ابو ياسمين:شكو ياسمين فاطمة شصار
ياسمين:اخذني من هنا وبس
ابوياسمين:خليني ادخل وافتهم يابابا
ياسمين:لا اخذني وبس
ابوياسمين:اوكفي بس خلي اسلم العالم طلعو
ابو عمر:اهلا ابو ياسمين تفضلوا
ابو ياسمين: شلونكم ياجماعة ان شاء الله غير مره
ياسمين:با ب بابا اريد افصخ الخطوبه مااريد ازوج
ابوياسمين:بابا بس اسكتي شويه مدافتهم شصار فاطمة شكوو فهمني
ام ياسمين:اووف عادل الكلبه امه وكفت كدام الكل واصيح مااريدها ومعاقه ومجبوره بيها
عمر:اليوم اثبتلي انه لو عدوج مسويله هل السوايه انتبهي علئ نفسج بسوالفج محد راح يخسر غيرج ،ياسمين مرتي شرعاً وباجر راح اروح اكمل اجراءات المحكمة وبس نعقد ازوجها هذا العندي مااريد اتعب نفسي وياج اكثر
ابوعمر:عمر انتبه علئ حجيك ويه امك
عمر:والله لو تيم ابن اسر مايسوي الي سوته ،اني لاعلي ولااسر وازوجيني بمزاجج اذا حركتي كلبي مره مو معناها كل مره تسلم الجره
علي:عمر اصعد نام انت من عصبيتك مداتعرف شداتحجي
عمر:صاعد ،صاعد فإن غدا لناظره قريب
ابو ياسمين:يعني وحده ماعدها ضمير شكول غير هيج
ياسمين:مااريده بابا ماريده حياتي جحيم اصير وياها والله صعبه
عسل:ييييييي صعبه صعبه اخذي ابنها واجلطيها ولج
ياسمين:اي مو هي لعبه واخذ ابنها هذا الزواج مامرتاحتله علئ اعصابي خسرت صديقتي ودراستي اهملتها تعبت كافي
ابوياسمين:والله بابا القرار راجع الج تكملين تفصخين براحتج
علا:مينا كلبي دايتكطع علئ ياسه تصورين حالتها هسه شلون
مينا:اسم الله حبيبتي،اي والله حالتها صعبه اكيد بس عمر رجال ومااطول حبها راح ياخذها ياخذها عمتي محد يكدرلها غيره
علا:لحد الان مدااكدر انسئ بچيه علئ نورا وحالته شلون صارت جنت اكول مستحيل راح يحب لو يفكر يرتبط بعد،والله ماما اذابقت مصره علئ هذا اسلوبها اني هم راح اوكف ضدها كافي تتحكم بينا عاد
مينا:من شفت صورهم بلخطوبه والله كمت صليت صلاة الشكر الحمدالله الله يسعدهم ويهدي امج عليهم،والله البنية شكلها طيوبه وحبابه وبنت اوادم
ابوياسمين:فاطمة شلون صارت ياسمين
ام ياسمين: غفت هستوها ويمها عسل بقت كاعده علي باجر تخابر عمر وخلي يجيب ابوه وشيخ وننهي الموضوع بعد مااتحمل اني ام لحد الان ساكته وبنتي داتتعاير بمرضها وداشوفها مثل الطير المذبوح كدامي لازواج ولاشي اذا كدامنا وهيج ورانا اشلون لاعيني الباب التجيك منه ريح سده واستريح
ابو ياسمين :اني هم هيج اكول خلي انام وباجر نحلها تصبحين علئ خير
ام ياسمين:وانت من اهله اني راح اصلي صلاة الليل وانام
علي:عمر كاعد لونايم
عمر:كاعد تعال
علي:عمر راح اسألك سؤال واحد بس انت تحبها؟
عمر:انت اعرف الناس بيه ومااكدر اضم عليك شي ،اصلا اليوم مسلتت بلحجي عليكم انت واسر والله اسف بس امي دانصدم بيها اعرف متسلطه ،وقويه ولسانها نوعاً ما سليط بس اليوم اكتشفت امك بدون مشاعر واحساس
علي:ماجاوبتني تحبها لولا
عمر:اي احبها ومستعد اكمل حياتي وياها بكل الظروف ياسمين مختلفه عن اي بنيه
علي :واعاقتها مشايفها مشكله بزواجكم شوف اني اسف بس امي وياها حق يعني البنت معاقه عمر وهذا عمر راح تخلصه وياها واطفال مو لعبه مسؤوليتك جبيرة وكلها راح تكول نصحنا ومافاد اذا اشتكيت او تعبت فديوم
