رواية باللهجة الجزائرية حاتلقاو فيها حوايج بزاف
حب و ضحك وتمهبيل وتملك وغيرهم
و كاينين شخصيات بزاف كل واحد وقصتو
فيها بعض من الواقع الجزائري 🤗
حايعيشوا أحداث بزاف مشوقة وحماسية 👍👨👩👦👦
هل راح تكون نهاية سعيدة ؟ 👌
هذا الشيئ نخليكم أنتم تقر...
تهدر مع روحها : وهادا كيفاه لقا fb تاعي يا ربي زعما صدفة وحتى كون تكون صدفة علاه حتى يبعتلي ليا رجل أعمال كيفو يحلب الناس لي كيما أنا هههه منضنش
مزالت تخمم حتى لحقتها abonné في الانستغرام
كي راحت تشوف لقاتو هو طلقت التلفون من يدها : بسم الله الرحمن الرحيم هادا جني كل دقيقه يخرجلي في بلاصة وين زاد لقا انستا تاعي
رفدت لبرطابل ودخلت la page تاعو تشوف les photos وتهدر : سبحان الله حتى من التصاور مايضحكش فيهم ياخويا غير تبسم برك ياخي ماكش حاتموت بصح بيني وبينك يا أنا راهو قوة وشخصية خلاص
وذرك أنا acpt ولا مكلاه أفففففف باينة مانقبلش يقلك غير من هادوك لبنات تاع الصوارد و واش كي بعثلي بلاك صدفة برك
وهي هاكاك تخمم حتى وصلها مساج في المسنجر "أقبلي وبركايك من التخمام بزاف "
بقات حالة فمها : والله غير شاكة لاراهو عبد وزيد يأمر ويقولي أقبلي لا قبلتك راني كلبة "
شوي هاك وصلها مساج من numéro جديد ماتعرفوش وقلها " هادا نيميرو تاعي رجيستريه كشما نحتاجك نعيطلك "
هنا يسرى طيشت لبرطابل وناضت تعيط : عاااااااا والله مادرت والو في حياتي مازلت صغيرة حتى يجيو تاع العالم هاداك يديوني يا ربي
شافت من ومن وتهدر : شوفو إذا عندكم عداوة مع كاش واحد من تاع الدار أنا خطيو جرتي هاني نقلكم هاو قدامكم أسامة ولا ماما ولا وسيم ولا بابا لالا بابا ناس ملاح ماتقربولوش
دخلت لامية : واش ياطفلة راكي تبيعي فينا في السوق ولا
يسرى : إسمحيلي ماما مي كون كشما يكون راح نضحي بيك نتي لولة بيسك أنا مزلت صغيرة ونتي جوزتي شبابك و شبعتي من الدنيا 😂
لامية : واش قصدك يا وجه الهم اه
يسرى : صاي يا ماما عندي أمور في راسي لازم نريڨلهم منبعد ونحكو
هزت بورطابلها وطلعت لبيتها عاودت قرات لي مساج تاوعو لي ستفزوها بطريقة كلامو ومقدرتش تسكت دخلت كتبتلو يسرى : واش راك تحوس نتا عندي ومنين جبت نيميرو تاعي ؟ آدم : حاجة ماتخصكش المهم كي نبعثلك تريبوندي قعدت تشوف مع التلفون وهي متشوكي من طريقة هدرتو وأمور بزاف تخلطولها مافهمت والو
زاد بعثلها آدم : ريبوندي معامن راكي تحكي ؟ يسرى : بففف نتا مريض واش تحوس من لخر ؟ آدم : ماتزيديش تعاودي تاع مريض هادي لا نتفاهم معاك بطريقة خرى و واش نحوس ضرك نقلك 1:نبعثلك مساج نعيطلك تريبوندي 2: لخرجة ماكانش بلا ماتسقسيني 3:لبسة لي كنتي تلبسيها بدليها ماعجبتنيش 4: ماتقربيش من جنس الرجال حتى خوك دير حدود بينك وبينو 5: ماتحاوليش تخرجي على قوانيني بيسك راني مراقبك
هادو جزء صغير برك لمرة لجاية نكملك لباقي
يسرى مسكينة تقرى وتعاود 😂 ماش مصدقة واش رآها تشوف بين ليلة ونهار دخل هادا الراجل لحياتها بطريقة غريبة ماش قادر تستوعبها وماش فاهمة شكون هو ولا علاش راه يدير هك ولا واش باغي منها ميي لحاجة لي تعرفها ماش هي لي يجي واحد يأمرها ويطبق عليها سيطرتو وحكمو
يسرى تحكي بغضب : تسما كيشغل راك تتحدى فيا بصح مزال مخلقش لي يتحداني وقلت بلي مراقبني ضرك نشوفو واش تقدر دير
ناضت لبس حوايجها كيما هك 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لمت شعرها كوتشوفال دارت شوي غسيل وفاراجو وغوجلافر خفيف رشت شوي من لبارفان تاعها وقالت في نفسها " ضرك نشوفو يا سي آدم شكون يتحدى خوه "
نزلت إستأذنت من ماماها وقاتلها حاتلقا مريم وخرجت من الدار دارت الكيت في وذنيها وراحت جيهت لبحر
********
الراجل : سي آدم الآنسة راهي خرجت من الدار
آدم عينيه حمارو من الغش : وين رايحة ؟
الراجل : جيهت البحر
غلق آدم ناض هز مفاتحو وبرطابلو وهو يتمتم بين سنيه : راح تهبلني الطفلة هادي نهدرلها هك دير حاجة أخرى ليوم نتفاهم معاها على تخشينة راسها
############
خلصنا بارت اليوم لبنات 😊
وأسمحولي مرة اخرى إذا طولت ،، هيا نحتاجكم كامل في التعليقات وماتقراوش وتفوتو نحب نلقا تصويتكم والله لا راني نتعب كي نكتب وزيد نديرلكم بارت طويل
لبارت لجاي فيه مفاجآت بزاف 😚
نحبكمممممممم 🤗🤗🤗🤗🤗🤗🤗
وقبل ماننسى شوفو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
