"ဂျီမင်း"
"ဟင်"
တစ်လျှောက်လုံး ငြိမ်နေတဲ့ ယယ်ဂျင်းက ရုတ်တရက် ခေါ်လိုက်တာမို့ ဂျီမင်းလည်း ကပြာကယာပင် ထူးလိုက်သည်။
"သူ့အတွက် တစ်ခုခု ၀ယ်သွားချင်တယ် ဆန်ပြုတ်ဖြစ်ဖြစ်"
"အင်း ရတယ်လေ ရှေ့နားမှာ ဆန်ပြုတ်ဆိုင်ရှိတယ် ဆင်း၀ယ်ပေးမယ်"
"မနက်ကရော သူဘာစားလဲ"
"ကျွန်တော် ကျောင်းမလာခင် သူ့ဆီ၀င်ပြီး အိမ်ကလုပ်ပေးလိုက်တဲ့ စွပ်ပြုတ်၀င်ပေးခဲ့တယ် သောက်လားမသောက်လားတော့မသိဘူး"
မနေ့က ယိုင်ထိုးနေအောင် မူးနေတဲ့ ထယ်ယောင်းကို ဂျီမင်းက အိမ်တိုင်ရာရောက် လိုက်ပို့ပေးခဲ့ရသည်။ မမူးဘူး တွင်တွင်ပြောရင်း ခြေလက်ဆေးဖို့ဆိုကာ ရေချိုးခန်းထဲ ၀င်သွားပြီး တော်တော်ကြာတဲ့အထိ ထွက်မလာလို့ ဂျီမင်း ၀င်ကြည့်တော့မှ ရေတွေဖွင့်ပြီး ရေပန်းအောက်မှာ ငုတ်တုတ်ထိုင်နေတဲ့ ထယ်ယောင်းက အသိစိတ်လွတ်နေသလို။ နဂိုတည်းက စိတ်ပင်ပန်းရင် ဖျားတတ်တဲ့ ထယ်ယောင်းက အအေးပက်တာပါပေါင်းပြီး အပြင်းဖျားတော့သည်။ ဆေးတိုက်ပြီး ထယ်ယောင်းကို စောင့်အိပ်ပေးပြီးမှ မနက်စောစော ထပြန်ပြီး အမေ့ကိုပါ စွပ်ပြုတ်ပြုတ်ခိုင်းရသည်။ ထယ်ယောင်းအိမ်အခြေအနေသိတာကြောင့်ရော ထယ်ယောင်းကြိုက်မှာ မဟုတ်မှန်းလည်း သိတာကြောင့်ပါ ဂျီမင်း ထယ်ယောင်း မိဘတွေဆီ မဆက်သွယ်တော့။ ထယ်ယောင်း အဖွား ဖုန်းနံပါတ် ရှိပေမယ့်လည်း အသက်ကြီးတဲ့သူမို့ ဒုက္ခလည်းမပေးချင်။ အစိုးရိမ်လည်းမပိုစေချင်။ ပြီးတော့ ထယ်ယောင်း အဖျားတက်ပြီး ကယောင်ကတမ်းတွေပြောတဲ့ အချိန်မှာလည်း မိသားစုတွေနာမည်မပါခဲ့။ တစ်ယောက်သောသူရဲ့ နာမည်သာခေါ်ရင်း တောင်းပန်နေခဲ့သည်။
စာမေးပွဲနီးနေတာကြောင့် အတန်းကလည်း လွှတ်လို့မဖြစ်တော့ ဂျီမင်း ကျောင်းလာရသည်။ စာသင်ခန်းထဲ ထိုင်နေပေမယ့် စိတ်တွေကပြေးလွှားလို့သာ နေခဲ့သည်။ ယယ်ဂျင်းကို ထယ်ယောင်းဆီ ခေါ်သွားဖို့ သင့်မသင့်ကို အပြန်ပြန်အလှန်လှန် စဥ်းစားရသည်။ တစ်ညလုံး အဖျားတက်ရင်း ယယ်ဂျင်းကိုပဲ တ နေတဲ့ ထယ်ယောင်းကိုလည်း သနားသည်။ ယယ်ဂျင်းကို အမြဲတမ်း အကွယ်ကနေ ငေးနေခဲ့တဲ့ ဂျီမင်းက ယယ်ဂျင်းရဲ့ ၀မ်းနည်းမှုတွေကိုလည်း ရိပ်စားမိသည်။ ယယ်ဂျင်း မျက်နှာညှိုးနေတော့ ဂျီမင်းလည်း မပျော်။
أنت تقرأ
In a Long Dream
قصص الهواةတစ်ယောက်တည်းမက်ပြီး တစ်ယောက်တည်း ဖြိုဖျက်ပစ်လိုက်ရတဲ့ အိပ်မက်ပါပဲ... Kim TaeHyung x OC
Episode 16
ابدأ من البداية