نورا: عفيه منو عنده ملخصات او يكدر يشرحلي المادة والله صعبة
نورس:اكو ولد اسمه عمرعبدالعزيزهو كلش شاطر ويحب يساعد
نورا:اكلج خاف عيب الولد مااعرفه گبل اروح اكله اريد مساعدتك
نورس:لاعادي هو حباب ويساعد وكلها تعرف الوضع هسه شلون موزين
نورا:بس تعالي وياي استحي وحدي
نورس:ماشي بس فضيها
نورس:صباح الخير عمر
عمر:صباح النور نورس
نورس:شلونك عمر
عمر:الحمدالله بخير
نورس:اه صدك نسيت اعرفكم نورا طالبه ويانا بس جانت منقطعة بسبب الظروف عمر الشاطر مالتنا ومن الطلبة الاوائل
عمر:اهلا وسهلا
نورا:اهلا بيك
نورس:عمر الله يخليك تكدر تشرح لنورا مادة امتحان اليوم خطيه محاضره ويانا ولا محاضره
عمر:اي تدلل ماعندي شي
نورا:الله يوفقك يارب تسلم
عمر:لاتدللين
نورس:يله لعد اني اروح صديقتي منتظرتني بعد مااوصيك عيني عمر علئ نورايه
عمر:لا الله وياج
نورا:نبدي
عمر:اي يله
عمر:نورا نورا
نورا:ها عيني عمر طبعا دورت عليك ردت اشكرك بس مالكيتك بلقاعة
عمر: المهم بشري
نوراً:الحمدالله حليت سؤاليين من القريتهم الي
عمر:الحمدالله تدرين واحد من الاسئلة نسيته
نورا :يا حرامات والله اني دوختك اليوم اسفه
عمر:لايمعوده عادي،اي شيء تحتاجين اني حاضر
نورا:تسلملي ماتقصر والله وكفتك اليوم ماانساها
عمر:تدللين
عمر:صدك قبل لاانسئ خلي اشر الج المهمات مال امتحان باجر
نورا:والله مااعرف شكولك داتعبك والله
عمر:لاتدللين
سامر:ماشاء الله صاير متعاون كلش😉
عمر:من زمان اني هيج بس هاي البنت خطيه ظروفها صعبة
نورا:صباح الخير عمر شلونك
عمر:صباح النور نورا
نورا:تعال اعزمك علئ چاي
عمر:مو المفروض اني الاعزم
نورا:غير مره
عمر:احجيلي عنج مااعرف شي
نورا:اوكي احنا ولد و٢بنات وبابا وماما
عمر:الله يخليكم بابا شنو شغله
نورا: متقاعد وماما ربه منزل والباقيين طلاب،وانت
عمر:احنا ٣ولد وبنت وابويه وامي
نوراً:الله يحفظكم
عمر:تسلمين
نورا:عمر عمر
عمر:نعم
نورا:شنو هذا السؤال شدايقصد الدكتور
عمر:اكلج بشرط
نورا موافقه يله اول مره اشارك بليومي
عمر:راح اكتبه الج بلورقه
نورا:رفعت ايدي
الاستاذ:تفضلي بنتي
نورا.......
