هو كحز و- خلالي بلاصة حداه تكيت بجنبو أنا :كيدرتي عرفتي مكاني باش سيفتي الطلاق ...هو : مكيهمش .. (تنهد ) غيته بالعكس انسانة طيبة وعمرني شفت فيها شي شوفات خارج ديك الهدرة ألي قوتليك ...وقفات بجانبي وحاولات تنسيني وديك الهدرة ألي قالت فحقك غير حيت خايفا عليا .. أنا : غيتة لفعة سامة لعباتها مزيان وفرقاتها .. دارتها بي من الأول ولكن أنا لي خليتها تدخل بيني وبينك ...إو مين بحال ختك علاش خطبتيها ... ياسين : هي عتارفاتلي حتا دازت مدة كنت محطم مريض ...كئيب لأبعد لحدود كل ليلة كنحس براسي مخنوق مين غير كنحاول نتفكر أنك بين يديه وكيدير ما بغا ...كتعرفي الموت البطيء هو ألي كنت كنعيشو ... خطبتها حيت هي على الآقل تستاحقني ...بغاتني فصمت ..إعتارفتلي بحبها لبريء .. أنا : البريء ؟؟؟؟!!!! هههه وشنو درتو دبا ... ياسين : شنو درنا تفارقت معاها قبل منجي لعندك ...هه نخليه يديك قدام عيني أمبوسيبل... أنا ضحاكت حتا شبعت : كل هاد الذكاء ألي فيك وكل هاد القوة والسلطة ونتا الواعر آه ..ماقدرتيش تميزها طول هاد المدة ...يسعدني أن أخبرك يا حبيبي انني ما مشيتش مع فؤاد برضايا ..انما وقعوا بينا فهمتيها ..كانت تسحابلي غير ألي أنا سادجة ساعا نتا كتار مني ... ياسين دفعني وزاد تزير: كيفاش شكت***** أنا: علاش كتخسر لهدرة ...لهلا أنا لي ... يلاه جيت نكمل هضرتي حتى جبدني من لفك ديالي وزير حتا درني ودموعي سالو ... أنا : طلق مني ..اهيء اهيء ... ياسين غوت : شنو كتقسدي دوي ا بنادم .. أنا : أي أي هادي هي مغاديش تبقا تضربني ...طلق.. ياسين : مكنضربكش كنتناقشو ... أنا : نتا حتا النقاش عندك بلعنف ..طلق مني باش نقدر نعاود ليك البليد ... طلق مني ...بعد طول عناء أنا : واعدني ماتعصبش وما ترتاكبش جريمة مور هادشي ألي غادي تسمع ...حيت باقا محتاجاك مافيا ما يبدا يديليك القفة للحبس هههه سمقلني تسمقيلة خفيفة باش نجمع دركومي ... حسيت بيه تعصب وناد تقابل معايا كيتسنا يسمع آش عندي ... تقول ماشي عاد قبيلة مع 12 ديال الليل خرج من العمليات دغيا صحاح ... تينود كاع ..عاودتليه على السيناريو كامل بجميع احداثو من طق طق حتا السلام عليكم...من غيته وفؤاد وكولشي وكيفاش لعبوا بينا مزيان وكفاش فارقونا على بعضنا ..هو غير كيسمع ويزيد يتزير ..أما أنا كنعاود ونضحك حيت فعلاً جاتني غريبة أن ياسين ماعاقش بيها كاع ولا شك بها ...حسيت بيه شك فكلامي ماعرفت علاش ..كيسمع وعروق عنقو خارجين ..ودنيه كيفورو والسخانة طالعا معاه ...كيترعد ..ناد درب بالكورسي فالحيط حتا تشخشخ هنا أنا تخلعت وحاولت نجمع فمي ..حيت كنت كنعاوند ونشد فيه ...السلامه حسن من الندامه خفت لا يخلطني مع كلشي شخشخو ...ما هدرتش وما حاولته نهدنو ولا نقرب ليه ...