#انقلاب_حياة
#الحلقة_الثالثه
الكاتبه ميرو احمد
Meroo Ahmad
🌹"«قراءة ممتعة»"🌺
طلعت امنه ونهله بيفتحو الباب
كان سابقهم فرج وفتحه
فتح الباب فراج
كانو محمود وحنان ويوسف وحاتم والحاج سالم ومبروكه بنته
فرج 💔: تفضلو
امنه انصدمت بعد شافت مبروكه لانها تعرفها اخر مره شافتها فيها قبل سنتين تقريبا كانت جايبه افلوس لي حياه 💔(صح بعدتها عن هلها بس كانت موجوعه عليها وكل فتره تبعتلها افلوس)
امنه زمطت ريقها بخوف
حنان اتبحت في نهله وقلبها يرجف شعور غريب هلبا مش حايعرفه الا الي حاس فيه نفس شعور ام ايقولها ولدك مات في الحرب بعد ساعات او ايام او اشهور اسنين ايقولوها ولدك حي 💔💔
حنان تتلكم وفمها يرجف: وين بنتي
الجاح سالم: اصبري يابنتي
امنه بخواف😨😨: بنتك
فرج: اي بنتهم كلمي حياة اتجي
امنه اهني وماتت من الخوف 😨😨
محمود: جريمتكم الي درتوها وخطفتو بنتي مني باذن الله الكل يتحساب كل من عنده يد فيها
فرج:مش وعدتني انت نعطيك البنت تسكت
محمود فقد اعصابه😡😡😡: شن ماسمعتك عاود تاخد حقك ثالث امثلث انت ماتعرفني زين شكلك تحلم بيها نسكتلك هدي خاطف بنتي مني كل هل السنين وربي لو ما خليتك تندم في لحظه فكرت تخطف بنتي انخليك اتمنه الموت ماتلقاهش 😡
حاتم: اهدا يابوي
فرج بخوف: شن بدير
محمود:نخفيك عن العالم كله 😡😡
فرج يبكي: والله عندي اصغار انربي فيهم انبوس ايديك سامحني اهي بنتك ارفعها لو تبي من اليوم
محمود حامق: مانخدش في رايك بناخدها غصبن عنك وعن خشمك ياكلب
حنان : وين البنت توا
نهله وامنه 😨😨 بيموتو من الخوف بعد عرفو عيلة حياة واعره 🔥🔥🔥 بالخص بعد ايشوفو الكدمات والحروق علي جسم حياة
فرج يبكي: بري يانهله كلمي حياة
امنه تتكلم ومتردده: حياة مشت امع اختي لي بيتها
فرج: كيف اتخليها تمشي وانتي عارفه اختك تسكن في منطقة ## بعيده واجد
حاتم تعصب: زمر عليك مشكله
محمود: وكيف اتخلي بنتي تطلع وانت عارف انا جاي
فرج: ما كنت عارف لانه خوات متي اليوم جو هنا متغذين وحده فيهم تسكن برا المنطقه
حاتم: اتصلي بيها اختك ولا اعطيني عنوانهم اليوم لازم اختي اترد لحوشها
خش انس يجري لي الصاله
انس: بابا ره حياه ماما ضربتها وطايحه في المطبخ
محمود فنص اعيونه ; كيف
فرج من غير ما يتكلم يجري لي المطبخ لحقوه محمود وحاتم ويوسف وومبروكه
اما حنان فشلت امع بعضها ماقدرتش تتحرك ساندها الحاج سالم
الحاج سالم: شدي حيلك يابنتي
حنان نبكي
لحقوهم
وامنه تضرب علي وجها وتبكي 😨😨😭😭: حي عليا اليوم
نهله تبكي وخايفه
نهله تضرب في ولدها انس:يعطيك موت علي هل السان تعبتني في جرتك 💔
خشو الكل لي المطبخ وانصدمو في منضر حياة كيف طايحه وجنبها الطبو والولعه
دعس حاتم اول واحد ليها وشمرها علي رجليه ويضرب فيها بالشويا علي وجها عشان اتفيق
أنت تقرأ
انقلاب حياة (روايات ليبيه)
Mystery / Thrillerروايات ليبيه ❤️ قصه حقيقيه باللهجة الليبيه انعيشو امعاها اجمل قصص الحب بامشاكلها باحلوها ومرها من اسرار وحقد الناس والكذب كله موجود في روايتنا بعنوان ( انقلاب حياة)