الاستاذ:نعم الجواب شسمج بابا
نورا:نورا محمد
الاستاذ:اليوم عمر ماسمعنه صوته
عمر:خلي غيري يشارك استاذ
الاستاذ:اها
نورا:باوعت وضحكت،بعدها خلصت المحاضرة،صدك عمر ماكتلي شنو شرطك
عمر:شوفي بدون لف ودوران اريد رقمج
نورا:لا
عمر:لاشنو انتي وافقتي
نورا:ماعبالي تريد رقمي
عمر:مالي علاقة اني انتي وافقتي بعد
نورا:ماشي راح انطيكياه
عمر:بقينا يوميا نتخابر ونسولف ونشاوف بجامعة وعلاقتنا بدأت تطور شي شي
نورا:اليوم الجو يخبل
عمر:تحبين المطر
نورا:اموت عليه
عمر:واني اموت عليج
نورا:شنو
عمر:انتي تدرين بيه اني صريح ومااحب الف والدوران اني احبج نورا وبصراحه مااكدر اضم عليج وامثل عود احنا اصدقاء واني لااحب العلاقات ولااحب العب بس تخلص الجامعة اخطبج من اهلج
نورا:اني لازم اروح هسه باي
سامر:اشبيك شو صارلك يومين موطبيعي
عمر:اني لامابيه شي
سامر:لابيك عيونك تتلفت وادور مضيع شي
عمر:لامابيه بس انت شكد فارغ لهل درجة مركز وياي
سامر:مضيع گلبك ماتسأل نورس عليها
عمر:هي منو انت شداتحجي شو سويلي طريق
نورا:صباح الخير
عمر:صباح النور بس الفرحة ماسايعتني من شفتها
سامر:نورس ثبت عيد كل عام وانتي بخير
نورا:عيد شدايحجي هذا
عمر:مالج علاقه بي دايمسلت،وين اختفيتي ضل بالي
نورا:ماكو شي بس شويه مريضه والله جنت
عمر:وهسه شلون صرتي
نورا:الحمدالله
عمر: ماعرفت رأيج بكلامي
نورا:عمر يعني اني موافقه بس بشرط مااريد احد بلكلية يعرف تعرف سمعتي غالية
عمر:اكيد😍😍😊 سمعتج اهم عندي من كلشي
نورا:ماشي
سارة:عفية عمر بس شنو المطلوب بهاي المادة
عمر:اوكفي خلي اشوفلج
نورا:اني راح اروح اشوف نورس
عمر:ليش رحتي مبقيتي
نورا :عفيه عومر شنو المطلوب
عمر:ههههه غرتي من سارة
نورا :مو غيره بس مايعه كلش وحركاتها ماتعجبني
عمر:لاغرتي منها ،تحبيني
نورا:اه لا يله لازم اروح اني
''بعد مرور سنة''
عمر:مساء الخيرجميعاً
ابو عمر:مساء النور
ام عمر:مساء الخير حبيبي
عمر:اريد احجي وياكم بموضوع
ابو عمر:اي كول
عمر:يعني راح ادخل بلموضوع كبل
ام عمر:يكون احسن
عمر:اكو بنية وياي بلجامعة وهي كلش مؤدبه وخلوقه واني اريد اخطبها
ام عمر:شنو تخطبها ،اخوانك الاكبر منك بعدهم مامتزوجين انسئ
عمر:ليش وبعدين شنو الزواج بالتسلسل وهو المهم الواحد يحس نفسه جاهز يخطي الخطوة
ام عمر:من ياعشيرة من يابيت اهلها شيشتغلون امها ابوها
عمر:......
ام عمر:مامعروفين عائلة عادية
عمر:وانتي بشنو يهمج اذا عائلة عادية او معروفة
ام عمر:انت نسيت منو احنا
عمر:صدك تحجين لوتشاقيين
ام عمر:خلي اشوفها اول مره وبعدين يصير خير
عمر:ماشي
عمر:حبيبتي اليوم حجيت ويه اهلي عنج
نورا: كول والله وشكالوو
عمر:امي تريد اشوفج
نورا:اي اتشرف
ام عمر:سألت علئ بنية مابيها ولامواصفات زينة وجابولي حتئ صورتها
ابو عمر:اشبيها يعني فاتن ابوها جذب مو متقاعد جان ضابط وهسه ضام راسه يخاف
ابو عمر:وشنو يعني كل العالم جانو قبل ضباط اشبي يعني