عمر:اعاقتها اعاقتها ليش اتركون كل الاشياء الايجابية وتركزون علئ اعاقتها بس البنت نولدت بهذا وضعها اني اريد زوجة سند مااريد لاعبه ادخل بيها الألعاب الأولمبية بنظري هي طموحة،شاطرة،حساسة، صاحبة مبدأ ،خلوقة،بنت ناس يعني بنية ب100رجال اما اعاقتها شي عرضي بنسبه اليه ماراح اشتكي ولاراح اطلب مساعدة احد واذا تريدون اكتب الكم تعهد خطي حتئ نسد هذا الموضوع نهائي
علي:عمر الي جانت حبيبته نورا ويختار ياسمين اكيد شي مو طبيعي
عمر:لاكولش طبيعي اصلا وتصبح علئ خير عندي دوام باجر
علي:خوش طردة فرحتني من اليوم راح اكون سندك والله يوفقك حبيبي ويسعدك بس ردت اتأكد علمود مانظلم البنت بنهاية الله يتمملكم علئ خير
عمر:ثقو بيه والله مرتاح وياها واريدها شكرا وجودك انت ومينا يقويني ربي يحفظكم الي اجمعين
ابو عمر:يعني مااعرف شلون اشكرج علئ هدية اليوم بنت اصول فعلا
ام عمر:عبدالعزيز ليش هل تجاوز ليش اضغطون عليه مااكدر اتحملها ابنك مافكر باجر اطفاله شراح يطلعون اكيد نفس امهم مو من مستوانا
ابو عمر:البنية اعاقتها مو وراثيه خلل اثناء الولادة صاير بعدين بمكان ماتفكرين بعمر فكري بعلي البنية المسكينة صارلها شكد مرته مصار عدهم شي شوفي ابنج
ام عمر:ابني اسم الله عليه مابيه شي اكيد الخلل منها يجوز عاقر وماتخلف بعدين اني اشوفه لو انت انتو رياجيل وتفتهمون واحد ع ثاني
ابو عمر:باجر كلشي راح يصيرله حل بس انتظري فاتن انتظري
مينا:هاعلي بشر شلونه عمر
علي:مقهور حيل ومضايق،بس طلع يحبها صدك ومستعد يزوجها
مينا:اي والله جنت متأكدة اصلا اليوم من حجئ عنها عيونه كامت تلمع مثل النجمه هو كلك
علي:اي استفزيته بنورا كتله اليحب نورا يختار ياسمين بعدين معقولة?
مينا :اووف ياعلي شجاب طاريها لنورا شنو انتو عدكم من كلوب عمر شمسويلكم حتئ هيج كأنما كلبه ناقص وكملتها عليه
علي:اخذيها مني نصيحها اذا تريدين تعرفين رأي احد بشيء معين استفزي بي راح يحجي الحقيقة بسرعة
مينا:المهم وشكلك هو
علي:كعد يعدد بصفاتها وحبها ومبين علئ كوله المصرين واكع لشوشته بيها
مينا:الف الحمدالله ارتاحيت والله لازم نساندهم حبيبي
علي:اكيد ياروحي جان يوم متعب وطويل وهو فرحان بوجودنا اني وياج خلي انام ونشوف شلون تصفئ
ياسمين:الساعة ب3:00ص يالله راسي راح ينفجر ياربي ساعدني ماعندي احد غيرك تعبت ارحمني ياللهي ياارحم الراحمين
ياسمين:عسل يالله اكعدي الساعة ب5:30ص
عسل:فتحت بتك عين لكيت ياسمين داطلع بملابسها راح اداومين اليوم ؟
ياسمين: صباح النور ،اي ليش مااداوم اليوم عنددي مواد مهمه وصارلي فتره هاملتها وهو الرابع اهم مرحله من ناحية المواد والمعدل
عسل:اني لو منج استغل عمر استغلال مصاير مو هو دكتور خلي هو يضبط امورج
ياسمين:اني مااحب لاالواسطات ولااللواكه وبعدين ليش انزل نفسي مامحتاجه احد بس خايفه بعد مانفصخ يشد وياي بلمواد شيخلص السنة اووف ياربي
عسل: لج بابا انتي صدك تحجين شنو تفصخين الولد يحبج ويريدج وعاند اهله تعوفي لفاتن الحرباية تشمت بي
ياسمين:اسكتي اش ماصدكت بالي شويه صفئ يله كومي شكد تحجين
ابو ياسمين:ياسمين شنو قرارج النهائي بابا حتئ اعرف شلون اصرف