اكتفيت انني نتكمش فالفراش كي الجماد مراقباه كيخسر فالهدرة ويشخشخ ..ويهرس حتا بانلي الدم فضهرو مازال ما رتاح ...وضغط علا راسو كينزف عاوتاني ... نضت لعندو مخلوعة ...وشنق عليا من الكسوة ..نطق كلمة آلماتني باطناً وخارجاً ...كلمة سدماتني كيفكر غير فهادشي..داكشي لاش ناد يضرب ويهرس..واخا كنت باغا نشرحلو من بعد ولكن عمرني تصورتو يسولني..خصوصاً مين عرف شنو وقع دابا مزيان..نطقها وعينيه حمرين : واش قاسك ؟! نزلوا الدموع من عيني وحسيت بالألم ناد عليا من جديد : حيدت يديه ...ا لا ..ما قاسنيش رتاحيتي دابا ..صافي راك راجل غير رتاح ... دفعتو و تميت غادا يالاه تابعني يشدني حتى شي حد كيدفع الباب بقوة ..كيهجم عليا بموس كلمجنون ...ياسين رماني بسرعة البرق حتا تلاحيت ...وشد الموس من يد الهاجم أو بالاحرى هاجمة ... حيدولها من يديها ورماه ..جمع معاها تا طاحت ...يلاه باغي يدير شي ردت فعل ..قشعني شادا فكرشي كنتألم ..تضربت... رماها وجا كيري طلعلي الكسوة تيطلل على الكرشي ...الحمدلله كانت سطحية كتحتاج غير الغراز ...حط يدو علا الجرحة وغوت باعلى صوتوا : واش نتي مريضة !!!! * أنا : أي أي .. ياسين وكيقلب الجرحة : واش شوية فعقلك ...مالك تزنزنتي ؟! أنا : أي ركدرني ... ياسين كيغوت : خورجي عليا ...برا ... غيتة غوتات بأعلى صوتها ولات هزات الموس جايا هاجمة عليا بكل ثقة ناويا تقتلني ناويا تنحرني..وصلات لواحد الدرجة صافي ...مابقاتش كتفهملي تصرفاتها كأنها انسانة غير طبيعية... فقدات الأمل نهائياً فالعيش أو الحياة ...كنت عارفاها كتكرهني ولكن ماشي لدرجة الحقد ماشي لحد الجنون ماشي لحد أنها تنهي حياتي ...لأنها فقدات حب حياتها للأبد ...أنا غوت وياسين ما عرفتش كيفاش ناد لوالها يديها قبل ما توصل لعندي ...حيدلها لموس وجمعها بنص طاحت ..ركلها .. ماكانش عارف راسو اش كيدير ..أنا كنغوتليه باش ما يئاديهاش تصرف غريب من ناحيتي ولكن فعلاً أنا ألي عارفاها باش كتحس ... ياسين تراجع عليها وبدا يغوت ضرب رجلو مع الفراش : عندك الزهر مين نتي مرا أما كو راه****** أنا : ا ياسين صافي خليها تمشي اهيء اهيء والو مكيسمعش : أنا وثقت فيك ا غيتة ...وثقت فيك ..مازال ما متيقش راسي كيف كنت كنخليها معاك ونئمنك عليها.. ( بجدية ) ..لهاد الدرجة ..آه ..لهاد الدرجة تقتلي ...واش نتي هي غيتة ديال البارح ...واش نتي هي غيتة ألي كانت دائماً وأبداً معايا وفجنبي..عمرني حتى حاولت فلحضة أنك تغدريني .. ياك نتي دائماً ألي كنت كنعاودليك شحال كنبغيها وهي حياتي ...وكنت تنقولك نهار نتفارق معاها نموت...نموت ا غيتة ..نتي أول وحدة عتارفت ليك بحبي ليها وكنت كنطلب منك تقربيها مني ماشي تبعديها ...علاش هادشي آه ...علاش ...عمرني شكيت فيك ..حشومة عليك..وشيماء كتعاودلي قبيلة متيقتهاش ..