الصبح الساعة
7:30
ميرين نزلت وشافت ولد خالها الي نزل راسه من شافها وامها وخالاتها يعطونها نظرات
انه اطلعي فوق طالعت فيهم وسفهتهم
ودخلت المطبخ وهي تدندن والسماعه بأذنها
ونزلتها لما سمعت اسمها يتكرر ، وصوت الاغاني الصاخب قل من بعدت السماعات : هلا يمه؟
ام ميرين: حبيبتي اطلعي فوق لينما يطلع ولد خالك
ميرين طالعت فولد خالها وفي امها: وليه هو م يطلع؟
استحى هو وقده طالع ومسكته خالته الثانيه: لا والله ياعيون عمتك
م تطلع عشانها هي الطالعه وانت الداخل يروحي
رفعت حواجبها بسخريه: وليه من اليوم مقروشيني اطلعي واطلعي سلامات ترا بيت جدتي مالك دخل يعني
وقامت خالته تلعلع: لاا واللهه شوفي لبسكك ياللي م تستحين الولد
ذاب من الحياء يوم شافك وانتي ولا همك؟
نزلت راسها للبسها ، اللي كان عباره عن تيشريت لنص البطن ونصم كم
وشورت للفخذ
ورجعت طالعت لها: ترا ربي فرض بغض البصر ؟
خالتها: وترا حتى هو فرض بالستر!
ميرين: برا البيت مو داخل
خالتها: عاد انتي لا برا ولا دخل حاشمه عمرك
ميرين تنهدت : النقاش معاك عقيم اتمنى م تكلميني الا للضروره
ام ميرين كانت مبسوطه ع بنتها ولفت لأختها اللي تتشكى من بنتها :
البنت باقي صغيره الله يهديها خلاص انتي بعد يا ام تالين لا تحطين عقلك
مع عقلها
ميرين كانت تطقطق بالجوال وتكلمه: تبي فرانش توست؟
: تراك سفلتي فيني بغيت ادخل غرفه الشغاله من الخجل
ميرين: معلش خاالتي من وصلت وهي ناشبت لي وانت حطيت فيها
:يلا مقبوله منك
ميرين لفت لورا وما شافته : هيه فهد متى طلعت؟
فهد: يوهه صباح الخير من اول طلعت
ميرين: تبييي فرانش ولا اذلفف !
فهد: يالليل البزر خلاص سويلي انا بجلس بالجلسه اللي ورا البيت
