اخبار القصص

اخبار تحت خط الصفر

مرحبا ،شلونكم غوالي

٢٠٢٠/٩/٢٩

احم احم
انطوني المايك اغرد🤨
راح اكتب هوايه لاتغلسون اقروا للأخير لان راح امتحنكم بي اشوف منو قاريه ومنو لا 🧐

#أولا بالنسبة للقصة بشكل عام هي تختلف عن القصص السابقة (لمريم السعدي) بأنها نقلت عن  طريق رجل
يعني المشاعر تختلف
القصة تختلف
الأسباب والمسببات كلها غير عن ما تنقلها البطله

#ثانياً بهذه القصة نقلت صورة عن جنس بني ادم من نواحي متعدده وأولها نكدر نكول عليها صنف (الانانيه) وبكل ثقة يمان او علي راح يوصلون وجهة نظرهم بلي راح يسوو

#ثالثاً الي ديصير من أحداث هي من ارض الواقع مو جايه من المريخ والراوي لما اختار قصته تنكتب اكيد لهدف والكاتبه لما اختارت القصة اكيد لان بيها اختلاف وأيضاً هدف تحب يوصل للناس ويستفادون منه

#رابعاً وهو الاهم شخصية ( علي) مستغربين من كلامه عن زوجته واعتبرتوا مهين ومو من حقه يتكلم
ناخذها بالعقل بعيداً عن العاطفه

- الي مثل صنف علي موجود بمجتمعنه العربي بشكل عام والعراقي بشكل خاص

- الرجل عنده احاسيس ومشاعير حاله حال المرأة لا بل يمكن هو اكثر خصوصاً المتعوب وماشاف شي بحياته ويجي وقت يحب يرتاح ويرفه عن نفسه وهذا الشي لا الدين ولا المجتمع يوفضه اله بالعكس يكون من جانبه افضل مما يتوجه للحرام

- اغلبكم متزوجات وراح نكتب بالقلم العريض ( السناكل وخروا شويه عيب) لو فتره معينه الرجال ما تلبت طلباته بما يرضي شنو راح يسوي؟؟ ينگلب طنطل ويصير البيت جحيم بسبب غريزته لان تصير من السم يجري بدمه ولازم يتخلص منه
مو تبرير لعلي #ابسلوتلي_نوووو لكن هذا الواقع وبس الي عاشت هذه الحاله راح تعرف

اني من الناس اعترف مع العلم جانت اول سنين زواجي جنت أتمنى ازوجه بيدي بس يعوفني بحالي لان كانت طباعه صعبة جداً فموغريبة ابدا على زوجة علي من تفكر هيج لان المره ( البعض) مو مثل الرجال توصل مرحلة من العمر بعد تحس هذا الشي مو مهم وعيب
وتهمل امور تشوفها بعينها بسيطه وتهتم بأمور اهم واكيد اهم شي بالدنيا هي تربية الأولاد تربية صالحة والبيت المتوفر بي كل مستلزمات الراحه ومتناسيه اهم فقرة انو اكو شخص لازم ماينهمل

هذا الكلام ينطبق ع الرجال الي عدهم استعداد للتغيير ومحتاجين لزوجة تهتم بي هو ثم هو ثم هو ثم البقية

اما مسأله كلامه عن زوجتة كدام يمان وابو
هذا شي طبيعي جداً مو غريب لان مثل ما احنه النسوان نكعد نفصلهم تفصيل حق وباطل الرياجيل مو احسن من عدنه بس اكيد مو اي شخص لان علاقته بيمان وابو علاقة قديمه وبحكم الميانه مثل منكول😌

هجومكم على علي ومها اشوفه زايد عن اللزوم شويه والايام القادمة راح تبين هل راح يصير ارتباط او لا😐