ياسمين:افصخ بابا كافي لحد هنا تعبت وعمر هم تعب الزواج راحة استقرار امان اني بحرب من صارت الخطوبه لحد الان ومااريد اخلي عمر يعيش طول عمره بين نارين امه ومرته هذا قراري خابره واتفقو واني اسوي الي تريدوه
ابو عمر:صباح الخير ،بماان الكل موجودين عدا عمر تعال عمر اريد نحجي بموضوع مهم
عمر:بابا عندي محاضرات متأخر اني
ابو عمر:عمر اتصل بيه قبل شويه ابو ياسمين يريدون يفصخون الخطوبة
عمر:شنوووو خلي اشوفه بله
ام عمر:واخيرا صباح يفتح النفس فعلا ياالله الله يكثرلنا من الاخبار الحلوة
عمر:ضميلج فرحة للعرس لاتخلصينها اليوم
ابوعمر:فاتن،عمر كافي مااريد اسمعلكم صوت عمر انت رايدها للبنية اكيد ابني
عمر:انتو ليش ماحسسيني انو اني مراهق وعايش بنزوة احبها اي واريدها ومستعد ازوجها واترك كلشي ياريت تخلون هلشي ترچيه بااذنكم
ابوعمر:لان هذا زواج عمر مولعبه والبنت وضعها استثنائي لعد راح اخابر ابوها واروح كلنا يمهم علئ العشاء ونحدد موعد العرس ماكو داعي للتأجيل وتأخير
عمر:الله يحفظك اليه بابا انطيني ايدك ابوسها لعد راح اخذ اجازة باجر حتئ نكمل اجراءات المحكمة
ام عمر:انت شسويت شنو عرس شنو انتو بكيفكم تقررون
ابو عمر:لا اخذنا هذا القرار بالاغلبية كلها صوتت موافقه بس انتي نعرف رايج مسبقاً فصوت واحد مقابيل الاغلبية ميعني شي بس للعدالة ونزاهة نعيدلج التصويت هذا حق علي
علي:موافق
ابو عمر:مينا
مينا :اكيد موافقه اصوت بلعشره ووياها هلهولة كلوووووووووش
ابو عمر:اسر
اسر:موافق طبعا
ابو عمر:مياسه
مياسه:اووف والله فاتن تذبحني ااااا
ابو عمر: مياسسسه ،فاتن لاتخزرين البنية
مياسه :موافقه
ابو عمر: علا
علا:موافقة ،موافقة ،موافقة
ابو عمر:عمر شنو رايك انت هههههههه
عمر:موافق اكيد احلئ قرارو موافقة بعمري
ابو عمر: واني هم موافق والله يباركلك حبيبي
ابو عمر: وختامها مسك فتونه وانتي
ام عمر:مهزله
ابو عمر: انتهئ التصويت بالاغلبيه /راح اتصل باابو ياسمين السلام عليكم
ابوياسمين:وعليكم السلام ان شاء الله ابو علي اليوم تخلص الشيخ انتو اجيبو لو احنا
ابو عمر:ابو ياسمين اليوم عشانا يمكم احنا والعائله وجايبين ويانا اخبار حلوة انشاء الله وتفرح الكلب ان شاء الله مااريد تكلفون نفسكم احنا اهل مو غربه بعد صرنا مع السلامة
ابو ياسمين:هلا بيكم تشرفونا اكيد طبعا الله وياك
ابو ياسمين:الووو ,فاطمة خابرت علئ ابو عمر وكلي راح يجوون علئ العشاء وجابين وياهم اخبار حلوة ،اني راح اخذ زمنية واجي حتئ اسوك اروح
ام ياسمين:ماافتهمت منه شي يعني ،اي زين ذولي شسويلهم عشاء ياربي
ابو ياسمين: خلي اجي ونتفاهم
ياسمين:اليوم ماكو بلكت مامداوم يارب
عمر:ياسمين
ياسمين:يالفرحة المادامت
عمر:اليوم راح نجيكم ونتفق علئ كلشي خلي ننهي بسرعة الموضوع
ياسمين:هو هذا افضل واحسن حل وان شاء الله تلكئ بنت الحلال الي تناسبك وتناسب اهلك وتسعدك
عمر:تتوقعين اكو احسن منج
ياسمين :اكيد اكو وانت كامل المواصفات ماشاء واي بنت تتمنئ
عمر :وانتي ماتتمنيني
ياسمين :اتمنيتك بس ظروفنا مستحيلة علاقه راح تكول مشحونه وانت اكثر طرف راح تكون متأذي مااريد تخلص عمرك بيني وبين امك انت تستحق الافضل بكلشي بعدين انت مو اول امنية اتمناها وماتتحقق علئ كوله عادل امام متعوِده دايماً هههههه
