يسرى : خلينالك الحشمة ليك يا .. طاطا 😏
وراحت هيا و مريم خرجو
رزان : علاش آدم ماخلتنيش نعتلها شكون هيا علاش منعتني
آدم : رزان سكتينا بركاينا من المشاكل
رزان : نتا علاه راك دافع عليها علاه واش تعنيلك هيا عنضلي أنا لي خطيبتك ولازمك توقف معايا
آدم بعياط : رزاااااان بلعي فمك شكون نتي حتى تحكي معايا هاكا أحتارمي روحك وماتزيديش تعلي صوتك في وجهي فاهمة
رزان كلمة مازادتها علبالها كون تنطق يخلطها
آدم : شوفي رامي يوصلك أنا عندي خدمة
وراح وخلاها بلا مايزيد معاها كلمة
عند يسرى ومريم لحقو لطوموبيل وهوما يضحكو
كان أسامة يستنى فيهم : أففف واش بيهم هادو طولو هكك
وغير هز راسو لقاهم جايين ويضاحكو بقى باهت وهو يشوف مع مريم
أول مرة يشوفها تضحك كانت دايما حشمانة ولا حكات كلمتين راهي تشعل
وكي زاد ثبت فيها لقاها متبدلة هادي أول مرة يشوفها لابسة كيما هك ومدايرة لميكب malgré أسامة خاطيه سواڨات البنات مي مريم كان يشوف كل تفصيلة فيها كبيرة ولا صغيرة وكأنو أول مرة يشوفها
يعرفها صحبة أختو من قداه سنة مي ليوم شافها بنظرة مختلفة
فاق من تخمامو ونفض الأفكار هادي من راسو كي وصلو ليه
يسرى ركبت : واش خو شبيك تخمم ؟
أسامة : كون زدتو بتو ماش خير ؟
يسرى : والله عيات فينا حنا لي محبيناش 😇 هاكا مريومة ؟
مريم تبسمت : ههه وي
تبسم أسامة لا إراديا كي سمعها تهدر
كملو الطريق والصمت هو سيد الموقف 😂
وصلو مريم للدار نزلت
مريم : أيا تصبحو على خير
يسرى : b8 حبي ومتنسايش غدوا تعيطيلي تحكيلي لجديد (وغمزتلها )
مريم : هههه إنشاء الله
وراحت
أسامة قتلو الفضول كان حاب يسقسي على لجديد هادا مي سكت خاف تعود يسرى تفهمو بالغالط علابالو بيها تحب تفهم النقص 😀
مريم جات حاتدخل للدار وتسمع في باب جيرانهم يتفتح ويخرج l'amour تاعها من الدار 😂
كان لاهي مع التلفون ماشفهاش ولات خمت أسكو تحكي معاه ولا نن مي تفكرت كلام يسرى وتجرأت وهدرت
مريم : واش وليد cv ?
رفع راسو لقاها واقفة وتتبسم
وليد : والله بيا واش الزين هادا كل نخاف عليك يعودو يعاينوك
مريم حشمت وهبطت راسها
وليد : وتزيد تحشم هك علابالي اليوم يخطفوك وتعرفيني منحبش عليك
مريم حست بفرحة من هدرتو وحست بلي كاين أمل بينهم
مريم : ههه خلاص برك ماتبالغش
وقبل مايرد سمعو صوت أم مريم : مريم هادي نتي هيا أدخلي واش راكي ديري
وليد : ههه روحي روحي أدخلي لا يخطفوك صح
مريم : أكي تصبح على خير
وليد : ونتي من أهلو
دخلت مريم للدار وهي شابعة فرحة مي واحد ماعلابالو واش كاين منا لغدوا
🌼🌼🌼🌼🌼🌼🌼
KAMU SEDANG MEMBACA
نتي المَلكْ ديالي أنا (باللهجة الجزائرية )
Cerita Pendekرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
part 5 💕
Mulai dari awal
