ ﻭﺍﺑﺘﻬﺎﻝ ﻭﻣﻨﻴﺎ 😍
ﺭﻳﻤﺎﺱ ﻣﺎﺣﻮﺗﻚ ﻛﻴﻒ ﻗﻨﻌﻨﻬﺎ ﺍﻧﻬﺎ ﺗﻘﻌﺪ 😒
ﻭﻋﺎﺋﺸﻪ ﻃﺒﻌﺎ ﺍﺳﺒﻠﺖ ﺑﻠﻘﺮﺍﻳﻪ ﻭﻫﻴﺎ ﺗﺒﻲ ﺍﻟﺤﻮﺵ
ﻳﻔﻀﻠﻬﺎ ﻋﺸﺎﻥ ﺗﻜﻠﻢ ﺍﺣﻤﺪ 😒
ﻣﻼﻙ ﻟﺒﺴﺖ ﺑﻠﻮﺯﺗﻬﺎ ﺗﺎﻳﻘﺮ ﻭﺭﻛﺒﺖ ﻋﻠﻴﻬﺎ ﺟﺎﻛﺘﻲ ﺍﻟﺴﻮﺩﻩ ﻭﺳﺮﻭﺍﻝ ﺟﻴﻨﺲ
ﺍﻗﺼﺮ ﻭﺷﺎﺭﻳﻪ ﻭﺳﻨﺪﻝ ﻋﺎﻟﻲ ﺍﺳﻮﺩ ﻭﻟﻔﺖ ﻭﺷﺎﺡ ﺍﺳﻮﺩ ﻭﺷﻨﻄﻲ ﺍﻟﺤﻤﺮﺍ 😍
ﺍﺑﺘﻬﺎﻝ ﻟﺒﺴﺖ ﻗﻮﻧﻪ ﻃﻮﻳﻠﻪ ﺳﻮﺩﻩ ﻭﻟﺒﺴﺖ ﻣﻌﺎﻫﺎ ﺑﻠﻮﺯﻩ ﺑﻴﺞ ﻭﻭﺷﺎﺡ ﻭﺭﺩﻱ ﻫﺎﺩﻱ ﻭﻛﻨﺪﺭﺗﻬﺎ ﻗﻬﻮﻳﻪ 😘
ﻭﺷﻨﻄﺘﻬﺎ ﺍﻟﻘﻬﻮﻳﻪ 😍
ﻣﻨﻴﺎ ﻟﺒﺴﺖ ﺳﻮﺭﻳﻪ ﺧﻀﺮﺍ ﺍﻗﺼﻴﺮﻩ ﻭﻭﺍﺳﻌﻪ ﻭﺟﻴﻨﺲ ﺍﻣﺮﻳﻜﻲ ﺩﺍﻛﻦ ﺍﺯﺭﻕ ﻛﻨﺪﺭﻩ ﺳﻨﺒﻞ ﺑﻜﻞ
ﺳﻮﺩﻩ ﻭﺷﻨﻄﺘﻬﺎ ﺍﻟﺴﻮﺩﻩ ﻭﻫﻴﺎ ﻋﺸﺎﻥ ﺧﺎﺷﻪ ﻉ ﺟﺎﺏ ﺟﺪﺑﺪ ﺣﻄﺖ ﻭﺷﺎﺣﻬﺎ ﺍﺳﻮﺩ ﻭﻧﺺ ﺷﻌﺮﻫﺎ ﺑﺮﻩ 😍😒
ﺍﻣﺎ ﺍﻧﺎ؟؟ﻫﻬﻬﻬﻬﻬﻬﻪ ﻗﺎﻟﻚ ﺍﺳﻮﺩ ﺍﻭ ﻋﺒﺎﻳﻪ ﺗﻲ ﻳﺨﺮﻃﻮ ﻛﻠﻬﻢ 😂😂
ﻟﺒﺴﺖ ﺑﻠﻮﺯﻩ ﻣﻮﻑ ﺷﻔﺎﻓﻪ ﻭﻓﻴﻬﺎ ﻓﻴﻮﻧﻜﻪ ﻣﻦ ﺭﻗﺒﻪ ﻃﻠﻌﺖ ﻟﺒﺴﺖ ﺗﺤﺘﻬﺎ ﺑﺪﻱ ﺍﺳﻮﺩ ﻋﺸﺎﻥ ﺷﻔﺎﻑ ﺷﻮﻳﻪ ﻭﻟﺒﺴﺖ ﺑﻨﻄﻠﻮﻥ ﺗﻮﺑﻮ ﺍﺳﻮﺩ ﻭﻟﺒﺴﺖ ﻭﺷﺎﺡ ﻣﻼﻙ ﺍﻟﺒﻴﺞ ( ﺑﻤﺎ ﺍﻥ ﻧﺺ ﻟﺒﺴﻴﺘﻬﺎ ﻣﻨﻲ ) ﻭﺧﺪﻳﺖ ﺷﻨﻄﻲ ﻗﻮﺗﺸﻲ ( ﺷﺮﻳﺘﻬﺎ ﻗﺒﻞ ﻣﺎﻧﻄﻠﻌﻮ ﻣﻦ ﻟﻴﺜﻲ ﻣﻦ ﺷﺎﺭﻉ ﺍﻟﺤﺠﺎﺯ
