خبالاتي..

انتحار 4 🙂🚬

أجت صاكتكم ♥️💃🏻

شلونكم يا أحلى چـيچ بهالدنيا 💋

.

المهم اليوم اريد اسولف واحچـي عن فد موضوع منرفز أم امي !!

زواج التمرهق 🙂
وها التمرهق غير القاصرات حتگولون شلون ؟

انة اگللكم هسة :-

زواج التمرهق يا احبابي ولبة قلبي هوة عبارة عن بنت عمرهة 15 او 14 سنة من شخص متعرفه حتة تنتقم من حبيبهة اللي ما معبرهة وما مهتم الهة اصلا .. وانتقام من نفسهة ايضاً ..

بهاي الفترة من العمر تحديدا الأنسان المراهق سواء كان ذكر أو انثى الهرمونات تلعب دور جبير من حياته

يحتاج توعية يحتاج اهتمام يحتاج حب من اهله والناس اللي حوله
ومن ميلكة هالشخص الأشياء اللي يريدهن وين راح يلجئ يا حزركم ؟؟

اي عفية راح يروح لو للنت لو للأقارب أو اي شخص يعرفه محلل انو يرتبط بيه ويتعلق بيه بل واحيانا هالتمسك يوصل لدرجة الجنون

اضربلكم مثال بسيط وهوة اللي داحجي عنه وهوة موضوع هالبارت

فلانة بت فلان تصير قريبتي خل نرمزلهة بحرف (باء)
هاية باء اصغر مني بسنة وهاية باء صحت على زمانهة ووعت على قريبنة من بعيد هوة يمهم دوم يمهم يبات يكعد يزور كله يمهم وباء كلما جالهة كلما تتعلق بيه اكثر وبلة ما احد يحس

وضلت تحبه وترسم اوهام واحلام بعقلهة الزيتوني الصغير وتحلم بيه هالشحص خنسميه (حاء) المهم حاء جان يحس بيهة انو متعلقة بيه بس هوة جبير جبير كلش بالعمر وبالعقل ويدرك الحالة النفسية الباء وافتهم من نظراتهة انو هية حبته او معجبة بيه

حاول يقلل زياراته يدز بسامير لأخو باء حتة يتلاحك عالوضع بس باء تزيد متنقص تبجي عليه وتتعب وتتمرض علموده

مو متدرون !!

حاء تزوج واستقر بحياته وهية سمعت هيج طب تبجي طب تمرضت طب كطعت صلاتهة وطب كطعت الاكل
ويا سبحان الله احوال حاؤ واخباره توصل لباء على مدار الساعة

من يتعارك وية مرته تفرح وتبدي تسرسح بخيالهة الواسع باحلام وردية وية حبيب الجبد

ومن يوصل خبر مرجعها ومراضيهة تكطع الاكل وتضل تركض تركض تركض سودة علية 🙂🙂
وهاملة نفسهة وكلشي

وهم متدرون !! هالبنية باء مخلصة اول متوسط ومن وصلت للثاني ورسبت كلنالهة عيدي السنة كملي دراستج هية طب وبطلت وكعدت ومحد جابرهة من كيفهة

وقبل سنة طب تزوجت وعمرهة 15 🌚💃🏻ومن شخص غريب اكبر منهة بمليون سنة لا تعرفه ولا يعرفهة وسبحان الله صار معشوكهة وحبته من النظرة الاولى
طبعا محظرت عرسهة لأن مال مزعطة

وجانت مدللة عد اهلهة هسة تكرب ببيت رجلهة وشالت خشمهة عبالهة البنية من تتزوج تصير مرة وتكبر وتصير احسن من الكل 🐸

وهم ناوية تكون طفل باركولهة 🦦

اصلا شعلينة بالناس وهاي اسرار عائلة عيب تطلع 🌝🌝

وهنا نختم زواج التمرهق اتمنى تعرفتوا عليه عدل وفهمتوه وثيمالا يالربع

بس قبل الرحيل حابة اكول شي

لتصيرون اغبياء وتكررون عملة باء كونوا مثقفين وكملوا دراستكم وعوفوا خرابيط الحب ترة متجيبلكم غير وجع الراس

وهايهية كود باي💜

#فآطـمـ‏‏هہ_آلديـرآوي