ام عمر:ليش جذبت وكالت متقاعد اكيد وراها شغله موزينه
ابو عمر:كولي يالله فاتن صدك جذب هو غير كلشي حلوو وانتي شايفه الوضع محد يكدر يطلع راسه الذبح والسيارات المفخخه صدك تحجين
ام عمر:ماارتاحيتلها بيتهم فكر مبين
ابو عمر:شكلها شلونه
ام عمر:طولها وسط حنطاويه سافره كلشي بيها صغير بس شعرها حلو ومربربه
ابو عمر:معناها حلوة يله خلي نتوكل
ام عمر:لا
ابو عمر:ليش شكو بيها ياعيني
ام عمر:كلبي مامرتاحلها لاعائلة معروفة واكو شي بداخلي ما مريحني ومو هي الاتمناها العمر
ابو عمر:فاتن شنو هاي السوالف صدك تحجين ماكو ولاسبب مقنع
ام عمر:اهم شي النسب والعائلة ماندري اصلها منين مامنين وتكلي مو سبب مقنع بعدين ابوها مامرتاحه لجذبتها علئ عمر
عمر:ها ماما شوكت اشوفيين نورا
ام عمر:ماكوداعي اشوفها الغي الموضوع من يمك
عمر:شنو الغي البنية انطت كلمة الاهلها
ام عمر:فدوة لله شهل الاهل علئ الاساس بنت البشاوات
عمر:ليش ماعاجبتج
ام عمر:لان تضحك عليك وشافتك قشمر
عمر:لا نورا صارلي٣سنين اعرفها مستحيل
ام عمر:ابوها شنو يشتغل
عمر:متقاعد
ام عمر:جذابه ابوها جان ضابط ومكايلتلك
عمر:يجوز الظروف ماسمحتلها مو مهم
ام عمر:لعد شنو المهم وشنو التعرفه عنها
عمر:اني احبها واريد ازوجها شعليه بااهلها
ام عمر:انسئ
عمر:لاماانسئ
ام عمر:ماشي عمر
عمر:باجر راح ترحيين واشوفيين اهل الابنية
ام عمر:ماشي
ام نورا:اهلا وسهلا
ام عمر:اهلا بيكم
نورا:السلام عليكم خاله شلونج
ام عمر:وعليكم السلام
ام عمر شلونج نورا
نورا:الحمدالله خاله
ام نورا:شلونكم عيني ويه هل اوضاع
ام عمر الحمدالله
ام عمر:اني بس حبيت اتعرف عليكم ان شاء الله نجي غير مره
ام نورا:ها عيني براحتكم
ام عمر :مع السلامة
نورا:الو عمر
عمر:هاحبيبي
نورا:اجتي خالة اليوم
عمر:وشكالت
نورا:بس تعرفت علينا
عمر:اشو صوتج ماعاجبني
نورا:لاماكو شي بس اني يمكن ماعجبتها
عمر:لاحبيبتي مستحيل بس امي طبعها جاف بالعادة
نورا:ان شاء الله
عمر:انتي ليش ماكتيلي ابوج جان ضابط
نورا:والله عمر بسبب الوضع حيل خفت واذا تذكر اني بلبداية جنت حتئ دوام اخاف اداوم بس والله مو قصدي غير شي
عمر :ماشي حبيبتي بعد اكو شي اني مااعرفه،لااضمين عليه بعد شي
نورا :لا اوعدك
ابو عمر:ها فاتن بشري
فاتن:بيتهم خرابه وامها ماعجبتني شكلها مو تمام ابد
ابو عمر :فاتن حبيبتي كافي
ام عمر:هذا الزواج مراح يصير
احمد:لك سمعتو السالفة الطاشه علئ نورا
نورس:شكو
احمد:يكولون استغفر الله عندها سوالف وشغلات كله وراه الدوام
نورس :مستحيل اعرف نورا واعرف اخلاقها
احمد:يمعودة خلينا ساكتين
عمر:صباح الخير نورس اشو نورا مامداومه اليوم
نورس :والله ماادري بصراحة
عمر:دااتصل ماكو
احمد:لك عمر دريت بسالفة نورا
عمر:اشبيها
احمد:استغفر الله بس يكولون موزينه
عمر :شنو منو يكول
نورس:يالله صارت مشكله بين الولد
عمر:بس لواعرف وين اختفت
'' بعد مرور اسبوع''
