البارت العاشر😍💓💓💓💓💓💓💓💕💕💕😍😍
من امام الميناء :٠
جمال : ها البضاعه كده تمام.
المشتري: تمام اوي.
ليقاطعهم دخول عاصي ومعه قوات الشرطه.
عاصي بصراخ: سلم نفسك انت وهو المكان كله محاصر.
جمال باستغراب: عاصي باشا.
عاصي بغضب: المقدم عاصي ي جمال ووقعت في أيدي.
جمال بسخريه: الهم صلي علي النبي ده كده احلوت اوي ويتري هتقبض علي احمد باشا كمان.
عاصي بصدمه: بابا انت بتقول ايه.
جمال بغضب : ايوه ده هو صاحب اليله دي كلها احمد باشا الزيات اكبرتاجر مخدرات وتزوير في الشرق الاوسط ي عاصي باشا.
عاصي بصدمه: اقبضوا عليهم وفي القسم هنشوف الموضوع ده ليتم القبض علي جمال متلبسا بتجاره المخدرات اما عاصي فكانا
يتلقي صدمه جديده في والده او من ادعي انه والده.
*****************************************
في قسم المعادي :.
فتحيه بضيق: جري ايه ي سعات الباشا هو انا هنا ليه.
وكيل النيابه بغضب:جري ايه يروح امك متترزعي وانتي ساكته.
ياسر بقلق: ي باشا ماحنا عيزين نفهم انتوا خاتوا امي من الشارع كده من غير سبب.
وكيل بغضب: بقولك ايه يلا تقعد هنا زي الجزمه صوتك مسمعوش.
ياسر بقلق: ماما كلمي عاصي يجي يتصرف.
وكيل النيابه:عاصي مين يلا.
ياسر بحده:عاصي الزيات راجل الاعمال المعروف يبقي اخويا.
وكيل النيابه بغضب: المقدم عاصي يبقي اخوك انت ي زباله هو انتي كمان مفهماه انه ابنك دانتي ليلتك سوده.
ياسر بصدمه: سعادتك قصدك ايه يعني ايه المقدم عاصي انا الي اعرفه ان عاصي رجل اعمال وبعدين قصدك ايه اني امي مفهماني انه اخويا انا مش فاهم حاجه.
وكيل النيابه: استني وانت هتفهم كل حاجه.
ليقاطعهم فتح باب المكتب ليدخل مراد وزهره وشهاب لتتطلع لهم فتحيه بصدمه وخوف ورعب اما هم فكانوا ينظرون لها نظره كره غل وانتقام.
وكيل النيابه بحده: طبعا ي فتحيه تعرفي مراد باشا وزهره هانم مش كده.
فتحيه بندم وخوف : ايوه ي باشا اعرفهم كويس.
وكيل النيابه :حلو اوي يتري بقي هتحكي الي حصل بالذوق ولا نخليكي تحكيه بطريقه تانيه.
فتحيه بدموع وندم: لا ي سعات الباشا انا هقول علي كل حاجه.
فلاش باك:٠
في المستشفي التخصصي بقبرص :٠
زهره بدموع والم: مراد حبيبي فوق بقي علشان خاطري كفايه كده ي مراد بقالك شهور سيبني لوحدي كلهم فقدوا الامل انك ترجع بس انا متاكده انك هتقوم علشان خاطري ومش علشان خاطري بس علشان خاطر ابننا انا خلاص قربت اولد ي مراد وانت سيبني فوق بقي علشان خاطري انا تعبت.
لتتدخل فتحيه :٠
فتحيه : اهدي ي زهره هانم مش كده انتي حامل انشاء الله ربنا هيقومه بالسلامه.
زهره بدموع :تعبت ي فتحيه تعبت ده حب عمري كله طول عمري كنت بستني اليوم الي هنتجوز فيه واليوم الي هعرف فيه اني حامل وشهور حملي كلها وهو يبقي جنبي عرفت اني حامل بعد شهر من دخوله في الغيبوبه دي وكل يوم دلوقتي يفوق ويبقي جنبي بس خلاص اديني هولد اهو وهو مش معايا.
فتحيه :انشاء الله هيرجعلك بالسلامه وتربوا ابنكم سواء انشاء الله.
زهره بدموع:يارب ي فتحيه بجد انتي مهوانه عليا شويه ان يبقي حد من بلدي في بلد غريبه زي دي.
فتحيه بمكر :انا جنبك في اي وقت تحتاجيني فيه.
لتحدث نفسها بمكر(بيضالك في القفص يبت ي فتحيه هو ده المطلوب).
بعد ولاده زهره:٠
فتحيه بخبث:ها فهمت هتعمل ايه.
دكتور باسل: فهمت بس مصلحتي مش اقل من 100الف جنيه.
فتحيه بحده:وحياه امك انت بتتامر علي ايه ارضي بالي هيقسملك بايه احسن من مفيش انت معملتش حاجه اصلا فمطمعش ماشي.
