انقلاب حياة (روايات ليبيه)

الحلقة 18

لايك قبل ماتقري
#انقلاب_حياة
#الحلقه_18

الكاتبه مرام احمد
Meroo Ahmad

🌺"«قراءة ممتعةة»"🌹

منير: تلمس شعره منهم اقسم بالله نقتلك
عادل:امال اسمع كلامي بالحرف ادير حاجه غلط تندم عليها
منير بستسلام: شن تبي
عادل: نبي نعرف كل شي عنه
منير: من هو
عادل: انت عارف علي من نقصد
منير بخوف: وربي يقتلني انا وياك
عادل: امال اقرا الفاتحه علي عويلك
منير ايحاول مايبن ضعيف: وانت اقرا الفاتحه علي اهلك اولهم بوك
عادل ضحك : تحسابني بنخليهم ليك اهلي
منير: كيف 😱
عادل: ماعنديش وقته نشرحلك ماتخليني اندير حاجه وتندم عليها
منير: افهمني والله مانقدرش نحكي حرف حا انموت
عادل: علاش السر خطير لدرجه
منير: اكثر ما تتصور ماتعرفش خطورة الشخص هذا
عادل: ونا نبي نعرفه
منير: للاسف مانقدرش
عادل: اتبيع اصغارك علي خاطر سر شخص مايستاهلش
منير: لانه السر هذا ينهي حياة اولادي وحياتي
عادل: عندك 24 ساعه لو ماحكيت ترحم علي اولادك وسكر

منير خايف علي اصغاره في نفس الوقت خايف علي روحه عارف خطورة الموضوع
التفت وره شاف 😱😱😱😱
منير يتكلم وايديده يرجفو: طلعو شكوك في مكانهم
الشخص ابتسم: وانا شن قتلك
منير: والحل اصغاري عنده ايهدد فيا بيهم
الشخص: وانا شن بنديرلهم
منير: كيف بنخلي اصغاري بين ايديهم
الشخص: اتكلم اي كلمه علي احساب حياتك وانت تعرفني
منير: واصغاري
الشخص: ليهم الله شن يبو في بو زيك
منير مقهور:بس مش حا انخلي اصغاري ايضيعو مني انا قلبي مش اسود زيك
الشخص ضحك: توا طلعت في النهايه قلبي اسود
منير خاف:انا بنمشي انجيب الصغاري الي بيصير ايصير وفات عنه
.
.
.
.
.
.
.
.
.
.
.
ياسمين: تم درت زي ماقليتي بالحرف
نورسين فرحت:احلفي
ياسمين: والله العظيم
نورسين: توا انتي انتبهي ماتخليش حد ايشك فيك
ياسمين: تمام بنمشي قبل ما اتشوفني العقرب
نورسين: اوك نتكالمو بعدين خلي الوضع يمشي تمام وطمنيني شن ايصير
ياسمين: نبعتلك رساله
نورسين: اوك وسكرت

.
.
.
.
.
.
يوسف سكر من غفران جري بسرعه اتجاه سيارة حاتم
ماخلاش حتي السياره ادرس فتح الباب طول وايديه يرجفو رفع حياه بسرعه خش بيها داخل خلا بابا وحاتم وراه خش يوسف لغرفة الطورائ رفعو منه حياه طلعوهم برا

كلهم امقعمزين قدام الغرفه ومتوترين ايراجو في الدكتور يطلع وصلو ماما واعميمه و معتز
يوسف: فهموني كيف طاحت
ماما تبكي: كنا امقعمزين انهدرزو كبت بلغلط عليها القهوه وانحرقت رقت فوق علي اساس اتغسل واتغير بعدها نسمعو خبطه قويه طلعنا القينها طايحه

يوسف ساكت ويسمع في ماما وموجوع علي حياه ماسك ادموعه قدامهم خايف يضعف 💔 هو مش متحمل شي فيها 💔💔
.
.
.
.
.
.
.
.
.
.
.
.
.
الشخص: انت اختر نهايتك بايدك
منير التفت: انت ماعطيتني اي خيار تاني
الشخص: للاسف ماعنديش خيار تاني واحد الي هو
.
.
.
.
.
.
.
.
.