رواية باللهجة الجزائرية حاتلقاو فيها حوايج بزاف
حب و ضحك وتمهبيل وتملك وغيرهم
و كاينين شخصيات بزاف كل واحد وقصتو
فيها بعض من الواقع الجزائري 🤗
حايعيشوا أحداث بزاف مشوقة وحماسية 👍👨👩👦👦
هل راح تكون نهاية سعيدة ؟ 👌
هذا الشيئ نخليكم أنتم تقر...
روحت يسرى هي وأسامة للدار قعدت شوي شايخت مع عايلتها وحكات لمها على أجواء الحفلة مي b1 sûr ماش حاتحكيلهم على خدايمها ههههه تضاربت شوي هي و وسيم كالعادة 😂 ومنبعد كل واحد طلع لبيتو يرقد
لبست يسرى بيجامة كيما هك 👇👇
Oops! This image does not follow our content guidelines. To continue publishing, please remove it or upload a different image.
ولمت شعرها شوي من الفوق (كورونة ) وطلقت لي من لورى
وحطت راسها على المخدة جات في بالها صورتو كان كلو على بعضو عسل هههه ( كيما يقولوها 😁) ريحت بارفانو مازالها عالقة في نيفها كان قريب ليها لدرجة كبيرة هادا وين تفكرت كيفاه كان حاكمها بتملك كبير خدودها حمارو كي جازت ديك اللحظة في مخيلتها 😁 قعدت تهدر مع روحها : باينة هو من رجال الأعمال الأغنياء هادوك المتكبرين مي بوڨوص ههه ديك لاطاي وداك الكور يا خويا يا خويا تقول عمر تاع حب للإيجار هههه وزعما أنا نقدر نكون "ديما " 😂 مي لازمني نسبغ شعري rouge ومنبعد قعدت تضحك على تخمامها كي المهبولة عيات ترقد تقلبت من الجيهتين مي ليوم أول مرة النعاس مايجيهاش ناضت فتحت لبالكون وهزت راسها للسما تشوف فيها جازت عليها واحد النسمة باردة حركتلها شعرها وهي حضنت روحها بيديها عاجبها الجو
وهادا كل كان البطل تاعنا يراقب فيها #آدم يحكي
كنت خارج أنا ورزان وبالي عندها مافهمتش علاه ماحبتش تروح من مخي بكل تفاصيلها رزان تحكي وأنا ماش معاها معا لي داتلي قلبي وعقلي حتى نسمع فيها تعيط حبست وتشوكيت من المهبولة تاعي كي سيحت عليها الشراب وكي تحكي معا رزان وتستفز فيها بهدرتها هههه عجبتني الصراحة الطفلة هادي قادرة على شقاها كانت رزان حاتضربها مي من المستحيل نخليها تمس شعرة منها وإلا نقتلها نرمال
خرجت هيا وصاحبتها وأنا خفت لا تزيد تضيع مني مرة أخرى وليت لحقتها شفتها كي ركبت مع نفس الشخص مول لعينين الزروقة داك العبد مافهمتش علاه نكرهو لازم ديما لاصق فيها خبطت يدي في الفولون من الغش ماش قادر نشوفها تحكي مع راجل غيري وتزيد تضحك وتبتسم والله نقتلها ديماراو و أنا وراهم حتى حبسو قدام دار صاحبتها ومنبعد شوي وصلو نزلو ودخلو للدار كيف كيف معنتها عايش معاها ممكن يكون خوها ولا ولد عمها زعما عايشة معاه ولا شكون لازم نعرف عليها كلش