باسل بطمع: ماشي ي فتحيه علي رايك.
فتحيه بمكر: كده تعجبني.
في غرفه زهره:.
زهره بتعب : ابني فين.
باسل بخبث: للاسف ي مدام ابن حضرتك كان مولود بثقب في القلب واتوفي اول متولد.
زهره بحزن ودموع وصراخ:انت بتقول ايه انت اكيد كداب.
فتحيه بخبث: اهدي اهدي ي زهره هانم ربنا هيعوضك بغيره انشاء الله.
زهره بدموع وصراخ :الحقني ي مراد ابننا مات ي مراد وانت مش عارفه هتفوق وترجعلي تاني ولا لا يارب صبرني يارب.
**************************************
في فيلا احمد الزيات بقبرص :٠
كان يجلس احمد يتابع بعض الملفات ليقاطعه طرقات الباب ليفتح الباب :٠
احمد بضيق: هو انتي يؤش البومه.
فتحيه :وليه كده ي سعات الباشا ايه الي حصل.
احمد بغضب: ولا حاجه ي اختي ولا بتعملي حاجه جبتك من مصر عيشتك في بلد عمر اهلك مفكرو يروحها وشغلتك في المستشفي شلت من عليكي مصيبتك وغلطتك من الواد الصايع الي كنتي تعرفيه وزورت لابنك ياسر شهاده ميلاد باسم اب مزور علشان الواد ميطلعش ابن حرام وفي الاخر مش عارفه تنفذي الي قولتك عليه.
فتحيه بخبث :عيب ي باشا نفذته اتفضل ي باشا العيل الي كان نفسك فيه.
احمد بصدمه: يخربيت عقلك جبتي الولد ده منين.
فتحيه بمكر:اطمن انت طلبت انه يكون عيل نضيف وابن ناس واهو حصل.
احمد : جبتيه ازي والدته اتؤفت وهي بتولده.
فتحيه بمكر: اعتبره كده.
احمد بغضب:يعني ايه اعتبره كده متتكلمي يبت.
فتحيه :بص ي باشا العيل ده ابن مراد السيوفي طبعا انت عارف عائله السيوفي الاغنياء دول الي بيجوا في التلفزيون ليل نهار.
احمد بغضب: ينهار ابوكي اسود ابن مراد السيوفي انتي عايزه تودينا في داهيه.
فتحيه بمكر:يباشا لا داهيه ولاحاجه انت كنت موصيني اشوفلك عيل ومكنتش عايزه من ملجأ ولا من الشارع واديني جبتلك العيل الي انت عايزه واطمن ابوه في غيبوبه بقالها شهور ومش باين انه هيفوق منها ابدا وامه في دنيا غير الدنيا ولا هتحس بحاجه دي هتموت بسبب ابوه وحتي لو ابوه فاق مظنش انها هتقوله انها كانت حامل اصلا والعيل مات لان هو ميعرفش بالحمل اصلا هما دخلتهم كانت قبل ميتصاب ويدخل في الغيبوبه دي بايام وعرفت هي انها حامل وولدت وهو في الغيبوبه غيركده ان دلوقت ولا بعدين هيرجعوا مصر يعني مصلحه من كل النواحي.
احمد بمكر: والله عندك حق ي فتحيه دي داليا هتطير من الفرحه.
فتحيه :ايوه ي باشا سبحان الله عمري متخيلت ان القصص بتاع الحب الي بنشوفها في التلفزيون تبقي في الحقيقة غير لما شوفت سعادتك وست داليا اهو سعادتك بتخلف ومش عايز تتجوز واحده تانيه وتجيب عيل علشان متوجعهاش.
احمد:طب خلاص روحي انتي دلوقتي.
فتحيه بخبث: طب المعلوم والواد باسل كان معايا كمان في اليله دي.
احمد بحده :تعالي بكره ي اختي هتاخدي الفلوس.
فتحيه :ماشي ي باشا.
لترحل فتحيه لينظر احمد بشوق وحب الي الطفل ليتحدث بفرحه عارمه. (نورتي الدنيا ي حبيبي هسميك عاصي عاصي احمد الزيات ومش هسيب حد ياخدك مني ابدا)
باك:٠
فتحيه بدموع: ولما عاصي كبر شويه حصلت المعجزه وداليا حملت وخلفت مارينا وبعدها بكام سنه حملت تاني وخلفت مالك وساعتها احمد الزيات قرر انهم يرجعوا مصر وانا صممت اني افضل معاهم وكنت بطلب كل شويه فلوس من احمد الزيات قصاد الموضوع ده لانه كان خايف ان اي حد يعرف بالذات لما كنت اهدده اني هبلغ مراد باشا من بعيد ان عاصي يبقى ابنه وانك خطفته زمان من غير ماظهر في الصوره وهو كان بيخاف ويديني الي عوزاه وبس.
زهره بغضب شديد: اه يبنت الكلب يزباله وديني لكون مقطعه من جسمك حتتت.
