خبالاتي..

2019/Oct/25 🇮🇶

سلاام 💕

اليوم الذكرى السنوية لثورة تشرين
وكلتلكم قبل بالبارت السابق عندي مفاجأة لهاليوم 🔥

2019/Oct/25

هذا الحوار الشعري بين الشهيد والمتظاهر اهداء مني الى شهداء ثورة اكتوبر ...

الشهيد :
  امشينة ســوة نروح للجنة اهناك
  عافونة ومشـواْ اهواي وبـ؏ـد ما نحمل فراگ
  تعال وياي يـم الله وشمحلاة ملگاك
  نسولــف سوة وننسة الأذية ...

المتظاهر :
  ليــش استشهدت
  وعني بعدت
  ما ڪفواْ الراحواْ !
  وانتَ هـم رحت
  شبقيت بية مــو ضلوعي تڪسرت ...

الشهيد :
  رحت لجل نعيــش بحرية
  ومتت بهاي الثورة السلمية
  روحي فدوة للوطن والحرڪة الثورية
  نزلت حتة آخذ بحقي ...

المتظاهر :
  ؏ـهداً عليَّ آخذ بحقك وحقي
  ونخلي هالوطن جنة من الغربِ الى الشرقِ
  وما تبقى ابد طائفية على اللونِ والعرقِ
  وبـ؏ـون الله نلتقي واسولفلك واحضنك بگد شوقي
  نموت ونحيا لجل الوطن ...

الشهيد :
  عفية باخوي وابن ؏ـمي وضلعي
  اريد من الله ينصرك بحق الزهرة مڪسورة الضلـعِ
  بس بـ؏ـد اخوك لا تموت ضل حَي
  اريدك تثوبلي وتقرة الفاتحة ...

المتظاهر :
  لو بيدي اڪتب بدمي اسمك واسم ڪل الشهداء
  آنة وڪل اخوتي وبنـص الخضراء
  ونطيــح ڪل الاعلام ويبقى ؏ـلم بلدنا بالعلياء
  ونصطف وننشد مــوطنـي ...

      وعشت سالماً يا ؏ـرآق 🇮🇶💖

......................................................................

هالحوار الشعري من تأليفي طبعا حاولت اكون متضامنة مع الثورة ولو بشي بسيط واهدي هالعمل الى ارواح الشهداء واتمنى منكم تقرون الفاتحة على روحهم ❤🇮🇶

اقتبست الفكرة من الرابر العراقي MC Anhar هذا انسان عظيم بمعنى الكلمة حبيت فكرة الحوار اللي مسويه باغنيته اللي يمثل تحاور ما بين شخص بالعالم الدنيوي مع روح طافية بين الغيوم بالعالم الآخر وحبيت اسلوبه واقتبست بس الفكرة لا كلام ولا شي ثاني

واكثر شي حبيت هالكورس وكتبتهة اللي هوة :-

خسرت روحـي الي ؏ـندي اغلى شي
اتمنى ؏ـنـدي شي ثاني اگدر افدي
روحي تجول في سماء بلادي
انا بينڪم عايش
اعرفڪم ابد ما راح تخيبواْ ضني
حتاخذواْ حق تضحيتي ودمـ؏ـة امي
غايب عنڪم لڪن لتحسواْ ببـ؏ـدي
لأني بينڪم ؏ــايــش 🖤

.................................................................
تبقون فِي قلوبنا وارواحنا دوماً 🔥❤🇮🇶

طبعاً جنت مفكرة انو انشر هالبارت العصر او الظهر لكن هاي الحب Tweety_96  طلبت مني انو ارسللهة لانو النت حينقطع عنها باجر وبصراحة محبيت افشلها وكلت خل انشره هسة علمودهة وانام واخيرا وليس آخراً

تصبحون على :-
امريكا مبعثرة
وايران مدمرة
وبغداد بعون الله محررة ❤

اختكم ❤

♡♡♡♡♡♡♡♡
فآطـمـ‏‏هہ آلديـﮯرآويـﮯ