عمر:بس البارحة من جنا بلغرفه وجنتي بب
ياسمين:عندي محاضرة لازم اروح وياريت نرجع مثل قبل ياسمين علي ودكتور عمر رجاءا واسمحلي اترخص
ام ياسمين:يالله مالحك شسوي،طلعت البورك والكبب ودجاج تكلاه وكباب شوي وتكه والمقبلاتدعلئ عسل ومعكرونه وفنكر چبس والحلويات من برا وفواكه هذا الاريده علي الله يساعدج ياسميتني شلون يوم سوده عليه ربي ريح كلبها
ابوياسمين:الله كريم اذا اذكرتي شي خابريني راح اخابر محمد هم اخلي يجي
ام ياسمين:اوووف ياربي اميره شراح يخلصنا منها راح تحرك بكلبنا كل مااشوفنا دخيلك ربي الطف بحالنا وحده اخوك يجي اذا تجي وياه اميرة احرك روحي
ابو ياسمين:كولي يالله فاطمه شنو القصة،راح اجيب البنات هم مو تشوفين ياسمين وتلطمين خلي كلشي بوقته حلو
ام ياسمين:تمام
ابو ياسمين:شلونج ياروحي
عسل:هلو علووش شلونك
ابوياسمين:صوتج مااسمعه عسل ،اليوم بيت عمر معزومين يمنا علئ العشاء
ياسمين:اي كلي عمر بابا خلي اخلص وارجع لحياتي الطبيعية هم وراح ينزاح
عسل:يالله شكد تحبين تبجين
ابو ياسممين :عسل
عسل:سكتنا
ام عمر:ماشاء الله ولدي وچنايني مسوين تحالف ويه هل بنت المعاقه
علي:لاتحالف ولاشي بس اذكري وضع عمر وراه نورا مستعده تشوفي مرة ثانية بهل حالة
ام عمر:الله كريم يصير خير
عسل :شراح تلبسين
ياسمين:اي شي مراح انزف يعني راح اطلك
عسل:ان شاء الله لا
ياسمين :لبست فستنان طويل لونه رصاصي غامق وشال اسود مكياج ماكو
عسل:عزه بعينج شلابسه انتي؟؟؟شنو رصاصي واسود ميتلج احد ان شاء الله بفاتن واميرة اللهي
ياسمين:اش كافي
ابو ياسمين:اجوي
عسل:ولج ياسمين شو ذولي كاشخين مو مال ابنهم يطلك اليوم
ياسمين:همه لبسهم هذا ماله علاقه اذا فرح او حزن الشيخ دخل لو بعده
ابوعمر:الله بلخير
ابو ياسمين:الله بلخير والعافية زارتنا البركة
ابوعمر: الله يسلمك عروستنا وين شوماكو
ابوياسمين: ها اي هسه ياسمين
عسل:دقيقه بس خلي مكياج علئ اقل خفيف
ياسمين :ابتعدي
عسل :ما جنج وجه مومياء الرجال دايكول عروستنا بس حمره وكحله
ياسمينء:خليت كحل وحمره وطلعت حتئ بس اسكتها اصلا عيوني وارمه من البجي
ابوعمر:يااهلا وسهلا عروستنا الغالية
ياسمين:اهلا عمو وكعدت سلمت علئ الكل بس عمر مااباوعتله سلام بس سريع
ابو عمر:حتئ نتعشئ براحتنا وفرحانين قررنا زواج ياسمين وعمر يوم25بشهر هو باجر واحد بشهر
ياسمين:شلون يعني مافهمت
ابو عمر :زواجكم بعدله25يوم
ياسمين :عمر
عمر:عمو اريد احجي اني وياسمين
ابوياسمين:تفضلوووو بابا
ياسمين:احنا متفقين ننهي كلشي
عمر:اني مامتفق علئ شي
ياسمين:بس اليوم الصبح احنا حجينا
عمر:حجينا بس ماكتلج راح نفصخ ياسمين من كل عقلج اعوفج انتي رجعتلي حياتي احبج واريد ابقئ لااخر يوم وياج احبج
ياسمين:يصير احضنك🥺🥺
عمر:بس حضن واشياء اخرئ هم
ياسمين:هههههه
عمر :باجر نبلش بااجراءات العقد ماشي تمام
ياسمين:الف الحمدالله الكابوس تحول حلم احلئ حلم جانت سهرة تخبل