لأنك كنتي دائماً موضع الثقة بنسباليا وحيت كبرنا مع بعضنا وعمرني كنت نتصور أنك نتي ألي مخططة لكولشي ..عاد فهمت علاش داك التعامل البريء ...بنتلك غبي ياك ..(نعتلها بصبعو) ..شتي نتي كنتي وغتبقاي دايماً فنفس المرتبة ألي كنشوفك بيها ...عمرني فكرت فيك بطريقة مختالفة ...وعمرني نفكر نقرب ولا نمسك وخا كنت غادي معاك وخا كنتي ترجايني ...وراكي عارفا هادشي مزيان..علاش هادشي آه جاوبي ...( كيدور فوجهوا ) واخا تفارقنا كنت ناوي دائماً تبقا عندك معزة خاصة وصورة مزيانه ونتي دابا شطبتي عليها ... بغيتو تفارقونا ...بغيتي تحرميني منها ..(صفق )...ادن نتوما مكتعرفوش ياسين ...لا نتي لا داك خونا ...هداك ماترباش من آخر قتلة ميرتاح تا نقتلو ... (درب بيديه فالحيط ) .. (غوت ) خرجي عليا من هنا حسن منغلط فيك .... دفعها :نودي تكعدي وتم جاي لجيهتي ..هي تبعاتو كتجرجر فيه وتبكي ..كتهدر بصعوبة : ياسين ..لا ..ياسين ..متخلينيش... ما نقدرش ا ياسين ..ما تحرمنيش منك ...( طاحت الأرض كتشهق ) أنا مستاعدة تعتاذر ليها على كولشي غير خليني حداك ...أنا مستاعدة ندير ألي بغيتي.. أنا مستاعدة نكون خدامة عندها من جديد ...ما نقدرش نعيش بلاما نشوفك ...ياسين ما ديرش فيا هاكا ..من صغرنا وأنا كنبغيك..من صغرنا وأنا متعلقة بيك ... ياسين دفعها برجليه ...وجا هزني خرج بيا ...هي تابعانا كتبكي وشادا فيديه ... هدر مع واحد الممرضة تعيط للبوليس بتهمة محاولة القتل وطلب منها توريه بلاست الإسعافات الأولية ..حاولت تتبعنا ولكن الممرضة شداتهاو عيطات على حرس المستشفى... أما أنا كنت فعالم آخر مانيش هنا حسيت بيها وبقات فيا الصراحة غيتة كذلك مضلومة .. حيت العشق أو الحب ماشي جريمة ..دنبها هي بغاتو ..مع أنها أدات الناس ألي حداها ..ولكن كانت بشتى الوسائل كتحاول توصليه...ستغلاتني فالأول ... كان فنظرها أنها تقدر تخليني نتعاطف معاها إلا عاوداتلي حقيقتها وحقيقة حبها ليه ...ستغلات ضعفي وكرهي ليه فديك اللحضة باش تجرني ليها ولجنبها ونعاونها توصل ليه ..لكن تجري الرياح بما لا تشتهيه السفن ...وقعنا في غرام بعضنا..أحببنا بعضنا رغم كل شيء ..وخسرات للمره الثانية من بعد خسارتها أمام استريلا ...تقهرات تشوفنا مع بعض خصوصاً مين ياسين عتارفلها بصدق مشاعرو ليا ..من تما بدات تخطط لي أنا بنسبة ليها خطر من استريلا ...لعبت لعبتها الماكرة ولكن نسات أن لله فوق كل شيء ..عماها الحب.. فرقات جوج قلوب جوج أجساد كانوا بروح واحدة رغم كل شيء..ولكن الدنيا دوارة والزمان لعاب ..الكدوب عمرو يدوم ...والحقيقة لابد متبان شي نهار أجلاً أم عاجلاً .. صدق من قال ..أن الحب أعمى ..أن العشق نار لكن ما إن يزيد عن حده يحرق كل من حوله ... وهذا ما حصل مع غيتة هوس ..حب للتملك ...حب من طرف واحد .
