🌹 تيريزا 🌹

🔱 1 🔱

تيريزا 🌹 الكاتبة : سكينة سليماني البارت 1: فقصر كبييير بطراز روماني فالابيض محاط بغابة كبيرة او ليگارد متواجد بالمغرب وفي غرفة فداك لقصر واقفة بنت فاحد الشرفات كطل من الزجاج على باب لقصر او كتهز فرجليها مع نظرات غضب فمها مكمشاه او مربعة يديها طالقة شعرها الاصفر الذهبي كيمشي مع نسمات الهواء او دموعها كيسيلو على خدها كيماا كتسيل قطرات الشتاء على الزاج د النافذة كتفكر فشحال من حاجا و كتلعن حظها مع كل دمعة كطيح او ماهي الى دقائق تحل لباب او صرخات باعلى صوت سارة : فين كنتي فهاد الوقت ؟ علي :(بكل استهزاء ) واو مراتي الزوينة تشوشات عليا سارة :(بالغوات) باراكة من هاد الضحك الباسل انا سولتك نتا جاوبني فييين كنتي اولا كنتي مع شي قحبة دوزتو شي ليلة حمراء ياااك علي: (عطاها تصرفيقة) ااااخر مرة تعاودي ترفعي عليا صوتك فهمتيييي نكون فينما بغييت ماشي شغلك سارة: (كتبكي) لا شغلي اهئ اهئ شنو درتليك باش تعاملني بهاد الطريقة شنوووو درت فحياتي باش نتعاقب علي : مادرتي حتى حاجا انا لي ماقادرش نبغيك او عمرني ماغادي نبغيك (شادها من شعرها ) ذنبك الوحيد هو زوجوك ليااا او انا ماحاملكش كنت ديما كنحلم نتزوج بالبنت لي كنبغي سارة: (كتبكي بحرقة) مادام ماكاتبغينيش طلقني ضيعت معاك 3 سنين ديال الزواج او صابرة على الضرب او لكلام الخايب و الاهانات ديالك علي: (كيضحك بالجهد)هههههههه نطلقك نتي كتحلمي انا ماغاديش نطلقك حتى نقتلك حيت نتي سباب فموتها نتي لي قتلتيهاااا (كيضربها بكل قوته ) سارة : (كتبكي او تغوت لي خلقها ) اناااا ماقتلتهااااش نتاااا مريييض بعد منييييي اهئ اهئ عتقوووووني بقات البطلة ديالنا كتغوت او طلب العون من الخدم ولكن حتى واحد ماقدر اعتقهاا كانو خايفيين اولا متعودين على نفس الديكور كل نهاار من بعد ما فرغ فيها علي كل الغضب ديالو خلاها مرمية بحال شي شرويطة بالية فقط الانين ديالها لي كيتسمع فارجاء القصر و الدموع لي كينزلو بحال الشلال او كتطلب من الله الرحمة ما هي الى لحظات طلعو عندها الخدامات او فعينيهم الشفقة و الاسف على الحالة ديالها نوضوها او دوشو ليها او داواو ليها الجروح ديالها ولكن حتى وحدة فيهم ماعارفة الجرح لي فقلبها او لي عمرو ماغادي ابرا ....يتبع

تيريزا 🌹 الكاتبة :سكينة سليماني البارت 2: سارة: (متكية على النموسية او كتشوف فالسقف ) هادي اناا او هادي حياتي لي عمرها ماغادي تبدل او ديما انبقا عايشة فهاد الحالة ...مازالة كنعقل على النهار فاش جاو عائلة علي اخطبوني كنت فرحانة بزاف حيت كنت كنشوفو غير فالتلفازة بحكم انه رجل اعمال كبير واخا كان زواج تقليدي او غير العائلة لي كيتعارفو بيناتهم قلت عادي او مع الوقت غادي نتعرف عليه او نبغيو بعضياتنا ماكنتش عارفة بلي هاد الزواج كان مفروض عليه او ماكنتش عارفة بلي السعادة لي كنت كنحس بيها او هو كيركبلي الخاتم غادي اتحول تعاسة و عذاب انعيشو كل نهار عائلتي لاحوني فبير غارق عمرني غادي نخرج منو او عائلتو عمرني شفتهوم من العرس حيت تخاصم. معاهم ..فاليلة الدخلة ديالي مازال كنعقل بأنه كان اول نهار ناكل فيه لعصا او بانلي الوجه الحقيقي ديالو او قداش كيكرهني واخا انا مادرت ليه والو ولكن لي عرفتو بلي كان كيبغي شي وحدة او عائلتو مابغاوهاش ليه او فاليلة دالعرس قتلات راسها ماكانش الذنب ديالي انا ماكنت عارفة حتى حاجا ولكن هو حقد عليا او كرهني فعيشتي او كل نهار كنعيش ف الضرب المتواصل او زيادة على هادشي كيجيبلي االقحبات للدار او يدوز معاهم ليالي عشت ديما الخيانة فقلب داري او ساكتة او الى هضرت مشيت فيها ،دازت 3 سنين او انا فهاد الحالة شحال من مرة طلبت طلاقي ولكن ماكاين حتى واحد اعاوني او هادا هو مصيري .. غمضات البطلة ديالنا عينيها او هي كتستحضر كل الذكريات الخايبة لي عاشتهوم فهاد القصر او وذنيها كيسمعو صوت الشتاء او البرق او كتمنى فكل ليلة تشرق الشمس فحياتها … في البيت لاخر كان علي معصب او كيكمي كارو ورا كارو او مازال ماشفا الغليل ديالو مشا لواحد الباب فبيتو برك على زر او هو اتفتح دخل ليه او بقا كيشوف فتصاور حبيبتو لي ماتت او كيتحصر عليها او فكل دقة دقلبو كيحلف انه حتى وحدة ماتجي بلاصتها كانو عينيه عامرين بالذنب و الحزن و سرعان ماتحولات لكراهية منين تفكر سارة او كيقول فبالو انه كيتسناها عذاااب طويييل … بقا البطل ديالنا فالغرفة نعس مع ذكريات حبيبتو اصلا هاكا ديما عايش ... يتبع