عمر:راح اتخبل وين اختفت
سامر:كوه سألت صديقي بمنطقتهم موجود
عمر:شكالك
سامر:ذابيلهم تهديد وشايلين بنفس الليله بملابسهم
عمر:شنو ليش
سامر:لان خطيه ابوها جان ضابط قبل وطالع تقاعد بس تعرف الوضع انت اول مره كاتلين البيت البصفهم ابوهم خطيه هم ضابط جاينه المغرب ويه الصلاة وبعدها السره كايليهم علئ ابوها
عمر:تلفونها مغلق
''بعد مرور شهر''
ابوعمر:شلون راح تبقئ هيج حابس نفسك بغرفتك،تخرجك بعدله شهر شلوون
عمر:بابا اطلع وسد الباب رجاءا
ام عمر:شوف انطيتك مجال كلت يوم يومين ويرجع لوضعه الطبيعي بس اذا تبقئ علئ هل وضع راح يصيرلي تصرف ثاني وياك
عمر:اطلعوو بره وعوفوني بديت اكسر بلغرفه لحد مافقدت
عمر :بديت اقرا حتئ اسكتهم ويبتعدون عني ومن اجتي الامتحانات اروح علئ كد الامتحانات
سامر:راح تبقئ هيج عمر
عمر:داموت محد دايحس بألمي بالاول اختفت بعدين سمعت الحجي عليها بعدين اختفت نهائيا اذا اتريد تروح ليش ماكالتلي ليش ماوضحتلي لهل درجة مو مهم عندها اني
سامر :انساها
عمر:هههههه شكد سهله انساها
سامر :حتئ تكدر تكمل بعدها
عمر:حقكم محد يحس بالالم الاصاحبه
سامر:اني اروح باي
ابوعمر:شتريد اسويلك شتأمر
عمر:اريد اسافر
ابو عمر:ياريت اختار اي دولة
عمر:سوريا
ابو عمر :تددلل
عمر:سافرت بس كجثة وماعندي اي هدف او امل بس اريد انهزم واريد ابعد ايامي جانت عاديه تعرفت ع ناس صادقت ناس بس الغصة البداخلي مداتروح بعدها صرت الحرب ورجعت
ام عمر:حبيبي المشتاقتله
عمر:اني هم مشتاقلج،جانوو متحضرين وعزيمه وو اني مو يهمهم بغير عالم
علي:شناوي اسوي
عمر:ماادري بعد
علي :ليش ماتكمل دراسات انت شاطر والك واهس
عمر:هاي قبل هسه تغيرت
علي:لا لا ترجع بس تشوف الكتب
عمر :الله كريم
علي :السنة تقدم
عمر :ماادري شلون اقدم وكلشي مقاري
علي :اني وياك
عمر:قدمت بس مو بكليتي بغير كليه وانقبلت وبعدها الدكتوراه وخلال الفترة مابين الماجستير والدكتوراه اتعينت وبعدين داومت كم سنة وانقلت لجامعتي
شعور غريب بين الاشتياق والالم والحزن والذكريات ومشاعر مختلفه
رئيس القسم:اهلا دكتور عمر
عمر :اهلا وسهلا
رئيس القسم:طبعاً يسعدنا وجودك ضمن كادرنا ،المقرر راح يكولك علئ كل التفاصيل
عمر :ربي يحفظك ،تمام
مقرر القسم:راح تاخذ المرحله الرابعة لان ماعندهم استاذ شاغر
عمر:تمام
عمر:السلام عليكم طلاب
الطلاب :وعليكم السلام
عمر:احب اعرفكم بنفسي استاذكم الجديد اني
'' يتم طرق الباب''
عمر:تفضل
الطالبه:ممكن ادخل
عمر:تفضلي بس مره ثانية ماادخل احد بعدي
الطالبة :تمام دكتور
عمر:حابه اتعرف عليكم كبداية،نبدي من الطالبه المتأخرة شسمج
الطالبة:ياسمين علي
عمر:عاشت الاسامي
ياسمين: شكرا استاذ
يتبع.....
YOU ARE READING
ياسه|YASA
Romantikaهذه الراوية مستوحاة من قصة حقيقية لفتاة من ذوي الاحتياجات الخاصة وكيفية زواجها من الشخص الذي احبته ورفض امه وكرهها لها لتبدأ رحلتها في حياتها الجديدة.