مراد:اهدي يزهره اهدي.
زهره بغضب ووجع :متقوليش اهدي محدش يقولي اهدي محدش حاسس بالي جويا نار قايده فيا انا كنت بموت واتعذب وواحده تانيه واخده ابني.
وكيل النيابه: اهدي ي زهره هانم صدقيني هتتحول علي النيابه وهتتسجن.
مراد بغضب:لا دي هتتعدم مش هي لوحدها هي والكلب التاني مبقاش مراد السيوفي اما كنت انتقم منهم اشد انتقام واخليهم يدفعوا التمن بعد ابني عني طول السنين دي.
شهاب :الكلب التاني زمانه بيدفع التمن دلوقتي ي بابا.
مراد بصدمه:قصدك ايه ي شهاب.
شهاب :كلها شويه وهتعرف يبابا.
***************************************
في فيلا احمد الزيات:٠
كان يجلس احمد الزيات في مكتبه ليقاطعه دخول عاصي :٠
احمد :ازيك ي عاصي كنت فين متأخر كده.
عاصي بوجع : كنت في مهمه.
احمد باستغراب:مهمه.
عاصي بخبث : اه صحيح ي بابا نسيت اقولك ان اننا مسبتش كليه الشرطه زي مكونت عايز لا كملت فيها من غير متعرف لاني كنت عارف انت قد ايه بتخاف عليا وتخرجت وبقيت رائد وبعدها بقيت مقدم ومهمه وراء مهمه واالنهارده كانت اهم مهمه اصل الي قبضت عليه حبيبك وصحبك.
احمد بقلق:صاحبي مين.
عاصي بمكر: جمال باشا تصدق طلع تاجر مخدرات بريمو.
احمد بارتباك: ايه معقوله مش مصدق.
عاصي بخبث : ازي بقي مش مصدق ده بيقول انك معاه في كل حاجه والصراحه اتاكدت ان الراجل مبيكدبش لقيت مشاء الله امضاتك المزوره علي شحنات كتير تسجيلات بصوت سعادتك يعني مشاء الله كامل من مجمعيه فيريت سعادتك تيجي معانا من غير شوشره.
احمد بصدمه ووجع : هتقبض علي ابوك ي عاصي انا عارف انك بتحب النجوميه والشهره والشو بس مكنتش اتوقع انك تنفذ ده علي ابوك مشاء الله ساعتها هنلاقي الصحافه بالبونت العريض المقدم عاصي الزيات يقبض علي والده احمد الزيات في قضيه مخدرات بجد شاببببو ي عاصي.
عاصي بخبث:عندك حق في كل الي قولته مع تعديل بسيط المقدم عاصي مراد السيوفي مش عاصي احمد الزيات.
ليبتطلع له بصدمه عارمه فكيف عرف السر الذي جاهد لسنوات ليخفيه.
احمد بصدمه:انت عرفت.
عاصي بوجع: ايوه سمعتك بتتكلم انت والحربايه فتحيه ومع ذلك كنت بحاول احطالك اي عزر لحد معرفت قدايه انك بنادم وسخ ومتستاهلش لما روحت اتفقت مع شوكت العمري وكبرت حكايه قتل ابن اخوه في دماغه وجبت ياسين محامي مالك واديته قرشين علشان يسيب شهاب يكسب القضيه ويحبس مالك وطبعا انا مش هسكت وهنتقم وهو ده كان غرضك ان تقوم حرب بيني وبين شهاب بس الي متعرفوش ان انا وشهاب عرفنا اننا اخوات قبل قضيه مالك وكل الي حصل ده كان بالاتفاق بيني وبينه.
لتحل عليه الصدمه العارمه.
***************************************
معلش والله بعتزر اني مقدرتش اكتب البارت للاخر عنيا وجعاني جدا والله بس انا كشفتلكم اللعز وازي عاصي اخو شهاب وريحتكم من الحيره الي كنتوا فيها 💕💕❤️❤️💕💕💕💕💕💓💓💓💓💓😍😍😃😃😃😃😃😃😃😃😃😃😃😃😃😃😃😃😃😃😃😃
افتكروا لما جيت اعمل نوفيلا نار الحجيم قولتلكم ركزوا علي اخر بارتين من صراع احفاد السيوفي علشان كده انا صمممت ان مراد يكتب كتابه علي زهره قبل ميسافر وصممت ان دخلتهم تبقي هناك وصممت من مراد يفضل قرب السنه في غيبوبه علشان كل ده يحصل 🎈🎈🎈♥️♥️💓😍😍😍😍😍😍😍😍😍
انتظروا انشاء بكره التكمله لكشف باقي الالغاز ونهايه نوفيلا نار الجحيم واتمني ان البارت يعجبكم وهستنا رايكم دمتم في رعايه الله وحفظه 😍😍😘😘😘😘😘😘😘😘😘😘😘😘😘😍💓💓💓💓
نار الجحيم:٠
احفاد السيوفي:٠
بقلمي رنا احمد:٠