ياسمين كملنا اجراءات العقد وبيوم العقد لبست كوستم اوف وايت ومكياج حلو طلعته من اليوتيوب والقاضي جان فرحان بينا يكول احلئ عرسان عقدت الهم انتو وماما بابا وعمو ابوه عدا فاتن فاتحة عدها ماسمعت منها مبرووك ابد ولا حتئ لعمر تغدينا بمطعم وجانت الدنيا ماساعيتني صار خلال الغداء اتفاق ان نسكن ويه اهله كااول فتره بصراحة فرحتي كلها راحت مياسه وفاتن وياي معناها حرب علنية بس الله يساعدني اهتميت باامور الحنا والتجهيزات بيوم الحنا لبست بدله ماروني ومكياج سموكي وتسريحه شعر الي اصير نص نص مفتوح الشعر ونص مرفوع وخالتي وهلاهل وهو اجه طالع يخبل خلصت وباجر عرسي
كعدت ب6:00ص حضرنا الجنط الي راح اخذها وياي للفندق وراها تريكت ورحنا للصالون بدلتي جانت بسيطه ردن وصدرها عادي بيها ورد اابيض علئ خصر بسيط شريط ومن جوه منفوشه وطويله والبركع طويل وبي ورد منتاثر نفس نوع الي بلبدله والماسكه ورد ابيض وبنفسجي مكياجي بنفسجي فاتح تسريحه شعري شعري مرفوع وتاج حذائي فلات وهو قاط اسود ورباط بنفسجي وساعة لابس والقسم كله معزوم شي يرهب جانت الدخولية مالتنا جانت قبل لايدخلون المعازيم اني ردت هل شي منعاً للاحراجات بسبب وضعي ماكرصت سلوو وكل هل شكليات حلمي تحقق مامحتاجه هل اشياء بس الكل فرحان النا بس كصينا الكيكة وهو جماعته ماقصرو وياه اني اباوعله وبيني وبين نفس هسه تجي تكعدني عسل اكيد
فرحتي كملت لمن
غسق:طالعة تخبلين ياروحي الف مبروك
ياسمين:غسق الله يبارك حبيبتي حضنتها وكمت ابجي
غسق :اش كافي ياخبله مكياجج راح يروح
ياسمين:اني اسفه دزيتلج البطاقه من تلفون ماما واتصلت بس مارديتي
غسق:ردت اسويلجياها مفأجاة بعدين دكتور عمر عزمني قبل الكل حبيبة كلبي تزوج وماحضر عرسها
ياسمين:ياروحي احبج يوم الافرح بيج
غسق:نيالج احلئ دخله بتاريخ اليوم راح تشوفين كلشي
ياسمين:ارعبيني فوك مااني مرعوبه احترمي نفسج وذكريني
عمر:فرحانة حبيبتي؟
ياسمين:ماكو شي يوصف احساسي الله يحفظك اليه يااحلئ شي صار بحياتي
عمر:تحضري وراه الصور راح اصير الزفه
ياسمين: اخذنا صور وانطيت الماسكة مال الورد لغسق بااعتبارها مخطوبه زفتنا تخبل شي خيالي
وصلنا للفندق بس شبه راح يغمئ عليه دخلت وياي ماما هو طلع ياخذ صور ويه اهله نزعت البدله ولبست سيت نوم ابيض ورد ابيض وروبه طويل ومسحتلي عسل المكياج وفتحت شعري شكلي طلع بريئ وناعم سلمو عليه وطلعو دخل هو اني كاعده ع جربايه ومدنكه راسي
عمر:ان شاء الله اكدر اسعدج كل حياتنا واحقق كل امنياتج الااكدر عليها من اليوم صرت اني ابوج وزوجج واخوج وحبيبج وصديقج وكلشي بحياتج واكيد اني نفس الشي بنسبه الج
ياسمين :رفع راسي كعد يم رجليه اكيد راح تكون كلشي اليه وراح اصونك واكون الزوجة التتمناها
عمر:متاكد من هلشي ياسمين امي تبتعدين عنها هي ومياسه ولوشمايسون ماتردين واني ماراح اخلي احد يمسج بكلمة
ياسمين:تدلل
عمر:طالعة تخبلين اليووم احسب دقيقة دقيقه شوكت اوصل لهل لحظه
ياسمين:ميته خجل اني انت هم طالع حلو اليوم وراها صرنا بعالم ثاني شعور ماينوصف انولدت من جديد وياه ♥️♥️♥️♥️♥️
STAI LEGGENDO
ياسه|YASA
Storie d'amoreهذه الراوية مستوحاة من قصة حقيقية لفتاة من ذوي الاحتياجات الخاصة وكيفية زواجها من الشخص الذي احبته ورفض امه وكرهها لها لتبدأ رحلتها في حياتها الجديدة.