ﻛﺎﻧﻮ ﺩﺍﻳﺮﻳﻦ ﻓﻴﻬﻦ ﺗﺨﻔﻴﺾ ﺍﻟﻠﻪ ﺍﻟﻠﻪ ) ﻭﻟﺒﺴﺖ ﻛﻨﺪﺭﺗﻲ ﺍﻻﻟﺒﻴﺞ ﻭﺍﻃﻴﻪ ﺑﻜﻞ ﻭﻣﺮﻳﺤﻪ 👌😍
#
ﺍﻣﺎ ﻋﻴﺖ ﻋﻤﻚ ﻋﻤﺮ
ﻫﻨﻮﺩﻩ ﻻﺑﺴﻪ ﺑﺎﻟﻄﻮ ﺑﻴﺞ ﻃﻮﻳﻞ ﺷﻮﻳﻪ ﻭﺑﻨﻄﻠﻮﻥ ﺗﻮﺑﻮ ﺍﺳﻮﺩ ﻭﻻﺑﺴﻪ ﻭﺷﺎﺡ ﺍﺣﻤﺮ ﻏﺎﻣﻖ ﻭﻣﺮﻛﺒﺘﻠﻪ ﺷﻨﻄﻪ
ﻭﻛﺎﻭﻳﺶ ( ﺳﺒﻴﺪﺭﻭ ) 😍
ﻫﺒﻪ ( ﺍﺷﺮ ﻣﻦ ﻣﻼﻙ ) ﻻﺑﺴﻪ ﺑﻠﻮﺯﻩ ﺯﺭﻗﻪ ﺍﻗﺼﻴﺮﻩ ﺑﻜﻞ ﻭﺑﻨﻄﻠﻮﻥ ﺗﻮﺏ ﺑﻴﺞ ﻭﺷﺎﺡ ﻣﺨﺮﺑﺶ ﺍﻟﻮﺍﻥ ﺣﻠﻮﺍﺕ
ﻭﺷﻨﻄﺘﻬﺎ ﺷﺎﻧﻴﻞ ﺣﻤﺮﻩ ﻭﻛﻨﺪﺭﻩ ﺯﺭﻗﺎ 😍
ﻋﻤﺮ ﻻﺑﺲ ﺳﻮﺭﻳﻪ ﻛﺤﻠﻴﻪ ﻏﺎﻣﻘﻪ ﻭﺑﻨﻄﺒﻮﻥ ﺑﻴﺞ ﻓﺎﺗﺢ ﻭﻻﺑﺲ ﻛﻨﺪﺭﻩ ﺍﻧﻴﻘﻪ ﺑﻜﻞ 😚😍😘😍
ﻧﺰﻟﻨﺎ ﻛﻠﻨﺎ ﺑﻌﺪ ﺳﻤﻌﻨﺎ ﻣﺤﺎﺿﺮﻩ ﻣﻦ ﻣﺎﻣﺎ ﻉ ﻗﻠﺔ ﺍﻟﺤﺸﻢ
😒😒
ﻃﻠﻌﻦ ﻫﺒﻪ ﻭﻫﻨﺪ :
ﻫﻨﺪ : ﺍﻭﻭﺑﺎﺍ ﺍﻫﻼ ﺍﻫﻼ ﻋﻄﻚ ﺣﺒﻪ ﻳﺎﺟﻴﻬﺎﻥ ﻓﻲ ﺩﺑﺸﻚ ﺧﺴﺎﺭﻩ ﻣﺎﻣﻨﻌﻢ ﻭﺻﻲ ﻉ ﻋﺒﺎﻳﻪ 😂
ﺍﻧﺎ : ﻳﺎﺧﻴﺘﻲ ﻫﻬﻬﻬﻬﻬﻬﻪ 😂😒
ﻫﻨﺪ : ﺷﻮﻓﻲ ﻫﺒﻪ ﺷﻦ ﻻﺑﺴﻪ؟ 😒
ﺍﻧﺎ : ﻣﺸﻔﺘﺶ ﻣﻼﻙ ﺳﻨﺪﻝ ﻋﺎﻟﻲ ﺍﺳﻮﺩ ﻭﻣﻮﻧﻴﻜﻴﺮ ﺍﺣﻤﺮ
ﻫﺒﻪ : ﺍﺻﺒﺮﻱ ﺑﻨﻌﺪﻱ ﻧﻠﺒﺲ ﺍﻟﺴﻨﺪﻝ ﺍﻻﺳﻮﺩ ﻣﺘﺎﻋﻲ ﻋﻨﺪﻱ ﻭﺍﺣﺪ ﻣﺶ ﻋﺎﻟﻲ ﺗﻮ ﻧﺠﻴﻜﻢ
