انقلاب حياة (روايات ليبيه)

الحلقة 21

.
.
.
.
.
.
.
.
.
.

طلع يوسف من غرفة العمليات
عزو مشاله يجري
عزو: ماصارله شي صح قولي
يوسف ابتسم: الحمدلله بخير مافيش خطر علي حياته وطلعنا الرصاصه بس نبو دم لانه نقص هلبا
عزو: فصيلة دمه A±
يوسف: اي عارف بلغنا مركز الدم توا حايبعتولنا ماتخفش كل شي تمام
عزو: الحمدلله ياربي ماقهرتني في رفيقي
يوسف: كانت الضربه قاصدينها ليا بس عادل هو انقدي وجت الرصاصه فيه والحمدلله جت تحت الكتف اليسار ماجتش في اليمين لو جت في اليمين في القلب ره مات طول
عزو تنهد: ياويلهم مني
يوسف: الوضع زاد خطوره ضروري انديرو حد لي الموضوع او اندخلو الشرطه
عزو اوقف: ماعليك منه توا انحله حا انحط حد لكل شي كون هاني انت ودير بالك توا انحطلك شباب يحموك اما موضوع الشرطه ماتخفش في يدي وانا نخدم كتبيه الفلانيه بس داير لي روحي مكانه خاصه بيا نمسك في المجارم وانسلم فيهم لي الدوله كل شي اندير فيه بالقانون بس علي طريقتي مانبيش حد يعرف اني نتبع لي الشرطه او الكتيبه مافيش حد يعرف غيرك انت وعادل لانه نمسكو في العصابات ومجارم صح الكل يعرفوني مجرم وسفاح بس انا العكس نقتمس في دور المجرم عشان نمسك باقي المجارم
يوسف: اي فاهم عليك من الاول حكالي عادل علي شغلك
عزو: واليوم بنهي الموضوع
يوسف: شن بدير
عزو: بنهجم علي مكانهم اخر حل مافيش حل تاني وكلمت دوريه بتطلع امعايا والشباب واتين ايراجو فيا نبيك ادير بالك علي عادل امانه عندك
يوسف: نبي نمشي امعاكم القصه كلها متعلقه فيا بنعرف شنو يبو مني وعليش كل المشاكل
عزو:يوسف خطر عليك ماتمشي لانه انت غايتهم يبوك فا ماتمشي للموت برجليك ماتخايهم ياخدو الي يبوه
يوسف: مانقدرش نقعد هكي اعصابي بينحرقو
عزو: خليهم ينحرقو اعصابك اهم شي حياتك هذم اخطر ناس
يوسف سكت وايمشي في ايده علي شعره بعصبيه
جو اربعه شباب وقفو علي عزو
عزو: اتنين منكم يقعدو قدام العنايه واتنين امع يوسف
الولد: تمام
عزو: حطيتو الشباب علي باب المستشفى
الولد: اي زي ماقلت بالحرف بس
عزو: بس شنو
الولد: تو جتنا معلومه في ناس حرق بيت اهل عادل
توا اتصل الولد الي ايراقب غادي خبرني بس طفوها لكن الحوش كله مضرر
عزو زاد حقده: اهم شي هله مش فيه كل شي يتعوض وكلم الشباب ايزيدو الحراسه علي بيتي والكلب علي ربطوه واحذفوه في المستودع لعند نفضاله
الولد: تمام توا انكلم الشباب
عزو: خلاص يا يوسف خليك امع عادل مش امطول
يوسف هز راسه هو في دوامه وشن هل المشاكل الي طاح فيهم وشن ذنب الناس ابرئيا يضرورو

.
.
.
.
.
اتصل يوسف قالي بايت امع صاحبي في المستشفى داير حادث مش حايقدر ايخليه ابروحه قالي كلمي وحده من البنات يقعدو امعاك طبعا البنات كانو امعايا ماروحو مزال شديتهم قتلهم باتو امعايا دارو البنات عشاء خفيف قعدنا انهدرزو وناكلو اتصالت بينا حور هدرزنا عليها واحكينالها كل اخبارنا من غير انه شاهين انحبس وطلع صكرنا منها اشويا نعسنا رقدنا 😴😴😴😴
.
.
.
.
.
.
.
.
طلع عزو هو مش ناوي علي خير ركب في السياره والشباب لحقوه في نص الطريق دار اتصالاته واكدلهم المكان
طلعو جماعة عزو امجهزين من جميع الاسلاحه
وصلو لي المزرعه او البيت الي يبعد عن المدينه حاصلو المكان اشتبكو امعاهم وصار ضرب قوي 💥💥💥
لعند استسلمو الي داخل خشو الشباب شدوهم الي مجروح والي مضروب ومن بينهم الروسي الي ضرب عادل ومنير كانو اكثر من 20 راجل غير عادل
عزو انصدم بعد شاف منير حي 😨😨
عزو ضرب منير علي وجه لعند طاح
عزو: تلعب عليا ياكلب علي اساس متت وربي انخليك اتمنه الموت ما تالقها وطاح فيه ضرب
عزو :وينه الكلب هذاك
منير: مانعرف
عزو سحب الاسلاح
منير يتالم : والله مانعرف
عزو وجه الاسلاح عليه: اقسم بالله لو ما اتكلم المخزن انكمله في راسك وين مشا الكلب
منير خاف: والله العظيم مانعرفش ركب في سيارته ومشا اسال حتي الشباب
عزو ضربه برجله: شن اسمه الكلب
منير بخوف عارف خلاص نهايته: عمران صالح الفلاني
عزو طاح فيه ضرب 💥💪
عزو: ارفعوه الكلب من قدامي
خشو الدوريه تبع الجيش فتشو المكان لقيو دار كبيره يصنعو فيها السكير كانو بكميات كبيره هلبا غير الحبوب والحشيش صادرو كل شي وعرفو نص الاسماء الي تشري منهم لانها امسجله في دفتر الحسابات وعرفو عندهم بيت لي الدعاره موجود قريب حتي هو صادروه
( لو تدكرو بعد كانو ايهددو في عادل بي البيت الدعاره انه هو مسؤؤؤله توا العبه انقلبت ضدهم) مسكو بيت الدعاره مانحكيلكمش ع العار الي فيه كلكم فاهمينه بالخص كانت الدنيا ليل 🔥 طبعا مش هدا بس انكشف هلبا حاجات تانيه وانهم ايهربو في الممنوعات وليهم يد في قتل ظابط من قبل عزو مابش يهدا لعند ايجب عمران بالكيف بالسيف لعند الصبح هو ايدور فيه من غير فايده اختفاء فجاء كلم كل الدوريات وجماعة البوبات اعطاهم اسمه ونعت السياره بس كانه طار مافيش ليه اثر
مشا لي الكتيبه عشان يبي منير يستجوبه خدا منه المعلومات الي يبيها وكلم الشرطه بلغو المطارات علي اسمه ايوقفوه مايخلوش ايسافر وجمدو احساباته الي في البنك و عزو مشا حرق بيت عمران زي ما دار في بيت عادل