حب إجرامي

الحلقة 11

#حب_إجرامي 🔥
#الحلقة_11

حسسسن الجامعي 🔥

محامي مازن / توا احني في المحكمه وين امها ووين بووها وينهم هادوا مش قلتلك ان امها حابستها وقاتلة بوها ووين اختها...!

يارا / خااافت وعرفت ان كشفووها...😨

محامي مازن / خليها توا في قصة مازن ترا احلفي انك مش انتي اللي حرقتي القهوة ومازن فيها واحلفي انك مش انتي قاتلة محترفه وذكية واحلفي ان نيتك صافيه اتجاه بديع وعيلته واحلفي انك ليلة امبارح مخطفتيش الانسسه ورد!

بديع / مصددووووم في عمايل يارا يسأل في رووحه هل فعلا يارا دارت هذه كله مستتحيل يصدق انها تكون مجرمه الا لما قتلت بوها لأن كان دفاع عن النفسس وكان تكلم رح ينحبس معاها...!🔥

القاضي / انسسه يارا تفضلي على المنصة واحلفي انك مدرتيش اي شي مما ذكر الأن...!

يارا /😨اءءءء...أقسم بالله ان مدرتش ولا شي من اللي قاله هذا كله...!
ورد / ت تحلف بالكدب😱...انهااار اغبر عليك
سحر / هذهبنت كدابة تحلف بالكدب يا حضرة القاضي بالله عليك متصدقهاش...!
القاضي / هدووووء هدووء...!
محامي مازن / والبنت اللي قدامك بنت مريضه نفسيا يعني عادي في هلبا ناس بدت تحلف بالكدب وهذه البنت منستغربش منها تحلف بالكدب على خاطر متخشش السجن..!
محامي يارا / هذه الكلام كله خطأ حضرة القاضي الانسة يارا تحب بديع لكن امه وبنت عمته ميبوهاش وكانوا كل مرة يديروا في طريقة للتخلص منها وتوا الاستاد مازن لما تعصب من يارا لانها بدت تاخد فيه معظم الوقت حرق دمه وجي للحوش وهش هجم على يارا...!
القاضي / عندك دليل...!؟
محامي يارا / تفضل هذه سجل الكميرات متع امس كيف هو يعتدي عليها
القاضي / فتح المقطع وشاف كيف مازن يعتدي على يارا وكيف طايح عليها لكن المقطع اللي طيحت فيه مازن مقطوع...!
ورد / المقطع مقصوص حضرة القاضي كله كدب كله ووهم وكدب باش دخله للحبس...!
القاضي / سكوت هدوووء...القرار
كلهم / متوترين وخايفين من القرار وشن رح يصير فيه مازن...!!؟؟؟
القاضي / القرار...بأن يتم سجن المتهم مازن ( .....) مدة الحكم عليه 6 سسنوات مع مراقبة السلوك انتهى🔨...!
سحر / تنهدت وطاحت على الارض وتبكي...وووووك عليا ووك عليا حووشي خرب حووشي فسد حووشي انهد ووك عليا ولدي اني ووك عليا انييي ووووك
ورد / خلاص يا عمتي اهدي بالله عليك وسعي بالك💔
سحر / تبكي وتعيط...وولدي مظلوم اني ولدي مظلوم💔
مازن / لبسوة الكلبشات وهو يتفرج على بديع وامه...يما ديري بالك على روحك
بديع / تلفت على مازن بنضرات حقد وكره...تستاهل هذه عقابك يا كلب...!
مازن / بديع بالله عليك تصدقني اني مظلوم مظلوووم💔
بديع / بعيون معبية كره ....برا درق دجهك من قدامي معاش بنشوف خليقتك اهيا بكل وحتى بعد 6 سنوات معاش نبي نشوفها خليقتك هادي انت من اليوم معاش خوي ولا نعرفك...!
مازن / زاد على ما فيه من داخله انجرح وتكسر ومصدووم من خوه كيف يتكلم عليه خلاص معاش فيه ظهر يسند عليه ولا اخ💔... ربي يسامحك يا خوي بس رح يجي يوم وتقولي سامحني ربي يسامحك💔 بس نبي نقول حاجه...دير بالك على امك هي مريضه خليك معاها ورد بالك على رووحك انت في خطر...!
بديع /بحقد... برا برا بالله عليك خودوه من قدامي..!
ورد / مازن خليك قووي اني رح نسساعدك صدقني رح نساعدك خليك قوي بس تمام...!
مازن / اني عابي على ربي وعليك...ديري بالك على امي وعلى رووحك ورد..!
الشرطي / هيا تحرك قدامي بسسرعه...
سحر / حسسسبي الله ونعم الوكيل فيكم حسبي الله ونعم الوكيل فيكم ررربي ياخد الحق ربي
يارا / مسسحت دموع التماسيح...وبدت تشبح للكل وتشمت فيهم بإبتسامه تخوف 💔
بديع / حبيبتي هيا خليني نوصلك للحوش
يارا / اني اسسفه عمتي سحر بس ولدك هو اللي غلط فيا🥺
سحر /تعصبت... بري درقي وجهك من قدامي برري...!
ورد / بديع استنى انت لازم تعرف ان البنت هذه مريضه نفسيا ورح نثبتلك هذا الشي وانت خليك مجنون في حبها واعمى يا تافه...!
بديع / ششدها من ايدها...اسسمعي رد بالك مرة تانيه تقولي على حبيبتي الكلام هذا البنت هذه تحترميها وغصبن عنك فاهمه ولا مش فاهمه
ورد / خززززي عليك معمري ما شفت راجل زيك عيييل بنت فرررخه تجر فييه لطريق غلط في غلط حسسبي الله ونعم الوكيل في الظالم...!
حنان / هيا يا بنيتي الكلام مع هذه البشر صعب التفاهم هيا خلينا نروحوا هيا سحر هيا قاسم الحقنا للسيارة...!
سحر / عيوونها تاعبات وراسها دايخ...نبي ولدي
حنان / حبيبتي خودي اشربي ميه صحصحي شويه ونوضي بالله عليك...!
مازن / وهو راكب سيارة الشرطة يتفكر في ذكرياته هو وبديع كيف كانوا يمشوا للمدرسة مع بعض وكيف كانوا يمشوا مع بعض للتانوية وكيف كانوا يبصروا على بعض ويضحكوا ويلعبوا مع بعض على كل مووقف يتفكر فيه تنزل دمعه منه ويتحسسر على اليامات اللي كان كل شي طبيعي وبدوون مشاكل💔وكمل طريق كلها يقوول حسبي الله ونعم الوكيل💔....!