ﻣﻼﻙ : ﻋﺪﻱ ﺑﺴﺮﻋﻪ 😍
ﺍﻧﺎ : ﻋﻤﺮ ﻃﻠﻊ؟
ﻫﻨﺪ : ﺍﻫﺎ ﻳﺮﺍﺟﻲ ﺑﺮﻩ ﻫﻴﺎ
ﻃﻠﻌﺖ ﻟﻘﻴﺘﻪ ﻓﻲ ﺟﻨﺎﻥ ﻳﺸﺮﺏ ﻓﻲ ﻗﻬﻮﻩ
ﺍﻧﺎ : ﺍﻟﺴﻼﻡ ﻋﻠﻴﻜﻢ؟
ﻋﻤﺮ : ﻭﻋﻠﻴﻜﻢ ﺍﻟﺴﻼﻡ ؟؟؟؟؟
ﺍﻧﺎ : ﻧﺴﺨﻦ ﺍﻟﺴﻴﺎﺭﻩ ﻋﻠﻲ ﻣﺎﻃﻠﻌﺖ ﻫﺒﻪ ﻫﻴﺎ ﺑﻨﺎﺕ
ﻫﻮﺍ ﻳﻔﻨﺺ ﻓﻴﺎ ﻉ ﻟﺒﺴﺘﺲ ﻃﻠﻌﺖ ﺭﻛﺒﺖ ﻓﻲ ﺳﻴﺎﺭﻩ ﻭﺭﻛﺒﺖ ﻣﻼﻙ ﻣﻦ ﻗﺪﺍﻡ
ﻭﺍﺑﺘﻬﺎﻝ ﻭﻣﻨﻴﺎ ﻻﻭﺭﺍ
ﻭﺑﻌﺪﻫﺎ ﻃﻠﻊ ﻫﻮﺍ ﻭﻟﻊ ﺳﻴﺎﺭﺗﻪ ﻭﺭﻛﺒﺖ ﻫﻨﺪ ﻗﺪﺍﻡ ﻭﻫﺒﻪ ﻻﻭﺭﺍ
ﻋﻤﺮ : ﻣﺎﺷﻴﻦ ﻟﻔﺮﺡ ﻧﺤﻨﺎ؟
ﻫﺒﻪ : ﻭﺍﻟﻠﻪ ﻣﺎﺩﺭﺕ ﻣﻜﻴﺎﺝ؟ 😔
ﻋﻤﺮ : ﻉ ﻟﺒﺴﻪ؟ 😒
ﻫﺒﻪ : ﻣﺰﻟﺖ ﺍﺻﻐﻴﺮﻩ ﻭﺑﺎﺑﺎ ﺣﻘﻨﻲ ﻭﻧﺎ ﻃﺎﻟﻌﻪ 😒
ﻫﻨﺪ : ﺧﻼﺹ ﻓﻮﺗﻬﺎ ﻫﻴﺎ ﺑﺲ 😌
ﻋﻤﺮ : ﻭﻻ ﺍﻻﺧﺮﺍ ﺍﻟﻠﻲ ﺗﺤﺴﺎﺏ ﺭﻭﺣﻬﺎ ﺍﺻﻐﻴﺮﻩ 😒
ﻫﻨﺪ : ﺟﻴﻬﺎﻥ ﻫﻚ ﺗﻠﺒﺲ ﺣﺘﻲ ﻓﻲ ﻣﺪﺭﺳﻪ ﺑﺎﺗﻬﺎ ﺍﻳﺰﻱ ﺑﻜﻞ ﻳﻘﻌﺪ ﻗﺎﻋﺪ 😒
ﻭﻋﺎﺩﻱ ﻣﺪﻟﻌﻬﻦ 😌
ﻋﻤﺮ : ﻣﺎﺷﻲ ( ﻓﺘﺢ ﺍﻟﺮﻭﺷﻦ ) ﻭﺭﺍﻳﻪ ﺩﻏﺮﻱ 😏
ﺍﻧﺎ : ﺑﺎﻫﻲ ☺
ﺍﻟﻄﺮﻳﻖ ﻛﻠﻬﺎ ﻧﻈﺮﺍﺕ ﻭﻳﻨﺎﺑﺶ ﻓﻴﺎ ﻣﺮﻩ ﻣﺮﻩ ﺣﻴﻮﺍﺍﺍﻥ 😂
ﻭﺻﻠﻨﺎ ﺩﺭﺳﺖ ﺍﻟﺴﻴﺎﺭﻩ ﺟﻨﺐ ﺳﻴﺎﺭﺗﻪ ﻭﻧﺰﻟﻨﺎ 😌
....... ﻳﺘﺒﻊ
😔
# fatma
