السلام عليكم و رحمة الله وبركاته 💘
واش حوالكم لبنات 🖤
أسمحولي إذا جيتكم طولت
نبداو ومتنساوش التصويت 😘😘
🌼🌼🌼🌼🌼🌼🌼🌼🌼🌼
خلاصت الحفلة وبدا لغاشي يروح
يسرى : حبي نونو هاداك هو الوقت يا ربي نروحو
نور : علاش أقعدو ليوم تباتو عندي
مريم : نن ماش ليوم خليها خطرة خرى
يسرى : ايه ماقلتش لماما
نور : معلش وشكون يديكم ولا نعيط لشوفور ؟
يسرى : لا لا أسامة راهو جاي يدينا
شوي هاكا وصونا بورتابل يسرى كان أسامة وقالهم يخرجو راهو حدا الباب يستنى
في نفس الوقت لي كان آدم خارج فيه هو ورزان
رزان كي شافت يسرى و مريم من وراها لصقت كتر في آدم وهدرت بصوت عالي باه يسمعوها زعما
رزان : حبيبي لمزيا كي روحنا كان جو الحفلة يخنق سيرتو لعباد لي فيها ماعجبونيش ماجاتش خلاص كي الحفلات تاعنا الراقية يجيوها غير الناس المتحضرة
آدم مادارش عليها بيسك علابالو هيا من النوع لي مايعجبها والو وتتكبر فوق الحق
أما يسرى الدخان خرج من وذنيها كي سمعتها علابالها راهي تمعني عليها وقصدها تستفزها وتردلها الهدرة لي هدرتهالها قبيل
مريم كي شافت يسرى راح تتطرطق حكمتلها يدها وقالت بهمس : يسرى calme toi عيشيك ماديريش عليها وحدة ماش متربية
يسرى وهيا قريب تتكلاطة : كيفاه نسكت ماكش شايفتيها كيفاه تشرك في فمها معنتها هي ماش مليحة معاها الهدرة لازملها أفعال
مريم بشك : واش قصدك ؟
يسرى تبسمت بخبث : نن ماقصدي والو خفي روحك برك
كانت محطوطة واحد la table في طريقهم فوقها كيسان تاع jus والشراب (بما أنو الدار كبيرة كانت الطريق تاع الخرجة طويلة )
هزت يسرى واحد من ااكيسان هادوك و زادت شوي في السرعة تاع رجليها وكي لحقت ليهم دارت روحها حاطيح وتلوح داك الشراب على رزان
رزان حبست مخلوعة وحبس معاها آدم كي لقاها تشهق دار بقا متشوكي معاها
رزان بعياط : ماكش تشوفي نتي سيحتي عليا الشراب ياخي ذر ياخي
(ماقتلكمش رازان كانت لابسة سواري باللون الابيض ههههه )
يسرى ببراءة مصطنعة : يوووو طاطا أسمحيلي بصح علابالك هادا وين بنتي كي الناس المتحضرة
والله قوليلي منين شريتي اللبسة هادي بيسك شفتها عند ماما جابتها بيجامة في الشورة تاعها ولضرك راهي مخبيتها قاتلي باراكة تاع الحج 😁
مريم وآدم حاكمين في روحهم باسيف باه مايضحكوش هههه
رزان كون صابت اي قتلتها : نتي ماتحشميش على روحك &$#$&_
وهزت يدها حاتعطيها كف
مي bien sûr آدم ماش حايخليها تضرب حب قلبو حكملها يدها وخزر فيها وقال : رزان 👿
YOU ARE READING
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
