"ဟို သားမဟော် အဲ့တာကလေ မင်းဆရာကိုမတားလိုက်နိုင်လို့ပါကွယ်။ဒေါ်ကြီးပေါ့ဆတာမဟုတ်ပါဘူး။ဒေါ်ကြီးတို့ကိုအလုပ်မထုတ်ပါနဲ့နော်"
မင်းဆရာဟူသော နာမ်စားကိုတွဲဖက်အသုံးပြုရင်းပြောလာသောစကားကြောင့် မဟော်စိုးရိမ်သွားမိပါ၏။
သူဘာတွေများလျှောက်လုပ်ပါလိမ့်ဟူသောအတွေးစတစ်ချို့ဖြင့် မဟော်သည်ထမင်းချက်ဒေါ်ကြီးကိုပြန်မေးရတော့သည်။"ဦးက ဘာတွေလုပ်တာလဲ"
"ဟို အဲ့တာကလေ ဟိုမင်းဆရာကမနေ့ညနေက သူကိုယ်တိုင်မီးဖိုချောင်ဝင်ပြီး ဟင်းတွေဘာတွေချက်ပြီး မင်းကိုမျှော်နေတာပဲ။အဲ့တာညစာလည်းမစား မင်းကိုတစ်ညလုံးလည်းမအိပ်ပဲသူမျှော်နေတာ မင်းကမနက်လင်းတဲ့အထိတောင်ပြန်မလာတော့ သူလည်းစိတ်တိုပြီး သူချက်ထားသမျှဟင်းတွေအကုန်လုံးကိုသွန်ပြီးပန်းကန်တွေခွဲတော့တာပဲ။မနက်စာလည်းဘာမှမစားသွားရှာဘူး"
မဟော့်ရင်အစုံသည် နာကျင်ရပြန်ပါပြီ။မိမိသိပ်ချစ်သောသူက ညစာတောင်မစားဘဲ မိမိကိုတစ်ညလုံးမျှော်နေခဲ့သည်တဲ့လား။မိမိကသူ့အပေါ်ဘယ်လိုတောင်မတရားခဲ့တာလဲ။သူမိမိကိုစောင့်နေသည့်တစ်ညလုံး မိမိကမိုးရေထဲမှာစိတ်ကူးပေါက်ပေါက်လျှောက်လုပ်ပြီးသတိလစ်မေ့နေခဲ့သည်တဲ့။
ဘယ်လိုတောင်အသုံးမကျမိတာလဲ။ကိုယ်ကတော့သူများအိမ်မှာနှစ်နှစ်ခြိုက်ခြိုက်ကိုသတိလစ်မေ့မျောနေတုန်းသူ့မှာတော့ လည်တဆန့်ဆန့်နဲ့စောင့်နေခဲ့ရမှာ။ရှိုင်းကျွေးတဲ့ စွပ်ပြုတ်ကိုကိုယ်သောက်နေတုန်း သူကမနက်စာမစားခဲ့ဘူးတဲ့လား။မတရားပါ။
သူ့အပေါ် မိမိသည်မတရားခဲ့ပါ။ရှိုင်းပြောတော့ ဖေဖေ့ကိုဖုန်းဆက်သည်တဲ့။ဒီလိုဆိုရင် ဖေဖေကသူ့ကိုစိတ်မပူရအောင်ပြန်ပြီးသတင်းမပေးခဲ့ဘူးလား။
မဟော်သည် Breakfastခန်းထဲမှ အပြေးထွက်ကာအိမ်ရှေ့ဧည့်ခန်းအတွင်းရှိကြိုးဖုန်းဆီသို့ အလျှင်အမြန်သွားခဲ့ပါ၏။မိမိဖုန်းက
မနေ့ကမိုးရေထဲမှာရှိနေခဲ့သည်ဆိုတော့ ရေဘယ်လောက်တောင်ဝင်နေပြီလဲမသိပါ။"Hello"
"Helloသား ပြော"
"ဖေဖေ့ကိုမနေ့ကရှိုင်းဖုန်းဆက်ပြီးသားရဲ့သတင်းပေးတာကို ဖေဖေကဦးကိုပြန်မပြောပြဘူးလား"
YOU ARE READING
ချစ်သော...ဦး(Uni+Zawgyi)[Completed]
Romanceတယောသံလွင်လွင်လေးရယ် နှင်းဆီနီနီတွေရယ် အတိတ်တွေသည် မဟောင်းနွမ်းခဲ့ပါ။ သို့သော် အသစ်ဖြစ်တည်လာတဲ့ ဂစ်တာသံများက ထိုလူသား၏စိတ်ကိုပြောင်းလဲသွားစေမည်လား။ တစ်ခါက လူသားနှစ်ယောက်ကြားက လူသားတစ်ဦးသည် ထိုအချင်းအရာ၏အဖြေကို စဉ်းစားရသိပ်ကျပ်ခဲ့ဖူးပါ၏။ တေယာသံလြင္လ...
Part(15)
Start from the beginning